666泰船麵 (德輔道西)

今晚又去飯堂食泰國菜🇹🇭，成條街最有特色嘅店鋪裝潢666因為我地未到飯點就食晚飯，所以唔使排隊，入到去又係我中意嘅懷舊風，因為唔多人所以坐得都舒服，平時食飯時間多人就坐得逼d今晚叫左海南雞飯，豬肉船金邊粉，炸蝦餅海南雞飯：油飯充滿雞油嘅香味，雞油嫩滑，加埋秘製海南雞醬，惹味！每次必點之選豬肉船金邊粉：入面有好多餸（豬肉片，超有水準嘅豬肉丸，爽口嘅豬肚，好好味嘅炸豬皮，蘿蔔，通菜……）湯底用左藥材➕豬血熬製，金邊粉吸曬d湯，回味無窮炸蝦餅：香脆彈牙，有蝦味點泰式辣醬食，正吖！！666，真係泰國菜平靚正之選，性價比👍👍…查看更多

疫情下外賣變成大家既日常，好食既堂食同好食既外賣又真係好唔同勞蘇食就轉轉個外賣mode做個[疫流外賣點評] ，疫市之中搵下生活快樂點子666泰船麵係外賣平台，快到，order既時候hang左一次，舖頭即刻打俾我，confirm左啲單再即刻送過嚟好好服務泰式海南雞飯，雞係切到細細舊個隻，個油飯非常香，幾好味個海南雞醬唔辣，少少甜，配埋一口雞同飯，相當正係一個好高質既海南雞飯，外賣完全無影響質素泰式手工蝦餅，都仲脆，唔厚皮，好濃厚蝦肉，幾好食泰式腐乳通菜就真係無特別既麵舖腐乳通菜咁冬蔭功湯配炸魚皮，幾有創意嘅菜式，炸魚皮仲好脆，浸熱既冬蔭功湯之後真係幾惹味比打邊爐食更正，仲可以飲下冬蔭功，唔太辣，幾好味牛肉船金邊粉，相當大碗，超級香牛肉湯底超超濃，大讚好正既湯底好味，濃牛味但唔頸渴，好正，幼金邊粉配湯都好正牛肉船包括肥牛、牛腩同牛丸，肥牛牛腩正常，最驚喜係牛丸，細細粒但口感嫩滑又幾牛整體黎講係一個好正既外賣選擇，價錢都唔算貴，湯粉船麵非常推介仲有好多選擇，如果近既自取就更抵#佢既泰式奶茶好似港式奶茶#改良版fushion港泰菜…查看更多

🥚🥚🐷《泰式船面愛好者系列》性價比無敵 西環平價體驗泰式風味✨性價比：9/10🍳食物：8/10 🌏環境：N/A🕺🏻服務：N/A💰是次消費：人均$80 (另外賣app $20運費 及 滿$80有9折)#蛋蛋豬 🏝地點分類: #蛋蛋豬在上環 🍰食物分類: #蛋蛋豬吃泰菜————————船面愛好者連跟媽媽叫外賣都要試食船面！今次用外賣app光顧在西環的666泰船麵，連店名都改船麵，猜想水準一定不差，而且平均每個麵～$50，一試無妨。 泰式扎肉雞絲金邊粉 ($55)湯底嚐得出藥材味，湯濃但未有想飲湯的衝動，普通的金邊粉，加上少許通菜和雞絲，雞絲口感一般，值得一讚的是扎肉，一碗大約有5-6個半塊，胡椒味重，沒有粒粒。本來以為$55會是下午茶size，結果份量剛好，是正常大小，幾抵食。外賣盒有分湯，但運送期間無法避免炸豬皮已變淋。泰式海南雞飯 ($58)油飯量正常，粒粒分明，有些人可能會嫌飯太硬，但對我們來說可接受。海南雞啖啖肉，嫰滑到媽媽直頭不小心滑落肚，不會黏牙，而且店家把雞切成細細條容易入口，最好配合水門醬一起食用。泰式手工炸蝦餅 ($46)令人滿意，不知是否因為手工製作，蝦肉十分彈牙，一盒5件，底下有吸油紙，入口不油，溫度保持得到。自家製泰式凍奶茶 ($20)明知道泰式奶茶出名甜，這家奶茶對於重口味人士的我，覺得甜度可接受，但媽媽就覺得太甜難飲，奶味較重。總結，$55一碗性價比高，口味貼近泰式船面，作為入門是好推介，但進階愛好者可以參考《船面系列》其他湯底更濃、材料更精的餐廳。666泰船麵 (𝟼𝟼𝟼 ʙᴏᴀᴛ ɴᴏᴏᴅʟᴇ)🚦西環石塘咀德輔道西366號中亞大樓地舖(香港大學站 B1 出口, 步行約4分鐘)🕰營業時間：12:00 - 22:00…查看更多

👁‍🗨 泰式海南雞飯💲28下午茶時間係西環想食少少野頂肚，見呢間既粉麵飯都細細碗，簡直岩曬我心水☺️第一次黎，決定試左個海南雞飯先，雞皮脂肪唔算多，雞既肉質唔鞋口，油飯唔會淡而無味，配埋個我幾鍾意既芫茜酸辣醬，話曬都係二十八蚊，咁既質素我收貨呀😍唯獨係個飯濕左啲，感覺如果係乾身少少更好🤔呢個份量做茶點岩岩好，但係如果午飯晚飯去就應該要叫多碗或者額外叫小食先夠飽啦🤗🔛 整體評分（7/10）…查看更多

肚餓搵嘢食，來到西環666泰船麵，叫咗個大家常食架“泰式海南雞飯”，價錢適中細碗$28，加多$5有嘢飲。大概等咗2分鐘d嘢食就上臺啦，都幾快。當我見到個“泰式海南雞飯”時，哇，好正宗喔！海南雞飯的雞肉最緊要夠嫩滑，應該有用鹽麴醃一下，所以肉沒有腥味，而雞肉更滑，油飯，是海南雞飯的神髓，那股撲鼻而來，飽滿、難言的油潤芳菲，真是怡神開胃，醬料也是主要的，酸甜味濃，說不盡的滋。宜家真係好難食到好味的泰式海南雞飯，雖然有好多專門店，但水準不能保持穩定，對於對食物有要求的朋友很是失望。好在搵到還有幾間好嘢✌。…查看更多

我12:30pm 去到，但太約12:40pm 先入到去。泰式海南雞飯 $25: 個飯好香，但偏淋。啲雞幾滑，這個價錢好值。.花膠椰子燉雞湯 $25: 個湯好清，淡淡的雞味。.泰式碗仔翅 $20: 湯底好濃好惹味，加入了大塊嘅冬菇厚片，令到碗仔翅口感好豐富。.泰式炸蝦餅 $30: 即炸，好脆身，入面好熱，唔會太油膩，蝦肉好彈牙。我鐘意點埋雞飯個醬， 更能帶出蝦嘅鮮味。.遊泰國 （豬肉船麵）$20: 金邊粉彈牙有口感。湯頭濃郁但唔係太厚太鹹。.泰式奶茶 $20: 成餐飯都好好，但個奶茶真係，無茶味，唔似奶茶。.整體佢雖然係細碗啲，但兩個人咁叫都夠飽。咁嘅價錢幾低食。…查看更多