BEP Vietnamese Kitchen 越灶 (已結業)

#MC帶你去尖沙咀.係K11 Musea又唔一定要食food court🍽嘅，BÊP Vietnamese Kitchen主打新派越南菜，當中融合咗西方元素係菜餚，甚至餐廳裝修，所以傳統越南湯粉（Phở）又有，想食啲特別少少，fusion、西式啲嘅都有☺️🥩 越式生牛肉 $118唔食越南湯粉（Phở）都可以叫生牛肉嘅🤪咁咪可以試多幾款菜餚。用上牛肉最嫩嘅部位牛柳，半熟既安格斯牛柳，有更濃郁嘅牛肉香味😍而且因為唔係越南湯粉，無咗熱湯嘅情況下，保留到滑嫩口感。碟邊仲有烤法包脆片，可以加埋法包片一齊食，口感再豐富啲‼️🍖 牛油雞翼 $88唔好以為雞翼咁平平無奇，個醬汁先係靈魂所在，自家製蒜蓉辣椒醬，蘸一蘸自家製醬汁，再加一兩滴青檸汁🍋越式風味滿分！🥯 越式雞肉三文治 $88三文治包底用咗法包，香脆鬆軟，好出色！餡料除咗香茅燒雞肉🍗之外，仲有青瓜🥒、生葉🥬、牛油果🥑每一淡都超豐富😋🍜 河內蕃茄蟹檬 $98一上枱，蕃茄味十分香🍅配以蟹肉、鮮蝦丸，豬肉等，海鮮湯底飲落茄香更出、蟹鮮濃郁，另外鮮蝦丸十分彈牙有嚼勁👍🏻🍝 烤三文魚撈檬 $118兩大嚿挪威三文魚，肉質厚嫩，而且經過烤焗，外脆內嫩，保留左魚肉

 純粹經過見到呢間越南野，諗住試下，以越南湯粉黎講，佢價錢偏貴。雖然味道係唔錯，但係差唔多質素既，應該出面可以搵到平啲既。 1⃣️河內蕃茄蟹檬（$98） 湯底清甜，配上芽菜、生菜同埋仲有蟹腳😂雖然隻蟹腳應該淨係裝飾用。配料另外有蟹丸、同埋扎肉。個人覺得蟹丸質感過於鬆散，同埋都冇乜蟹肉味。碗麵係幾好食，不過有啲太過貴，仲有加一。  

在K11睇戲前搵野食，想快但又唔想食food court,突然想起之前食過嘅越南菜，所以立即去睇下有冇位，因為不是繁忙時間，唔洗等就有位。桃蜜熱柑桔、熱情果沙冰西貢咖喱蟹肉，蟹肉都算多，配上咖喱汁，幾好食，平時成日食咖喱雞咖喱牛，改吓食咖喱蟹肉都唔錯呀蒜蓉包，蒜蓉味好淡咖喱配同蒜蓉包係絕配河內蕃茄蟹檬，好多料, 蕃茄味濃有蟹鉗，但好難咬總結：室內環境舒適，menu 選擇多，侍應人手充足態度亦好，上菜快，味道好，價錢合理。K11

好驚喜呀！K11 Musea食野間間都貴貴地，仲好多人。 間間都要等位，反而呢間越南餐廳一去到就有位，可以入去坐低，仲有安排好舒服卡位比我地。食左５樣野：河內蕃茄蟹檬，牛油雞翼，西頁牙車快，春卷，軟殼蟹米紙卷。西頁牙車快　越南春卷　Ｄ菜切得好細塊，無辦法包住春卷黎食，只可以一啖春卷一啖菜不過可能而家唔興包住黎食掛。。。牛油雞翼好香好脆，但欠缺牛油香味。軟殼蟹米紙卷1碟4件，太餓所以食左先記得影。。。正常野，不過不失～side-dish菜量好多～河內蕃茄蟹檬蕃茄味唔算太濃，剛剛好入面有蟹膏蟹肉，蟹味濃郁， 好食

12點去同朋友到K11 Musea逛逛，見呢間唔多人就試試。點咗「香煎墨魚餅」- 粉唔多，幾真材實料，都幾好味，不過$86覺得有少少貴。「越式蟹肉粉卷」- 個皮好薄好滑，仲配扎肉魚餅，份量又大，不錯呀！「河內蕃茄蟹檬 」- 蟹肉，鮮蝦丸，豬肉，海鮮濃湯。其實從未食過越南蕃茄檬，所以無得比較，蟹同蝦丸都好好味，又勁蕃茄，個海鮮湯俾我成碗清哂，超級好味，食完又無覺得口渴，👍🏻👍🏻！除咗d嘢好食，d waiter waitress 仲好好禮貌，d位又闊落，約朋友食飯吹水嘅好地方。