三妹嘜

住喺港島區嘅我 真係好少過九龍區今日要落旺角買鞋任務完成，梗係要搵啲嘢獎勵下自己😋買完鞋都差唔多十點好多想食嘅餐廳都已經收咗工（即係嗰啲靜靜地又坐得舒服嗰啲餐廳）腦海突然出現咗呢一間三妹嘜由於好耐冇黎，加上之前試過兩次諗住食但去到門口都摸門釘今日見星期六，我諗做餐飲嘅冇理由今日唔開門嘅所以就由旺角行到落嚟佐敦嚟到呢個熟悉嘅環境由於我個人比較長情，所以都係叫返平時食嗰啲菜式睇吓佢水準有冇保持得好好泰式鳳爪，唔錯嘅；但係覺得如果加多啲生嘅蒜頭落去會正啲泰式炒椰菜苗，呢個係必叫嘅.因為唔係好多地方有得食椰菜苗，今次唔夠辣，下次叫佢加辣先😋Pad Thai食親泰國嘢都一定要叫，一食就知道間餐廳掂唔掂；呢間唔使講，正！生蝦刺身，唔知點解佢啲蒜頭切到咁細粒，我都係鍾意原塊蒜頭咁食蒜蓉包，應該係配咖喱食嘅！由於都嗌左幾個餸，驚食唔晒所以冇叫咖喱🍛但呢度個蒜蓉包真係一定要食，呢度落牛油同埋落蒜蓉係勁豪爽，麵包兩邊都有焗，好香就咁樣都好好食！…查看更多

大家食泰國菜, 第一句總是說九龍城區啦,九龍城大把選擇. 之前朋友係openrice發現在佐敦有間泰菜好出名,好好食的. 於是我就約埋一班友人,晚上收工時去試一試 這間泰菜餐廳係不接受訂位的, 所以我叫了一位友人先早點到去拿位. 這間小店一家, 位置真的不多,座位又窄,上樓個層既樓底好低           1.酸辣鳳爪:我們叫了小辣 非常入味爽口,酸辣度拾到好處,巧開胃. 不過發現,辣椒放多了一些,如果少一些辣椒來煮,應該會好d       2.燒鰂魚:燒鰂魚燒得剛剛好，收了多餘的水分，又唔會太乾,食落去魚肉鮮嫩又無骨，而且還有一些香茅的味道,友人發現,鰂魚的肚子裏塞滿了香料， 把魚肉添上了香料的鮮味          3. 生菜包: 生菜包味道還算可以 ,豬肉碎有濃香的鮮味，以新鮮生菜加起來一齊，食出了豬肉的鮮味，但又唔會覺得太漏喎         4.蒜容包: 非常一般  以為係法國飽,點知只係用上比較厚的面包而己        5.豬牛雞串燒:同普通串燒無咩分別 但個醬汁好好味!!如果唔點醬汁, 真係唔掂啊,真係要點個醬汁食, 因為d串燒係冇咩味!!         6.冬陰公:睇落好似好希,其實好夠味同埋都幾辣, 還有加了大量海鮮呢         7.飛天通菜:過份濃味同埋都幾辣         8.生蝦:好新鮮好甜,但係份量少左d囉.         9.泰式炒椰菜苗:好夠辣好入味,最辣係這個. 同埋椰菜老左少少.          10.龍眼冰/珍多冰/椰青:三種飲品都非常一流,可以試飲哂. …查看更多

小妹每月最少光顧三次嘅食店，都介紹吓俾其他食家啦！Appetizer必食 "泰式鳳爪" ，小妹同同事(四人行)次次都叫兩碟，不過唔係好辣得嘅就記得話要 少辣 喇！咬吓幾串串燒後就例牌食佢個咖哩豬/雞(有紅，黃，青咖哩選擇)，唔好要白飯喇！因為佢哋個厚切蒜蓉包配咖哩先至係天生一對！(唉呀…唔記得影相)然後就要食吓唔辣嘅 "泰式炒椰菜苗" 清清腸胃(我哋四人行又嗌兩碟，太好味，七十幾蚊一碟咋)！食家們都應該知道椰菜苗唔係四處食到，街市又好難買到，兼且自己喺屋企煮邊喥煮到咁夠穫氣吖！嗰日我哋試咗個一佰八十幾蚊嘅泰式炸軟殼蟹，真係麻麻地。太多伴碟睇落好似好大碟，其實得一隻蟹斬件，味道冇乜特別有啲失望…雖則個蟹令我哋扣咗佢少少分，但係員工服務態度良好，冇加一服務費，我哋都有俾返少少tips佢哋㗎！…查看更多