四寶食堂

營業中

休息中

之前食過四寶覺得唔錯今晚途經銅鑼灣又諗唔到食咩就一於再幫襯一下四寶食堂發現佢同上次Menu唔同左定期轉下Menu都幾有新意燒極級牛板腱叫左五成熟牛肉肉味幾濃，唔會過火配埋沙律，食落都健康啲意式羅勒蕃茄醬炒蜆，啲醬幾香細細隻幾易食，唔會有沙飛魚子忌廉蟹肉焗大啡菇底層仲有薯蓉，好滿足沙嗲牛肉公仔麵配丹麥厚多士、火腿、炒滑蛋沙嗲湯底幾出色，滑蛋都幾creamy仲一人叫左一杯柚子氣泡茶同雪糕紅豆冰，好大杯幾抵飲最後叫左個甜品法式蘋果批伴雪糕蘋果批即叫即焗熱辣辣配埋雲尼拿雪糕好好食！

星期五早上，要過海去銅鑼灣做啲嘢，經過謝斐道小巴站見到條人龍，心諗：10點幾排晒隊，以為有乜嘢事，原來要排隊入去食茶記，見又未夠鐘，所以諗住同佢癲吓，排咗大概10分鐘，終於可以坐低。我點左個招牌餐跟杯熱奶茶，先來左杯茶，同埋炒蛋多士，奶茶唔錯，有茶味夠滑，又唔澀口，有少少回甘，水準之作！試埋份炒蛋，出晒煙，熱辣辣，未食見到個樣都知道對辦，唔多講。反而我想講下個沙嗲牛肉麵，果然係招牌餐，花生夠香，有沙嗲味，有少少辣，對於我呢個九龍人來講，估唔到香港區有茶記個沙嗲牛肉做得好過紅茶。整體來講，呢間四寶食堂，從服務招呼，裝修環境，再加埋食物嘅質素，絕對係一間有質素，有心機嘅茶餐廳，唔怪之得晨早流流食早餐都要排隊！

好耐無同老公兩個出街,行到肚餓就試下我地眼中既「新野」望一望個餐牌就決定入去食！1. 沙嗲牛肉麵+滑蛋拼多士沙嗲牛肉麵: 牛肉夠滑同鎖水👍🏻不過就好咸下.麵煮到岩岩好!唔太硬又唔太林👍🏻滑蛋拼多士:滑蛋超級正!食到咁既樣😆多士唔好食.太甜,但陣唔係煉奶隻甜..怪怪地,食左一啖就無食到2. 牛肉菠蘿包拼薯角+凍奶茶牛肉菠蘿包:個牛肉完全唔好食薯角:好香口好好食🤤凍奶茶:唔好飲,茶味唔夠濃環境+服務態度:卡位夠闊落裝修令人覺得舒適服務員都係重視客人,一有人舉手想叫野食,坐收銀既工作人員會即大叫話邊張枱需要落單野食上得快同夠熱