漢城美食

營業中

休息中

漢城美食話到明俾你知係美食，聽到都要黎試下啦！三個女仔食韓國野飲下燒酒，咁樣又一晚啦～餐廳以紅白色為主調，座位闊落四四方方，不足之處就係離地鐵站有啲遠我哋嗌咗個泡菜炒飯、泡菜餅、芝士炒年糕、香辣海鮮湯麵同埋菠蘿燒酒🥗一開始上左幾碟泡菜，有朋友覺得唔夠鹹同唔夠辣🍛泡菜炒飯飯粒分明，泡菜分量足夠唔會得幾塊，整穿太陽蛋個蛋黃再撈飯就更加好食！不過真係好普通冇其他餸🍕泡菜餅略嫌太厚，應該再整薄個餅，咁會更加香脆。同時間個餅太厚，令到個味都唔足夠，分唔均。同埋有啲位都煎得太焦🍲芝士炒年糕嘅年糕夠晒煙韌，芝士作為呢樣餸嘅名，份量可以再多啲。個味道夠辣夠味，什至攞嚟撈泡菜飯都得🥘香辣海鮮湯麵個湯都好鍾意，比芝士炒年糕個湯更辣！裏面啲海鮮就好普通，完全冇鮮味，麵質亦可以更加煙韌，但都好掛湯，條條都吸晒湯嘅味🍍菠蘿燒酒都甜甜地，不過酒味都幾重，唔可以當一般果酒黎飲，入面配有幾個菠蘿，每塊菠蘿都吸晒啲酒味好特別韓國食物來講係比較普通，味道唔出色，似係平時係屋企用即食包裝都煮到既，唔會推薦比大家食～

漢城紙菜飯捲: 佢個名真係叫「紙」菜。味道淡淡地，帶少少芝麻香味。中間就有啲雞蛋、紅蘿蔔、醃黃蘿蔔、午餐肉等。食完壽司再食埋呢個泡菜餅都已經飽飽地~~~泡菜餅食落少少辣，旁邊有個芝麻醬油可以點。餅皮都夠脆，特別係個餅邊，但入面泡菜既份量我覺得少左啲！最後呢個海鮮炒年糕，第一下食都未有太大感覺，但跟住就黎料喇！好辣呀！啲年糕仲要索左啲汁，辣到飛起！配料就有青口、蝦、雞蛋同菜絲等，年糕都夠彈牙。而食食下發現點頭先薄餅個芝麻醬油會冇咁辣，怕辣但又想食既朋友可以點多少少醬油。整體黎講個未算有太大驚喜，但都不失為同朋友食飯聚舊傾偈既好地方。

其實韓食幾條街，要食暈咁多間都有難度。冇乜心水下揀左呢間，首先有幾點我地係坐低左先慢慢開始討論：🔻罕有地冇韓妹或者oppa同我地講"annyeonghaseyo"🔻店員睇起上黎係菲律賓/印尼/泰國藉🔻呢度係冇韓國餐廳必備嘅扮哂野鐵筷子，用嘅係普通膠筷，配合埋裝修有多少茶餐廳風漢城紫菜飯卷 $48紫菜飯卷都好難整得唔好食…呢個又乾又實，最重要係冇味。泡菜餅 $73有點發左水嘅狀態，厚粉，唔脆。泡菜味薄弱，可能都知道，所以附上醬油，就好食啲。LA牛肋骨 $128完全fail…仲要咁嘅價錢，完會後悔！呢份牛肋骨係熟到韌。純豆腐海鮮湯 $89呢個我覺得係最正常嘅，仲配上白飯，包你飽飽！海鮮湯辣度啱啱好，豆腐滑，海鮮主要就係手指甲大小嘅蜆仔肉。如果你食過朗豪坊food court嘅韓國野，呢個豆腐湯係好相似嘅（雖然人地好係係60蚊內）原味炸雞（半隻）$79甜辣雞翼 $78本來覺得上面喺野唔掂都算，我地主力想食炸雞。點知炸雞都唔掂。伏。原味炸雞等如冇味炸雞，唯一係雞皮都係脆，但肉質乾柴，半隻要成80蚊，已經係講緊貴架喇！我覺得KFC都仲好食過佢。甜辣味道主要似以甜為主，不過唔太啱我口味，而且份量好

男朋友想食炸雞,所以我地就開始左搵炸雞之行啦,搵炸雞食...但係我地又無咩經驗, 上網見到有李家,但係又唔知係邊, (食完先知原來係格黎)哈哈, 最後我地選左呢間漢城美食,漢城美食係我之前兩年前食過, 係朋友推介,所以今次我介紹返我男朋友食^^漢城美食, 「首爾」的舊名係「漢城」,諗諗下,首爾呢個名改左之後南韓成個旅遊風氣同電視綜藝都再上左一層樓啊! 今次食韓國菜更令我非常開心..哈哈因為我都幾鍾意日韓文化架...呢間漢城美食鋪頭都幾大,可以坐到好多人,用簡單既木檯木椅等等, 都幾似食堂。睇下餐牌, 餐牌用中英韓組成,可能有D眼花,不過都幾得意,圖文清晰,唔識韓文都可以用中英文落單落單係用張紙寫底,唔使講野,可能睇下張相先決定食咩架!韓國店員就唔係太見到有...我地叫左甜味炸雞半隻炸得都幾香,不過我覺得可以炸得再熱小小,甜味初食有點過甜,但愈食愈入口,想食。其實都想食原味,但係又怕唔夠特別我地仲叫左泡菜餅,真係推介泡菜餅,辣辣地泡菜味道,幾好,想食完再食,十足係韓國PIZZA(中國蔥油餅+泡菜味)我地仲叫左韓式炒辣年糕, 煙煙UNUN,我鍾意食除左主食之外,有酸蘿蔔同配菜食,食落有D酸

尖沙咀 近期大熱的當然是韓國料理!<來自星星的你> 播完後, 相信很多人都對炸雞, 啤酒, 甚至是韓國料理都是首選早前跟大顆兒到漢城美食~!覺得這家漢城美食沒有以前那麼到位, 像在吃快餐蒸泡菜餃子 $50$50 才6件, 實在很貴呢! 質素尚可.餃子皮是很薄, 中間放有少許泡菜, 味道算不錯每一件餃子都不粘碟, 很乾身, 沒有多餘的水份~韓式石頭飯 $79賣相不討好, 幸好是蔬菜都很新鮮, 也是夠熱的上座所以拌起來吃的時候, 覺得蠻好吃呢~ 有少許的飯焦泡菜餅 $50最愛!!足料的泡菜餅, 喜歡吃辣的都不覺得太辣.非常香口的泡菜餅~ 只是覺得還可以多點泡菜~ 一定會更美味