唐宮小聚 (The L. Place)

營業中

休息中

星期日下午同媽咪去食點心～之前聽朋友講呢間好味又特別 已經想試好耐一去到見到坐無虛席 仲有好多人等緊位 好彩我有訂位咋我地兩個人～ 但係樣樣都好想試 終於簡左6樣野食呢個乳鴿見到人人食過都讚 雖然我平日唔食 不過都叫黎孝敬下媽咪 見佢食到津津有味 係甘話正 我都咬左一啖 又真係幾好味！熱辣辣咬落仲有少少汁甘 價錢又唔貴 真係超抵食！然後決定一定要叫呢兩款得意包玫瑰包同豬包第一次黎點都要試下既玫瑰包幾香花味 豬包既紫薯都幾滿足但係個人黎講比起其他點心呢兩樣就試一次夠喇～之後呢個賽螃蟹餃都幾好味 好鮮！呢個麻辣燒賣實情係燒賣形狀糯米飯～微微辣 連唔食得辣既媽咪都話正！最後呢個蝦簡直係驚喜大隻得黎佢炸得好香口！ 唔會有過多粉包住炸粉岩岩好 酸酸地甘 我同媽咪都食到心心眼滿足的一個午餐 媽咪話下次要再黎試埋其他野

中環原來有新派點心，梗係去試下啦，食Lunch好多人等位，好彩同事醒目有book位啫！10個人食都食左好多野，白玉玉鴿，賽螃蟹餃，檸檬鳳尾，煸四季豆，松露鮑飯，金魚戲水，辣鴨拉皮，麻辣燒賣，最衰啲同事掛住食影唔切不過我最中意都係個菇包！真係成隻冬菇咁～整體黎講都唔錯，啲點心款式多，質素又唔差！價錢唔太貴，１０個人食除番開１個人１００蚊有找，係中環黎講都叫ＯＫ啦～提提大家記得打去ｂｏｏｋ位，ｂｏｏｋ枱係穩陣啲，如果唔係實等勁耐，哩間野晏就同夜晚都好爆

型爆索女Q前一排話大家揾日去“唐宫”試試 ，久仰“唐宫”大名 ，擇日不如撞日，就今期生日會去擦餐勁喇 ！港鐵上環站E2出口，穿過新紀元廣場，再轉左行，L.Place就係警察服務中心隔離。位於二樓嘅“唐宫”，格局時尚簡約，空間感大。女侍應生體貼地 話今晚大枱多，乳鴿好快沽清，幫我哋預留咗三隻乳鴿先 ！等齊人後，點得菜了 ……1.紅油抄手6件$59 : 都几辣吓，餛飩香滑好味 ！2.皮蛋豆腐$58 : 師傅刀功手勢好 片得啲豆腐好薄 ！豆腐超嫩滑 ，啲醬油皮蛋又入味 ！3.松露香菇3件$49 : 仿真度極高 ，有埋粒蒂添 ！個包非常軟綿，松露味又濃郁 ，啲菇菌夠爽口 ！4.白玉王鴿一隻$38 : 女侍應生問一開几，我揀咗開四，每人派埋手套 ，食完乾淨舒服晒 ！乳鴿肉質夠嫩滑 ，唯獨是嗰皮炸得唔夠香脆   ！5.龍鬚芥蘭$79 : 芥蘭切得靚 ，形狀又真係几似龍鬚 ！口感亦算爽脆，但唔夠鮮甜 ！6.檸檬鳳尾$119 : 炸蝦球，酥脆彈牙 ，檸檬嘅一點點酸，好清新 ，亦帶走油膩味 ！7.秋葵淮山$79 : 秋葵味道較淡，咬落清爽！斷

忙忙碌碌, 人總為生活奔波勞碌, 能夠相約小聚, 實屬難得, 所以每次都很珍惜與友人的飯聚。今次大家相約在【唐宮小聚】用餐, 聽其名幻想是一間古色古香的菜館, 但經看食評和電視報導才知它設計時尚, 有別於店名。今次第一次到訪, 身處其境感受這裏的特色之處。內裏地方寬敞, 環境光猛, 木地板、雲石枱配木椅子及沙發, 以粉色為主調, 感覺舒適自在, 還設有吧枱座位讓食客把酒談心, 整體設計新穎時尚。當然不得不提那張標準的乒乓球枱, 其實除了以食一聚外, 以運動作為小聚, 有益身心, 亦是一個好選擇。開放式的廚房可讓食客看到各廚師用心製作的過程, 廚房的四周尤如的一個雜貨士多, 整整齊齊地擺放了大量的油鹽醬醋等烹調的必須品。還被我發現一個很吸引的小擺設, 其混合了兩個即將到的節日, 就是以玖瑰花饅頭代表的情人節和以醒獅代表的農曆新年, 中西節日匯聚, 挺有心思。安坐後便馬上看看那本以打乒乓球為封面的菜譜, 內裏設計精美, 色彩柔和, 以粉色背景顏色配搭色彩繽紛的菜式相片, 以及中英文菜名, 清晰吸引, 令人百看不厭, 不禁一翻再翻。來到這裏怎能不吃招牌包點之松露香菇 ($49/3件)呢? 一

在中環發現了一間新開不久的一間中菜餐廳，店鋪也是走向時尚的摩登中菜路線，有別於一般傳統的中菜館，而且店中主打無味道的中菜，還用了米糠油取代中菜常用的豬油，店中更擺設了不少廚師平時用的調味料及食用油，更讓客人食得放心又安心。地方寬敞光線又充沛，看起來都好簡潔又企埋。起初看全場的裝潢，誤以為入咗西餐廳，兩邊都是開放式的廚房，一邊是製作點心而另一邊是製作小菜，不時到走去看下廚師烹煮食物。枱上有一些點心紙，可以用筆畫上自已想點的食物，之後將點心紙交俾服務員。其後我突然發現了一些有趣的事物，就是枱上的碗。碗中竟然爬滿蒼蠅、螞蟻....其實是碗的花紋圖案，驟眼一看都以為是真昆蟲，真是惹人一笑蠻有趣，幾特別的一點創意。花茶<迷你胎菊> $58用了一個透明玻璃壺盛裝著，用了個蠟燭仔點了火作個小火爐，可以保持茶的熱度，另外胎菊杞子茶總讓人有清新怡人的感覺，又有明目清肝的作用，不算太寒涼，又可以清下熱氣。松露香菇$49 3/件賣相真是好有睇頭，不禁馬上讓「相機食先」，包上撤上了谷古粉，再加上麵糰發漲時產生的裂紋，讓我看起來誤以為有件「冬菇」放入蒸籠內，外型真是維妙維肖，廚師的創新的點心已經