築地日本料理 (金百利廣場)

營業中

休息中

2月舊同事又飛返來港，4人又再聚下，就腳都係銅記食飯，今次食日本料理，Thanks友人book位。小小的店子，空間狹窄有點壓迫感，坐位都幾擠迫，好在4人係坐卡位比較闊舒服點。餐牌，揀了精選二人前及特上二人前。精選二人前，$298 :蟹子沙律，份量十足，清新爽口。串燒拼盤，菠蘿、雞柳及雞中翼，正常水準。日本芝士年糕，一開二咁縮皮，口感煙韌芝士餡多。泡菜黑豚肉石鍋飯，熱騰騰的鍋飯，黑豚肉口感鬆化，正常水準。牛肉野菜壽喜燒，蔬菜份量多，牛肉片份量適中，同有豆腐及温泉蛋，味道鹹甜平衡，因為當日好凍之下食覺得幾好味。特上二人前，$498 :三品盛合，魷魚軟骨、中華沙律及海瓜子。松葉蟹肉香芒蟹籽沙律，有芒果及蟹肉，清新開胃。特上2人櫻盛合，煙霧迷漫恍如仙境好夢幻，刺身唔算好肥美，尚算新鮮，海膽鮮甜。鐵板牛小排，肉質軟嫩，味道不俗。蕃薯蝦天婦羅，脆口不油膩。黑椒和牛粒飯，和牛粒份量多，香口惹味。清酒，熱的，好暖身。綠茶雪糕，淡淡的綠茶味，有甜品食好滿足。食物上有種似放題之感，味道正常水準，價格合理。

同友人到cwb相聚放鬆一下。搵到呢間同區價錢相對相宜嘅日式餐廳。一入門餐廳有信封提供。方便客人處理口罩。每枱都有一支餐具消毒噴霧。可見餐廳細心之處。menu好多選擇。同時有2人餐方便唔駛諗。不過友人要戒口。都係散叫方便啲。menu入面冇2人餐個泡菜黑豚肉石鍋飯。侍應好樂意咁幫忙。最後成功叫到。黑豚肉爽滑。調味得宜。加上少少飯焦香。配上份量足嘅泡菜。同友人都覺得味道十分出色。蒲燒鰻魚飯。雖然相對石鍋飯比較普通。但鰻魚厚身份量足。蒲燒汁十分惹味。芝士玉子燒。上枱時熱辣辣。一切開芝士即時流出。同時見到一層層蛋皮。甜而不膩。絕不馬虎。番薯南瓜天婦羅。天婦羅皮薄不油膩。南瓜甜度高。番薯口感相對厚實。侍應服務周到。盡量協助食客。更不時主動加茶及清理枱面。值得一讚

📌而家有好多食肆都藏身於旺區嘅商業大廈中，從而節省成本。呢度都唔例外，位於銅鑼灣金百利。其實食物好食，都唔介意排一陣隊等𨋢嘅！.一坐低，friendly店員即時奉上口罩袋😷，比你袋起個口罩，又提醒枱面有消毒噴霧，好窩心呀😍.打開餐牌，見有《精選二人前》$298，啲嘢又啱食，即時order啦。對於我呢D🈶️選擇困難症嘅，套餐真係幫到手！👍👉鹽🧂燒鯖魚🐟～ 即燒魚皮脆卜卜，肉厚多汁，點埋個汁啱啱好👏👉黑蒜🧄油豬🐷軟骨拉麵🍜～嘩😍一上枱蒜香樸鼻👃，湯頭睇都知係濃郁版，🈶️2⃣️大舊肥瘦稱均，仲要入晒味嘅豬軟骨⋯麵質爽口Q彈，濃厚湯底掛麵，做得比一啲拉麵店出色😉👉泡菜黑豚肉石鍋飯 ～ 大堆頭石鍋飯加上韓式辣醬拌勻，爽脆木耳絲，厚切黑豚肉，淡淡泡菜微辣滲入飯中，唔好漏咗鍋底嘅飯焦呀！連甜品都好好味😋，唔會過甜，正👏👏👏

同朋友相約在銅鑼灣聚舊，友人鍾意食日本料理便揀左這間在金百利廣場內的築地覓食😋即時係平日晚市這裏還是有不少人在等位，看來人氣不錯🤪兩個人要左個精選二人前包沙律小食主菜甜品同飲品都只係$268，認真抵食🤩先上黎既蟹籽沙律鋪上滿滿蟹籽同蟹柳，撈埋沙律醬絕對是簡單但滋味既經典沙律之選😎蟹籽堆到超高😋小食我地揀咗板燒香蒜牛舌。牛舌燒得岩岩好，唔老唔硬易咀嚼，配上偏甜嘅燒汁都唔錯😋兩個主菜我地其中一個叫左牛肉壽喜燒，雖然影相賣相好似唔係幾好咁🤪但係味道絕對搭夠番😚壽喜燒汁唔會太濃太甜，牛肉配上溫泉蛋的蛋汁，夠曬正😉壽喜燒仲配有大量蔬菜菇菌同滑豆腐👍🏻而另一個主菜我地就叫左泡菜黑豚肉石鍋飯，這個一吃有驚喜🤪黑豚肉是豬頸肉和腩肉部位，肉質彈牙富油脂香，將泡菜同白飯拌勻，每一口都超惹味😚最後上的甜品是北海道牛乳布丁🍮布丁嫩滑超重牛奶味，食完真係超飽🤪吃完甜品在喝著跟餐的飲料聊天，和友人在築地過了一個相當滿意的晚上😚特別要讚嘅係餐廳冇一次上晒所有食物，晚市人多都冇趕我地走，而係前菜、小食同兩類主菜都分開上，令我地可以慢慢品嚐😋總體來說就是一間性價比高的日式餐廳😎