Food Garden ETC

營業中

休息中

由於家人工作忙碌，所以隨意的選了一間在家附近的西餐廳與家人食生日飯。Food Garden ETC勝在位置方便，位於地鐵站出口旁的D2 Place商場內。餐廳的店面寬廣，座位寬闊舒適。先透過openrice預訂了座位，實際上餐廳內的客人不多，即使沒有訂座也不用等位。田園沙律 ($88)，另加$68要了煙三文魚，第一次吃過百元一份沙律🥗每人可分到一大片煙三文魚，但沙律菜的用料都很普通，即使不加煙三文魚，也不太值$88這價錢。脆炸北海道生蠔，炸蠔的脆漿不會太厚，外脆內軟嫩，一咬開，蠔汁溢出，蠔味滿滿！汁燒原隻東瀛魷魚，魷魚燒得剛好，口感彈牙不會韌，蘸燒汁來吃，更為惹味～～巴馬火腿配蜜瓜，份量適中，惟火腿的賣相及擺盤都不吸引。火腿的鹹香味一般，蜜瓜偏乾身亦不夠香甜。法式虎蝦多士，一份有兩大件，法包面層鋪上蝦膠，製成蝦多士。蝦的香味不夠突出，而且這份蝦多士略為油膩。燒牛舌，牛舌大片，有咬口得來又不會韌，算是軟稔易咬，有牛香，幾好味！水牛城雞翼，炸得香脆，而且有滿滿醬汁包裹住雞翼，但辣度不太夠。法式蝸牛，賣相不討好，泥綠色汁液溢出，已有點影響食慾。菜式絲毫沒有任何搭配就索價$128，在中環找一家

今晚和太太在荔枝角D2 Place買完東西，順道在此吃晚飯，發現這家Food Garden ETC好像不錯，於是來試試水準。餐廳以清新自然為主題，位置空間感足夠，裝潢高雅環境有品味，燈光柔和，正好可以舒舒服服地邊食邊傾計。餐牌選擇眾多，有小食、Pizza、Pasta、主菜、甜品等，更有特價啤酒小食套餐。店員介紹星期六日有提供期間限定的Prime Rib，看樣子很不錯，遲點可以來試試。水牛城雞翼 $78先點一客小食水牛城雞翼，雞翼大大隻，先炸得外脆內嫩，特製水牛城醬汁包裹著雞翼，味道酸辣分明，十分正宗，加上一旁的沙律菜，清新爽口，十分開胃。牛肉漢堡配芝士、煙肉、薯條 $188點了邪惡度爆燈的牛肉漢堡，材料用上極厚牛肉漢堡、芝士及煙肉，麵包一咬鬆軟綿密，富牛油香，牛肉漢堡肉汁豐腴，爽朗厚實，加入爽脆的生菜和酸香的蕃茄，令口感及味道同時多出一個層次，滋味非凡，屬水準之作。松露醬野菌忌廉汁意粉 $148另外點了一客經典的黑松露忌廉意粉，先是意粉做到Al dente，口感彈牙豐富，有淡淡麥香，用上濃郁的松露醬，獨有的松露香氣十分豐富，野菌忌廉汁煮透入味，每一啖都滋味豐美。千層蛋糕 $48最後點了

⚡️同好友相約去荔枝角食晚飯，揀咗呢間位置稍為有小小隱蔽嘅🪴Food Garden ETC ，環境相當唔錯，闊落得黎又幽靜，好啱同三五知已黎傾計小酌一番🍸.⚡️總共嗌咗三款食物，全部都相當有水準，小女子最鐘意🍝冬陰公汁海鮮意粉，初時上菜嘅時候見佢呈奶白色，一度懷疑佢會冇乜冬蔭功味，點知食落超有驚喜🤩佢係creamy嘅冬蔭功意粉，酸辣味會漫漫滲出黎，就算唔食得辣嘅人都一定carry到😌而且佢嘅海鮮份量好足，有蝦🍤、帶子🐚、蜆肉🦪等等，兩個人share都無問題🤘🏻.⚡️好友就鐘意🍗水牛城雞翼，因為佢夠大隻，而且醬汁微辣惹味，好啱做下酒菜，配蔬菜沾嘅醬都非常出色👍🏻.⚡️ 🥩牛肩肉8安士相對上略有遜色，我地叫咗五成熟，肉質軟糯，不過欠缺牛肉鮮味，配菜反而味道上剩，更受小女子同友人青睞🤣.⚡不得不提呢到嘅服務態度非常好，有令小女子小小受寵若驚😂整體黎講都係非常值得入黎用膳嘅，一定會二訪😎

終於三人不需使用隔板田園沙律這個沙律🥗有少少驚喜，沙律菜很新鮮，加上合桃及酸酸甜甜的沙律汁，很開胃水牛城雞翼REG正常味道，只有少許辣，都幾大隻，但只有4隻，喜歡杯裏的配料，特別是西芹，很清甜，不用點沙律醬也好吃椒鹽鵪鶉腿很少只是吃腿，份量有9隻，我覺得幾好食，好似食緊迷你雞肶，肉夠嫩滑，值得一試松露什菌薄餅薄批，餅底夠脆，如果什菌份量能夠多一些就好松露醬野菌忌廉汁意粉我一向怕好膩的白汁意粉，因為食少少都覺得滯，但這個忌廉汁恰到好處，野菌份量又多，最值得一讚是意粉的靭道，所以推介大家一試👩🏻‍🍳今晚6時入座，但到7時已全部爆滿，大家記得訂位👩🏻‍🍳侍應殷勤倒水，有禮貌

之前帶狗來行D2，經過呢間嘢發覺幾多人，決定下次一試～所以今日來咗啦，見有網評話朱古力薄荷唔錯，朱古力唔會蓋過薄荷味，膽粗粗叫咗兩杯，飲品來到，滿心期待！頂！甜到想死😩😩自問飲嘢都落得糖多，但呢杯嘢真係⋯可一不可再！再來就係「水牛城雞翼」，味濃，汁剛剛好，不太辣，肉質嫩口我地叫咗個松露手工薄餅，來到並無所講咁濃烈味道，但都香，份量比想像中細，咁都好啲，當初仲擔心食唔哂！一啖落去，菌味出哂來，又係我最愛嘅脆底，真心正嘅！下次會再叫老公原本叫咗M5和牛，點知無哂，最後選擇咗牛肩肉，嗌咗5成熟，入邊顏色幾靚仔，出邊就好黑啦配菜超正，調味調得非常好，落咗沙律醋，好過有啲舖頭配菜係無味！老公同我叫咗慢煮乳豬，來到都好吸睛，但其實我開始full😀😀 脆皮，肉嫩，配埋南瓜蓉，甜甜地，等你覺得無咁膩，不過就建議多幾個朋友先叫，因為我覺得好多🥲🥲每人試少少就OK！最後叫咗兩個甜品：Pancake配雪糕！正常嘅，無咩特別！另一個焦糖燉蛋，蛋味香濃，不過就咁嘅價錢，個人覺得唔太值，富貴嘅朋友仔可以試下😬最後埋單$1129

夜晚唔想排隊等位食飯，過去荔枝角D2 Plaza 不失為一個好選擇。可能受疫情關係，加上係工廠區，而且都唔係特別便宜。係晚市，餐廳人流真係唔多，得2-4張枱。 由8:00開始才慢慢多人，但又未至於坐滿。 唔似星期六或日午市咁排晒隊。環境都唔差，幾清雅嘅，仲有埋一支酒精搓手係枱面俾客人，幾貼心見個個都影一影打卡⋯ 少不勉跟下風，熱鬧下。疫情期間，係唔應該落手嘅，但就係想試一試佢係有咪拉絲效果Pizza 幾好食。呢款菠蘿Pizza，真係無得衰，最最最穩陣。水牛城雞翼掛曬啲汁，仲要辣辣地咁。幾美味味。但係⋯ 果兩條乾曬水嘅夢卜⋯ 可唔可以拎走佢啊？有啲似係上一枱食剩Wor⋯ 又或者係廚師們食剩先俾我嫁⋯ 竟然係唔新鮮，只係做個樣⋯ 我寧願你一開始就唔好俾我😀😀😀 呢個位真係令人好失望啊😮‍💨卡邦尼意粉，都幾多芝士係上面嫁⋯ 但係⋯ 卡邦尼上面唔係有個温泉蛋的嗎？可能我認錯了了甜品就⋯ 建議你去番附近的糖水店，同一個價錢，誠意就十足⋯ 選擇多，又有賣相先。

呢間餐廳午飯時間已經多人，今次試一試佢個晚餐~✨推介👉🏻M5和牛肉眼 $388鐘意食扒嘅朋友推介可以嚟試下呢間！叫咗牛扒5成熟，肉汁鎖喺入面🤭好耐冇食咁嫩嘅牛！✨推介👉🏻水牛城雞翼 $68另外雞翼意外哋高質💁🏻‍♀️甜甜哋嘅味道好開胃✨西班牙火腿拼盤 $138至於朋友就讚個火腿，份量都唔會話太細~呢個蒜蓉味都幾香！熱柚子蜜 $30生啤 $50至於餐廳座位比較多，但都坐得偏密，可借未有機會坐卡位，不過鋪位係商場，所以都係舒服嘅~

難得約了舊同事吃飯我們真的好久不見 有段時間了約好在舊公司附近吃飯D2 Place有不少餐廳在裡頭 不少風格餐廳這次選了這家偏西式的餐廳餐廳裝潢有用心 不會很密集桌子之間距離挺闊的 我們3人吃的過程 聊挺多 服務員的服務不錯 是有心的黑松露野菌忌廉汁長通粉野菌有不少在裡面 不會太過於單寡醬汁煮得濃稠 長通粉每條都能有醬汁吃起來的時候就不會太清淡 加上有點黑松露的香味 層次感提升份量對於女生來講比較夠 有少許膩口肉醬意粉肉醬比例正常 酸甜口味 挺開胃的每條意粉都能沾到肉醬 煮得剛剛好不過不失的餐點水牛城雞翼一客有五隻雞翼 醬汁很誘人雞翼醃漬的挺入味 不會只有表面的醬汁而己酸甜中帶點辣味 挺開胃炸的很香口 旁邊還有配上沙拉醬在餐點中吃到這個雞翼 可以解膩美國牛肩肉 七成熟這次配合朋友的口味 點了七成熟外表有稍微煎過 裡面粉嫩的口感裡面粉嫩 肉質會軟軟的 偏結實沒有血水的情況出現牛肉的厚度很厚幫大家切成一口的尺寸 方便入口還有店家調配的醬汁旁邊還有少量蔬菜作伴

星期五晚上約咗朋友係荔枝角見面，揀呢間舖頭都係俾佢啲相吸引，感覺環境應該幾舒服，而且仲見有唔少正評，就提前預訂試下。去到餐廳門口，就發現同想像中都幾大出入，成個環境好吵，枱與枱之間距離都好近，而且仲冇乜冷氣。落完單後，店員先會擺放餐具係枱面。佢擺放個陣係直接揸住裝嘢食嘅位，雖然我都會再抹，但感覺始終唔太好。收盤個時係將一堆餐具掉落瓷碟上，啲聲係大聲到會嚇一嚇。冬陰功汁海鮮意粉 $158食物賣相都幾吸引，而意粉比較幼同質地偏軟，同埋好碎。冬陰功味道有啲辣但就冇酸味，裡面會有埋蝦、帶子同茄子。夏威夷手工薄餅 $128薄餅係蕃茄底，餡料就有火腿同菠蘿。餅底係韌嘅，而個邊就係好硬，質地更似係急涷薄餅。水牛城雞翼 $68 (REG)雞翼味道都幾濃郁，食到中間就見到紅色嘅肉，好明顯地睇得出雞翼炸前未有處理好。總括嚟講，唔推薦大家嚟呢間餐廳食，環境吵到傾唔到計，食完真係即刻走。食物質素都算差，呢個價錢我相信可以有更好嘅選擇。

今晚放工約朋友飯聚，呢度氣氛幾好，好岩朋友或家庭飯聚，食物好味又岩share食，服務都有禮勤快，添水、下單、上菜，都有效率，好滿意。水牛城雞翼 $58一客五隻，炸得香口熱辣辣，個汁極惹味，夠酸夠辣好刺激，辣味都好快散去，味道幾濃重，雞翼都入味，必點小食。仲有蔬菜條配千島醬，蔬菜條好爽脆，沾千島醬好滋味，又可中和雞翼的辣味，清爽味蕾。松露醬什菌芝士手工薄餅 $108上枱時已經傳來陣陣松露香，超吸引，亦都焗得好香脆，係薄批餅底，口感輕薄唔膩，上面d料都幾豐富。批底塗滿好多松露醬，所以好重松露味，非常美味，加左什菌增加咬口，最面的芝士焗到金黃色，又香又重芝士味。牛肉漢堡配芝士、煙肉、薯條 $168漢堡份量唔算好大，order時要求切成2份，方便我地share食。牛肉漢堡要求5成熟，牛肉好嫩好多肉汁，鬆化口感亦很讚，芝士香濃，醃青瓜清爽中和膩感，煙肉油香，整體味道都好好。薯條係粗薯，口感飽滿，炸得香脆，而且仲混有蕃薯條，感覺健康d又無咁膩。冬陰公汁海鮮意粉 $138有2隻蝦及2粒帶子，冬陰公香味都幾強，好有泰式風味。蝦肉爽口，帶子嫩滑，兩者都沾有醬汁，味道剛好。意粉微彈，掛滿冬陰公味醬汁，越

今天跟朋友去D2 Place一起逛街，到了晚餐時候，就順便在這裡解決了，反正這裡也有很多餐廳可以選擇！這次就選了這間價錢不錯的來試試！冬蔭公汁海鮮意粉（１３８元）這個意粉比想像中的冬蔭公還要濃，而且辣度挺高的，非常適合重口味人士，那個就是我了！海鮮就給了大蝦和帶子，大蝦起經幫你去殼了，挺鮮甜彈牙的，帶子就挺嫩滑的，都挺好！夏威夷手工薄餅（１０８元）薄餅給的芝士很多。焗完以後芝香十足！配料有菠蘿和火腿，菠蘿非常多汁，配上蕃茄醬汁，吃起來酸甜可口！松露醬薯條（４８元）這個份量挺多的，松露醬也沒有少給，不過可能最後跟松露醬混合了，薯條有部分變軟了，但整個松露很香！水牛城雞翼（５８元）雞翼挺大的一隻，本身已經醃得非常入味，再經過油炸，再配上酸甜中帶點辣的醬汁，十分惹味！香蕉班戟配朱古力雪糕（４８元）今天餐廳沒有朱古力雪糕，所以轉成了雲呢嗱味，不過這樣更好，我更喜歡雲呢嗱味！雪糕香甜幼滑，配上了朱古力醬，又有香蕉班戟，吃起來味道豐富。焦糖燉蛋（５２元）這個吃起來有點像慕絲的感覺，蛋香十足，燉蛋上面的焦糖十分開脆，帶點微苦！

呢星期D2Place有手作市集，行完街搵餐廳食野，記得呢度有間西餐非常唔錯，黎到既時候已經排晒長龍，要等位大約半小時，拎左張飛行一陣再返黎就有位。.兩個人食飯都係叫兩個main+一個小食咁，Staff推介我地叫手工Pizza😋另外見到好多人食雞翼又叫左。.▪️水牛城雞翼 $58水牛地雞翼好多人話好易整，但要整到好食我覺得好難，所以成日出去食飯都會點呢個菜式，雞翼既精華在於個RedHot Sauce, 呢間用既醬料都唔錯，夠晒辣之餘都唔會蓋過個味。有點可惜既係伴碟既醬料只是千島醬，而唔係藍芝士醬。.▪️夏威夷手工薄餅 $108手工Pizza果然唔錯，皮夠薄脆，芝士夠多，仲可以做到拉絲效果，配料尚算配搭得幾夾，呢個價錢抵食👍🏻.▪️安格斯西冷 8oz $288最期待既主菜，安格斯西冷、厚度目測有近一寸厚，西冷叫咗五成熟拿捏得恰當好處，外皮輕輕煎過，內裏軟熟夠淋身，估唔到呢間西餐廳都煮得咁出色🥰.雖然好少黎荔枝角，但如果黎開呢頭，真心推薦呢間西餐，中平價幾抵食又高質。

女仔一走埋一齊就雞啄唔斷，今晚就搵個地方chill下，一間jazz好岩feel嘅餐廳～呢度卡邦尼意粉係最好食，醬汁口感豐富，意粉濕度、芝士味同多味都非常足夠，而且意粉質感夠彈牙，非常唔錯。我friend 話三文魚配芒果沙沙醬煎得幾好味，皮好脆又夠大塊，好飽肚，罕有配芒果沙沙醬夠特別～仲有小食甜品都唔錯，水牛城雞翼香辣惹味，芝士蛋糕creamy口感又香濃，係女仔小食唔錯嘅選擇～想摸住酒杯底傾計都無問題，呢度有酒牌，唔洗轉場～