Espresso Alchemy (美麗華廣場1期)

這間位於尖沙咀美麗華地庫的本地連鎖咖啡店，主打精緻西餐，食物及飲品均即叫即製非常新鮮。店內環境寬敞優美，擺放不同盆栽和小擺設，讓人有舒適休閒的感覺。菜式方面，全日免加一收費，設有早餐及午餐時段，其餘則需單點，有意大利麵、三文治、多士、沙律及甜品等。另外，餐廳有自設炒豆工房，咖啡飲品特別出色。香煎虎蝦配蘆筍辣蕃茄汁意粉 - $126三隻去殼鮮虎蝦有著飽滿鮮味的蝦肉爽滑彈牙，煙韌彈牙的意粉掛滿濃稠的蕃茄醬，香甜的蕃茄帶微辣非常醒胃，更有一條條爽脆的蘆筍。檸檬汁烤雞煙肉芝士意大利三文治 - $75外脆內軟的意大利白麵包煙煙韌韌，一塊塊嫩滑多汁的烤雞，有著清新的檸檬汁解膩，半溶化的芝士富奶香。自家製青檸雪葩 - $61 綿密幼滑的雪葩完全無冰塊感，有著清新酸甜的青檸果香，更有一粒粒香甜的菠蘿冰。巧克力咖啡馬天尼意式奶凍 - $73柔滑細膩的意式奶凍，帶有Mocha份咖啡及朱古力香，正好中和Martini那份烈酒香，散發陣陣酒香。Iced Mint Chocolate - $63一層厚厚的奶泡好綿密幼滑，香濃朱古力富堅果香，加上新鮮薄荷，入口富有清涼感。伯爵茶鮮奶巧克力(LGE) - $46濃郁的朱古力帶有伯爵茶獨有的佛手柑香氣，鮮奶增添幼滑感，甜而不膩。…查看更多

☕️鬧市中舒適悠閒café🥯Espresso Alchemy (Mira Place)@espressoalchemy 放假同朋友喺尖沙咀行街，想坐吓，又突然想食個tea，而美麗華間Espresso Alchemy一直都喺我個收藏餐廳之一，就一於去坐低飲杯咖啡chill吓。Espresso Alchemy真心環境好舒適，喺美麗華最低層(B1)，比想像中寧靜，眼見好多食客都係拎部電腦喺度做嘢、睇書、或者係兩三個人細細聲談心，係鬧市中嘅一點寧靜。餐廳用好多黃色燈泡做裝飾點綴，成件事變得更加柔和舒服。 值得一提嘅係Espresso Alchemy係唔收加一服務費 (no service charge)，餐廳有個位係讓顧客自助加冷熱水、拎茄汁、黑椒、糖等等，唔洗下下叫店員幫手，十分方便。 🍽人均：$100-$200🕰時間：非繁忙時間可以walk in，眼見大部分人都冇預約，有位就可以坐 🍳Alchemy 精選全日早餐 $132個全日早餐好豐富😍有哂all day breakfast應有嘅元素，炒蛋、蕃茄、蘑菇、牛油果法式長棍包、煙肉、薯餅等等，好完整。值得一讚係佢個燒烤香蕉 (grilled banana)，甜甜哋，好開胃。 👍🏻🥪檸檬汁烤雞煙肉芝士意大利三文治 $72勁好食！我本身就好鍾意食panini，佢個檸檬味好清新，雞肉都足料，加上芝士同煙肉，真係冇得輸😋 💚生酮宇治抹茶忌廉卷 $59生酮友好嘅甜品近年真係大熱，就算我同朋友都冇生酮都覺得好食，因為佢真心唔會太甜，啱哂我哋想食甜品又怕肥嘅女仔！抹茶味好濃，唔會膩，推薦一試！☕️Hot Regular Cappuccino $38 拉花好可愛，唔會太奶，咖啡味重👍🏻 Bible rating: 8.5/10📍地址：Espresso Alchemy (尖沙咀)尖沙咀彌敦道132號美麗華商場B1層B116號舖…查看更多

呢間分店環境比其他高級 仲有半開放式廚房 可以睇住店員整野食 感覺乾淨好多🫶🏻送餐速度都好快 叫咗一陣 啲嘢食就已經到晒😍.📌檸檬汁烤雞煙肉芝士意大利三文治 $72前幾日就去左海港城嘅分店 美麗華分店嘅Panini同樣烘到外脆內軟🥪個mozzarella幾light唔會膩 但都係硬左 拉唔到絲🧀呢間分店嘅雞胸好滑喎 好似食緊雞髀肉咁 雞味又濃🍗但檸檬汁味唔夠突出 反而食落有啲牛油味🍋🧈呢間嘅包冇壓到咁薄 少少似厚批pizza咁🍕.📌青醬烤雞蕃茄芝士意大利三文治 $72Panini同樣烘得外脆内軟🥪可能因為有青醬 所以相對濕潤啲 感覺更juicy🥬烤雞同樣好滑同充滿雞味🐔加埋淡淡嘅mozzarella, 青醬同蕃茄 食落更清新🧀🍅不過青醬嘅味都幾濃 如果平時食開淡口嘅 可能會覺得呢個有少少重口味🤏🏻.📌生酮朱古力布朗尼忌廉卷 $59蛋糕嘅朱古力味好濃苦 食落仲有啲回甘🍫不過本身睇個名見到布朗尼 以為會係一舊brownie外脆內鬆軟咁 不過食落就似偏乾同實嘅海綿蛋糕🍰忌廉好軟滑 朱古力味同樣好濃苦 整體偏苦而甜度好低 啱哂唔鍾意食太甜嘅人🤎.📌伯爵茶意式奶凍配自家製柑醬 $58伯爵茶同柑醬嘅配搭幾新奇 食落又幾有驚喜喎🤩柑醬薄薄一層咁鋪喺奶凍面 味道甜甜地 似平時超市買個啲🍊奶凍口感好軟滑綿密 好似豆腐咁🍮加埋淡淡散發嘅伯爵茶香同奶香味 真係好高質🤍加埋柑橘醬嘅甜味 完全唔會喧賓奪主 兩者一齊食好清新好夾 🙌🏻.📌Flat White (REG) $39用左SOE Gelgelu (Blackcurrant, Grape, Mandarin)咖啡飲落又唔算太強酸味 唔錯☕️…查看更多

放假出尖沙咀行街前，食返個靚早餐。呢間餐廳係美麗華b1層食完岩岩好可以行上去行街早餐時間係9點至11點半估唔到朝早呢度係咁寧靜咁舒服餐廳個設計，空間感十足！餐廳位置比較隱蔽，所以即使坐出邊 都覺得好有私隱。入到去選擇好食物先比錢，再坐低食。可能因為今日平日，所以Walkin都有比較多位置。食物十分高質素Alchemy 精選全日早餐：食all day breakfast就係貪乜都有😆全部野食都好好味，特別係牛油果醬多士，牛油果味好濃之餘入面重撈咗啲蕃茄碎，酸酸地好開胃👍🏻檸檬汁烤雞煙肉芝士意大利三文治三文治送到上黎係熱辣辣，包皮烤脆脆地，而且烤雞煙肉同芝士嘅份量一啲都唔少，每一啖都食到所有餡料Cappuccino 咖啡香味十足，all day breakfast 必配。而我最中意就係Earl Grey Chocolate ，伯爵茶同朱古力嘅味道配合得啱啱好。個人本身就好喜歡伯爵茶，同朱古力配合後，又唔會太甜。既香伯爵茶 味，又有朱古力味，好好飲呀！而且兩杯熱飲 既拉花都拉得好靚，最岩打卡最後仲可以加甜品布朗尼配雪糕😍 食完一個豐富早餐真係啱啱好，美麗華啲舖頭又開始開門，可以去行街😚…查看更多

先坐低，再行去counter落單，唔洗加一！餐具由侍應放低，水、鹽胡椒粉、碟仔由自己行去餐車仔攞，我最欣賞佢提供暖水，而且用暖玻璃杯，啱晒冬天。早餐由9:00開始提供，值到11:30嘅做法少見(多數11:00完早餐架嘛)，有唔少人(尤其打工著西裝)邊食邊傾計傾生意。*牛油果莎莎配沙律及多士 $89非常豐富嘅早餐！坐喺廚房出面睇住廚師係咁𢳂啲牛油果上塊多士。多士大到長過手掌，有少少脆果仁喺多士邊。多士烘熱，行乾脆路線但唔會乾到硬，而且放耐咗都冇水蒸氣整腍片多士。牛油果莎莎有1cm嘅厚度，整合咗牛油果醬Guacamole同埋莎莎醬Salsa。牛油果新鮮又熟透，順滑又帶顆粒感。當你覺得牛油果膩嘅時候，一咬到切粒微酸嘅蕃茄，一爽脆一順滑，就會有種昇華咗refreshing嘅感覺。沙律菜亦好新鮮，有蕃茄仔同小蘿蔔(radish)，仲有少見嘅微菜苗(microgreens)檸檬汁烤雞煙肉芝士意大利三文治 $79外表太過簡單，搞到我失望咗。麵包體雖則熱壓烘熱咗，但質感太乾，香味亦減半。入面餡料同樣乾，雞肉有啲柴，冇烤雞嘅焦香，又冇想像中嘅檸檬酸味。煙肉同樣過乾過硬，味道完全蓋過雞肉味。芝士嘅存在同樣過於微弱，奶香鹹香少之又淡。鮮奶咖啡 (跟早餐)拉花靚，咖啡同奶泡融為一體，香味撲鼻但飲落覺得普通。伯爵茶鮮奶巧克力 (跟早餐 +$3)外表拉花雖則唔對稱，但味道有驚喜，牛奶奶香將兩者融為一體，伯爵茶+朱古力味道各佔一半，越飲越香。…查看更多

#檸檬汁烤雞煙肉芝士意大利三文治 ($79)Panini烤到外脆內軟，入面夾住好多雞肉芝士同煙肉，份量好大，食左好耐先食完😂味道就正常，雞肉都幾嫩滑#FlatWhite (早餐跟埋一杯espresso-based咖啡)個杯好有質感，個拉花好靚奶同咖啡比例啱啱好，唔會搶左咖啡嘅風味食完呢個早餐，我飽到skip左lunch🤣慳返lunch $$呢間咖啡店黎過幾次，店員會好耐心介紹唔同咖啡嘅特色同味道之前試過cold brew都好正😍😍😍雖然我呢幾次都係去美麗華分店，但其實海港城、如心廣場同埋葵涌都搵到佢鐘意飲咖啡嘅你可以試下呀😉😉😉…查看更多