影片
更多
2018-04-27
1817 瀏覽
小弟一向都喜歡食、又喜歡做甜品，甜品做得叻就肯定無我份，不過，搞咗咁多年，都知道做唔同甜品有唔同出竅門，尤其搵生果做甜品，就特別麻煩，因為易出水。最近，睇到食友嘅食評，大讚「Lifetastic」嘅「草莓西瓜蛋糕」，搞到有啲心郁郁想試，故此，是晚拉埋表姨甥女一訪「Lifetastic」。港島西延線幾個站，以「香港大學」站最少嚟，而餐廳就位處地鐵站對面，非常方便。未走入店內，從外已睇到餐廳樓底高，鋪面喺落地大玻璃，更增強整體空間感。餐廳走歐洲風輕鬆咖啡店形式，木枱、木椅，一面牆上畫上一大張插畫彩繪，趣緻嘅動物，繽紛嘅色彩，為餐廳注入更輕鬆悠閒嘅氣氛。此外，牆上有不少擺設，都喺精心營造，睇得出花咗唔少心思，就好似餐廳尾嘅「數字」鐘，啲數字亂中有序。而最欣賞喺餐廳唔同角落都擺咗唔少植物，讓人感覺更有生氣。講咁耐，究竟「Lifetastic」點解？牆畫上就為大家解開店名之謎。你認同嗎？小弟就好認同喇，喜樂喺可以晌每一天都會搵到。散點餐牌粉紅底配紅字，加上字粒頗細，可能大家都睇得唔太清楚，但儘管都貼出嚟俾大家參考。細看一回，雖然店鋪細細，選擇甚多，尤其茶飲及咖啡類。仲有見到個特飲推廣餐牌，有凍有
港島西延線幾個站，以「香港大學」站最少嚟，而餐廳就位處地鐵站對面，非常方便。未走入店內，從外已睇到餐廳樓底高，鋪面喺落地大玻璃，更增強整體空間感。
餐廳走歐洲風輕鬆咖啡店形式，木枱、木椅，一面牆上畫上一大張插畫彩繪，趣緻嘅動物，繽紛嘅色彩，為餐廳注入更輕鬆悠閒嘅氣氛。
此外，牆上有不少擺設，都喺精心營造，睇得出花咗唔少心思，就好似餐廳尾嘅「數字」鐘，啲數字亂中有序。而最欣賞喺餐廳唔同角落都擺咗唔少植物，讓人感覺更有生氣。
講咁耐，究竟「Lifetastic」點解？牆畫上就為大家解開店名之謎。你認同嗎？小弟就好認同喇，喜樂喺可以晌每一天都會搵到。
散點餐牌粉紅底配紅字，加上字粒頗細，可能大家都睇得唔太清楚，但儘管都貼出嚟俾大家參考。細看一回，雖然店鋪細細，選擇甚多，尤其茶飲及咖啡類。
仲有見到個特飲推廣餐牌，有凍有熱，列明由咩食材組合，雖然無試，但單睇個賣相及成份配搭，非常有新鮮感。
懶人包就梗喺瞄向套餐，有單人及雙人套餐。先介紹個單人餐，包田園沙律或是日餐湯，再視乎揀咩主菜嚟定價，由$148-$178，並奉送一客是日甜品及基本餐飲一杯，但甜品興餐飲都可以額外加錢轉款，變得彈性大啲。
至於個雙人餐Set ABC，玩法就有啲唔同，分3個價錢：$338、$378、$428，分別在於揀多少道小食、主菜及甜點，同樣奉送沙律或是日餐湯、甜品及餐飲。我哋好想試多佢哋少少甜品，又計過度過，Set C（$428）嘅套餐就最心水，包兩道前菜、兩道小食、兩客甜品。不過，事後發覺出意外，所有菜式嘅份量都比預期多，個餐3個人食都夠，幸而小弟無辜負包底王之名，清得晒所有嘢而無浪費。
田園沙律計錯數，醒唔起前菜揀咗一道沙律，好應該兩客都揀餐湯，都喺貪樣樣都想試嘅心態。個田園沙律只喺簡單淋上油醋，唔算有咩特別，喺基本啲嘅出品。
蕃茄濃湯鮮橙色嘅濃湯，睇起嚟就較吸引，入口蕃茄味鮮活香濃，味道自然帶微酸，質感濃稠而幼滑，讓人食完有份開胃感。
小食類有5款選擇，有迷你薄餅、雞鎚、沙律……等等，選上無咁飽肚嘅兩款，包括釀雞翼及沙律。
蘑菇芝士釀有機雞翼雞翼賣相漲卜卜，咬一口，因為已去晒主骨，所以，食得份外過癮，而雞翼內釀滿芝士，極為香濃，啲雞肉亦十分嫩滑，但蘑菇就唔多覺。
蘑菇芝士釀有機雞翼
15 瀏覽
0 讚好
0 留言
魚子醬蟹肉牛油果沙律諗住只喺小食一道，但份量絕不小覷，最大亮點，就肯定喺沙律菜面嘅牛油果及蟹肉，前者切片砌成花，入口如牛油般柔滑，而後者份量十足，唔會一兩啖就無晒，至於啲魚子醬就增加賣相靚仔啲，提升道沙律嘅矜貴度。初時仲以為又喺淋上油醋，食多兩口，就發覺喺柚子醋，柚子味甚突出，極欣賞呢道沙律。
魚子醬蟹肉牛油果沙律
36 瀏覽
0 讚好
0 留言
主菜方面，則同樣有5款選擇，但主要都喺啲意大利麵或意大利飯類，唔喺太大魚大肉嘅扒類。我哋一人挑選一道菜，表姨甥女就鍾情明太子，小弟就一向喺意大利飯嘅「死粉」。
櫻花蝦明太子蟹肉意粉上文都講過佢哋嘅份量十足，碟意粉真喺埋到成座小山咁，周邊更灑上唔少櫻花蝦嚟增強口感；而意粉內，除有少少菇菌粒之外，仲混入唔少明太子及芝士，因為，食落有陣陣鹹香辣勁，味道突出；另一方面，意粉都煮得夠咬口，唯一挑剔，就喺個意粉比較乾，入口有點點黏。
意大利牛肝菌雜菇意大利飯配日本帶子甫上枱，已隱若傳嚟陣陣芝士香，飯粒顯得夠濕潤，入口口感對辦，無一種好生米嘅感覺，卻甚咬口，飯粒更被香濃嘅忌廉汁底包圍住，而飯內有好多菌粒，但菌香就無預期咁強；煎得金黃嘅帶子，果然喺日本嘅刺身級，質感柔綿而彈牙，煎得甘香，正呀！後話，由於先嚟道鹹香嘅意大利粉，之後先食個意大利飯，雖然，中間有以清水清清味蕾，但相信對道飯品確喺有些微影響。
意大利牛肝菌雜菇意大利飯配日本帶子
21 瀏覽
0 讚好
0 留言
甜品，一樣喺有5款選擇，其中鎮店招牌嘅草莓西瓜蛋糕就需加錢。
海鹽焦糖蛋糕原餐牌喺鹽味蘋果焦糖蛋糕，但是夜就改為只供應海鹽焦糖蛋糕，但小弟對呢件焦糖蛋糕一樣好滿意。賣相精簡，用幾粒石榴子襯托一下，而蛋糕層次清晰，足有6層唔同嘅食材，包括杏低餅乾底、焦糖牛油、咖啡蛋糕、朱古力軟漿、焦糖慕絲，入口味道豐富有層次，濃香不膩，確喺心機之作。
海鹽焦糖蛋糕
13 瀏覽
0 讚好
0 留言
其實有少少唔明白，晌散點餐牌上，啲蛋糕定價為$48-$52件，就算款招牌草莓西瓜蛋糕每件都喺賣$58，兩者相差最多都喺$10，但套餐如揀草莓西瓜蛋糕就需額外加$20，可以講唔喺一條算術題。
講到件蛋糕，卒之輪到主角瑰麗出場，皆因蛋糕面撒滿幽香嘅食用玫瑰花瓣，仲有點點開心果仁碎，甚為吸晴，而一層白，又一層紅，份外搶眼。一向做蛋糕都怕啲生果出水而影響質感，但今回完全無呢個問題，由上而下軋一小口，有份爽口清甜（草莓及西瓜），又柔軟綿滑（蛋糕與忌廉），實在美妙有趣。
草莓西瓜蛋糕
16 瀏覽
1 讚好
0 留言
波士頓紅茶表姨甥女話食得有點飽，所以，簡單要杯紅茶嚟消消滯，茶香醇厚，飲落佢話幾舒暢。
鮮奶咖啡 +$12先唔講味道，個拉花喺雙層龍貓已夠先聲奪人啦，而且，花紋拉得細緻，左右又對稱均勻，絕對喺手勢純熟嘅表現。從杯邊呷一小口，除醇香嘅咖啡味，就喺順滑而平衡嘅口感，唔會有奶泡撞入濃縮咖啡時不均勻嘅違和感。
鮮奶咖啡
9 瀏覽
0 讚好
0 留言
張貼
