添飲咖啡館

🤑 歐陸早餐 $128 🤑 伯爵卷蛋 $42 🤑 抹茶拿鐵 $48🤑 龍眼拿鐵 $48———————————————放假嚟到粉嶺，經過舊粉嶺裁判法院，已經成為一個粉嶺景點。好優閑，建築物好有特色，值得到訪。途中有呢間裝修精美嘅cafe，比佢嘅外型，同舒閒嘅音樂吸引左。🌟 歐陸早餐 $128 🌟歐陸早餐非常豐富，炸物同肉幾juicy，炒蛋炒得好滑，唔會過熟。麵包比較特別，冇配搭任何醬，但麵包本身有味道，淡淡地。🌟 伯爵卷蛋 $42 🌟卷蛋上菜時，外表精美，伯爵茶味香濃，cream好滑，加上少量nuts，值得回購👍🏻🌟 抹茶拿鐵 $48 🌟抹茶味超級濃，茶味比較出，奶味比較淡，同平時飲嘅抹茶拿鐵非常不一樣。整杯拿鐵幾特別，鍾意抹茶味不妨試下😆🌟 龍眼拿鐵 $48 🌟龍眼味係佢地好出名嘅拿鐵，網上都好多呢杯飲品嘅comment。個人覺得，龍眼味好淡，唔太飲得出，可能係sell淡味(?) 似普通latte多啲，唔值得回購😣價錢唔算平，食物味道中規中矩，性價比唔算高。加上價錢寫得唔清晰，雖然大眾知道好多餐廳收加一服務費，但佢地嘅menu冇寫，直至埋單，先見到收加一服務費，有啲唔公平。如果下次經過，因為佢地環境舒適，行到攰，可以去呢間cafe坐低，靜靜地，同朋友傾計，休息下🙈最後提提大家，餐廳要先用WhatsApp預約，就算walk in去到有位，都要WhatsApp留message比佢地，紀錄用餐時間同人數。所以，最穩陣可以同佢地先講聲，去到冇咁狼狽😆———————————————評分🔖 (5⭐️為滿分)味道：⭐️⭐️⭐️環境：⭐️⭐️⭐️⭐️服務：⭐️⭐️⭐️衛生：⭐️⭐️⭐️抵食：⭐️⭐️⭐️回購？會😋✅———————————————🚶🏻‍♀️ #youngcfood_hongkong🚶🏻‍♀️ #youngcfood_fanling🕵🏻‍♀️ #youngcfood_cafe———————————————📍添飲咖啡館📍粉嶺馬會道302號地舖 👣 港鐵粉嶺站 C 出口, 步行約7分鐘 *附加資料from Openrice：預約訂座請於whatsapp 67599141 訊息提供姓名、人數、日期及時段等資料...#hkfoodblogger #hkig #discoverhongkong #hkfoodie #instafollow #foodstagram #bestfoodhongkong #bestfoodfeed #foodphotography #foodporn #topcitybiteshk #openricehk #吃貨 #支持小店 #香港美食 #hkcouple #hk #852 #hkiger #香港人 #香港 #相機食先 #hkfood #hkfoodstagram #粉嶺 #粉嶺美食…查看更多

前身為法院的白色英國殖民時期建築，近年經活化修建成文青打卡咖啡店🌿🏛日本紫薯熱牛奶 $38😋😋😋雖然牛奶的紫薯味好微，但個底有真紫薯粒☺️🏛歐陸早餐 $128😋😋😋有大啡菇、炒蛋、煙三文魚、火腿、腸仔、薯格、粟米粒、蕃茄香草包😊🏛奄列$98😋😋😋有煙肉、菇菇、枝豆，蛋係幾嫩滑但如果多啲肉同埋咸少少就好🤔🏛抹茶卷蛋 $68😋😋抹茶味唔夠濃，蛋糕質地有d實，個夾心係雪硬左🥲 可能攤到溶返先食可能會好d😅…查看更多

今日約埋好姊妹嚟到粉嶺呢度玩😝，見到呢間café好似幾得意咁，就決定lunch喺度食喇。事後上網search番先至發現，原來係餐廳隔離嘅前粉嶺裁判法院係出名嘅電影場景嚟，當中包括好出名嘅無間道2🧐。所以嚟嘅時候亦可以順便嚟參觀同打卡㗎！入到嚟餐廳，老實講我真係無咩期望，只係覺得佢係一間普通嘅café，因為好多裝修得好靚嘅打卡café水準其實都好一般😂。不過呢度打卡可以話唔錯，陽光好透到入餐廳，無論係出面定入面影相都一流🥰。女仔可以著靚啲嚟影多幾張相po上網喇。歐陸早餐 ($128)呢個同平時嘅All Day Breakfast差唔多，有炒蛋焗大燒烤菇，煙三文魚，豬肉腸，凍肉腸，脆薯格，粟米粒，沙律同墨魚汁包。份量就真係非常足夠，但味道就頂多只係正常水準。其中比較好食嘅就有炒蛋烤菇😋，平時炒蛋加包就見得多，放係烤菇上面又係另一種味道，最緊要係個炒蛋夠滑菇亦好多汁。薯格亦都整得好脆口，又唔會太過鹹。不過其他就真係一般般喇。炙燒半熟花紅椒金槍魚 ($152)呢個炙燒金槍魚係非常韓式🇰🇷嘅一道菜，全因為放係魚下面就係一個好清新嘅泡菜青木瓜沙律🥗，令成個餸都開胃咗好多。除咗炙燒魚我自己本身已經好鍾意，配合埋個柑橘薑醋醬油簡直可以帶起埋魚嘅鮮味，意外地好夾😍。唯一冇咁好就係作為伴碟嘅脆粟米粒有遺和感，同個魚或者沙律都有啲格格不入。煎美國和牛臀肉蓋 ($238)嚟到今日嘅重點，亦係最驚喜嘅一道菜。可能你會話去café食嘢叫二百幾蚊個餸值唔值呀？但我只可以話食完之後你會一定唔會後悔😤！其實未食之前已經見到個牛🥩煎得好靚，熟嘅程度亦剛剛好，食埋落去之後更加係食到好濃郁嘅牛味，肉質都好嫩兼無渣。好好彩食到呢個牛，質素絕對係對得起個價錢。除咗個牛，伴碟食物亦非常之精彩🥳。當中燒椰菜花充滿薑黃味，驚喜得嚟之餘個味道都幾好，同薯仔泡沫配合得唔錯，為個牛錦上添花。絕對係必點！伯爵卷蛋 ($42)雖然已經好飽喇，不過甜品點都會有位食嘅😆。本身想試抹茶🍵卷蛋，不過咁啱賣哂就唯有試呢個伯爵卷蛋。可能呢幾年食過太多本地整得好食嘅卷蛋，呢個卷蛋顯然就有啲失色，主要因為佢太實唔夠鬆軟，伯爵味亦唔係好突出🤔。仲要打住藍帶師傅整作嘅期望，難免會有少少失望。不過綜合嚟講佢嘅主菜都係幾出色，幾推薦大家嚟試下㗎😗。順便仲可以去下平時未必有機會去嘅香港景點添😆！…查看更多

Cafe 係位於前粉嶺裁判法院旁既白色建築物。很適合大家打卡。📸📸📸📸見到網上很多人到粉嶺都會去食呢間cafe,難得今日黎到粉嶺便前來嘗試。‼️建議客人去前預先訂座。‼️ 差唔多中午一時，空內同空外都差唔多坐滿人。⚠️另外，提提大家由於疫情關係，cafe 2:30-3:30pm 會做全店消毒，唔會提供任何服務。本人覺得價錢偏貴（另加12%service charge）!!!🤧🤧🤧試過一次，唔會再去食。咁既價錢可以有更好既選擇。👎🏼👎🏼👎🏼食物質素很普通。特別是水牛地雞翼同抹茶latte!!雞翼好鹹同酸，就算佢另附蜜糖，都冇咩用，可以唔洗叫。加上雞翼需$102+12%既價錢，完全唔值！ 另外，抹茶latte只飲到咖啡味道，完全飲唔出一點既抹茶味道！👍🏻👍🏻佢既all day breakfast （歐陸早餐）都唔差。很足料！如果你地想黎呢間cafe,都可以嘗試吓。網上見到有人話員工服務態度差。但今日去到，覺得員工態度唔錯，都有禮貌。他們都會問每枱客人需唔需要額外既碟，方便我地share 啲食物。呢個舉動我覺得係幾貼心。❤️🧡💛💚👏🏼👏🏼👏🏼👏🏼…查看更多

平日放假，在粉嶺輕鬆半天遊，去郊遊之前就預訂了位於前新界裁判署的添飲咖啡館☕️雖然疫情關係，活化左的建築不對外開放，但係咖啡館仍然經預約可以食個午餐🍽可以選擇室內或者室外的位置，當日天氣好好，我地就選擇坐室外 🌤雖然是平日，但是食物也要單點，沒有套餐兩個人各點了一份主食✨歐陸早餐 $118 算是幾豐富的All Day Breakfast 有焗大啡菇配炒蛋，配上豬肉腸，smoked salmon& ham，薯格，墨魚汁包賣相打卡一流📸配上的沙律菜幾新鮮整體味道正常，不算太有驚喜🙈✨慢煮羊肩卷 $158羊肩卷表層帶點脆口內裡仍然有肉汁，肉質仍然幾嫩外脆內軟👍🏻配上藜麥豐富了層次整體食物不錯，環境更不錯，不過價錢略貴🙈…查看更多

💮熊妹一家每年的年頭都會去粉嶺走一轉，去到咁遠就梗係要搵嘢食啦。📌馬騮姨一早預訂咗呢間《添飲咖啡館》，好似話係間特式咖啡店。📌本身《添飲咖啡館》係白色建築文物館入面嘅餐館，不過疫情關係只可以容納二人一枱，就變成喺建築物側邊搭咗個棚，變成好似互外野餐咁。📌餐牌就係餐紙，所有食物印咗上去餐紙度。大路Cafe有嘅all day breakfast 呀，漢堡包呀，沙律啊，肉食啊都有，價錢由$88至$238再加一，只有散叫，冇套餐價，食物同飲品都要分開嗌，價錢就偏貴咗啲。🔝歐陸早餐，$118阿豬媽咁大食，梗係要份全日早餐先夠食喇。全日早餐材料都多嘅，價錢就少貴啦，有焗大燒烤菇炒蛋，煙燻三文魚，煙倫巴第火腿，奧地利佳士拿豬肉腸，脆薯格，牛油粟米粒同墨魚汁包。烤菇唔會太老，切出嚟多汁；炒蛋都算滑；煙三文魚有兩塊，唔算太鹹；煙火腿有兩大塊，正常火腿味；豬肉腸黑椒腸， 脆皮有咬口；薯格份量都唔少，炸得好香脆；粟米粒就係罐頭粟米撈牛油，味道正常；墨魚汁包迷你一小個，包質煙韌，微暖。燒虎蝦，$138伴韭菜花，銀芽，菜甫，白飯魚，炸魚條，XO醬豉油。虎蝦有兩大隻，托底有一堆伴菜，以XO醬豉油炒銀芽，菜甫，白飯魚。幾爽口唔會炒得過淋，菜甫切得細粒，有咬口。XO醬豉油味濃，但係又唔會過鹹，就係一碟味道比較中式嘅海鮮菜，兩隻蝦配啲菜，價錢都貴咗啲。西班牙海鮮焗飯，$178配料有辣肉腸，甜椒，青豆角，脆煙肉。有點意外係以煲仔飯嘅形式焗起，而唔係西餐廳嘅西式焗飯咁，有飯焦香香的，茄汁焗飯，配料都唔少，但價錢都偏貴。「未來」肉漢堡，$108餡料有焦糖菠蘿，芝麻菜，甜酸醬同伴碟炸薯條。未來肉漢堡扒係今年好大熱嘅素食扒，以植物豆造成嘅肉質不比新鮮肉差，口感都好淋，只係欠缺一啲肉嘅鮮味，對素食者同減肥一族來講係新一代嘅福音。焦糖菠蘿係用上新鮮菠蘿，面頭係燒焦左，連埋漢堡扒一齊食又甜又鹹又多汁，非常之夾。伴碟炸薯條係粗薯條，份量都唔少，炸得熱辣辣卜卜脆，不過冇跟上茄汁，唔夠細心。法式多士，$88伴焦糖香蕉，煙肉，意大利軟芝士及茄汁焗豆。一個甜品來講其實有啲貴，不過甜品冇咩選擇。出乎意料之外幾好味，法式多士煎得金黃好香，麵包好軟熟。其實就唔係好明白點解會跟上茄汁焗豆同煙肉，又酸又鹹都唔會好夾甜品，所以都係分開食。玫瑰拿鐵，$52玫瑰味唔係好重，就係面頭有幾塊玫瑰乾花瓣，拉花都幾靚。Flat White，$48熊妹最愛嘅Flat White，奶味同咖啡味都比例唔錯，奶泡層夠厚，拉花都出。肅靜凍啡，$52馬騮姨返工都好需要咖啡☕️，嚟到咖啡店就試吓佢的招牌咖啡。凍飲就以玻璃樽裝上，其實即係凍齋啡，咖啡味香濃，好岩馬騮姨口味。📌去咖啡館就係想感受一下環境舒服，無時間束縛嘅休閒感，所以食物質素都係其次。如果環境感受未如理想，就算食物再好味都只係陪襯品，價錢仲要偏貴再加一。咖啡館如果繼續以撘棚來經營，價錢又未有調整，熊妹就一定唔會再幫襯啦，始終巿區大把選擇啦。…查看更多

久違了的3人聚會，友人想去鶴藪一轉，一於3人郊遊遊散下心，去粉嶺，順便係果頭食埋午餐，上網睇下有咩食，見到呢間文青cafe，前身為粉嶺裁判法院，後活化為香港青年協會領袖學院，而cafe是位於前裁判法院旁的白色建築物。老闆為前Cafe Je T'aime (n年前幫襯過)，上水店結業後來到了粉嶺，成立了這間社區咖啡館，以咖啡聯繫社區生活，不時舉辦工藝創作、導賞團等活動，互動交流。去到先知要預約，幸好剛有3人位，等了一會，登記資料便入坐，如大家有興趣去記得要預約。兩層高的白色房子，內堂裝潢走簡約風格，白色的牆身、木製枱椅，落地玻璃窗，充滿自然光線，感覺舒適，店內還有擺賣水果、果醬及一些小食。餐牌，據聞食材選用本地農場有機菜，同提供素食，不過今日來主要想all day breakfast。龍眼拿鐵，＄48，太好奇，要一試，面層有桂花作點綴，賣相有點詩意，咖啡口感綿密，有淡淡桂花香氣，但唔太覺有龍眼味，清清甜甜之感。友人的咖啡。歐陸早餐，＄108。有焗大燒烤菇、炒蛋、煙三文魚、火雞肉、豬肉腸、辣薯角、牛油粟米粒及合桃無花果黑麥包，份量十足，炒蛋份量較少，味道正常水準，好多薯角，熱騰騰香口惹味。活化古蹟，有意思的cafe，環境寧靜，坐得幾舒服，咖啡不俗，食物正常水準，服務態度正常，係叫人填資料時有點令人迷惘⋯下次有機再來嘆啡。…查看更多

剛搬進上水時，經常會到新功街Cafe Je T'aime飲咖啡打發時間，記得大年初一都營業，在熱鬧的親友飯局前享受一點寧靜，可惜2017年便結業了。上年知道老闆在粉嶺開了這間添飲咖啡館，但多次都滿座，直到昨晚才預約到這早晨時段。店內播著節奏輕快的英文歌，落地玻璃讓客人享受到外面的陽光，環境氣氛很寫意。選了Mate咖啡豆及cappuccino set，espresso 的質地厚實，味道很平衡，有烘烤的香氣，飲完立即回魂；相比之下cappuccino 風味更佳，奶和啡較得恰到好處。Mate咖啡豆的焦糖Latte 味道豐富，遠處已聞到甜甜的焦糖味，但喝下去又不甜，很不錯。Team咖啡豆的玫瑰Latte做得非常出色，整杯都有濃郁的玫瑰花香味，猶如花水般，但花水和咖啡又能取得平衡，很美味。歐陸早餐質素亦很高，好像在吃五星級酒店的酒店一樣，合桃麵包，雞肉片及原隻咖啡菇炒蛋都很美味，雖然價格比一般咖啡店高一些，但是食材質素明顯亦高一點，值得一試。預訂了限量的泊車安排，吃完可到隔離的前裁判法院（青協領袖學院）參觀，享受一整個早上。…查看更多

位於粉嶺前裁判法院的「添飲咖啡館」，是活化古迹項目之一，提供特色咖啡及健康有機輕食。店內採光度高，枱與枱之間空間充足，基本上坐任何位置都感覺舒適。本想試No 1推介的玫瑰拿鐵，可惜售罄，店員於是推介龍眼拿鐵，龍眼蜜糖和桂花出奇地夾，雖然個人覺得略甜，但也值得一試。歐陸早餐（$108）跟一般cafe吃的差不多，有煙三文魚、火雞肉、豬肉腸、薯條、牛油粟米，比較特別是用了合桃無花果黑麥包，健康感大大提升。…查看更多