ROYAL INN

環境5分：皇室堡商場西餐廳真係好少會裝修到如此華麗高級，大正門已經有水池，入面呢仲有水晶燈，非常耀眼，加埋好多盆栽好大自然，好貴氣，地方仲好大，可以畀五分。衛生5分：Ｄ枱雖然冇枱布，但係立立令，好乾淨，衛生一樣畀五分。服務 5分：服務員不停加暖水，自動又快手，落單上菜效率高，又唔囉唆，滿分。味道5分：1)    法式龍蝦濃湯好濃好甜好潤，仲配左條又長又脆嘅多士。2)    法國鴨胸紅菜頭沙律入面鴨胸都算幾多，D菜好新鮮同好爽，其他仲有蕃茄，果肉，芝士，核桃做配料，加左好多口感同層次，紅菜頭有一粒粒同造左個醬，好特別。3)     招牌威靈頓羊架大大件單支羊架外面包住厚厚嘅酥皮，羊肉真係medium，皮又夠酥同夠鬆，中間夾住嘅stuffing好惹味，配菜仲有沙律菜，薯角，garlic，食完非常飽肚同滿足。抵食5分：靚環境入面食高級西餐，有湯有沙律同羊架，非常抵，五分。

法式龍蝦濃湯($88) + 法式大蒜蘑菇忌廉烤雞($258) + 香脆豬面頰肉意大利松露小雲吞($158) + Passionfruit Mint Soda($48)(晚市/另加一) ★－:+:－:+:－:+:－:+:－:+:－:+:－:+:－:+:－★​“Royal Inn”最近喺銅鑼灣皇室堡開第4間分店，新店貫徹華麗裝潢風格，走歐陸宮庭浪漫感覺，掛滿水晶吊燈，入口放咗華麗羅馬噴泉⛲️地方闊落，有窗邊梳化卡位，望維園景，見隔離枱飲紅酒好chill🍷幾適合嚟慶生/慶祝特別日子/打卡🤳🏻龍蝦湯湯頭細滑，濃稠度同鹹鮮度拿捏恰好；烤雞配料有大蒜，薯仔同蘑菇，配大量濃稠忌廉醬汁，啱晒沾法包食，雞肉偏乾身；意大利松露小雲吞火候剛好，小雲吞煙韌，黑松露惹味，醬汁唔係好結嗰種，配脆口豬面頰肉好夾；本來諗住叫埋蛋糕做甜品，但太飽，留返下次🙃

餐廳：Royal INN地點：銅鑼灣皇室堡菜式：法國菜餐牌：午市餐牌有7款主菜揀，價錢由$128至$208不等，另加一。包前菜4選1同$28或以下飲品，可加錢叫甜品。法式龍蝦濃湯 跟餐加$38 另加一法式龍蝦濃湯色水呈橙色，面頭加上少少忌廉同蔥花，味道帶濃濃龍蝦味，夠厚身而且超滑溜，仲飲到蔥味。跟一片多士，冇特別搽野，可以點湯食。燒三文魚香草忌廉手工闊麵 $168 另加一燒三文魚一大片，面頭加上芝士片同番茄燈籠椒洋蔥莎莎，三文魚塊皮都脆既，肉質算唔錯，唔會太硬。伴有一塊檸檬。下底既手工闊麵好al dente，而且蛋香十足，一流！撈左紅蘿蔔粒同青豆粒，個醬係青醬，每條意粉都夠醬，而唔會太過火。仲有食用花點綴。落單時服務員有講今日無手工戒指意粉，所以用闊麵。燒西班牙黑毛豬鞍架 $168 另加一燒西班牙黑毛豬鞍架已經切開左6大件，方便食用，因為係慢煮，所以肉色呈粉紅色，肉質嫩口，完全無肥膏，點少少燒汁就夠哂味啦。豬鞍架外面有烤印，食落帶好香碳燒味。伴有椰菜花兩件，西蘭花一件同甜滑南瓜蓉。呢到主菜冇澱粉質。餐飲包$28或以下飲品，我地決定升級餐飲。兩杯Smoothie都大大杯。Avocado