Little Vegas

今天突然想吃墨汁意粉，想起曾於一人氣樓上良心西餐廳有不錯的體驗，決定重訪上次到訪等待了一段時間才能入座，今次有經驗特意早一點到達以避開用餐高峰小店以拉斯維加斯為主題，可遠眺馬場都市景緻，坐擁五光十色的美妙環境由裝潢到餐牌設計都充滿色彩玩味，佈置有濃烈的聖誕節氣氛牆壁佈滿塗鴉及色彩繽紛的美式漫畫，充滿美國氣氛法式龍蝦湯伴有香脆蒜蓉包，龍蝦湯味道濃郁，鮮甜無比黑漆漆墨汁海鮮意粉有帶子、魷魚、蝦等配料，進食時都會令嘴唇及牙齒沾滿黑漆漆的墨汁福Juicy牛肉芝士漢堡超厚身的牛肉漢堡扒多汁味濃，加入自選配菜更有層次精選白酒忌廉煮青口每一隻都吸盡白酒忌廉的香氣，啖啖肉…查看更多

以前返學經常流連於銅鑼灣，畢業之後就好少過黎啦。不過約開舊同學食飯都會簡返銅鑼灣，懷緬下麻。舊同學話呢間唔錯，心諗，既然識飲識食既佢都話ok，應該可以一試。不過可能我地之前少黎呢邊，係time square地鐵站出黎之後，搵左一陣先搵到橦大廈，而且可能係食飯時間，樓下排隊等lift 既人龍都唔短，我地排左大概15分鐘先上到去。未入去已經覺得出面既牆好靚，成面牆塗鴉，甚有美國街頭既味道。坐係度同舊同學吹水都快過D。等左差唔多30分鐘終於入到去啦！一入去餐廳就聽到好強勁既POP Music，好似真係去左Las Vegas 咁╴氣氛一流。我地3人被安排坐係Las Vegas個logo下面，位置好適合影相。另外，佢台面上放左一個裝滿糖果既高身玻璃樽，連調味料既樽都好得意。最中意係佢個Menu既設計充滿美式漫畫風，好似睇緊漫畫！見好多人推介呢度既雞翼，我地叫左個雞翼三重奏，3隻味包括檸檬味、水牛城同玫瑰。玫瑰味雞翼？聽落真係覺得好伏既感覺，所以一開始我斬係試其他兩款雞翼，炸得很香，一咬落去，D汁迫晒出黎，味道亦不錯，檸檬味酸度適中，水牛亦不太辣。當我猶豫緊食唔食玫瑰既時候，同學係咁叫待試，話好香玫瑰味。可能待以前聞D咩花露水啦，總覺得好似食緊D香水咁，不過係特別既！呢度既招牌燒烤醬焗豬肋骨好似係必點既菜式，我地叫左一份其實份量已經好夠些牙！食落D肉都幾嫩滑，加上D醬汁，整體感覺都唔錯。如果覺得齊食肉同薯條有D濟，我建議你好似待咁食埋D菜，待幾中意佢既味道，頓時覺得好清新。同學見我話想試呢個泰式冬蔭功意粉時覺得好驚，不停叫我唔好帶佢地中伏，但我真係好想食D酸酸地、辣辣地既野╴所以最後都係叫左。不過，食落真係唔錯，D意粉吸收晒冬蔭功湯汁，好開胃，加埋其他泰式配菜，例如青紅椒同菇菌，口感豐富多層次。諗唔到食咩既朋友，真係可以試下架。仲有，果日叫左法式龍蝦湯，味道濃郁，但略嫌咸左少少。…查看更多

呢日同朋友喺銅鑼灣覓食 去咗一間幾得意嘅餐廳——以賭城拉斯維加斯為主題嘅「Little Vegas」 睇佢門口擺哂凳 又有限繁忙時間每台只可食90分鐘 估計平時生意應該相當唔錯餐廳佈置頗多創意成分 例如每張檯都有手繪卡通 小妹嗰張係one piece 隔離檯就有disney人物等等... 檯上有糖果任食唔嬲 小妹坐窗口位 窗台亦有不少特色擺設 一陣用嚟做食物相背景先凳都未咗定已經有人送上清水 服務一流！最搞笑係小妹影緊環境相 店員會畀個V手勢攝鏡 XD呢杯「秘密花園水果茶」係店員推介 估唔到咁有份量（唔單止隻杯高 真係好大碗） 杯裡面有兩枝飲管 應該本身係for two（建議menu寫清楚）果茶主要係桃茶 有少少檸檬味 唔澀 唔會過酸 但都唔係特別甜爺爺 另外 入面有好多生果 士多啤梨 檸檬 青檸 奇異果 火龍果 藍莓之後叫咗一個湯同一個主菜（個藍色電話亭就係窗台上嘅特色擺設啦）「法式龍蝦湯」連一塊蒜蓉包... 包細細塊 純粹過下口癮 食完仲有肚繼續食 唔怕浪費 烤得好脆 蒜蓉味道溫和... 湯好濃 食得出蝦膏（而非鹽）嘅鹹味 頗多龍蝦肉 仲有切碎嘅西蘭花主菜係「明太子忌廉天使麵」 本身打算叫住先 唔夠再叫 點知兩個女仔都可以食飽 咁真係幾抵食（倒米？XD）之前喺其他地方食過明太子 通常係一大pat黐埋 有啲鹹... 但係呢客天使麵嘅明太子係撈落忌廉汁 兩種味道融和 所以唔會覺得明太子特別鹹特別辣 但又食得出佢個味另一賣點係啲菇 有蘑菇同雞脾菇 雞脾菇非常爽口滑漏 友人不斷撩佢哋出嚟食…查看更多

聞名已久，終於一試，裝修好懷舊，好似身處美國一樣食物款式都算多，價錢合理，份量又唔會太大份，好適合成班朋友一齊食👍🏼法式龍蝦湯味道偏咸，蒜茸包焗得好脆好香口。雞翼三重奏，三款唔同味既雞翼，第一款酸酸甜甜，都幾醒胃，第二款味道帶花香，味道較清，第三款係水牛城雞翼，味道比較辣，鐘意食辣既人實鐘意👍🏼👍🏼Pizza好薄手好脆，芝士同料都好多，食完唔會有濟既感覺黑松露野菌長通粉，好濃黑松露既味道，配料好多👍🏼👍🏼 成碟長通粉差不多一半都係野菌，味道比較淡…查看更多

早前放工後, 去了位於銅鑼灣的Little Vegas食飯. 最特別之處是每張枱上也放了一個裝滿了各式各樣糖的杯子, 客人可以隨時隨地拎來食.這裡食飯是限時間九十分鐘, 而且不能訂枱, 所以早來就好一點.點了法式龍蝦湯, 凱撒沙律, 焗菠特菇和熱綿綿朱古力.法式龍蝦湯.我自己鍾意飲熱辣辣的湯, 這個湯熱度啱晒我.個湯幾滑身, 入口的龍蝦味幾香濃, 仲有幾粒龍蝦肉, 好飲.凱撒沙律.今晚想食清一點, 所以點了這個沙律. 另外加$18, 可以加上烤雞.蔬菜幾新鮮, 又夠爽脆, 而且份量也不少. 唯一美中不足是麵包粒唔脆, 稔咗.焗菠特菇.一共有三隻菇, 菇面放滿了我最愛的芝士.入口時, 感覺菇好多汁, 完全不覺得乾身和硬.但三個菇其中一隻菇少了一些餡, 感覺佢地有點求其, 差了一點點.飲品點了熱綿綿朱古力.個拉花幾靚, 朱古力面仲有幾粒棉花糖作為點綴.朱古力幾滑身, 但對於鍾意濃味的我, 朱古力味不夠, 味道較淡.這裡上菜是好快手, 但同時出現一個問題, 就是一碟未食完, 另一款已上枱, 這樣菜式就冷卻了, 變得無咁好味.…查看更多

每個人的人生，都是充滿賭博成分，或許，有賭博成分，生活才會更精彩！早年，BeautySearch 曾到美國探訪好友，也不忘到美國有名的 Las Vegas 去觀摩一下。Las Vegas 果然是個繁華之地，除了五光十色的霓虹燈，當然唔少得各式各樣令人沈迷的賭博遊戲：老虎機、百家樂、輪盤...去完美國，短短的10天，同行的友伴還愛上美國餐的重份量，去到那裡食飯，都說要吃美國餐呢！坦白說，在香港，BeautySearch 確實少吃美國餐，因為份量太大了，有時真的吃不消。不過，既然朋友迷上美國餐，我當然樂意相伴，上 openrice 搜尋，發現原來銅鑼灣有間食店叫Little Vegas 的美國餐廳，Little Vegas，是否就是 Las Vegas 的縮影？不過，餐廳是不接受 Book 位，所以，如果唔想輪候太久，可能要同 BeautySearch 一樣，來個 Early Dinner。當日，未到6時半，我已到達餐廳，雖然未滿座，但已近半座位已滿，不一會，餐廳已滿座了。餐廳佈置充滿美國風情，甫出電梯，已就以一幅美式壁畫 welcome 各食客的到訪，餐廳內牆身均以壁畫粉飾，搭配了各式各樣美式擺設及賭具，加上輕快的音樂，營造出賭塲氣氛。是日餐湯，我點選了「法式龍蝦湯」濃濃的鮮蝦香氣，配以法式蒜蓉包，湯內還有大大粒蝦肉，用料十足，爽口彈牙。前菜我們點了一碟「香芒鮮蝦沙律」，賣相不俗，最吸睛的當然是放於沙律面上那兩片大芒果，非常鮮甜，而大蝦蝦肉亦非常鮮嫩、爽口、彈牙，用上意大利香醋拌著新鮮的沙律菜，酸酸的，非常開胃醒神。主菜是俄羅斯輪盤「炸海鮮比薩」Pizza 上有千島醬、蟹柳、蝦肉，芝士等作為薄餅底，餅底香脆可口，芝士香濃煙韌，最獨特的是，Pizza 上面還舖滿炸魷魚圈及原隻去殼炸大蝦，色澤金黃，香脆又唔乾身。賭城小食拼盤分 Full $158及 Half $92，我們點了半份，始終美國餐的份量大，兩個人，半份量已非常足夠，小食拼盤內包括：香腸，雞翼，洋蔥圈，波特菇。美式香腸，肉味香濃；雞翼，酥炸香脆，肉質嫩滑，肉汁豐富；洋蔥圈，外脆內軟，非常香口，作為送酒小食，一流！碩大的波特菇，非常meaty，厚實的組織飽含水分，波特菇上配以小菇和醬汁，調味後一口咬下還真的有食肉的錯覺，難怪不少素食者將其視為素食中的漢堡肉。充滿日式風味的選擇，北海道紅豆冰，上面唧滿我最愛的 cream，非常細滑，濃濃的奶香，紅豆煮得好腍身，甜美可口。…查看更多