三德素食館 (僑冠大廈)

之前已聽說三德在北角也幾有名氣, 於是叫外賣來試試我們叫了沙嗲串燒, 齋滷味拼盤, 油雞素肉崧綠豆粉絲, 崧子香椿素肉炒飯沙嗲串燒配沙嗲醬不錯, 做得很似, 沙嗲醬味道不算濃, 外賣時醬汁用盒另上齋滷味拼盤, 塞滿整個外賣盒, 都係酸齋最好味油雞素肉崧綠豆粉絲, 外賣來說, 份量很滿, 粉絲炒得不油, 味道很好崧子香椿素肉炒飯, 這個炒飯好好味, 很多崧子, 很香口, 每啖飯都夾著崧子素肉, 很多材料下次應該要試試五柳仙斑, 食齋必食的菜式…查看更多

好耐冇食過茶樓式既素菜餐館，記得好細個既時候，好似嚟過一次，因為嬤嬤係食齋，都會周不時去齋舖食，加上呢間「三德素食館」有分店，冇記錯應該真係嚟食過，平時都係同屋企人食，今日就同另一半嚟食。環境好近北角地鐵站，十分容易搵，餐廳位於樓上，所佔面積都好大，內裡既裝修、擺設都係茶樓形式。沙嗲素串燒 $55外型睇同真既沙嗲牛/雞串燒一樣，素肉大多以大豆製成，呢款串燒都係，沙嗲汁都幾入味，雖然係素但都有仿肉質既咬口。香煎海苔薄餅 $28必吃！原本以為係成塊紫菜放入薄餅，原來唔係，本身怕冇紫菜味，但一咬開已經散發岀海苔香氣，好似平時食紫菜梳打餅咁岀味，好香口。XO醬芹香魚腐猴皇菇 $78每次到素食餐廳/齋館都會食菇，總覺得廚師會更識得處理。份量不少，猴皇菇彈牙索到XO醬，西芹爽口，素魚腐同為大豆製成品，見點左一枱都係炸物咁制，所以叫返碟炒菜。脆皮芝士糯米雞 $75脆炸腐皮包住糯米飯及素雞，炸皮十分脆口，配上腍糯口感，邊個話食齋好悶？估唔到會有呢啲比較特別既素菜款式食，好特別亦有諗頭。拿破崙香芒海皇卷 $75每件都脹卜卜，外層係蘿蔔千絲酥咁，幼絲狀炸皮，十分香口，先有一層薄餅皮，內裡裹住芒果同素蟹肉，好有特式，可惜比較油，我自己就食半件就夠，多人食share分比較適合。總括而言，估唔到較傳統既素食中菜館都有大量新派菜式，食素/齋都可以好多變化，呢間素菜館款式十分之多，而且唔係只得普通炒菜果啲食，價錢又唔算貴，推介身邊既素食者嚟食，又或者間唔中想食下素既朋友仔。附：餐牌參考…查看更多