金雀餐廳@銅鑼灣金雀餐廳係一間名大於實既餐廳，以60年代裝璜吸引顧客，王家衛既”花樣年華”同”2046”都係呢到取景，裝修的確係幾有味道，好似去左以前既香港咁。但係，食物質素只屬一般。當然，如果你抱參觀心態既話，呢間餐廳會滿足到你要求。到處都有王家衛既劇照，其實氣氛真係唔錯，幾舒服，好似番左以前既香港咁。讚當日大約6點半去到金雀，唔洗等位，但入面已經近乎滿座，我地係坐四人卡位。Foodki食既係田螺豬手餐(約$150)(唔記得左)，而foodki 爸食既係牛柳餐。($160)其實金雀有好多唔同野食簡，除左牛扒之外，仲有焗飯，意粉等等羅宋湯 (7/10)羅宋湯足料，材料豐富，除蔬菜外，仲有啲牛腩粒，蔬菜將湯既精華吸曬，仲煮到淋曬，味道微辣微酸，好易入口，係唔錯既羅宋湯。呢一餐最正就係呢碗湯。餐包普通。法式焗田螺(6.5/10)一個餐有半打田螺，金雀餐廳會比兩個特製既餐具，一個係鉗夾起整個殼，第二個餐具就係兩腳叉用黎將田螺肉夾出黎。薯蓉係田螺下面墊住。田螺賣相唔錯，薯蓉好香，田螺入口有香草同牛油香味。不過田螺肉太細粒，食落口好不爽好唔滿足。黑椒牛柳(3/10)以老港式扒房，呢塊牛柳係唔合格。首先，我地落五成熟，但黎到塊牛柳煮得太熟，已經係七八成熟，令到牛柳太韌，呢個係絕對不能接受。其次，牛柳牛味無咁濃係正常，但完全無牛味問題就好大，連花園餐廳都好過佢多多聲，以一個幾十年歷史既扒房，呢個質素既牛柳係不能接受。黑椒汁普通，與一般茶餐廳無異。德國咸豬手(5.5/10)份量好大 ，但豬手層次分明，豬皮一割，脂肪滿泄，之後就係好軟好嫩既豬蹍肉，醬汁同豬手配搭好好。頭一兩啖，覺得好好食好肥英，但食多幾啖後，真係超滯同好油膩，個味真係好悶(恕我咁形容)。但與黑椒牛柳比，呢個主菜已經算係幾好雪糕(5/10)普普通通，無咩特別，菠蘿幾甜，飯後甜品算係ok。最後，金雀既裝修，但真係食裝修就可以黎，食物就真係普通啦…查看更多
羅宋湯 ~ 好多料少少辣, 唔會多油, 味道滕於好多別的餐廳!!!
鐵板黑椒牛柳 ~ 五成熟啱啱好, 嫩滑好有牛味, 加埋傳統黑椒汁, 惹味非常!!
