February

營業中

休息中

紫色為主調既酒吧餐廳 比好vintage 的土耳其燈吸引住😍 sofa果邊仲有生日佈置 特別有氛圍😚 .◽️和風清酒蒸鮑魚 $148好奢侈地食左鮑魚沙律做前菜🤭 大大甩 整得剛好唔會太老 仲好彈牙帶嚼勁 清酒味唔會太濃味 仲加左少許燒汁令味道更香口.◽️法式寶雲酥羊架 $268外皮金黃酥脆 煎得剛好 肉質細緻軟嫩 仲有燒汁可以搭配～.◽️西班牙海鮮燴飯 $268成個pizza盤咁大份😍 用左好多海鮮去烹調 尤其是蝦大大隻😚 仲有青口魷魚蜆 個汁好creamy同濃郁 .◽️mango freeze $68◽️Lychee Boom Boom $68飲品好igable😍 芒果沙冰成座山咁高 帶果香味😚 蝶豆花超美的 卦住頂小草帽好可愛～ 加左爆炸糖所以可以聽到滋滋聲 仲加左荔枝同lime juice攪勻完飲 味道甜甜的幾清爽😛.總結，環境好有情調 好岩慶祝😚 服務態度都好好～ 食物選擇都幾多 見到隔離枱個豬手都好似好正🤭 飲品仲好igable😍 btw search先知肥仔都有黎過😛

食油尖旺食到悶啦，黎下觀塘區覓食先～～兩個人黎探下路睇下伏唔伏，正嘅話再叫朋友一齊食😬。呢間食落都唔錯喎，遺撼得兩個人所以無叫到火焰🔥豬手，下次叫多幾個朋友一齊去先！(張相係偷影隔離枱架🤫）🌖法式龍蝦湯龍蝦味濃，質感柔滑👍🏻，麵包質感較粗糙，但拎黎吸湯又唔錯😆。🌗松露野菌忌廉湯淡淡松露味，忌廉湯中有大量切碎左嘅菇菌，如果你係鍾意咬野嘅應該幾鍾意。🌖芝士流心心蟹餅配芥末沙律醬蟹餅外層香脆又唔油～內裡超足料，就咁睇都見到一絲絲蟹肉🤩，加埋流心芝士又多重口感芥末沙律醬醒神得黎又唔會攻鼻。🌖金槍魚配柚子芒果沙律芒果超❗️級❗️香❗️甜❗️配上清新嘅柚子真係特別開胃👍🏻。金槍魚粒完整而結實，外層佈滿芝麻，口感特別，如果金槍魚粒係半生熟會更加完美。🌖香煎西班牙黑毛豬鞍配蘋果蓉豬鞍厚得黎勁juicy，食落都好嫩口一啲都唔老😍😍！配上甜甜酸酸嘅鳳梨粒同蘋果蓉，真係食多幾件都唔會滯。最鍾意係近骨嘅部分，肉味真係會濃啲架～🌗法式寶雲酥羊架一碟有三件羊架，每件都幾大件幾厚。羊羶味唔重，外層香脆，不過羊架有丁點兒過熟。

今日同朋友放工約好到觀塘食飯傾計，選擇到駿業街February食晚餐。坐得都幾舒服，環境都ok。睇完餐牌點了以下食物：車打芝士煙三文魚春卷,法式寶雲酥羊架，龍蝦汁海鮮意大利飯，黑松露野菌忌廉湯，干邑蟹肉龍城湯。車打芝士煙三文魚春卷外脆內熱，三文魚香味包含在春卷皮下。黑松露野菌忌廉湯個黑松露味都好搶，清新香口。干邑蟹肉龍蝦湯個龍蝦味好香，飲落好creamy，而湯入面龍蝦肉質都好好。法式寶雲酥羊架羊唔會膻，個醬汁配起羊架好夾，仲有露筍薯蓉配菜都唔錯。龍蝦汁海鮮意大利飯個味幾香，海鮮有青口，蜆，蝦肉質都唔錯。