船皇 (厚福街)

｛泰國｝厚福街好口福船麵平常厚福街總是人來人往，上至樓上舖，下至地舖都十分擁擠。是晚有些事要辦，於是放工後立即來個早晚餐(early dinner)。六時的店來位置算多，吃著吃著已經愈來愈多人。兩個人吃晚餐，叫了一個船皇湯麵、船皇撈麵、通菜和泰式奶茶。奶茶到來，我們驚訝竟然用碗裝上，夠特別。味道來說，我認為冰一點較好，一如泰式奶茶般偏甜，但已經比較沒怎甜。通菜入味、應爽脆的通空莖部爽脆而沒有草青味，我最怕吃通菜未煮好有一陣草青味。通菜葉掛滿醬汁，卻不會太死咸。船皇湯麵和撈麵配料相同，看似不多但絕對飽。同行者說滷水雞翼好吃，我說今天不想吃雞翼，他著我一定要吃一口才轉讓給他。我從未在香港吃過船麵，但此兩碗的樣貌和味道都令我想起坐在木椅上，一邊看著曼谷近郊的水上市場，一邊吃那碗船麵。要在食肆食林立的厚福街圪立不倒不易，未來再見。…查看更多

第一次食船麵🤪以為會好難接受，點知味道特別，令人一試難忘。落單揀咗船皇湯金邊粉加$1轉和牛，每樣餸都有少少咁，自己覺得豬肉同豬肉丸味道不錯，和牛份量算多，食落去同個面幾夾，鍾意食牛嘅建議可以嗌重量級和牛，都只係加$5！一開頭嗌串燒仲以為可以豬牛雞三拼，點知只可以散叫，個人覺得豬雞肉質比較好，味道上幾乎一樣，沙嗲味不算太濃，揀其中一樣嗌就可以了～雞翼中規中矩泰式奶茶必叫😍本身自己就好鐘意飲泰奶，覺得同港式奶茶同珍奶味道好唔同，不過未試過有餐廳用呢種器皿裝奶茶😂幾特別但有少少唔方便…查看更多

咁啱出尖沙咀毒食 又冇乜興趣食飯 就去試試船粉啦😋🤤招牌船皇湯麵🤤 ($58)嗌左米粉 比平時嘅再幼d麵質同個湯好夾🥰但係飲多2啖有d口渴 好大碗加勁多料 個人鐘意佢個牛多過其他餸 牛味好重😍之後係腩肉>雞翼>雞絲 下次食會加5蚊食淨和牛~👖褲評: 8/10🤤泰式奶茶🤤(午市+$8)個杯成個碗咁好搞笑😂d pattern都好有泰國feel🤓佢fix左係冇冰☺️茶香加煉奶係幾好飲😆👖褲評: 8.2/10服務麻麻地我舉極手都冇人應🥺不過幾抵嘅~平平地又大份👏🔔小tips: 女仔一定要叫少麵！我淨左半個麵都好飽😂…查看更多

星期六尖咀間間餐廳都要排隊好彩有人幫我攞定位先朋友叫嘅牛肉金邊粉雜錦湯河 乜都有D咁D料就不過不失 反而想focus下係個湯底到呢間D湯粉麵同平時食開嘅唔同佢係無冬陰功湯底揀反而只有正宗船麵嘅黑色湯底原來係正宗係用豬再加牛血淆嘅但係我又食唔到腥味佢都幾濃郁 但又唔會誇張到好似日式豬骨湯果隻槳住你易入口配反佢隻一片片嘅河粉 對香港人黎講係幾特別嘅嘗試的確好似去左泰國食船麵咁 (不過泰國果D好細碗)呢杯凍泰式奶茶就有待進步對我黎講甜左D 令到泰茶味道無咁突出但用鐵碗上加上無冰 (應該係放雪櫃雪) 誠意撘救總括黎講值得一試!…查看更多

尖沙咀厚福街出名多嘢食，食完晚飯就順便去行下街~呢度主打泰式船麵，串燒選擇都幾多，啱晒我呢啲鍾意食唔同嘢食嘅人~船皇湯麵~湯底味道幾特別，加入不同香料令整體味道提升，但味道不會過於濃烈，調味啱啱好，最喜愛有唔同嘅配料，豬肉牛肉雞肉應有盡有~雞翼雞絲撈麵~第一次食撈金邊粉，金邊粉彈牙，而且吸收晒啲汁味道濃郁，雞絲腌得啱啱好，帶有少許酸甜味，夠醒胃~雞翼都隻隻飽滿，食落juicy~魚餅，泰式肉丸，魷魚，牛舌串燒~串燒可以選擇唔同醬汁，但每份都燒得啱啱好，肉質不會過韌，十分惹味~泰式奶茶~味道比較港式奶茶稍為甜，但飲落尚算幼滑，奶味香濃，用黎盛載嘅杯都好有泰式風味~…查看更多

星期六同朋友睇完戲，又行左去厚福街搵野食。其實條街都幾多唔同既野食選擇，有魚生飯，米線，西餐，泰國野，茶餐廳等等。因為頗長一段時間都無食泰國野啦，所以就去左船皇食泰式粉麵。佢選擇都幾多下，有唔同配搭既粉麵，串燒，小食同泰式飲品。因為見佢而家有個升級和牛既優惠，所以我地叫左一個船皇湯麵升級和牛，同埋一啲小食share。船皇湯麵我地揀左河粉同升級淨和牛。河粉大大塊，唔係平時食開一條條好整齊個啲，厚身又軟滑，不過有少少難夾起身。湯底好濃，平時我食泰式湯麵都鐘意自己再落醋或者其他調味料，但呢個本身就好夠味，正！和牛方面相對失色左少少，雖然佢本身都好軟滑，唔會起渣，但因為湯底濃味既關係，其實唔係太食到佢牛肉既香味。串燒牛舌燒得剛剛好，而且又係厚切，口感十分好，又香口，又彈牙。泰妹雞翼炸得好香脆，雞肉都仲係幾嫩滑。切開左單骨一條咁樣，比較容易進食。秘醬通菜係後加既，因為落單之後突然見到佢牆面有呢個菜，就馬上加左～我本身已經好鐘意食通菜，佢既醬好似有啲蒜蓉，柑橘類既果汁之類，仲有啲魚露，十分開胃又惹味！飲品方面，我地叫左一個凍泰式奶茶，同埋凍柚子檸檬梳打。呢間餐廳比較特別，係用碗上，而且凍奶茶係唔會有冰。奶茶幾好飲，唔會話真係太甜，不過茶味可以再重少少。柚子檸檬梳打都唔錯，因為柚子落左好多，所以都夠味。不過相對黎講就唔算太特別，要飲泰式飲品既話都係建議叫番泰式奶茶～～～…查看更多