漁初·魚丼

長沙灣深水埗附近除咗cafe 早排仲發現到一間刺身丼飯串燒店 呢晚同朋友過嚟 好彩book咗位可以順利入座 店舖空間比較細 連同吧枱只有十來個座位🍣三文魚、火炙三文魚腩、熟帶子、玉子燒 💰138叫咗一款Salmon Special嘅丼飯 三文魚同魚腩都厚切超肥美 魚腩炙燒過後油脂感更香🤤熟帶子大大粒幾鮮甜 玉子燒就只得一小舊 如果多舊就更好🤣🍚自選魚生飯 💰145<醋飯($15)+油甘魚腩($50)、吞拿魚腩蓉($30)、火炙鰈魚邊($30)、赤蝦($30)>吞拿魚腩蓉拌飯係我最愛😍油甘魚腩嘅魚味鮮香 鰈魚邊薄切燒過依然香滑 赤蝦肉質爽口彈牙😋 所有丼都可以無限添加醋飯 絕對唔驚唔夠飽 而且個酸度軟硬度都煮得好好👍🏻🦀蟹膏蟹肉甲羅燒 💰68蟹味香氣撲鼻 有好多蟹籽 仲有三件超脆多士 鍾意食蟹嘅絕對唔可以錯過🫶🏻🥓汁燒原塊豬頸肉 💰68豬頸肉爽口 配上燒汁&芝麻 味道出色 個人覺得個燒汁咸咗啲 但朋友就覺得正常🍗燒明太子雞髀肉 💰22雞髀肉比想像中嫩滑 大量明太子醬 味道唔錯🔔另設加一…查看更多

話說 👧🏽 細細個經常出入長沙灣搵堂哥去打機～打卡美食餐廳嚟講 附近真係比較少 🤔最近見到有間掛滿魚燈籠 十分吸精的餐廳有時間就同 👦🏻 去試一試店內麻雀雖小 但五臟俱全仲設有𝖡𝖺𝗋枱位 可以欣賞師傅準備不同食物💓晚市剛開始 😂 轉眼就全院滿座了🍣 自選魚生飯～追加定食 𝖧𝖪𝖣𝟣𝟧+𝟣𝟧肥美的三文魚$𝟥𝟢 鮮甜海膽$𝟧𝟢魚味濃的油甘魚腩$𝟧𝟢 爽口活寄貝$𝟧𝟢好喜歡佢既 🥗 沙律醋 酸酸地十分開胃麵豉湯夠濃味 岩哂 👧🏽 重口味人士👍🏻最緊要係酢飯可以無限添加❤️日本產米*可以試下佢地既薑 愈食愈辣🧆 自家製免治雞肉丸 𝖧𝖪𝖣𝟦𝟪免治雞肉蘸上蛋黃汁 十分𝖩𝗎𝗂𝖼𝗒惹味💓口感軟腍 純雞肉 如果加埋軟骨就更完美！🦀 蟹膏蟹肉甲羅燒 𝖧𝖪𝖣𝟨𝟪滿滿蟹籽在面 入口滿滿鮮香蟹膏味配上微微烘脆多士 惹味滿分💯🍢 串燒- 汁燒大蔥和牛粒 𝖧𝖪𝖣𝟦𝟪大蔥唔會燒到好乾柴 邊邊脆脆的和牛 🥩 軟腍又𝖩𝗎𝗂𝖼𝗒- 燒日本雞皮 𝖧𝖪𝖣𝟤𝟤燒到一點油都無 十分脆香 🤤- 燒明太子雞髀肉 𝖧𝖪𝖣𝟤𝟦明太子味道搶過了雞肉味～🥓 汁燒原塊豬頸肉 𝖧𝖪𝖣𝟨𝟪即沖即燒～厚切豬頸肉😍咬落去彈牙爽脆 仲有一定油脂肥膏整體口感好高分！醬汁偏鹹 少返啲會好啲餐廳裝潢現代化但又有居酒屋餐牌掛在牆上仲有日式魚燈籠🏮十分符合餐飯個名～餐廳仲做緊 🍻 生啤買一送一 可惜 👦🏻 揸車最緊要記得訂枱～唔洗排隊！𝖳𝖺𝗌𝗍𝖾 ♥︎♥︎♥︎♥︎♡𝖲𝖾𝗋𝗏𝗂𝖼𝖾 ♥︎♥︎♥︎♥︎♥︎𝖣𝖾𝖼𝗈𝗋 ♥︎♥︎♥︎♥︎♡𝖧𝗒𝗀𝗂𝖾𝗇 ♥︎♥︎♥︎♥︎♡𝖢 / 𝖯 ♥︎♥︎♥︎♥︎♡…查看更多

🍣以前住係長沙灣 丼物選擇不多 最近再番黎 以前嘅鐵板燒店已經變成居酒屋🪑座位比以前闊落舒適，一樣有bar枱選擇，食物種類都好多，除左丼飯之外，仲有壽司、刺身、串燒等選擇🍣三文魚、火炙三文魚腩、熟帶子、玉子燒 $128三文魚好肥美，三文魚炙燒後d油脂香爆晒出黎，熟帶子雖然相對薄身，但都好鮮甜美味。個醋飯飯粒煙韌有彈性，唔夠食仲可以添飯，個飯本身睇落細細碗都好飽肚。🍚吞拿魚腩蓉、角切魚生、玉子燒 $78如果想性價比更高，呢個真係非常推介！ 吞拿魚腩蓉大大一球，拌勻醋飯食非常滋味。角切魚生有三文魚、吞拿魚，仲加左蟹子係飯面,增加口感。叫丼飯仲可以加$15轉定食，包左沙律、前茶同麵鼓湯🐷汁燒原塊豬頸肉 $58❣️唔點你會後悔！豬頸肉即叫即燒，要等耐少少，但一上枱你會知道絕對值得等！聞到一陣香蜜汁燒烤味 本身食到飽飽都即刻流口水！豬頸肉夠腍彈牙，醬汁惹味，好大塊值我地都好快食晒！旁邊仲有沙律菜可以減低食豬頸肉嘅油膩感。🍖串燒🐑風味燒羊肉 $25羊肉正常發揮，唔算膻🐔燒明太子雞髀肉 $22雞髀肉好嫩滑，燒香左嘅明太子鋪係雞肉面，鹹鮮味道夾雞肉嘅層次好豐富🍡原條司華力腸 $18司華力腸外皮燒得好脆，如果再多個汁點就更出色🌟整體性價比高 絕對係值得再訪嘅地區小店，溫提，當日平日到訪約7點半都會full house, 想食可以打去訂左枱先確保有位…查看更多

🐈✨✨✨✨✨✨✨✨🍽️ 漁初·魚丼📍 長沙灣營盤街147號天悅廣場地下B2號舖 #長沙灣eatmeow好 #九龍eatmeow好 長沙灣收收埋埋都唔少高質小店cafe🫣 呢日同朋友嚟咗呢間食日本丼飯～ 話說個frd前一日生飛滋，本身想就住嗌嘢食但佢係咁話唔洗，我就由佢了！😋😋👨🏻‍🍳🤳🏻火焰鰈魚邊丼 ❤️‍🔥丼飯面會有鰈魚、玉子燒、同埋生薑片🤤我地坐bar枱可以望住師傅燒鰈魚～ 個鰈魚入口即溶🥹🥹🥹呢個價錢性價比都ok，推薦!! (見佢另外到個有埋帶子都係$88，下次想覆桌🥹)👨🏻‍🍳🤳🏻吞拿魚腩蓉、角切魚生、玉子燒丼朋友食呢個，食材新鮮滿滿嘅一碗🥹感覺佢嘅丼飯性價比都好唔錯🔥👨🏻‍🍳🤳🏻 啤酒$68買一送一 ❤️‍🔥好易入口嘅白啤，配埋我地啲串燒好夾!! 唔知個優惠做到幾時 大家近排想食日本菜飲下酒記得bookmark嚟試\(//∇//)\👨🏻‍🍳🤳🏻豚肉荔枝卷❤️‍🔥個frd話未食過豚肉荔枝卷我地就嗌咗（佢粒飛滋RIP😀😂) 我覺得好好食🥹 豚肉片唔乾，肉汁配荔枝汁好夾勁開胃😚 食完飲啖啤酒真係好正!! 個荔枝好似食緊中學成日食嘅可樂硬糖咁好好食 😳😳👨🏻‍🍳🤳🏻七味魚翅❤️‍🔥我係諗住雞泡魚乾嘅味道嚟食，呢個咬落口感再鬆啲😍 唔係硬棒棒嘅肉乾質地，配埋有七味粉嘅mayo 加咗少少香辣，會食到唔想停🥺 同埋呢個應該係全晚最啱送酒嘅小食～ 推薦! 👨🏻‍🍳🤳🏻牛舌心串燒得幾香，係有啲嚼勁嘅牛舌心～ 👨🏻‍🍳🤳🏻汁燒原塊豬頸肉 豬頸肉份量好多😆豬肉嫩口，好多醬汁啱鍾意重少少口味嘅朋友～😚👨🏻‍🍳🤳🏻燒羊肉串 有少少惹味嘅羊膻肉串，啱我口味，好好食✨✨Overall幾高質，係我近排食過幾有驚喜嘅餐廳🤍 同埋佢地嘅員工都好友善～夜晚都8成滿，大家可以bookmark試下😚 唔覺意搵到好食嘅餐廳感覺好好😋…查看更多

呢間開張咗幾個月既日式餐廳裝橫幾家庭風🍴但估唔到小店都有自助bar枱 仲有d海鮮show出黎 坐bar枱可以睇住壽司師傅準備你既美食👨🏻‍🍳近距離見到火炙壽司新鮮出爐 別有一番風味🤩提外話 呢度既杯每一枱都唔同架 餐具好靚 仲有一壺熱辣辣既綠茶🍵.📌自選魚生飯 $15自選魚生飯 好多選擇 第一步可以揀要飯定係沙律底🍚🥗想食啲乜嘢就加啲乜嘢 但係份量偏小🥺仲可以upgrade套餐(+$15)就會有沙律 湯 同埋前菜😝沙律底每次加要加$10 但酢飯就無限任添😎酢飯已拌醋 但係啲醋愈食愈甜🙈三文魚(+$30)新鮮無筋位 火炙鰈魚邊(+$30)好驚艷 好好食就連唔食魚生嘅朋友都話好食‼️魚味好濃郁 火炙過後燒得好香 好滑🍣蒲汁燒鰻魚 無骨 又軟腍🐟.📌芝士鰻魚玉子反卷 $78用火槍燒過嘅芝士更帶出芝士既奶香味🧀玉子唔算好甜 鰻魚有少少炭香味😛.📌火炙三文魚腩 $28三文魚腩好肥美 油脂感豐富 入口即溶 好新鮮 一個字 讚❣️.📌秘製燒豬大腸 $48表面烤得好香好脆 好易咬開🐷滷得好入味 好香花椒八角味 仲灑左啲七味粉 味道係好食嘅👍🏻可惜入面太肥 仲清理得唔係好乾淨🥺.📌汁燒原塊豬頸肉 $58芝麻燒汁豬頸肉 食落有少少似蒲燒鰻魚汁嗰隻味 唔錯🥰但烤得唔香脆 份量好大碟份抵食🤑味道全靠個汁 食到中尾段見到啲肉仲有少少粉紅色 煮得唔係好夠熟 好難咬開🤯.📌燒紐西蘭羊架 $58羊架燒得好靚 仲好貼心 喺尾巴包個錫紙位 方便你拎住食🐏旁邊有芥末醬 但係個人鍾意原汁原味 可以感受到真正嘅肉汁😌羊架一啲都唔騷 好入味 全熟但口感好鮮嫩 上面仲灑左少少黑胡椒提味🧂.📌燒雞中翼 $32/串上碟已經見到色澤金黃 雞皮燒到有啲焦香🔥仲有舊檸檬仔調味🍋表面燒得好脆 應該加咗鹽落去燒 味道好夠 就咁食已經好香🐔肉質唔係嫩口 但係都好好食😋.📌燒汁蘆筍肥牛卷 $28/串一碟三件 好迷你 加埋擺盤好精緻✨蘆筍有啲老 但肥牛包住中和油膩感 牛味香🐮…查看更多

為咗避開人龍情況我同小馬weekend通常會早少少食經過見到呢間人少少就打算入去試吓坐低無耐 一枱一枱咁入嚟之後全院滿座😂心入面都慶幸早咗入嚟如果大家想食 記得早少少唔係就有機會要等喇🈵我哋坐bar枱全程睇住師傅製作刺身同壽司👨🏻‍🍳透明度好高A1 吞拿魚腩蓉、角切魚生、玉子燒 $78 🙆🏿‍♀️追加定食 +$15定食係包沙律🥗、湯🥣同前菜嚟到碗魚生飯望落好似唔係好大碗但食落都幾飽 大家唔使擔心唔夠飽因為佢嘅酢飯係無限添加小妹都幾鍾意食角切魚生飯一嚟會有幾款魚生 二嚟切到一粒粒好易撈飯但好多人都會覺得係用魚頭魚尾去整我見呢間有時會直接切幾片出嚟切粒今次就用咗三文魚、吞拿魚、鱆紅魚同油甘魚再加埋飛魚子 仲有2片玉子燒喺後面最最最重要有一大pat吞拿魚腩蓉🤤🤤🤤軟綿嘅口感 真係無嘢可以比Btw佢連隻羮都好得意 有魚紋E1 火炙鰈魚邊、磯煮鮑魚、吞拿魚腩蓉、玉子燒 $128 🙆🏿‍♀️追加定食 +$15鰈魚邊經燒過之後 睇相都見到佢滿滿嘅魚油咬落去堅韌得嚟 又同魚脂平衡到濃郁甘香 好夾磯煮鮑魚鮮嫩彈牙 再索埋湯汁鮮甜嘅味道值得一提嘅係佢嘅自家鮑魚肝醬👍🏿味道甘香濃郁 配飯食一流S1 花之戀 (1件) $22 🙆🏿‍♀️足足用咗3片三文魚包住加埋沙律醬同飛魚子無論賣相、口感同味道都無得挑剔S3 三文魚腩 $26 💁🏿‍♀️正常發揮如果肥美啲會更好😆S21 火炙油甘魚腩 $28 🙆🏿‍♀️推！用火槍燒過迫晒啲油出嚟一入口滿滿嘅油脂感而且更香口同鮮嫩😋😋😋S29 墨魚 $14 🙆🏿‍♀️第一次見咁嘅造型相對到時更多料而且用紫菜卷買更顯心思飽滿肉厚 鮮甜爽口 再加上獨特嘅口感🤤K3 汁燒原塊豬頸肉 $58 🙆🏿‍♀️即叫即燒欣賞佢仲有沙律菜伴碟大大減低油膩感同罪惡感😂豬頸肉size正常 但就好厚咬落去彈牙爽脆 而且油脂一向較高燒完好香口 再加上鮮嫩口感 無得輸😋K21燒明太子雞髀肉 $22 💁🏿‍♀️雞髀肉好嫩滑再加上明太子綿綿細軟嘅口感都幾夾加分欄⭕️ 有禮貌✅ 加一服務費✅ Openrice訂座✅ 午市9折；下午茶8折✅ 生啤全日買一送一✅ 無限添加酢飯✅ 使用日本產米…查看更多

喺黃金電腦廣場搵完 router 就去咗附近嘅 ❥⧽ 漁初．魚丼 ❥⧽ 食飯咯, 餐廳細細, 但環境充滿日式感覺。𓊈活赤貝刺身 $𝟝𝟘𓊉原隻未開殼嘅活赤貝真係好吸引, 開咗殼嘅活赤貝簡直係加咗 bling bling filter咁好靚呀! 活赤貝好新鮮鮮甜, 有好淡淡嘅海水味, 肉質爽厚, 好好食!𓊈三文魚 ✧ 油甘魚 ✧ 三文魚腩丼 $𝟙𝟛𝟠𓊉丼飯有個金色托盤放喺底, 第一感覺已經好華麗, 刺身份量十足, 同樣新鮮, 三文魚腩好肥美, 最驚喜係油甘魚, 質感豐厚而入口即溶, 充滿油脂香氣!𓊈汁燒原塊豬頸肉 $𝟝𝟠𓊉豬頸肉厚切, 燒完都充滿肉汁, 肉質亦好軟腍, 呢度嘅燒汁好好食, 甜而不膩。𓊈自家製免治雞肉丸 $𝟜𝟠𓊉雞肉丸係餐廳自製, 口感同豬肉丸差唔多, 配咗蛋黃汁, 令到個雞肉丸更香滑。𓊈燒金菇肥牛卷 $𝟚𝟚𓊉金菇肥牛卷燒得好好, 肥牛熟度剛剛好, 唔會乾仲好 juicy, 燒汁索曬入d 金菇度, 所以成個卷都好香濃, 大推!𓊈燒長洲大魚蛋 $𝟙𝟝𓊉見到長洲大魚蛋所以就八卦試吓, 真係好大粒㗎, 燒完仲外脆內軟, 幾特別。𓊈火灸三文魚腩 ✧ 三文魚腩 ✧ 帶子 ✧ 吞拿魚腩蓉軍艦 $𝟙𝟘𝟜𓊉幾款壽司都幾新鮮, 三文魚腩真係好肥美, 火灸過就更加重油膩香, 食得滿足。𓊈芝士鰻魚玉子反卷 $𝟟𝟠𓊉睇住師傅逐樣放上去然後卷埋真係好治癒, 芝士, 鰻魚同玉子係好朋友, 所以加埋一齊好好食! ✧✧ 推介! 整體食物都好好食! 店員好 nice 仲叫我襯新鮮快d 食, 唔好掛住比相機食先。…查看更多