十二味 (黃大仙中心南館)

營業中

休息中

而家食晏好難搵位🫣😮‍💨同事尋日book定位～今日他他條條去食晏🥰🥰最鍾意食佢個麻辣香鍋🍲難得今日有人同聲同氣，叫埋麻辣香鍋田雞😋（成日都有人話唔食🐸…😮‍💨）個個同事都鍾意食酸菜魚，又點可以唔叫呢？！🤪再加多個水煮牛肉🐮同埋乾扁四季豆🥰very yummy！！全部叫少辣，但係都有人食食吓會頂唔順😅😝其實我覺得應該係個水煮牛肉入面嗰啲花椒，唔覺意食咗一粒，條脷有排麻😵‍💫😵‍💫🤭不過川菜真係越食越過癮～食辣係會追住食嘅，所以都係要好好節制一下😅佢杯百香果玉露大大杯只係加八蚊，每次都要飲！👍🏻💕本來同事話唔使飲嘢，最後都係投降了……🤭

咁啱要係黃大仙揾lunch食，見到呢間四川野好多區都有分店，價錢40幾至60幾都算相宜就試試啦🙌🏻味道整體不過不失，唔係好食得超辣嘅我都食得到😆🔸水煮牛肉 （HK$58）雖然睇落紅噹噹，但食落其實都唔會太辣👻牛肉口感都嫩滑，配飯食好match，牛肉再多啲就好啦～🔸蔥油拌麵 （HK$38）份量都算少，蔥油味都幾明顯，但又唔會太鹹，過下口癮係可以嘅🍜🔸川香回鍋肉 （HK$58）而回鍋肉嘅味道相比無咁惹味，蔬菜蓮藕份量比肉多幾多😂想健康啲嘅可以試呢個～🔸紅糖糍粑 （HK$48）最後口痕想食下甜品，糯米製成嘅糍粑煙煙韌韌，外面個層就脆脆地，沾埋紅糖食都唔會太甜😋

第二次嚟幫襯，第一次食係有驚喜嘅！本身我係衝住個辣子雞嚟食，但今次真係好失望，唔知係咪旺咗嘅關係，同第一次嚟食差太遠，辣子雞，雞嘅份量少咗最少30%至40%, 仲要好多骨同埋好多骹位，基本上真係冇乜肉食到，令我覺得係用下欄嘢嚟煮，油太舊有少少味🤷🏻‍♀️失望！其他嘢係ok嘅！水煮牛肉keep到個水準， 牛肉嫩滑味道唔錯😋 今次試咗佢個杏仁西檸炸蝦球， 都幾好食！ 飲埋個熱情果梳打，普普通通！應該溝得太多水， 唔多覺佢冇梳打水， 整體還可以， 但希望個辣子雞真係會改進， 再試多次係咁真係唔會再嚟！

今天難得放假又想食下辣野，就諗起十二味，原來黄大仙開左間，所以就去試下。我和朋友未夠十二點就到，人唔多，好快就安排入座。店内提供口罩套，十分體貼。而且點菜要用QR code, 好似好方便，但唔知落錯單會點呢？午市套餐都係以辣為主，我地點左水煮牛肉小辣，酸菜魚小辣和麵。再另加八蚊要杯凍柚子菜，本身個午餐已包白飯和維他奶一盒。首先來左杯柚子蜜，超大杯，應該預算我地食唔到辣，所以勁大杯d 菜上得好快，酸菜魚同水煮牛都好快上菜，起初見到碟水煮牛，真係嚇一跳，成碟都係紅色，都幾恐怖，本身擔心食唔食得到，好彩真係小辣，我都食到少少。另外酸菜魚就微辣，我個人覺得啱啱好，酸菜都夠酸，好入味，如果係一人份量啱啱好，朋友都話好好味，見他食到满頭大汗，又不停係度食食食，覺得好好笑每個午餐都唔算貴，而且份量足，下次可以再食