Running 燒 (已結業)

好耐都食過韓燒啦！係OpenRice見到呢間係旺角嘅任食韓燒餐廳，地點咁就腳，就即管試試～我哋兩個人都安排咗一張大圓枱俾我哋坐，空間好夠，而且隨身嘅物件，倒如手袋可以放喺凳下邊嘅空間，非常貼心。一坐低職員就會送上三碟前菜，分別係大豆芽、泡菜同埋海帶。三樣入面我最鍾意食泡菜😋佢嘅味道唔會太辣，啱晒我呢啲唔食辣嘅人，而且冇乜我平時最唔鍾意韓國泡菜嘅嗰陣酸味。餐廳入邊嘅自助醬料區有好多醬料可以選擇，而我哋就揀咗韓式辣醬、大醬同埋蒜蓉～雪櫃入邊有好多唔同種類嘅嘢飲，我就叫咗每次食韓燒必叫嘅忌廉溝鮮奶啦，而家好似越來越少地方有得飲🥲除咗唔同肉類之外，餐廳仲有好多韓國小食可以揀，我哋試咗嘅水冷麵、韓式炸雞同埋炸魷魚鬚都幾好味😋食韓燒梗係最梗要啲肉啦😂呢度嘅選擇都好多，有豬、牛、雞、羊同海鮮～而且蔬菜嘅選擇都唔少～呢度嘅肉類同其他韓燒餐廳唔同嘅係，調味得比較輕手，唔會一食落去就好鹹或者好重口味，比較可以食到肉本身嘅味道，呢點我係好欣賞嘅👍🏼為咗可以食得冇咁有罪惡咁，我哋跟咗韓國人嘅食法，叫咗一盤生菜包住啲肉食😂食完飯之後，每位食客都會送一份雪條，有四款口味可以選擇。我就揀咗芒果味，呢款雪條以前都食過，超級濃嘅芒果味，好似食緊原個芒果咁😂😂😂做飯後甜品真係好滿足呀～…查看更多

今日黎到旺角呢間running燒食韓燒，餐廳唔算好大，所以一定要卜枱，依家做緊優惠1920前離座/2130後入座都有7折，埋單唔洗200蚊位，咁既價錢黎講，絕對物有所值。坐低左之後，飲品自己去凍櫃拎，汽水，烏龍茶，椰青水應有盡有，想飲酒可以加錢另叫，醬汁有個小小corner自己添加，大醬，豉油，燒肉醬汁隨你喜歡。去到重點梗係燒肉啦，落單自己填紙仔，雞牛羊豬海鮮都有，重有一系列既炸物，湯麵飯去點。我自己揀左幾樣鍾意既食物。海鮮我首推扇貝，帶子，多春魚。帶子細細粒，食多幾粒都唔怕飽，扇貝算係中size既，我一個都食左5，6隻，另外多春魚就係每次必點。肉類方面我覺得厚身既會比較好，口感都好啲，首推一口牛柳粒，牛舌，厚身豬五花係我推薦既。另外熟食，炸雞同埋魷魚鬚店員話係即炸，所以食落口好脆同埋好熱。最後推薦既係水冷麵，估唔到係燒肉店食到咁好食既水冷麵，食落真係冰凍，呢幾日咁熱食落真係透心涼，而且小小酸，食完碗麵開左個胃真係燒多幾舊肉。最後要讚既係抽風系統唔錯，食完件衫都冇咩燒烤味。…查看更多

韓國燒肉大家都唔陌生，如果鍾意去韓國嘅朋友，都會發現有好多食燒肉嘅餐廳，而且價錢相當實惠，但香港就唔算多呢一類型嘅餐廳，所以今次就食呢一間「Running燒」。餐廳外內位於商業大廈，整座都係餐廳為主，一開門已經見到餐廳門口，內面唔算太大，但都坐得舒服，油煙不大。價錢及食物選擇小食/冷熱盤有我最鍾意既水冷麵，仲有炸年糕、烏冬、粉絲、湯等等。小食有炸泡菜餃、韮菜餃、炸雞、炸魷魚鬚等。水冷麵麵質都QQ，如果附上醋同芥末仲正！炸泡菜餃、韮菜餃就偏厚粉同乾身。炸雞有驚喜，柚子味同辣味都好夠味，加上雞肉無雪藏味，唔係留肚食肉會叫好多件。蔬菜必點生菜藍配燒肉吃！仲有杏鮑菇幾有驚喜，估唔到有印字咁有心思，亦夠爽脆清甜。冬菇十分大件，識燒可以燒得好juicy。海鮮有大蝦、多春魚、帶子、扇貝、咖哩魷魚鬚、魷魚圈、龍脷魚片、鯖魚、生蠔、蒜蓉芝士生蠔。大蝦唔霉，燒到外層收乾水食剛好。帶子、扇貝、生蠔都係回本食物！另外，咖哩魷魚鬚惹味有咬口，會係點完再點既食物。肉類有牛、豬、雞及羊肉。選擇都算唔少，肉類都大部份經過醃制，唔使點調味都已經好夠味，牛肉有牛肉五花肉，比起豬食起上黎冇咁肥膩，肥膏較少，配生菜食口感一流，而豬之中最鍾意食黑豚肉，呢度嘅肉質都唔錯。雞翼、雞肉，就算燒完都仲係幾嫩。鍾意食羊嘅人士都有選擇可以揀。飲品及甜品點少得任飲飲品，仲有每人贈送一條韓國雪條。喜歡吃海鮮加韓國菜嘅朋友就不能錯過，食物選擇唔算特別多，但都夠食，同埋有回本嘅食物，例如生蠔、黑豚肉、炸雞等等。當天都有幾台客係同朋友或另一半慶祝生日，價錢實惠，係用以就慶祝生日唔錯嘅餐廳。…查看更多

次次都係一耐冇食一樣野就短時期內不停食，前幾日食完日式燒肉，今日就嚟食韓式燒肉，睇中佢有生蠔、扇貝、帶子、、炸雞、水冷麵等等，加上餐廳轉型前食過覺得好食，味道對我嚟講有保證，所以又返嚟食啦！環境彌敦道726號成棟都係餐廳咁制，都試過當中幾間，呢間「Running燒」係幾年前黎食過，果時係食單點韓國菜，估唔到已經變成任食燒肉店。餐廳唔算好大，但都坐得舒適。價錢特定時段有優惠，而我地嚟就食Running燒任食110分鐘 $258+10%。點餐紙免費項目3張紙，另一張係加錢飲品類別。餐廳提供一塊生蘿蔔，用以比食客清潔鐵板，我食咁多次燒肉都係第一次見，幾特別。牛/豬/香腸基本上所有牛既款式都點匀咁制，大部份都已經調味，當中醬汁牛五花肉、烤肥牛等醃得入味，火力夠，燒幾下已經食得，唔擔心會有老既問題。而豬方面，有較少見任食燒肉店有嘅豬頭枕，姐係豬勁脊肉，仲有回本既黑豚豬肉，唔少得韓式燒肉必不可少既五花肉等等。豬類既色澤都好靚，紋路清晰，肉質實而不韌，五花肉又唔算太肥，包生菜食啱啱好。至於香腸就正常冇特別。雞/羊雞翼好貼心地已經開左邊，方便煮熟，同樣本身有調過味，皮燒至焦黃再食，值得encore！仲有辣味雞肉、雞腎，後者夠爽口。有我鍾意食嘅羊肉，雖然得羊脾肉同香草羊西冷兩款，但羊味突出，頗夠羶香，都滿足到愛羊之士。海鮮揀呢間餐廳嘅原因之一仲有$300唔洗有得任食海鮮，當中最回本嘅心數係生蠔！仲有帶子、扇貝都係任食！生蠔好大隻，都洗得夠乾淨，冇乜腥臭味，食左4,5隻，而帶子就要比較有技巧地燒，否則好易痴底，要加比較多油同不斷翻面燒，都幾彈牙，扇貝、大蝦就正常。麵/飯/湯/小食叫左個什果沙律，估唔到咁大碗，份量驚人！少見放題有水冷麵食，所以就算咁飽肚都叫咗碗，有用冰挫底，夠凍夠開胃。亦試左炒粉絲，算入味，不過有幾條未熟。不能不試炸雞，估唔到外脆內嫩滑，而且味道十足，放題界中較高質嘅炸雞！總括而言，韓式燒肉店$300唔洗一位，價格合理，肉類大部份都已調味，所以唔會有味淡問題，最尾仲送每人一條雪條，捧住個肚走吖！…查看更多

今晚同朋友去咗旺角「Running燒」食韓式燒烤放題。好耐之前其實都喺喥食過一次，感像中係一間可以翻兜再食嘅韓燒店，今晚一於叫埋朋友再戰一戰～🥩💪🏻應該係平日關係，今次去到都算快就有位～唔駛點等位。一坐低店員就即拎咗前菜俾我哋邊食邊落單。當中塊蘿蔔係用嚟清潔個鐵板用。唔知會唔會有人食錯過。😆主要嘅落單紙有3張（其實仲有1張係酒類，但我哋今次無飲酒）聽落3張紙好似唔係好多，但實際上睇埋紙上嘅食物會發現各式各樣嘅肉類/海鮮/小食同熟食都有。基本上張張紙都好有衝動想點晒佢！蒜蓉芝士生蠔、生蠔、扇貝、帶子、魷魚圈海鮮類整體食落都新鮮，而且賣相都算吸引！👍🏻當中我特別鍾意蒜蓉芝士生蠔、帶子同魷魚圈～蒜蓉芝士生蠔即使唔係好大隻，但燒溶咗嘅芝士配埋蠔呢個組合，其實都已經無得輸！🥴而魷魚圈就算燒耐咗，食落都依然好淋，好味！茄子、厚切豬腩肉、辣味五花肉、豬頸脊肉厚切豬腩肉非常好燒易控制，厚實嘅豬肉🐖，連埋生菜同醬汁包埋一齊食，好！滿！足！醬汁牛五花肉🐂牛肉之中，醬汁牛五花肉係我呢餐食過其中一款特別鍾意嘅肉。五花肉唔易燒燶，而肉身薄切，本身醬汁好入味，燒好其實直接食唔需要點其他醬汁都已經好good～最後都想講一講佢哋嘅熟食～柚子味炸雞🐓呢喥炸雞有三款口味（原味/柚子/噴火）。炸雞炸到外層好香脆而內裡juicy～選擇咗其他味嘅話就會配埋相應醬汁俾你點嚟食。我平時唔係特別好柚子味，但估唔到炸雞加上柚子味竟然有新鮮感而又好食！值得一試。水冷麵🥢平時食放題，相信好多時都會盡量唔點粥粉麵飯，又唔知幾大碗，又怕太飽肚食唔到其他～但呢碗水冷麵份量唔會好大，其實只係幾味就可以KO，同朋友share嘅話，食完差啲想再叫多碗。😝 水冷麵麵質幼身好彈牙，湯底冰涼又少少甜甜地幾清新～食咗咁多燒肉，整返碗食吓幾啱！…查看更多

「香港人每個都是running Man ！ 在這忙碌的都市生活，每天步伐急速， 其實都是只是為生計，為討一餐較像樣的飯吃！亅「 什麼為之較像樣？亅「 工作咁辛苦 ， 又要受氣！梗係要食得好啲 ！起碼都要好似今晚 來這裏吃吃韓式燒烤咁，可以任食我最喜愛的各款烤牛肉，和不同種類的海鮮啦！亅「yes！ 正所謂： 萬般帶不走、唯有"吃" 隨心😝！！亅「 好似胡鴻鈞首大台 "降魔的" 神曲"到此一遊"咁講：無懼我心傷透、蕩揮衣袖、萬般帶不走！！ 無論是快樂與難受， 也只不過剎那感受。。。亅「 咁有感觸 ，莫非你又俾公司雪藏？亅「 啋！大吉利是！！ 不過話時話，呢度個大雪櫃裏面真係有好多 不同款的韓國飲料 同"道地系列" 可以俾我哋任飲。 配埋大啖、大啖的吃烤海鮮同牛肉，我"這剎那" 感受到很快樂哦！亅「 我很喜歡這個韓牛拼盤和烤牛舌， 可以一次過品嚐不同部位和風味的烤牛肉， 而且是任食的，值回票價！亅「 食快啲啦！掛住講！ 而家香港啲租金貴， 食buffet都係限你食個半鐘only。。。」「 No... 幸好這家餐廳可以給我們吃足110分鐘( 即是差不多兩小時)， 可以在這段時間內任飲任食，爽！亅「 除咗牛肉燒， 仲有豬肉、羊肉和很多不同種類的海鮮可以點，包括原味生蠔、 芝士烤生蠔 、大蝦、帶子、扇貝、魷魚、鯖魚、多春魚等等。。。亅「其實side dishes 也有不少選擇，有水冷麵、 炸雞、 韓式沙律 、炒年糕 和餃子等！ 仲未計我們一來到就放了在枱面的 韓國泡菜等前菜小碟。。。亅「 我很喜歡這個水冷麵喎！ 麵條煙煙韌韌十分彈牙 很有咬口配合酸酸甜甜的冷醬汁和酸青瓜等爽口的蔬菜， 我覺得十分開胃，仲可以幫我們去油膩， 吃完之後可以encore多一份牛扒和牛柳粒等烤肉！」「 我就比較喜歡烤海鮮中的烤生蠔、 你知我最喜歡吃生蠔， 這裏是無限量供應，當然要吃個夠本，好值回票價！亅「 咦 ！它的結尾甜品也頗為特別！ 可以選擇 自家製紅豆西米露！ 韓式芒果/椰子冰棒等！亅「 快啲食啦！！如果唔係miss咗 最後一班地鐵，我要搭"降魔的" 返將軍澳喇！亅「。。。亅後記：餐廳內人頭湧湧， 一位難求！建議大家先在openrice 網上訂位或致電餐廳先留位置，免得到時撲過空。今次我們 很幸運，一去到已經有位置留了 給我們坐！正！。。。🦉+ ==============================立即訂閱我的食評吧！福福郎想 跟你分享上班族的苦與樂丶貓頭鷹的人生觀丶美食和「金句亅啊！Relax，and just subscribe！ 。。。🦉==============================…查看更多

彌敦道726號唎座大廈好多野食，之前係到唎座大廈食野既時間部lift停過唎層見到個門口多人到塞爆唒個門口原來係因為$238就有得任食110分鐘，咁抵唔怪得咁多人啦點餐紙同其他放題一樣寫人數件數啦，真係食得唒先好嗌，寫幾多件又真係跟足，唔會亂咁俾牛肉、豬肉、海鮮、蔬菜／其他熟食程類都好多前菜３種任添唔係有４樣野咩點樣３種呀？舊蘿蔔係用黎清潔塊鐵板既，不過都可以加既應該真係好有用，燒蕉左痴住係塊鐵板既都清得好乾淨，食到最後唔換鐵板都得，不過你想換既都可以搵貼員換飲品有唔同既罐裝飲品同汽水，仲有支裝茶食燒食點少得解茶不過酒類就要加錢喇簿切西冷牛排真係有平時塊西冷牛排咁大塊水冷麵正，彈牙，味道清淡，食左３碗食完可揀一款貼品炸野好熱舊蘿蔔清楚較果真係好勁…查看更多

天氣今日灰灰地，攪到個人好悶。忙咗成個上午，終於又到Lunch!今日同一班同事來個韓式BBQ，吹吹水，燒走d悶氣。呢間Running燒地點好方便，好近旺角同太子地鐵站。餐廳嘅內裏環境同一般嘅韓燒店差唔多，啲枱都唔算好迫，坐得都幾舒服。我哋今日呢個午餐韓燒係110分鐘任食，午餐時段仲有個七折。如果我個lunch hour可以長啲就好喇呢度嘅韓燒食物主要分為牛、豬、雞、羊、蔬菜、麵/飯。飲品放題（有多款韓式飲品選擇）前菜都係任食嘅（泡菜好好味）d肉都幾新鮮！啱哂我地d食肉獸！另外，小編一定要推介豬大腸、豬耳、雞腎同辣味雞！記得叫返個水冷麵，甜甜酸酸凍冰冰，中和下啲熱氣，正❤️中午嚟呢度食韓燒放題，七折之後，非常抵食！…查看更多

呢排天氣咁凍，緊係要去圍爐取下暖啦。今次黎旺角試呢間韓燒放題！其實之前已試同同事食過，佢同普通既韓燒有少少唔同，佢舖面相對較細，所以人無咁多的，無咁大壓迫感，舒服d！呢個場既裝修同氣氛相當年輕，一入門口已經係好強既泡菜音樂，睇住兩個大電視不斷播住泡菜mv，胃口都好d！不過傾計就要大聲d啦！我認為一間韓燒好定壞，係有3樣野需要考慮既，首先係"架餐"。呢間running燒爐具新淨，夾呀，油樽呀無油淋淋既感覺，佢既吸油煙機亦相當強勁，最正係臨走前可以用佢地提供既消臭噴霧噴一噴，即刻咩味都無哂其次就係佢既"醃料"，食韓燒，我就係個廚師！好唔好食就係睇佢既肉醃得夠唔夠，入唔入味，係呢個全部冰鮮急凍既年代，d肉都無話新唔新鮮。我幾鐘意佢既辣味醃料，少少辣零舍開胃，加上自由斟既蒜油豉油，夠哂滿足！另外仲有大量飲品選擇，唔驚口渴！第三就係服務，可能鋪仔細細既關係，人手好足夠，除左落單上菜快之外，職員都好貼心，換鐵板故之然唔會托手踭，甚至見到我地燒唔掂，主動問我地換過個好唔好，值得一讚！另外，佢地都有提供蘿蔔比我地做簡單既清潔，當堂襟玩好多。綜合呢3點，我絕對推薦大家食呢間韓燒，另外佢既小食都好豐富，泡菜，水冷麵，炸雞等一應俱全，我絕對會一戰再戰！…查看更多

食過一次番尋味，晚市抵係因為有海鮮燒，鍾意海鮮既朋友唔好錯過。肉類，韓式小食亦唔錯添。海鮮有好多種選擇，每款都好新鮮，必食生蠔，扇貝，燒酒蝦。生蠔，扇貝好大粒，燒熟後冇咩點縮水，仲係脹卜卜，一咬就流汁。燒酒蝦熟後，香濃既酒味滲透入蝦肉裏面，令肉汁更醉人。肉類都係普遍有既牛肉，豬肉，雞肉，羊肉。今次個碟有間隔，方便多。尼個setting好過上一次。雪花牛仔肉，賣相好吸引，雪花紋路好清晰，每面輕輕一燒就熟，充滿住牛肉既鮮甜。醬醃春雞脾肉，好大件，但因為係雞脾肉，所以燒完仲好嫩滑，醃醬唔會太濃味。青陽辣雞粒，細細粒，辣味夠，一口一粒好正。熟食方面叫左一碗水冷麵同炸雞，炸魷魚鬚。水冷麵涼浸浸，配埋熱辣辣既燒肉，特別好味。飲品都係罐裝為主，想飲酒既可以寫紙order，另外加錢，有各款啤酒，燒酒，梅酒。最後會送甜品，我叫左紅豆西米露，食到飽飽。…查看更多

呢排一直心思思想食燒肉之前食過呢間覺得唔錯，地理位置都相當方便所以決定ENCORE炒年糕口感好煙韌，微微辣，每份約五至六條年糕左右細細份咁唔會食完就飽晒水冷麵蕎麥麵既蕎麥味香濃，麵條纖幼口感帶少少煙韌，同平時食開既日式軟身蕎麥麵唔同冰冰涼涼，口感清爽中場等肉熟既時候食少少，可以中和返肉既油膩感韓式炒粉絲與一般既炒粉絲唔同，比起粉絲本人覺得口感似麵多啲味道帶少少微甜雖然係粉絲，但唔會好油，可以一試柚子味燒酒酒精飲品係唔包入任飲任食既範圍，需要另外比錢酒而言價錢都幾親民，柚子味幾重酒精味唔會好濃，係幾適合女仔飲，用嚟下酒相當不錯燒肉系列五花腩脂肪都幾足夠，燒到油脂部份變成金黃色再包生菜食油脂部份冇帶豬肉既騷味，幾好食羊脾肉同羊西冷冇羊羶味，OK的豬皮幾好食，但燒既時候會不時彈油，第一次燒既朋友需要份外小心海鮮系列生蠔幾好食，但燒既所需時間較長，建議一開始就叫定之後圍邊放慢慢等熟帶子熟成度比較容易控制，燒完口感都好嫩扇貝可以拆殼燒，燒既過程會出水所以唔會痴爐底，而且拆殼後熟得比較快，燒完口感都相當彈牙臨截單前店員會送上一張甜品紙但因為已經食得好飽所以就放棄甜品環節總括而言，上菜速度都幾快比較IMPRESSIVE既係韓式熟食小食質素唔錯，本人幾喜歡水冷麵而且服務態度幾好，唔會因為係任食放題就待客之道如乞衣肉類同海鮮品質都幾好，冇ENCORE錯!…查看更多

以往朋友聚餐多數選擇曰式西式自助餐，現在韓燒成為朋友晚膳的焦點選擇🔥，Running燒雖然是任食，但食物整體新鮮，質素有保証。以每位二百幾蚊來說算是「庶渣價錢，燒鵝享受」。餐廳抽風系統做得很全面，即使餐廳滿坐，餐廳內不會有太大油煙味。另外，店主考慮衣服沾有燒烤味道的問題，提供了最貼心的服務，就係客人一坐下，可以把外套和袋子放入椅子筒內，這樣衣服就不會沾有燒烤味道。食物主打當然是肉類(豬牛雞羊, 香腸), 這店不只是單純地把豬牛雞羊, 香腸等分開，牛肉和豬肉也會細分唔同部位種類，客人可以試吃唔同部位的味道，唔似坊間一般放題，比你大盤肉食飽就算。 我們點了烤牛脷、牛肋骨和牛柳粒，待應拿到我們面前，我們的雙眼立即發亮，不及待燒牛肋骨及牛脷，個人比較喜歡牛肋骨，牛肋骨肉味比較濃，因為這部位比較少脂肪，口感會重點，牛脷好爽口。 而豬肉方面比牛更多選擇, 也可以滿足喜歡辣和不吃辣朋友，很喜歡豬頭枕，很特別，豬頭枕吃起來比豬頸肉更爽口，唔會過油。韓式燒烤最好是有生菜來包肉吃，可以減輕油膩感。除了肉類，餐廳還提供海鮮, 蔬菜, 小食等...對怕肥或者唔好肉的朋友絕對係最佳選擇。海鮮選擇也算多，有燒大蝦、燒蠔、燒魷魚圈，還有扇貝和帶子選擇，整體來說也算新鮮，多叫幾轉都回本啦。 食了咁多燒烤，忍不住要多吃一碗水冷麵才可以減輕燒肉的油膩感。飲料是自助的，很多韓式飲料，最特別是有忌廉溝鮮奶和梨汁。最後還有雪條食呢，真的大滿足！ …查看更多

RUNNUNG燒一直起我班朋友圈好有名氣今次就叫另一個朋友同我貪新鮮咁去試下好不容易先約到的朋友啦～～～雖然我放９：３０ＰＭ，去到旺角成10點都照等我，感激.....好彩佢地都有做埋夜既時段，仲會打個七折添....百七蚊既價錢抵啦=同我地咁夜食飯既大家，見到佢地一大碟既牛就覺得犀利....伴菜有豆芽、泡菜、海帶....旁邊既係一大個白蘿蔔，唔係FOR食既，係用黎洗爐架~~~正式的韓燒，唔會好似放題咁做到咁雜，變相食到既野就精D....好食D牛舌、肥牛系列，細細塊，點多幾轉......起碼食到量力而為又再一ROUND扇貝都幾新鮮，叫左兩轉，每人兩隻，個爐都好快煮熟左，唔使等好耐不過我地為食關係，推埋一邊，中間主力食肉啦....好肥美的三層肉，配埋菜包埋一齊一點都不膩啦旁邊就煮左少少牛肉粒，正啦，肉味咁重海鲜類就有魷魚圈、蝦、帶子，非常新鮮，燒完唔會縮曬水色水好靚既牛舌、肥牛，燒到岩岩好，好嫩滑，呢個爐都幾好，燒極都唔會太污穢起叫海鮮之餘又落埋ORDER燒下龍利柳，一點都無散肉，好嫩肉地成日都唔記得影食物大合照，食到一半先影搞到俾朋友笑一大必食：水冷麵，好似去左韓國食一樣.....旁邊既冰沙，中間一團冷麵，好有神髓個味道更為一流，一撈開就一食就彈彈口的麵質，雖然無咩材料，但個味道好清涼好解濟另一個必食就是泡菜豬肉餃子(右邊)，辣度十足，韓國味道...實要辣死你既感覺一點都唔俾面大部分唔食辣的香港人，好惹味LAST的韓國冰條回憶，去韓國成日都會去便利店買的蜜瓜味冰條.....…查看更多

今晚約友人咁啱諗起好耐冇食過韓國嘢，於是上網周圍找找有什麼韓國嘢好吃，找到了這間，二百幾蚊每位包埋飲品任飲，有埋海鮮嘅選擇，韓國野黎講真係算係幾實惠。位置又高，之前泥過同一幢，個景都唔錯，於是就去咗嗰度食飯。一坐低佢都係依舊會有啲小食，泡菜好好食，仲可以添。而佢起碼都會有四五張紙list唔同分類嘅食物,因為佢每件嘅食物份量唔多,咁樣就可以試晒全部嘅食物，基本上每一種食物都食齊晒。先講肉類，佢啲肉質真係唔錯，而且很多選擇，係可以分別食佢唔同嘅部位嘅豬肉同牛肉~佢嘅牛舌都係香爽可口~海鮮方面佢分別有扇貝，蠔和帶子。加埋佢配嘅蒜蓉醬拎去燒，風味十足~我最鍾意食嘅係扇貝、豬大腸同埋五花肉!另外我都有個重點推介，就係水冷麵。本身食完燒嘅嘢有啲膩，之後就叫咗一碗水冷麵。一食落去酸甜同凍凍地，可以去油膩同埋你會想食多幾碗~加上用冰鎮，長期都可以keep住個種冰涼嘅感覺。So far呢間店佢嘅性價比係幾高，三五知己如果聚會嘅話都可以選擇呢間店，因為佢啲爐都幾密集，即使係兩個人都好啱食~p.s. 間店係要用蘿蔔去自潔鑊，個人覺得其實可以接受，而且又環保。…查看更多