Terrace in seaside (德福廣場1期)

遠睇到餐廳入面有棵大大嘅柑橘樹，而且店員都戴住柑橘造型的帽，已經覺得間鋪頭好得意，平時返工經過見到間鋪仲要排隊添，所以真係心郁郁想試好耐🌝韓國蜆肉紫蘇飯一上碟見到分咗一半係炒飯，一半係蜆肉紫蘇葉，炒飯底配上韓式辣醬炒的蜆肉，真係好惹味！份量十足，蜆肉又大隻又多，充滿韓國風味。🌝醬油五花肉飯卷食韓國嘢又點可以唔叫飯卷，充滿芝麻香的飯卷包上燒得香脆嘅黑毛豬五花肉，再淋上特製嘅醬油汁，肉香四溢，口感豐富，真係值得推介。🌝水果忌廉三文治呢個水果想試好耐三文治，三文治包覆住厚厚嘅cream, cream 內有紫薯、提子同埋奇異果，望落去有三種不同的顏色，配合軟綿綿嘅麵包片，食落清新甜而不膩，好適合係炎炎夏日食。🌝綠油油蜜瓜窩夫綠油油蜜瓜窩夫係招牌甜品之一，窩夫外脆內軟，加入新鮮嘅蜜瓜同店內招牌的柑橘，清新又多汁！而且在滿滿的忌廉上灑上開心果碎，口感非常豐富。🌝濟州柑橘乳酪呢個係必點項目！一見到成杯飲品都係柑橘造型真係俾佢攻陷，乳酪用上韓國濟州島出產嘅柑橘汁同乳酪混合而成，飲落酸甜可口，帶有淡淡嘅清新柑橘香氣，值得推介。🌝凍洋甘菊桂花茶呢杯茶以洋甘菊同桂花為主要材料，清香怡人，有助減壓，更配有一片柑橘乾，飲完心情都靚啲…查看更多

今晚到Terrace in seaside，位於九龍灣偉業街33號德福廣場1期1樓F11號舖。 之前食過海港城分店， 味道不錯，仲經常排長龍。 店內裝修文青簡約風格，是一間韓國仁川過江龍，主打韓式西式Fusion菜📋，今次我們二人點韓國蜆肉紫蘇板$138、 蟹籽雞蛋薯仔蘋果沙律$78、 綠油油蜜瓜窩夫$122、 水果忌廉三文治$62、 濟州柑橘乳酪$68、 洋甘菊桂花茶$48。 🔸韓國蜆肉紫蘇板🍛 ～ 一邊是甜辣鮮味的蜆肉， 另一邊是韓式辣醬炒飯， 非常惹味開胃。 🔸蟹籽雞蛋薯仔蘋果沙律🥗 ～ 蟹籽增添口感， 雞蛋薯仔味道很夾， 蘋果清新爽甜，豐富而美味的組合。 🔸綠油油蜜瓜窩夫🧇🍈 ～ 平時多數都食士多啤梨窩夫，今次要轉新口味，蜜瓜窩夫賣相非常精美， 又係一款可以瘋狂打卡的甜品， 蜜瓜香甜，忌廉口感幼滑， 配上窩夫外脆內軟的口感， 非常滋味。 🔸水果忌廉三文治🥪 ～ 麵包裏的厚厚忌廉， 綿綿的口感，水果有柑橘、 提子和奇異果， 賣相精緻可愛又美味。 🔸濟州柑橘乳酪🍊 ～ 新鮮水果的外形， 未飲就要打卡先。 味道微甜帶有淡淡柑橘香， 口感細滑。 🔸洋甘菊桂花茶🥤 ～ 清新的菊花味， 配上芳香的桂花， 兩者香氣巧妙融合。 這裏的主菜、甜品和飲品， 食得又睇得， 真心推介。🏷️溫馨提示～ 整個用餐體驗均屬個人分享意見， 只作參考😊。 …查看更多

成日行過都見到排晒長龍 裝修環境小清新好文青 裝修以濟州島啲🍊色同木色為基調 一眼望就被吸引住❣️傳統飯卷 $68諗住仲有個主食所以呢個冇嗌到有配料嘅 黃蘿蔔紅蘿蔔青瓜絲食落好fresh 最得意係佢每一道餸都跟橙角 十足食完飯食生果嘅concept ❣️燒醬油黑毛豬白切肉紫蘇飯 $128黑毛豬油脂閃令令 但食落肥而不膩 醬油燒得好入味 吱咗少少橙汁落飯度crossover 果香拌紫蘇葉飯 微甜中帶淡淡孜然肉桂香不過唯一係飯量得好少 肚餓少少可能都未必夠飽❣️士多啤梨提拉米蘇 $52成盒差唔多都係以cream為主 上層海綿蛋糕 周邊放滿切半嘅士多啤梨 蛋糕好綿密軟熟🍰連cream食再加埋酸甜嘅🍓好滿足❣️水果忌廉三文治 $62草莓控見到即刻想試曬 同樣係cream加士多啤梨 但麵包相對冇蛋糕咁軟咁吸果汁 但忌廉同樣幼滑 不過不失❣️士多啤梨忌廉窩夫 $98最期待嘅甜品!!! 成份勁吸睛窩夫即叫即整熱辣辣 外脆內軟連個邊都係脆卜卜 加上凍冰冰嘅忌廉 配搭埋士多啤梨醬 好match ❣️濟州柑橘乳酪 $68成間舖頭上下就連職員頂帽都係🍊當然點要試下 原隻橙中空左再掛係飲管做造型 揸哂入邊啲纖維果肉果汁出嚟 混合yogurt酸酸甜甜好開胃❣️熱情金菠蘿沙冰 $68另一個recommendation 同樣係掛左個中空生果係上面 細細個菠蘿好QQ 沙冰中見到🍍果肉 但唔知係咪因為打沙冰需要好多水嘅關係 感覺好似有溝淡左 不過夏天消暑係個唔錯嘅選擇嚟…查看更多

嚟到九龍灣德福商場呢一度基本上格局保持十年如一日，😂但陸續見到嘅係不斷有新餐廳加入，所以仍然保持一定嘅吸引力。 😜而其中應該都會見到有一間非常之清新嘅餐廳，主打就係韓國濟州柑橘，相信都幾吸引眼球，😍就連個名都顯得小清新，Terrace in seaside. 而呢一度就主打食韓國嘢，但無論係飲品甜品定係煮食都有佢特色之處😛水果忌廉三文治— 🥪個名就普通，但係實際望落去就並唔係咁簡單，水果只會用當做嘅水果，而士多啤梨正正好就係一個非常時令嘅水果，🍓出自韓國嘅士多啤梨，相對上又甜又爽口，🍓放落軟綿綿又充滿奶香嘅忌廉度，顯得中和一下綿密緊致嘅感覺，🍓又帶嚟更多酸甜酸甜。忌廉同麵包三文治絕對係非常好拍檔，🍓微甜亦都係控制得相當出色咁就唔會好似忌廉蛋糕嗰啲忌廉咁重咁實的的🥪燒醬油黑毛豬白切肉紫蘇飯— 🐽煮食方面就絕對推介呢一款色香味俱全嘅醬油黑毛豬白切肉飯，🐷首先講吓燒醬油黑毛豬白切肉，就此切開一塊塊嘅豬手咁樣，🐷可以見到色澤同埋層次就似五花腩，但係相對上肉質比較多同埋脂肪部份相對上唔太油膩，🐷反而有豬手嘅膠質感，本身已經有醬油漬嘅處理方式，所以味道已經10分充足，🐽至於個飯更加係精心製造，粒粒都呈現橙紅色就好似將泡菜嘅味道塞咗落去。🐽每粒飯都非常充滿味道，配合埋黑毛豬切肉更加係又有燒烤味道，又有韓國丼飯嘅正宗感覺🐽煙三文魚芝士窩夫— 🧇另外呢一度亦都非常出名窩夫，有甜嘅亦都有咸嘅選擇，🧇而呢一款煙三文魚芝士窩夫相對上來講係比較出色嘅配搭。🧇窩夫嘅蛋香味依然係吸引人嘅原因，🧇而窩夫裏面亦都塞咗芝士同埋煙肉，🧀所以先令到香味更重味道更濃，🧇加上夠晒長嘅煙三文魚，再加上旁邊嘅醬料多重滋味，變相有一種好實在嘅咸甜配搭🧇濟州柑橘乳酪— 🍊呢款飲品絕對係餐廳嘅招牌作，喺飲品上面插咗一大個原隻柑橘，🍊當然裏面嘅肉就係用嚟做乳酪嘅原材料，至於味道絕對係一流，乳酪嘅酸甜，🍊再加上柑橘嘅清新絕對係好完美嘅配搭，而且少咗乳酪嘅酸味令到絲滑感大大提升，獨一無二嘅製造同埋味道令人非常之上癮🍊Terrace in seaside (德福廣場) (九龍灣)九龍灣偉業街33號德福廣場1期1樓F11號舖…查看更多