牛扒先生 (德福廣場2期)

營業中

休息中

到德福行街shopping，先來食個半自助午餐加加油。開始入座前在門口見到沙律吧已經準備就緒，但有一名清潔工拉着垃圾車經過無遮無掩的沙律吧，似乎有點不太衛生。這半自助午餐的用餐時間為90分鐘。店員安排卡位，舒適，但梳化有裂縫甩皮，感覺有點殘舊。沙律吧款式很豐富，鮮果沙律、薯仔沙律、南瓜、車厘茄、沙律菜、雨衣甘藍等等，應有盡有，每樣要少少都已經夠精彩。番茄什菜湯，足料，夠熱。配上鬆餅搽上少許牛油，鬆餅提子乾夠多，但不夠熱，有點敗筆。在沙律吧的兩位廚師並沒有戴上口罩，而處理食物期間更頻繁地交談，相信口沬橫飛是在所難免。跟住到主菜部份，主力想食沙律，主菜便不太講究。點了“煙肉香草雞忌廉汁尖通粉”及“紅酒栗子野菌燴鴨胸，長法包”(最經濟的兩款主菜)。煙肉香草雞忌廉汁尖通粉 - 份量足，忌廉味濃而不咸，雞正常。紅酒栗子野菌燴鴨胸，長法包 - 份量足，鴨胸有5、6件，夠軟稔。法包脆，點鴨胸汁，不錯。甜品有啫喱糖、木槺布甸、朱古力蛋糕，綠茶卷蛋等等，以半自助餐來說算多選擇。因為已經九成飽，所以只品嚐了啫喱糖和木槺布甸。啫喱糖正常水準，木槺布甸幾滑，奶味濃，不太甜，好味。臨近交檯時間，店員提示要點餐茶

啱啱過咗嘅聖誕、新年嚟咗呢度食咗兩次，因為呢度嘅半自助餐真係幾正，除主菜外，前菜沙律、餐湯同甜品都係任食，最欣賞就係佢哋嘅沙律，因為款式多同夠新鮮，又色彩鮮豔，加上聖誔佈置，所以食得特別開心！食完沙律都飽咗七成，再食埋主菜同甜品，簡直係十分滿足，埋單計數每人二百左右，抵！