Jack's Terrazza Ristorante

營業中

休息中

呢日趁5月1放假, 黎左大尾篤放鬆下~本身仲諗住會落雨, 點知天公造美, 全日都好涼爽!同朋友係堤壩坐到6點幾, 就行返出去巴士站搵野食見到呢間環境又幾好又係食西餐既, 就試下啦!入面環境好舒適幽靜, 完全有種遠離煩囂既感覺, 再加上有現場表演, 氣氛一流我地叫左兩個Set dinner~好肚餓!!餐湯: 甘筍蕃茄忌廉湯首先黎個湯先, 酸酸甜甜既蕃茄味令人好開胃!入面仲有好多甘筍粒, Nice!餐包個包賣相幾特別, 配埋個湯好perfect~沙律再黎個沙律呢個分量岩岩好, 因為之後大把野食等緊我地haha蕃茄芝士薄餅呢個仲未係主菜黎個small size Pizza 先!個Pizza已經分好成4份, 唔駛麻煩要切~食材分量好足! 味道都唔錯炸魚薯條呢個真係超邪惡呀個炸魚比想像中大好多!!!魚肉好厚好紮實~炸過之後仍然保留到魚肉既肉汁香煎牛柳配薯菜牛柳肉質嫩滑夠軟腍, 味道濃郁餐飲跟餐仲有飲品~是日甜品: Tiramisu雖然已經好飽, 但點都食得落甜品!唔會太甜岩岩好~質地絲滑最後想講下餐廳既氣氛好好, 因為會有Live Music Show好欣賞今日既表演者Lorenzo, 佢把聲好

本身我地踩完單車，諗住出返大埔墟食野，但搵左好耐都無任食韓燒，就響還車前睇下d餐廳，見到有間泰國野好似唔錯ge，諗住還車過去試啦，點知我地還完車，再俾另一間餐廳ge live music吸引，就入左去啦，周邊真係有好多餐廳揀架入到去，服務員好好俾左個角落位我地，都幾有貴賓感覺🤣一坐底我地就睇野食，分別叫左個海鮮拼盤、西冷牛扒、龍脷柳（餐）、冬蔭功海鮮意大利飯，其實我地叫左一個餐，但服務員好好送多2碗湯同1個沙律俾我地整體都唔錯架，個湯唔會好咸，而沙律方面，欣賞有黑醋免費俾我地落跟住都有個田螺多士，食落都唔差，感覺幾特別，響出邊未食過之後，就上左個海鮮拼盤，除左蝦之外，覺得最出色ge係蠔，因為都幾新鮮有海水味，反而蜆同青口就一般啦🤔但賣相擺盤唔差主菜黎啦分別係西冷牛扒、龍脷柳配紫薯薯蓉同冬蔭功海鮮意大利飯最欣賞係個龍脷柳，因為唔係雪藏ge魚係新鮮魚整成，仲要配紫薯薯蓉，依個真係好有特色西冷牛扒就無食到，但友人一路食都一路讚好好食，反而個冬蔭功海鮮意大利飯就比想像中覺得一般，因為唔太食得出有冬蔭功味，但個飯都煮得唔錯ge🤔睇唔睇到個魚皮呀😍最後我地仲叫左兩個甜品，檸檬雪笆同香蕉堡壘，比較特