B&S 西班牙小食坊

而家東廣場形成左一個集中左不同國家的菜色的食肆集中營，今晚選了食西班牙菜，但雖然店鋪小小，但冇諗過質素咁高。先叫一口牛串燒 $45 ，有啲似巴西串燒，好大串有三大塊牛肉粒，中間有紅色椒，牛肉稔身多肉汁，旁邊有大量沙律菜。之後見到每枱都必點的，馳名橡果級黑毛豬極品梅頭叉燒$168，入口面有濃濃蜜糖香味，黏口，肉質超軟熟外脆內稔，肉汁鮮甜超好味，果然高質素的黑毛豬，伴菜係有機沙律菜，好新鮮。來得高質餐廳，當然繼續豪一豪叫埋佢既西班牙野生焗龍蝦$298，開邊泡製的，廚師細心起肉，再撈埋忌廉同三色椒粒增加口感，龍蝦肉彈牙，面還有微微芝士香味。飲品叫了檸檬薑茶Happy End$32，估唔到呢度都有花茶品嚐，減輕膩口感，飲完口嚨非常舒服。…查看更多

觀塘多野食就係人都知，好耐之前東廣場冇乜人去，我都會成日去但只係因為有間連鎖店食日式火鍋比較少人，但係都後來愈來愈多人去，舖頭亦由原先寥寥無幾到依家開滿哂成個商場！仲要地下全部都係食肆，認真厲害，而且好多人，眾多之中，見到呢間係食西班牙野好正咁，於是就一於試下佢餐牌都整得好靚好有心思，而且仲標明所有食材由西班牙直接入口！橡果級黑毛豬極品梅頭叉燒   $168我係勁勁勁中意食叉燒！用橡果級黑毛豬整既，靜係聽個名都已經把炮～上枱見到唔係平時染色紅叉燒，而係好似扒咁樣，一用叉拮落去，已經feel到肉質十分柔軟！一入口果然柔軟！仲要帶少少肥膏，接近入口溶化既層次，肉味濃厚，叉燒迷必定上癮，如果再淋上多啲醬汁就完美！燒/焗西班牙野生龍蝦  $178/半隻揀左焗既，都等左比較長時間，估唔到半隻份量都唔細！上面舖滿厚厚芝士，龍蝦肉同芝士已經融為一體咁，簡單的滋味傳統西班牙海鮮炒飯  $198(1-2 pax)店員提示呢個要等半小時左右，但呢個比焗龍蝦更快上枱，擺盤幾靚，但呢個就較為遜色，以我所知西班牙海鮮炒飯會比較濕少少，但呢個就係較乾身，而且蝦有啲過老，青口就幾鮮甜，整體可以再進步如果以食西班牙菜黎講，呢間既性價比就係幾高，店內都高朋滿座，佢既黑毛豬真係一定要試！…查看更多

平時都唔為意東廣場有咁多野食然後仲比我發現觀塘有一間咁正宗既西班牙餐廳！黑毛豬聽就聽得多 真係未試過！深海八爪魚凍盤食個凍盤做前菜開開胃先 幾有咬口 幾新鮮24個月橡果黑毛豬火腿、36個月橡果黑毛豬火腿、西班牙黑毛豬火腿三款慢慢食慢慢品嚐 原來真係好唔同 配埋芝士食....真係.......密密食...唔好比佢停呀而我個人最中意24個月呢一款 味道鹹宜得黎 又唔會太油膩喎 高質高質!橡果級黑毛豬極品梅頭叉燒見人地食評話餐廳必點食之前 對我黎講 佢真係只係一舊叉燒但食左之後 我要即刻收番呢句咁侮辱既說話原來...叉燒.....可以咁!好!食!架!!!!!!烤西班牙T骨扒黎到雖然話豬係重頭戲 都要試下其他肉類既吖 佢啲牛又唔會完全失色喎 肉煮得岩岩好 好juicy!!!西班牙海鮮飯一黎到好有睇頭!皆因佢好大兜!仲有蝦 八爪魚粒 原來係用海鮮湯煮成架 唔怪得啖啖都有海鮮味呀一班人一齊share黎食 岩岩好 大家都好滿足…查看更多

由於住得近觀塘，成日都會係附近搵野食。知道觀塘東廣場入面有好多餐廳但呢間西班牙菜既就真係未試過，估唔到店舖細細但都好有驚喜。火腿芝士拼盤一個拼盤有齊三種火腿，12個月，24個月同埋牛火腿，味道道當然係愈耐愈濃，但係唔係咸而係香，見到佢有層油係面，係天然自己出黎嘅油，同我係西班牙食即切橡果黑毛豬一樣，香港都食到西班牙水準。橡果級黑毛豬夾心肉扒睇番介紹原來係來自肩胛骨和腰部之間的夾心肉，口感有D似豬頸肉，超級爽口。簡簡單單咁用左鹽和胡椒調味，食落充滿黑毛豬既油香味，夾埋水耕菜同蕃茄仔食就唔會油膩啦。橡果級黑毛豬極品梅頭叉燒本身對叉燒都冇乜特別喜好，但見店員話係最受歡迎之一就緊係叫黎試下。其實上菜果時覺得同平時既叉燒冇咩分別，但其實佢肥瘦比例岩岩好，而且D邊位燒到好脆口，食落去亦都係軟腍多汁，入口即溶，難怪個個都咁強烈推介。仲要份量非常之多，絕對係高性價比之選。傳統西班牙海鮮飯以往食開既西班牙海鮮飯D飯都係特別硬，但呢個完全唔會。首先個賣相非常吸引，顏色鮮艷，可以好清楚睇到好足份量既海鮮配料。材料有西班牙米、海鮮湯、大蝦、青口、八爪魚，加上少少檸檬汁，味道非常清新。西班牙特色水果酒 每次食西班牙都一定會叫水果酒，自己鐘意紅酒仲有D水果粒，夾埋紅肉一齊簡直係正呀。…查看更多

貴為東九龍人，無節目既周末都係觀塘搵食啦! 老公知我喺泓富廣場做treatment，好醒目咁喺對面既東廣場book定食西班牙野。唔好睇佢小店，入面仲有間房，啱哂三五知己,夠哂私隱~坐低先點份Iberico ham,呢度有24、36、48個月選擇，我哋揀咗36個月既，好有堅果既芳香，咬感有嚼勁仲帶點甘香，再飲啖充滿果香既西班牙Castillo De Tafalla 紅酒，為呢個weekend晚餐作好前奏~玫瑰蝦羅宋湯 初時以為好似西式嘅羅宋湯咁, 有d一片片既雜菜但原來已經blend得好幼細玫瑰蝦味仲好香好突出，就好似飲緊龍蝦湯咁,但係味道比較鮮甜~　伴碟既兩片麵包亦相當香口~一口牛串燒 小小一口已經充滿肉汁，不過鍾意半生既我就覺得有點過火~跟住就到全晚嘅精髓啦，橡果級黑毛豬極品梅頭叉燒，半肥瘦，脂肪部分好香滑，入口完全唔會覺得油膩，蜜汁既甜味又唔會遮左肉汁既味道，同港式燒臘檔既叉燒簡直天淵之別 我地仲加左水耕沙律菜, fresh 一吓 !! 呢度既食材採用"5無": 無基因改造,無農藥,無激素,無抗生素,無重金屬~  令客人食得放心~ 食西班牙菜又點少得西班牙海鮮飯呢！呢度好細心分左3個size~我地兩口子當然點1~2人分量啦賣相都唔錯，整窩散發海鮮既鮮味 , 仲用4隻玫瑰蝦砌成“8”字,飯水份多左d,乾身返d返prefect~ 呢度除左堂食, 仲可以外賣食材回家㗎!…查看更多

西班牙菜向來都係我喜歡到訪嘅餐廳類別，除咗可以嘆到黑毛豬的菜式之外，大多數嚟講，環境都夠別緻，讓人感到放鬆舒服。故此，一早訂了這間「西班牙小食坊」兩位，慶祝朋友他剛升職⋯順道摸摸酒杯談談心呢間小食坊位於觀塘東廣場離地鐵站需大約5-6分鐘非常就腳⋯之前睇過啲食評說要訂座才有位⋯幸好訂了所以剛去到便可以不用等就入得⋯但眼看真的非常受歡迎⋯裡裡外外都坐滿了客人⋯小食坊其實面積不大⋯入面大概坐到二十多人而外面就擺放了高腳的吧枱大概最多也可以容納接近二十人吧！如果你想幾個朋友有私人空間店員說可以一早訂房間呢他不說我也不知道原來會有房間在這小小的餐廳之中！我們被安排坐到入面的位置旁邊就是掛滿了西班牙豬的凍櫃⋯感覺更融入了這個西班牙的氛圍當晚氣氛不錯⋯每個人也是拎著酒杯有講有笑⋯先看看這個圖片非常繽紛的餐牌⋯每頁都相當吸引！喜歡每樣食物都有介紹⋯因爲始終西班牙食物每間的烹調方法也不一兩個人的晚餐嘗試的東西不算太多但都點了不少先來36個月橡果黑毛豬火腿肉 36 months Iberico Ham $60 (20g)這個是店員推介我們的...既是最受歡迎又是入門級別...因為還有幾款24個月至48個月的選擇...味道由淡至濃去區分36個月的火腿肉是以 75% 橡果為食糧究竟是什麼味道？我跟朋友也認為鹹味剛好亦有點甘香鮮味...比金華火腿好味很多...我們不常吃但真的非常易入口...味道又濃郁配上紅酒真的是一種享受...如果你也想吃黑毛豬火腿肉！我也會推介你先試試這個36個月的層次。另外一提旁邊的蔬菜也是非常新鮮的說鬆脆包 Pan Cristal $25非常愛吃麵包的我...一見到就點了...擺盤有點小心機...疊得高高的...來的時候非常香噴噴因為橄欖油融入了其中...而賣相亦十分特別...每塊都有大小洞孔有點像微型蜂巢...食落去包質微暖，外層脆口內層鬆軟...配搭火腿肉亦有另一番風味...其實有點像長法包的口感但比它更香更鬆脆真心份量不少啊！但美味的程度令到我們清了！絕對要推介...不防品嚐一下這個西班牙麵包...你會覺得有驚喜的橡果級黑毛豬極品梅頭叉燒 Iberico Premium Pluma Cha Siu (Bellot) $148最期待的叉燒到了...梅頭叉燒店員話係最受歡迎之一..我也十分認同...因為簡單的烹調就可以食到叉燒最真實的味道...非常讓人流口水的紅嫩色澤...半肥瘦的比例剛好而邊位燒得香脆...食落口感軟腍多汁同埋不多脂肪但又做得到在口裡慢慢溶化的感覺完全不膩，可見廚師在掌控火喉時的認真！配上自家製嘅叉燒汁更加惹味...還帶點果香如此高質素的叉燒百多元就能享受其實是非常性價比高！完全沒有失望非常好吃！店員跟我們說店裡的肉類都有證書證明無抗生素、防腐劑同生長激素更是天然飼養所以肉質比外面吃到的完全不同而且老闆本來做西班牙食品進口生意，現在開食肆推廣所以更了解每樣食物的烹調手法！說到這我就知道我沒有來錯了黑毛豬爽梅片金菇卷 Iberico Collar Rolls $25餐牌並是特別推薦的就一於試一試即燒完即上枱...簡單的用鹽，黑椒調味就可以咁香咁好味既？相信都係黑毛豬的質素非常好！食落口感有點脂肪...帶起了整體的油香而且肉汁滿滿...金菇也燒得爽口...賣二十五元有三串...認真抵食！傳統西班牙海鮮飯 (二人份) Spanish Seafood Paella $198這個二人份的海鮮飯大概要等半個小時...食到咁上下就到了賣相非常吸引...熱辣辣...眼看上去海鮮飯材料非常充足...比圖片更多入面有西班牙米、海鮮湯、大經大紅水晶蝦、虎蝦、玫瑰蝦、青口、八找魚！我們搞拌均勻再吃...口感像Risotto不太有嚼勁但喜歡食落飯的味道有點點辣加上檸檬汁好開胃同清新...海鮮亦都是新鮮的整個晚餐總共飲了兩杯紅酒西班牙是葡萄酒大國，果園面積是全球之冠所以食西班牙菜式飲紅酒是個非常好的配搭！我點了這杯...Castillo De Tafalla $30它的酒酸可輕易化解油膩亦非常淳厚這一晚我們兩人用餐非常愉快...👉🏻論食物此餐廳用的是西班牙原食材去烹調...品嚐到最原始的美味！最推介是肉類的款式...就算嘴饞的你一定會有驚喜👉🏻論服務店員非常有笑容...而且周不時跟我們聊聊天也十分樂意講解下食物的背景資料...有禮貌的對待十分舒服👉🏻論環境雖說不是非常闊落及高級的裝潢但正正因為是店子細細及開放式廚房運作令到感覺更加親民溫馨...而且環境十分乾淨整潔！食物岩心水的話你可以在店內購買各種食材...因為西班牙有別其他國家...因為近海，故漁業發達漁獲豐富，製造罐頭的食材也是相對優質不防試一試喔…查看更多

東廣場又有新餐廳。餐牌相當吸引，每一頁都色彩繽紛，而且有食物的介紹，難怪我們入座不久後，未夠7時便座無虛席。飲品除了酒類，還有兩頁。Sangria都可以，酒味夠濃，不會太甜，大量水果添上果香。很喜歡酒杯的設計，充滿線條美。Red Temptation餐牌上說，有助放鬆和舒緩疲勞，對昨夜徹夜失眠的我來說十分吸引。酸酸的，倒不覺得疲勞減退，反而吃完兩大碟肉類後有助消化。玫塊蝦羅宋湯玫瑰蝦、黑毛豬骨、蔬菜湯底湯的而且確有很重的蝦味，但帶微微苦，可能是太多香草的關係。雖說有黑毛豬骨，但熬出來又不算太濃，效果一般。精選海鮮沙律五款海鮮、水欖和水耕菜海鮮有青口、蝦、沙甸魚、海蝸牛和八爪魚，沒有想像中特別。下面超大碟水耕菜，是個吃得飽的前菜。水間菜十分新鮮，而且沒有多餘的醬汁，不過如果可以更爽脆，口感會更佳。橄欖很香，一邊咀嚼，一邊細味溢出的油香。橡果級黑毛豬夾心肉扒來自肩胛骨和腰部之間的夾心肉，特別爽口，啖啖肉香，肉味之中有慢慢滲出油脂香，只需要簡單以鹽和胡椒調味，鮮味十足，十分好吃。百餘元，一大碟，肉雖然薄薄的但份量很夠，旁邊還有水耕菜和燈籠椒。不夠的話，可以奲$20配飯或扁意粉。橡果級黑毛豬極品梅頭叉燒最期待的叉燒留到最後才出場。梅頭向來都是叉燒最佳的選擇。雖然有一刻心動想點未吃過的梅頭扒，但最後還是抵不住叉燒的誘惑。肉質軟嫩，跟剛才的夾心扒截然不同。多汁，脂肪更多。吃了好幾件都是脂肪佔大部份，在口裡溶化，邪惡，但難以抗拒。這件自是脂肪比例較低。肉質無可挑剔，不過略嫌醃料偏重味，肉味不及夾心肉扒清香。配白飯應該不錯。要訂座才有位，受歡迎得誇張。隔離枱的男士一早訂枱，還訂了枝Rose和一大盤西班牙海鮮飯，看著他們的表情，看得出三人吃得相當盡興。…查看更多