海記合桃坊甜品

食完晚飯，在朋友的介紹下來到這間海記合桃坊甜品。晚上十點人不算太多，但都要排隊，等候了大約十分鐘左右就有位了。和朋友各自叫了沙沙合桃糊、芝麻豆腐花和喳咋。份量幾足，味道都不錯，二十多元的價錢在香港地現在的環境，算得上是物超所值的良心價！抵讚！…查看更多

海記都係我成日去嘅糖水舖，因為地點就腳，多選擇，有傳統糖水，有新式甜品，當然有好出名嘅芋圓。去過咁多次，水準都好穩定， 而且都係街坊價！依家做傳統糖水嘅店鋪越來越少沙沙合桃糊 ($27) 自家磨製，合桃味好濃，但係冇合桃苦澀味，濃稠度適中，上面叫上合桃粒粒增加口感。第一次試，覺得好唔錯，傳統糖水加上少少變化。蓮子燉鮮奶 ($31) 我嘅最愛之一！大大粒連子，蓮子好鬆化，入口即溶 ，最重要係冇一粒係苦！燉奶好滑，而且唔會好甜。紫薯芋圓系列都好好味，不過個肚無位，下次再食…查看更多

大良燉鮮奶 |$26聞落已經好香，食落奶味濃郁口感香滑👍🏻👍🏻熱食真係好正🤤大力推薦大家試下沙沙合桃糊 |$27粒粒合桃碎舖滿表面味道偏甜，質感香滑有口感質地不會太稠…查看更多

係旺角整完頭髮，口痕想食糖水。行左陣見到呢間海記合桃坊甜品好多人排隊，門口貼左張合桃糊相，個樣好吸引！一個人唔洗等好耐就有位，一大班人就應該要等耐少少。坐低落完單唔洗幾分鐘就已送上熱辣辣嘅‘沙沙合桃糊’，超有效率，而且店員都好NICE。中式甜品我向來最愛就係合桃糊，呢碗沙沙合桃糊香濃得黎仲好幼滑，甜度剛好，重點係有極多香脆合桃碎，絕對真材實料，實在令我一試驚喜！係我暫時食過最好食嘅合桃糊！大大碗足料又抵食，難怪成為招牌甜品！…查看更多

❤️唔食會後悔❤️利申，我係一個超鐘意食合桃糊嘅人，見到呢度嘅合桃糊係招牌菜，咁點都要試下！沙沙合桃糊 ($27)香濃幼滑，合桃糊濃得黎唔會竭撻撻，加上炒過嘅合桃碎響面，香得黎又有口感，溫度仲係keep住啱啱暖，上枱就食得，唔會熱到影響味覺，仲要只係$27🤩足料抵食👍🏻 不過坐位就逼d，而且好多人，屬於快食快走嘅小店Hong Kong Traditional DessertWalnut Sweet Soup with crispy walnutMust Try Item!…查看更多

食完晚餐唔夠喉，就同友人係附近幫襯好出名既海記。呢間野名氣都唔錯，但就從來都未試過。去到等左大概10-15分鐘左右就有位啦。座位上比較逼既，不過香港d糖水鋪普遍都比較細，逼d都可以體諒既。我叫左比較出名既沙沙合桃糊。出餐出得好快，等左5分鐘到就有啦。合桃糊面頭有好多細合桃粒，好足料。而合桃糊磨得好幼細，入口好滑好香。呢個價錢有份甘足料既糖水，相當抵食。但合桃糊比較飽肚，如果有興趣幫襯既朋友就晚餐食少d啦！…查看更多

今晚我們喺旺角西洋菜南街食完一餐失望嘅晚飯之後，我們就諗著要食返啲好食嘅甜品嚟安慰吓自己，所以我們就去咗「海記合桃坊甜品」食甜品！我們叫咗腐竹鷄蛋糖水嘅腐竹係煮到溶晒爛晒，就可以知道係用緊優質嘅腐竹，而唔係用劣質嘅，而且有好香濃嘅腐竹香味，糖水嘅甜度係啱啱好，唔會有甜到膩嘅感覺！沙沙合桃糊係呢度嘅招牌糖水，差唔多每檯人客都有叫嚟食，合桃糊極之幼滑濃郁，濃稠度亦恰到好處，再夾埋舖滿表面嘅沙沙，即粒粒合桃碎一齊食，令到層次感更加豐富，真係超正呀！紫薯雪樂冰芋圓西米露嘅雪糕係紫薯味，味道好芳香濃郁，質感好軟綿綿，而且有入口即溶嘅感覺，而芋圓就有幾種味道，分別係：芋頭、地瓜同紫薯，而且質感超煙韌彈牙，真係好正呀！…查看更多

暫時食過最好食的合桃糊，縱然有粒粒合桃碎都能吃出合桃糊入口濃香幼滑，馥郁純厚，層次分明，而合桃採用頂尖雲南白合桃，咬落不澀，先留香後回甘，極品！反而同行友人點的酒釀圓子就很失色，沒有酒糟味，糖水稀淡如水，圓子太軟沒有咬勁，完全比下去…查看更多

與家人在附近茶餐廳吃過晚飯，當然要來個飯後甜品才算完美，海記位於茶餐廳、食肆臨立的區域內，自然吸引不少食客願意站在店前等候入座。筆者個人好喜歡吃合桃露，可惜香港會賣合桃露的糖水甜品舖已不多，今晚就點了海記的名物「沙沙合桃糊」，家人就分別點了「咋喳」和「桂花酒釀丸子」。沙沙合桃糊，在合桃糊上加上大量合桃碎，合桃糊本身稠密幼滑，雖然合桃味不算太突出，店家卻聰明地加上大量合桃碎，香口度與咀嚼感頓時提升，是個不錯的飯後甜品。咋喳，材料豐富，令人一看已經很開心，甜度適中，吃罷真的很滿足。桂花酒釀丸子，桂花香襯上酒釀丸子的軟糯，而且丸子數量不少，很有誠意的一個甜品。店家所制作的甜品賣相和味道同樣吸引，筆者下次還要試試芋圓咋喳、荳腐花、燉奶等其他甜品。…查看更多

一直想試好耐，只為芋圓而去。芋圓紅豆沙 $30紅豆沙很綿，不太甜，不錯。芋圓地瓜圓煙靱，但無味。整體普普通通，沒有台灣味道。沙沙合桃糊 $27合桃糊很香濃，口感濃厚，配上粒粒合桃碎，口感層次分明。甜度適中，十分有驚喜。冬日吃上一碗暖笠笠糖水，很滿足。可惜餐廳十分趕客，一吃完就趕你走其實糖水時間都是為了與朋友多見一會多傾一陣子，這樣催人走，真的不會再光顧。…查看更多

雖然天氣又潮又熱，但小人的嘴唇卻是乾如沙漠，裂開來異常疼痛，決意找個糖水甜品來潤一潤。看到餐牌上大大幅糖水沙沙合桃糊的相片，原來是店方的招牌名物，就決定吃這個了。細滑稠密的合桃糊，入口有點杰杰的黏黏的感覺，可能是很熱很杰的關係，覺得微微偏甜了少許，不過也是可以接受的甜度。糖水糊本身已帶有勁香的合桃味，其上撒了一些合桃仁碎粒，正正就是合桃上的合桃，香味層次直接提升；在食糊時更加增添一份脆脆的口感，絕對是錦上添花之舉！一個很合桃的甜品，極滋潤，嘴唇都好像沒那麼痛了。…查看更多

我在台灣食過芋圓後，喜歡了，未知香港在那裡吃到，有一天無意中search open rice見到有芋圓糖水，立即睇下邊度有，見到啲人影嘅相賣相好得，心想第日去試下……今晚去太子食飯，知道附近有海記，吃完飯可以去試了好彩八點鬆啲未到等位時間，不用等便入 座，我當然叫有芋圓嘅甜品啦，因為餐飯食得好飽，所以芋圓糖水個底吾可以叫蕃薯、紅荳之類，我叫咗紫薯芋圓西米露，吾錯，芋圓煙靭，吾太漏或太飽，另外拔兄叫咗個沙沙合桃糊，都好好味啊！…查看更多

飯後想享受甜品，這天十分寒冷，當然要去吃暖人的中式糖水。想起一間早已想去的糖水店，就是海記合桃坊。這次去了位於太子的分店，坐下後不久點了著名的沙沙合桃糊與芒果腸粉。合桃糊很快就來了，看到面上鋪滿了合桃碎就令我非常期待，吃下去香濃的糊味與合桃碎互相交映，令人非常滿足，在寒冷的天氣中為人注入熱暖。遲來的則是較有特色的芒果腸粉，看上去很像腸粉，吃下去卻完全不同，酸酸甜甜的芒果配上淡淡甜味的椰汁皮竟毫無違和感，雖然本人對微酸的芒果不太感冒，但同行女伴卻讚不絕口。埋單合共65元，也不算貴，特別是中式糖水的合桃糊只需27元，非常抵吃，反而是芒果腸粉38元有點貴，不過整體而言也是物有所值，值得再來的甜品店。…查看更多

同朋友食完晚飯傾完計就去左搵糖水食，朋友講開話想食芋圓就想上左openrice到搵到呢間好似好多人都讚好，於是就去左呢間。好多人等，等左差唔多20分鐘。然後放低左1個menu比我地4個人睇...隔一陣放多左個menu，不過呢個menu勁污糟，啲糖水漬成個menu都係。有朋友見佢好似合桃係主打咁，就嗌左個沙沙合桃糊，的而且確呢個已經係最好味。大良燉鮮奶就麻麻地，食落無乜味，只有好淡既奶味，就好似食緊個無味既熱果凍。芋圓我第一次，朋友話應該係好食過小丸子，不過我就覺得小丸子好食啲。芋圓太實，所以唔係幾好味。呢個係我嗌既，最貴都係最差。首先個賣相唔得，好少見說樂冰個賣相會咁差，一pat野咁。然後上面果兩塊餅好似擺咗好一段時間咁，唔脆嘅，有少少硬。綠茶冰叫做OK嘅，唔會話特別好食但係都唔叫做難食。本身以為紅豆實無伏喇，但係啲紅豆係硬，一啲都唔腍。最好味係小丸子，夠煙韌。…查看更多

其實海記已經係12月底食，但一直都的唔起心肝寫幾隻字，唔知咩原因，可能見到有9成人都話正，我有一絲懷疑係咪我唔識貨…話說當日同朋友喺大角咀食完晚飯，想食個甜品，所以幾條友行番去太子嗰邊打算試下海記，11:30pm去到門口見到19幾人喺度排隊。哇我心諗，以前未搬鋪，經過見到眼尾都唔會望一眼，自從有紫薯乜乜系列，又多左人介紹，晚晚排到傻仔。算啦，鬼叫我想試下咩，人地食左9年我都未食過…最後等左20分鐘，我地四個人就唔會坐得好逼。咁我一心黎食紫薯乜乜就唔洗諗，點左兩個紫薯，兩個中式野。紫薯蓉芋圓配香芋雪樂冰 $34椰沐紫薯蓉芋圓涼粉 $30一上枱已經好心急，影相先！影左幾張，我心諗：唔對路喎，少咁啲野？！呢碗係朋友嘅雪樂冰：呢碗係我嘅涼粉：兩碗都冇紫薯蓉！呀姐你偷食左？即時問呀姐A，「係咪爭我啲野？」「我地舊紫薯蓉呢？」呀姐扮A哂野向廚房呀姐B問，之後唱雙簧般，「哦！冇哂！俾多左幾粒紫薯蓉你啦」哇，多__謝喎。落完單咁長時間，發現冇紫薯蓉係咪都有責任要同個客講聲？極唔滿意！見到之前嘅食評都有人遇過相同情況！即係慣性手法啦！到上枱一刻，諗住唔聲唔聲就咁擺低？到客人問起，仲咁理直氣壯話係冇哂？仲聲稱俾多左芋圓我，叫做補數？即管試下係咩味道！芋圓、紫薯圓、紅薯圓微暖，但涼粉 / 雪樂冰 係凍嘅~紅薯圓有蕃薯味，幾好食；芋圓甜甜地，芋味唔明顯；紫薯圓只有死甜！質地煙韌偏硬，有口感。涼粉份量多，但同 雪樂冰一樣都係甜，成碗野愈食愈甜！我同朋友都食唔落，佢都話未試過咁浪費~30幾蚊食個咁多份量嘅甜品本身係抵呀，但唔知邊忽好食。薑汁芝麻湯丸 $23食左個碗甜水，食呢個湯丸暖暖胃，湯丸有五粒，合格有餘。因為係冬至之後，所以食番個湯丸，拎個意頭。沙沙合桃糊 $34我諗四個入面呢碗係比較好食。合桃糊都幾稠身，合桃都幾多，食落夠香夠滑，唔會好甜，亦都唔會好似開粉咁，男朋友就話算幾好食。總括黎講，我覺得今次係非常唔好嘅用餐體驗。本來食個幾十蚊嘅糖水都唔期望有乜服務可言，但絕對唔代表可以咁側側搏，如果冇左某種材料，係一定要同客人講，個客聽完佢要唔要係一件事！！紫薯系列、芋圓偏甜，亦都冇坊間所言咁出色，只係價錢唔貴。如果你鐘意食呢度嘅芋圓嘅甜，千祈唔好去康瑞，我相信你會覺得淡。為左確認我當日嘅味道冇因為心情而受影響，我都好俾面再去一次！係有紫薯蓉，但整體感覺同我今次食，係一樣，我唔like。…查看更多