韓屋

營業中

休息中

【🏠Hanook韓屋｜健康韓國口味🇰🇷】餐廳近門口位置有閃光豬仔，好易認^前菜韓式辣蘿蔔.^人蔘雞湯廚師心機之作，用上數小時燉製，雞肉很滑，雞身內有糯米、栗子等材料，最欣賞係連雞骨都燉到全軟，真係可以「骨都食埋」，湯清甜，人蔘及藥材味較清，紅棗甜味帶出一陣滋補氣息。.^原味石鍋伴飯Bibimbap一向俾人感覺是飯焦和熱氣，今次這裡嘅bibimbap給我一份清新自然健康感覺，新鮮蔬食加上麻油，用上白米及紅米，辣椒醬味都相當溫和，整體上很平和健康。.^泡菜餃子王有個蒸籠仔原隻蒸，幾得意😎.^韓國米酒用返傳統韓國銅碗，韓味濃！夠氣氛！🐾韓屋 📍尖沙咀金巴利道69-71A號美園大廈地舖#香港 #尖沙咀 #韓國餐廳 #韓屋 #人蔘雞好味

餐廳播放住一首首嘅韓國歌，店員亦都好友善~ 🍲炒豬肉石鍋芝士拌飯 $138熱辣辣嘅石鍋飯，配菜有芝士、紅蘿蔔絲、豬肉片、腐皮、菇、紫菜等。攪拌後，芝士會有拉絲效果，食落去真係好好味！飯粒係紫色嘅，底部有香脆嘅飯焦，口感層次豐富。🍛炒豬肉拌飯 $118同石頭鍋飯嘅配料一樣，不過無芝士同埋唔喺石頭鍋上。飯粒都係紫色嘅，咬落去煙煙靭靭，味道亦相當唔錯。🥟帝皇蟹膏蟹肉煎餃子 $88有五隻煎餃，外皮香脆，餡料豐富，蟹膏嘅味道非常鮮美~🫓泡菜餃子王 $18用迷你蒸籠新鮮出爐嘅大大隻蒸餃，裡面有滿滿嘅泡菜，熱辣辣，好開胃。

尖沙咀一向都係韓國餐癮廳集中地。韓式鍋物餐廳韓屋人氣十足，主打各式滋補養生韓式燉湯。除左傳統蔘雞湯外，亦有排骨湯、豬肉湯、血腸湯、牛骨湯及雪濃湯等，亦可追加紅米飯及素麵，食得夠飽又養生!! 🔥- 原味石鍋芝士拌飯 HK$118 🧀🍚韓國經典拌飯。將紅米飯及各種蔬菜加入大量芝士拌勻，芝士香氣十足超拉絲!!- 雪濃湯 HK$148 🐮長時間燉煮將牛骨及精肉精華完美融合，香氣濃郁又甘香，泡飯食一流!!- 泡菜餃子王 HK$18 🥟🌶️超可愛大餃子!!餃子餡料非常鬆軟，香辣泡菜惹味!!蒸餃子皮充滿彈性!!- 煎醬牛小排餃子 HK$88 🥟🐮有驚喜!!將鬆軟牛小排用韓式甜燒烤醬醃製，餃子充滿牛小排香甜，超好食!!

呢間由韓國廚師主理嘅家常菜餐廳嚟過好幾次👩🏻‍🍳主打多款零味精韓式住家養生熱湯🍲仲有特色芝士石鍋拌飯同十多款煎餃同蒸餃✨.📌韓式前菜 $free醃白蘿蔔口感爽脆 味道偏鹹辣 食落有啲蘿蔔辛辣味 得一款 有啲普通🌶️.📌薯仔豬排骨湯 $168喺韓國被視為解酒後宿醉嘅醒酒湯 亦大受香港人喜愛🍻兩大舊豬骨燉到輕輕一剝就骨肉分離 肉質軟腍入味唔乾柴 骨頭一咬就碎 仲帶點嫩滑甘香脂肪層🍖薯仔唔係主角 得兩舊 偏爽口唔腍🥔湯底味道濃郁但唔重口味 加上好多蔬菜配料 飲落好清新🍲追加左素麵(+$25) 吸滿湯底精華 口感滑捋捋又彈牙 成個湯都飲晒🍜.📌原味石鍋芝士拌飯 $118超推介芝士石鍋飯‼️配料有菠菜, 紅蘿蔔, 大豆芽, 翠玉瓜, 紫菜, 魚糕條同蘑菇 好豐富🥬🥕🌱🥒🍥🍄‍🟫最特別係有拉絲芝士 軟綿綿又帶點鹹香奶味🧀用左紫米飯底 更健康仲增添煙韌咬口💜飯粒濕潤度剛好 仲有香脆飯焦添🔥.📌餃子王 $18招牌餃子王用蒸籠仔裝住 真係超可愛 啱晒打卡📸️餃子皮薄煙韌 豬肉餡鬆軟綿滑 仲有啲爽滑粉絲同清香韮菜🐷味道較清淡 感覺健康輕盈🌱.📌泡菜餃子王 $16內餡同餃子王一樣 不過多咗泡菜 酸酸辣辣又爽脆 惹

呢一晚同朋友食飯 朋友建議去食韓國餐🇰🇷我地就揀左位於尖沙咀既 韓屋📍-這家都係位於尖沙咀的韓國街小店💡食物方面，這間主要是湯飯同餃子為主🥣🥟我地點了牛排骨湯 加配韓國紅米飯🍚好暖胃呀! 同埋味精唔會好重，好順口✔️入面除左肉仲有少少粉絲，建議加紅米飯就會飽D😆-餃子方面，我地都點了幾款好試首先點左醬牛小排餃子（5隻）有紮實的餡料，食得出有牛肉，唔錯不過價錢就偏貴❗️-另外，我地再點左好大隻既餃子王同泡菜餃子王🥟呢個係巨大隻餃子，味道正常 就真係好大隻'-飲品我地點左韓國蜜桃梳打同韓國果肉果汁（蜜桃）🍑正常發揮!-唔錯既韓國小店，價錢合理不過環境同空間的確比較少⚠️呢點要留意‼️

🥟🇰🇷🍲定價過高韓國菜▫️設加一▫️前菜只有一小碟泡菜蘿蔔🆗餃子王 / 泡菜餃子王 - $18@1餃子雖然比平時食嗰啲大隻，但係都唔算係超級大。用迷你蒸籠一粒一籠甘上，係幾好睇。雖然都足料，但價錢黎講都幾貴，加埋一要20幾蚊一隻餃子。原味就是韭菜餃，泡菜味較辣較香口。🆗牛膝骨湯 -$148飯同麵都要加錢，所以冇叫了。湯應該冇味精，飲完夜晚唔會口渴。牛筋煮得好腍，似係淆左好耐，除了幾件牛筋，就只有一堆葱，性價比吾太高。🆗帝皇蟹膏蟹肉煎餃子 - $88/5隻🆗醬牛小排蒸餃子 - $88/5隻叫咗一款蒸餃一款煎餃，兩款都唔平，連埋加一差唔多要$20@，但係餃子唔大隻，同普通港式餃子店$4隻嘅差唔多，煎餃子個皮幾脆，入面嘅肉整到好碎，一pat野甘，有味但冇咩口感，其實都幾似超市買一袋嗰啲韓式餃子。🥢吾係難食，但性價比低，呢間嘢應該冇下次

依間韓國餐廳廚師係韓國人，所以食物主要都係平時韓國人常吃的家常菜，而且標榜係冇落味精🙈🙈講到咁梗係要試吓啦餃子湯 $148 推薦指數🗯️：🌟🌟🌟🌟有五隻飽滿大隻的餃子，每一隻都超級足料，不過皮就厚咗少少，但係可以接受的程度；湯底一開始飲落去比較清淡，慢慢紫菜嘅味道滲出，會變濃味啲，但絕對唔係鹹係大人小朋友都會鍾意嘅味道，而且能配飯（+$20）還是素麵（+$25）都好適合，或者就咁食都已經好滿足雪濃湯 $148 推薦指數🗯️：🌟🌟🌟🌟聞落好普通，但一飲落就發現，個湯全部都係精華，牛肉味超濃！而且係清甜那種，就算一下子飲完都唔會需要飲水嗰種；湯入面嘅牛肉食落都好嫰，最重要嘅係一定要泡飯一齊食！等行吸收晒湯再食，真係超級滿足🤤泡菜餃子王 $18（隻） 推薦指數🗯️：🌟🌟🌟🌟份量的確比普通餃子大隻好多，而且個皮薄皮好多，但係唔知係咪我放耐咗先食，所以個皮有點乾，但係餡料豐富，而且泡菜味辣辣哋好惹味，所以整體都不錯✨整體來講，湯應該真係冇落味精去烹製，因為我食完冇飲水都唔覺口乾，價錢收費都算合適，可以一試

.韓屋Hanook 今日放工去左出名多韓國餐廳嘅金巴利道!!🇰🇷見到一間粉紅色嘅韓國餐廳🍴，牆上韓文寫住「吃美味嘅食物係0 kcal」🤩咁呢間一定係食極都唔會肥嘅餐廳😌………* BIBIMBAP醬炒牛肉拌飯（$118）* 泡茶餃子王（$18）🥇*石頭芝士豬肉拌飯（$138)*煎蟹肉蟹膏餃子🥟（$88)………我心中嘅招牌菜一定係泡菜餃子王!!大大隻，脹卜卜，辣辣地，好惹味😍絕對必食！煎蟹肉蟹膏餃子配搭亦好特別，低調嘅蟹肉味再加入了蝦肉，淡淡地都幾好，但比起煎餃，蒸餃絕對No.1🥇………飯類方面，石頭鍋飯比較香口，兩款飯底同樣用了紅米飯，感覺比較健康，難怪牆上會用韓文寫住0 kcal🤣………第一次食到用紅米飯做底嘅韓式拌飯，感覺好新鮮，有別於傳統，為食客帶來了新鮮感😌😝……..地址：韓屋 (尖沙咀)尖沙咀金巴利道69-71A號美園大廈地舖………

🔮餃子王/泡菜餃子王  一籠一粒拳頭咁大隻，即叫即整蒸熱辣辣，手包餃子皮薄得來，餡料非常豐富飽滿，入面有豬肉,菜，粉絲等，調味十足唔使蘸醬汁都已經好夠味到，而我更喜歡泡菜餃子王，飽滿的肉餡再加上酸辣的泡菜，酸酸辣辣更惹未🔮煎醬牛小排餃子   呢個煎餃子一定一定要趁熱食，表皮煎得超級香脆，韓牛肉餡鮮肉味十足，餡料飽滿，一口咬落還很Juicy, 牛肉還用了一些歌給韓式bulgogi sauce醃製，所以入口有一種肉甜味，非常香口🔮特大餃子煎餅   大大隻扁身的煎餃子，雖然餃子皮是偏厚一點的，但是廚師煎至整隻餃子表面都是金黃色的，賣相十分討好，咬落香脆而餡料豐富，以豬肉和菜為主，味道十足，再蘸一些韓式醬油，更加惹味呀！🔮醬炒豬肉芝士石鍋拌飯   石鍋拌飯上的配料，相當之豐富，翠玉瓜,紅蘿蔔,豆芽,菠菜,紫菜,菇菌等鋪滿整個碗面，最治癒的是材料下面鋪滿大量芝士，當攪拌的時候，溶化了的芝士做出了拉斯絲的效果，非常吸睛，醬炒豬有醬香味之餘，肉質亦非常軟腍，味道十足，拌飯用了紫米，煙韌得來亦比較健康，石鍋的飯焦，也非常香口，而且整個飯的份量絕對足夠兩個人食呀～

餐廳主打韓式住家菜 零味精同防腐劑 環境舒服 店員服務態度都好好👍🏻.📌韓式前菜 $free醃蘿蔔爽口偏鹹辣🌶️仲有韓式甜豆瓣醬同豉油🍶.📌蔘雞湯 $168原隻BB雞釀入人蔘, 大棗, 板栗, 松子仁, 糯米同大蒜 人蔘味道甘甜 食完仲好回甘 糯米好綿密 吸哂人蔘同雞嘅味道🍚🌰🧄熬煮時間夠長 雞肉軟淋 連啲骨都一咬就溶晒 仲好入晒🐔個湯清淡得嚟 又充滿食材嘅味道 好養生 比想像中出色‼️.📌炒豬肉石鍋芝士拌飯 $138去到韓國餐廳最鍾意食石鍋飯😍呢到特別之處係用咗紫米 口感煙韌又健康💜配料好豐富 有: 豬肉, 菠菜, 菇, 翠玉瓜, 紅蘿蔔絲, 大豆芽, 魚糕條同紫菜 魚糕條彈牙 薄切豬肉肥瘦均勻🐷🥬🍄🥕🍥建議大家一定要加芝士(+$10) 食落軟綿綿又拉絲🧀️再淋上甜豆瓣醬 整體鹹香中帶點甜味 推介🫶🏻.📌餃子王 $18最招牌嘅籠仔餃子王好可愛 啱晒打卡📸️餡料有豬肉, 韮菜同粉絲 豬肉好綿滑 粉絲爽口🐷餃子皮薄煙韌 味道較清淡 加上韮菜份量好多 食落更健康🌱.📌泡菜餃子王 $18呢款都係一籠一隻 餡料同餃子王一樣🥟不過就有泡菜 多左酸辣味 好醒胃🌶️.📌Zero $22📌韓國果肉果汁(蜜桃)

新式霓虹燈風格嘅韓式餐廳！就係聽過佢主打家庭式嘅料理冇味精，平時都長期見到門口有人龍，今次等咗15分鐘左右就入得~雪濃湯 ($148)+ 蕎麥麵 ($25)雪濃湯的確比出面嘅湯底清淡，仍然保留大骨熬煮出嚟牛骨嘅甜味😙比較特別嘅係可以選擇飯/蕎麥麵/素麵，凍蕎麥麵健康啲之餘又有冷熱嘅感覺😚醬炒牛肉石頭鍋飯 ($138)採用紅米飯嘅飯底，再配上芝士同埋其他韓式健康配料，仲有唔太辣嘅韓式辣醬，令我可以落好多都唔驚😆 餃子王 ($18)用蒸籠載着嘅特大餃子，有種中式茶樓嘅感覺🤭好足料！泡菜餃子王 ($18)而呢個泡菜味道就真係幾辣喇，食得好過癮🤣鍾意食石頭鍋同埋飲熱湯嘅朋友可以一試～

呢間人氣好高嘅韓國菜主打石鍋飯貼湯品，長期門口都有人等位。電視一直播著k-pop ,好有氣氛🍲薯仔豬排骨湯 $168豬排骨湯好香濃，飲落暖笠笠，韓國湯品真係好暖胃舒服😌大大舊排骨，拆骨後都有好多肉，排骨肉質煲到夠晒淋但又唔會好乾湯底有薯仔同菜，飲落微辣，好開胃！🍚醬炒牛肉石鍋芝士拌飯 $138韓國拌飯配料有紅蘿蔔絲、紫菜、翠玉瓜、菠菜、芝士，有別於般石鍋飯用上紫米，更健康！石鍋嘅飯焦都有唔少，好脆，鍾意食飯焦嘅一定會好滿意！餐廳主打無味精，所以重口味嘅我，覺得醬炒再濃味d就更好，或者可以加多d辣醬先撈勻🥟餃子王 $18呢個真係每枱必點，大大飯餃子，一籠一隻真係好有儀式感。餃子皮煙煙韌韌，餡料爆多！沾埋辣汁食味道更出色🥟泡菜餃子王 $18呢個食落會比較辣同比較惹味，餡料有豬肉、粉絲同泡菜。兩款餃子我都好鍾意，健康得黎又唔會好清

韓屋係一間幾有名氣嘅韓國餐廳，蔘雞湯係其中一款人氣菜式，好多人推薦。食完，覺得試一次都可以。但價錢有啲貴，令人無再試嘅意欲😂😂。💁🏻‍♀️蔘雞湯清甜得嚟，有淡淡、隱隱約約嘅蔘味，並唔係果種勁重蔘味嘅熱湯。個人幾鍾意咁🤣🤣，太重蔘味嘅話有啲難入口。韓式蔘雞湯唔似中式湯水會加好多藥材，韓屋話自己無落味精，而飲落都似天然甜味，咁果陣清甜應該係來自人蔘、雞同紅棗等等。💁🏻‍♀️個湯的確唔錯，不過雞肉某啲部分略嫌鞋。雞髀位都還好，其它部分好鞋下。糯米太少啦，糯米伴蔘雞湯食係好正，但糯米份量咁少唔夠喉。雖然係比成隻雞你，但係春雞嚟，唔好expect份量好多。至於餃子王，的確好多泡菜餡料，但無咩特別。Overall唔差，不過唔係特別出色，水平比一般韓式餐廳高，但未去到premium，咁樣比較之下，價錢略貴。📚韓國人鍾意熱天食蔘雞湯，因為天氣熱加上食熱湯，可以以熱治熱，自然流汗將體內不好的嘅嘢排出嚟。蔘雞湯通常選用春雞，而春雞含有較多蛋白質。🌝韓式蔘雞湯感覺唔太肥，因為沒有經過高溫煎炸，都無用好多香料/醬料。但成隻雞連雞皮煲，雞皮會釋出好多油脂落湯水到，如果食埋雞皮卡路里會好高。📜🥢蔘雞湯🥘 $168🥢泡

韓屋📍尖沙咀金巴利道69-71A號美園大廈地舖━━━━━━━━━━━━━━━━━━━━━━━━━━━━今次回訪呢間主打湯品嘅韓國餐廳 仲試咗新嘢 質素都keep到~ 餐廳人氣好高 平日夜晚七點嚟到都要排一陣隊😲 而且要留意用餐顯示75分鐘 不過上檯都幾快所以唔會太趕😌━━━━━━━━━━━━━━━━━━━━━━━━━━━━🍚 醬炒牛肉石鍋芝士拌飯 $138 +10%▶︎ 拌飯以石鍋呈上 有紫菜 蘑菇 翠玉瓜 紅蘿蔔 豆芽 菠菜等 翻開紫菜就見到炒牛肉同芝士~ 底部就係健康紅米飯🫶🏻▶︎ 上檯仲聽到滋滋聲 趁熱攪勻芝士好拉絲 而底部都會有些許飯焦 我幾鐘意!▶︎ 整體調味清爽 牛肉係似肥牛片嗰種 分量唔多 但都食到係略帶甜味同醬香 至於芝士都加添咗少少奶香▶︎ 倒曬辣醬落去鹹度就會比較適中返 不過整體都係食落冇負擔~好味指數:●●●●◯━━━━━━━━━━━━━━━━━━━━━━━━━━━━🥘 蔘雞湯 $168 +10%▶︎ 入面有成雞 仲有人參 糯米 紅棗 松子等▶︎ 湯底同之前嚟食一樣 非常順口 帶有雞肉同油脂香 都真係冇味精feel!🫶🏻▶︎ 參雞湯嘅雞肉都無可避免地會比其他做法柴 不過係可以

【尖沙咀人氣韓國餐廳🇰🇷 韓屋🤤滋味人蔘雞🍗】-尖沙咀有條韓國街🇰🇷有好多間韓式餐廳🥢今日小編要介紹嘅就係『韓屋』😙小編最鐘意食佢嘅人蔘雞😝食完暖笠笠～-餐廳由韓國人主理，裝修走簡約木系，好似韓國住家小店咁😙牆上掛著啲韓文霓虹燈牌🐷仲有隻粉紅小豬播住k-pop嘅歌，店員都係韓國人😜好似去咗韓國咁😂食物方面就有韓國養生熱湯、石頭鍋飯、拌飯同埋巨型餃子🥟味道夠地道！-😋蔘雞湯🍲 $168+1乳白色嘅湯散發濃郁嘅雞香及人蔘味，味道鮮美又滋補😌蔘雞湯原隻雞上，好易就撕出嫩滑嘅雞肉😝就連骨頭都燉到腍晒🐓雞身仲釀咗紅棗、糯米同松子仁😍糯米軟綿綿吸收晒人蔘湯嘅精華👍🏻推薦！好味指數：🌕🌕🌕🌕🌗-😋醬炒牛肉芝士石鍋拌飯🧀 $138+1上枱石鍋熱辣辣😝石頭拌飯充滿焦香😜用咗紫米口感煙韌，而且比較健康～配料好豐富😉包括紫菜、香菇、豆芽、胡蘿蔔絲、翠玉瓜、菠菜同埋豆腐乾😚淋上辣醬攪拌均勻😗再加埋拉絲芝士😈好邪惡～好味指數：🌕🌕🌕🌕🌘-😋泡菜餃子王 $18+1餃子用迷你蒸籠裝住，好可愛🥰餡料有豬肉、粉絲同埋泡菜，酸酸辣辣幾開胃😙不過食落都幾辣🥵味道冇好驚喜🫢好味指數：🌕🌕🌕🌗🌑-小編翻兜咗呢間韓國嘢好多次🤣除