香港永年車仔麵茶冰廳

#MC帶你去沙田.依間人氣老字號麵店，以地道港式車仔麵及招牌咖喱辣汁揚名，廣受街坊、食客推薦。近年更進駐沙田新城市開設分店。➖✨ 香港永年車仔麵茶冰廳.餐廳結合車仔麵及冰廳，主打車仔麵、港式快餐、茶餐廳美食；店內裝修以懷舊老香港為主題，搭配復古海報、絕版西瓜波、舊式收音機等，充滿香港情懷。➖🥢 懷舊蝦多士｜$28（⭐推薦）.蝦多士一客三件；即叫即炸多士炸得金黃酥脆，蝦膠餡料好爽滑，搭配沙律醬，中和一下炸物油膩感，整體香口惹味！➖🥢 牛三寶｜$38.大大件擺滿整個湯碗，份量足料！咖喱香味濃郁，更可以選擇辣度；牛柏葉鮮嫩脆爽、牛肚入味軟腍、牛筋腍嫩有嚼勁。➖🥢 永年大碗麵｜$108（⭐推薦）.配料有成10款食材，好豐富澎湃！豬腸鮮嫩爽口無異味，魷魚口感爽脆，魚蛋有陳皮味，豬紅滑嫩細膩，蘿蔔清甜無渣，豬皮、雞翼、雞翼尖都滷得幾入味；愛辣人士一定要試招牌永年辣醬，層次豐富又唔會死辣，辣得過癮。➖🥢 美國頂級西冷扒 配 意粉｜$156 .五成熟嘅西冷扒，厚身大塊！上枱後肉質依然帶少少粉嫩色，肉味幾濃郁，十分不錯！搭配黑椒汁，黑椒汁辣度適中；隨餐附送羅宋湯，酸酸甜甜好開胃。➖🥢 紅豆奶茶冰｜$28 （跟餐加配$15）.紅豆軟綿香甜，加上奶茶細滑順喉，茶味香濃。➖🥢 樽仔奶茶｜$28 （跟餐加配$15）.樽仔奶茶入口奶香味濃，茶香奶滑，甜度適中。➖➖➖➖➖➖➖➖➖➖➖➖➖➖…查看更多

海外朋友過泥香港玩 一於盡地主之誼 帶佢試下啲香港地道美食😋 -【香港永年車仔麵茶冰廳】 交通地點夠晒方便 沙田新城市 購物大商場 🛍血拼完過泥食岩晒😊環境舒服之餘😚餐廳懷舊佈置 富有舊式香港情懷 比我地打卡影相📸😆🥩【美國極佳級封門柳】一人套餐(~10oz) $238 轉意粉+$12港式扒房🔪鋸扒 擇左五成熟 洋蔥汁10oz既封門柳上枱 勁大份超足料席前淋汁 滋滋聲🎇 好有氣氛😆肉嫩外焦 肉質口感非常柔軟 牛味濃👍🏻招牌港式酥皮牛尾羅宋湯 +$15羅宋湯😋味道香濃色澤深紅🍅再加上一叠脆脆既酥皮 絕配💯精選紅酒 +$28講起絕配 點少得牛排配紅酒🍷單寧那澀澀的感覺 正好化解牛排帶給你的油膩感🍜【女神麵】 $108 跟米線配清湯辣汁 BB辣包左6款材料 仲有碗紫菜湯另上充滿骨膠原的鮑汁燜花膠 超清甜咖喱白蘿蔔 索晒湯勁入味既鮮腐竹卷 冬菇同菜芯 👍🏻麵底可選粗麵、幼麵、油麵等 今次米線硬度亦剛剛好 配料自由配撘 各有喜好 鍾意咩就食咩 好豐富😆-凍檸茶 +$4🍹解膩🥰 茶香回甘腐乳通菜 +$18 少腐乳醬叫碟菜減輕罪惡感😜有腐乳醬加持 咸香又惹味永年特飲$28 樽仔鳥籠茶 用冷泡鳥籠茶 茶甘味濃樽仔奶茶 奶茶幼滑 甜度啱啱好 飲落陣陣茶香樽裝夠曬方便拎返屋企慢慢嗒😁最鍾意食車仔麵 港式茶餐廳 無論少冰少甜 多汁少汁就係咩都有選 先係老闆😎…查看更多

💈港式懷舊好味道大大份鐵板🥩車仔麵😋🍜香港永年車仔麵茶冰廳 (沙田)豬仔最鍾意食鐵板餐，仲成日話要食車仔麵，今次就等我帶佢嚟我心目中最好食既車仔麵店，而家仲推出埋鐵板餐，一於滿足佢兩個願望🤩呢間餐廳每款嘢食都好大碟！無論車仔麵、鐵板餐、小食，通通都巨無霸份量😋餐廳裝修充滿懷舊風情，由門口到壁畫，牆身等，都掛滿昔日香港嘅物品，有多個打卡位，啱晒鍾意影相見你哋🤗餐廳上菜速度好快，店員親切又有禮貌👍🏻✨永年雜扒餐(配炸麵）1人餐 $198食鐵板最鍾意就係雜扒餐，咩都有得食，鐵板溫度夠曬熱🔥洋蔥汁果然好香🧅‼️平時都未試過鐵板配炸麵，呢個組合果然好夾，炸麵好酥脆😍 美國頂級西冷扒肉質粉嫩，牛味好香濃🐮 雞扒外皮金黃焦香，肉質嫩滑，大大塊🐥 豬扒煎得好香，肉質一啲都唔乾🐷✨周打蜆肉魚湯加酥皮+$15呢個餐仲有埋沙律或者餐湯，我哋揀咗周打蜆肉魚湯，有埋酥皮湯😍粒粒蜆肉好鮮甜，加埋酥皮簡直一流🤩👍🏻✨男神麵 $108我哋叫咗清湯，店員話係用當歸煮嘅湯，滷水既牛雜配上車仔麵簡直一流！每一款配料都超入味！豬腸、牛腩等，豬仔都大讚👍🏻好入味！仲要好腍滑😍✨永年大碗麵 $108呢碗麵全部配料都有齊晒😍港式嘅街頭小食：咖喱魚蛋、蘿蔔、豬紅、雞翼、豬皮、魷魚等等，全部都好入味，充滿香港街頭特色🤩✨牛三寶 $38鍾意食滷水嘅我哋，牛三寶有齊牛筋、牛柏葉、牛肚，全部都好入味，煮得好軟腍🤩滷水味好香濃，唔會過咸，仲有種滷香味😍✨樽仔奶茶必飲‼️茶香幼滑，奶味香濃！比起一般嘅奶茶更好味😍食物✨✨✨✨✨環境✨✨✨✨✨衛生✨✨✨✨✨價錢✨✨✨✨🏠香港永年車仔麵茶冰廳 (沙田)沙田沙田正街18號新城市廣場一期1樓113號舖…查看更多

講起永年車仔麵，大家即時想到係香港老字號品牌。位於沙田首間全新 "香港永年車仔麵茶冰廰" 概念店，同時有車仔麵、鐵板餐、港式特色美食供應，多元化款式選擇。餐廳裝潢走懷舊x新派路線，用上經典綠白色地磚，以及六十年代佈置、裝飾，懷舊設計重現香港集體回憶。懷舊沙律餐     $68依個係用生雞髀炸成，雖然唔係超巨型，但咬開雞髀皮脆多汁，雞髀肉嫩，配合香甜嘅什果薯仔沙律，口感清爽。餐飲加 $9 揀抹茶紅豆冰，一杯3種顏色，抹茶配紅豆永遠都係咁夾。帶少少苦嘅抹茶，以及軟綿嘅紅豆，苦中帶甜，當飲品也可以作甜品享受。懷舊薯條餐    $61經典懷舊小食嘅蝦多士，已經較為罕有啦！蝦多士同炸薯條都酥脆可口，呢款真係大人細路都鍾意食。另一個餐飮 +$9 轉樽仔奶茶，茶味淳厚，飲起嚟有層次感，仲方便外帶。蔥油撈丁餐    $69到茶餐廳最常見就係即食麵，今次點咗撈丁，麵身都幾爽，唔會煮到淋，而且用咗爆香過嘅蔥油嚟撈丁，味道更佳，更惹味！再配搭厚厚嘅豬扒，豬扒醃得好香，肉嫩唔乾身，好惹味。配以檸檬茶王，茶底比想像中仲要清徹，加埋檸檬味道更清香，口感好fresh。煎釀三寶    $28   煎釀三寶係香港嘅地道小食，係青椒、豆卜、苦瓜嘅材料上釀入鯪魚肉，炸得香口，淋上甜豉油食更滋味。…查看更多

說到香港永年，大家總會想到是老字號的車仔麵品牌。位於沙田的「香港永年車仔麵茶冰廳」是全新概念店同時供應車仔麵及港式特色美食外，晚市更推出了期間限定的港式慢煮鐵板套餐加上餐廳特地用上懷舊枱布作裝飾，不知能不能勾起大家的兒時回憶呢？而且每款港式慢煮鐵板套餐可自選一款沙律或湯、主菜及餐飲，絕對豐富喔！餐湯二選一有 港式牛尾羅宋湯 和周打蜆肉魚湯。與朋友都選了羅宋湯，味道濃郁且很足料，不過就感覺蔬菜沒有很多，所以沒有那種很濃稠的質感，比較水那樣子。另外+$15可以升級成酥皮湯，焗得滿金黃的。沙律也是二選一有 牛油果薯仔蝦沙律 和雞扒鹹魚凱撒沙律。牛油果不會過熟也不會太硬，蝦也頗彈牙！美國安格斯封門柳 ($228) -醬汁是待鐵板上桌後才淋在牛肉上，頓時便發出滋滋的聲響，風味十足。一瞬間香氣四溢，我選微甜的洋蔥汁。喜歡吃辣可考慮辛辣惹味的永年招牌辣椒汁。而且五成熟的封門柳肉味十分濃郁，還很滑嫩！配的不是薯菜，而是扒番茄時令雜菜，會有粟米、西蘭花、椰菜花和菇。想吃更特別的可以點 - 招牌鐵板佛跳牆車仔麵 ($198)當中有鮑魚、花膠和金蠔等，底下還有香脆的麵！如果怕不夠飽還可以追加小食和甜品，有單點和任選兩款的價錢。剛好有想吃的一款小食及一款甜品 (+$68)懷舊蝦多士 - 一籃有六件﹐顏色有點不討好，但麵包夠脆香脆和彈牙的蝦。黑芝麻西多士伴雲尼拿雪糕 - 西多士平時都是夾花生醬，原來配濃郁黑芝麻醬別有一番風味。再加上半溶的雪糕，讓這頓晚餐加添多一份邪惡感！套餐飲品可選茶或啡，不過我選的是特飲 樽仔奶茶 (+$9) 很香滑，如果有少甜就好了！而且樽仔的容量很少，感覺很快就喝完。…查看更多

永年出名車仔麵就好多人都知，原來仲有中式小菜都同樣咁出色😳！見到套餐幾抵食就試吓，結果好驚喜外賣到屋企食依然好夠熱，勁足料，而且仲好好食😳今次試咗：🍲 中式小菜二人套餐 $298（小菜2款＋2碗燉湯＋1款菜＋2碗白飯＋2款飲品）有11款小菜可以選擇，假如選擇迷你盤菜會當2款小菜計，所以就揀咗以下2款：1）🏅 🐟🐔招牌花膠雞煲驚喜之作！ 花膠唔薄，淋滑又入味，仲要唔止一件，勁開心😂 雞肉炒得好香，好有鑊氣，但唔鞋，又厚肉，夾埋個醬好惹味！勁足料，好滿足！🤤2）🏅 🦐🐟馬拉盞醬爆龍躉球 炒到好香嘅馬拉盞醬，配上爽脆芹菜，青紅椒等等，夾埋啖啖厚肉鮮甜嘅龍躉球🤤勁好食，好香好好送飯🍎 蘋果雪梨燉豬展 湯入面真係有煲到淋哂嘅蘋果，雪梨，豬展同雞腳，睇到我哋嘩嘩聲😳 個湯好潤☺️所有材料都淋滑🤩🥬 腐乳生菜我覺得個腐乳似係餐廳調製過，唔會好喊，同辣椒絲一齊食好濃郁！ 生菜軟硬適中。🍚 白飯可以加$8轉幼麵，粗麵，河粉，烏冬，油麵米線，米粉；但我選擇嘅餸好夾飯，所以無轉到🤤🥤餐飲🏅套餐跟2杯餐茶/咖啡，見既然都試，就加咗$9@ 升級做永年特飲，2杯都好好飲🥂🏅🍶 樽仔奶茶 套餐＋$9茶味好香，唔會太苦，夾埋奶好滑；本先有啲後悔唔記得要走糖，但就算加咗糖都唔太甜👍🏻👍🏻👍🏻仲要斟到好滿！🏅🍵 抹茶紅豆冰 套餐＋$9最初我有啲擔心外賣會係茶餐廳橙白色麥田外賣杯，份量會少咗，但原來係咁靚咁大杯🥤 仲要杯抹茶紅豆冰勁足料，好好味！抹茶濃香，紅豆大大粒又綿又起哂沙，微甜又有奶香👍🏻 🏅🐮 永年辣牛腩🌶️ $38有小中大，3個級數嘅辣度選擇👍🏻 我今次試咗小辣🌶️ 唔係死辣，辣汁同腩汁混合後有層次👍🏻 最重要係牛腩一啲都唔鞋，好juicy👍🏻 筋位易咬開，入味有油香。底下嘅白蘿蔔都好入面🤤🐓 南乳雞翼 $28隻雞翼好大隻，啖啖肉🤤 配埋淡淡嘅南乳醬，唔會搶走雞肉本身嘅味🦐 懷舊蝦多士 $28薄薄嘅蝦蓉，配上炸到脆卜卜嘅多士，夾埋沙律醬食，岩岩好😋🏠 環境絕對係打卡able！餐廳以懷舊香港冰室做主題，場外有個巨型雞蛋仔可以坐低影相✨場內見到分成好幾個區，主要分成買新鮮焗包部，外賣部，同用餐部；全部感覺都光亮又乾淨用餐每個區嘅傢俬都好有風格特色，坐位好夠寬敞，唔會坐到好迫，特別係梳化卡位，真係好型，都係個好好嘅打卡位。而外賣部係以舊式車仔檔嚟做設計，都好靚👍🏻 👫 服務店員都係笑笑口，好有禮貌✨ 仲教我用qr code 落單外賣自取有9折同點樣有其他優惠😂👍🏻🍽️ 總括簡直喜出望外，好有驚喜，每款餸都覺得好好味，好足料，抵食！我會推薦：招牌花膠雞煲，馬拉盞醬爆龍躉球，樽仔奶茶，抹茶紅豆冰，同永年辣牛腩！🤤🤤🤤下次試其他款式嘅菜式先得！…查看更多

今日嚟沙田永年食飯，裝修風格復古，座位舒適寬敞，有好多卡位。估唔到除咗車仔麵呢間分店仲有中式小菜食，惠顧套餐仲可以以五折加一款小菜，感覺都幾抵食。蒜子火腩大鱔煲上碟嘅時候仲係出晒煙，熱辣辣好有鑊氣👍🏻，有五件火腩同五件大鱔，仲有兩舊大冬菇，好足料😍，加咗好多香蔥同蒜爆香，好惹味😋 大鱔好鮮味，肉質彈牙，唔多骨，走左油所以好香口好入味，配埋啲醬汁送飯一流😋 ；火腩肥瘦分明，大大件好滋味；大冬菇都幾厚身，好入味，呢個煲值得推薦👍🏻👍🏻👍🏻馬拉盞醬爆龍躉球🐟龍躉球有五六件，全部起晒骨，肉質彈牙，新鮮多肉大大件，上碟嘅時候熱辣辣，加咗青紅椒爆得好有鑊氣，配埋盞鬼馬拉盞醬好惹味😍白灼鮮蝦🦐大部份都好新鮮，肉質爽口彈牙，簡單配上辣椒豉油，原汁原味😋豬皮蘿蔔魚蛋套餐加$28就有呢款小食，都幾抵，豬皮爽口彈牙，蘿蔔煮得好淋好入味，魚蛋就比較細粒，質感結實。腐乳通菜：通菜翠綠，已經切好咗方便食，腐乳醬好特別，好似芝士咁Creamy，鹹香味濃。雪梨蘋果燉豬展雞腳湯燉湯材料豐富，有一大舊豬展同一隻大雞腳，加咗雪梨同蘋果好清甜，油份都唔算太多👍🏻樽仔奶茶☕️加$9可以轉特飲，好香茶味，質感好幼滑，茶味同奶味嘅平衡非常好，甜度適中☺️整體來講，食物質素不錯，中式小菜好有鑊氣，上菜速度非常快；職員會主動帶位同執枱。…查看更多

放工買二人小菜晚餐揀兩個小菜，有兩個燉湯、白飯、飲品，要upgrade小菜都係加少少錢，出名嘅樽仔奶茶都係加幾蚊。有酒樓水準嘅咸檸陳皮蒸烏頭，鹹檸檬味同甘香陳皮味煮出嚟嘅醬汁，令到烏頭魚嘅味道提鮮，攞到返屋企食都仲好好味。例牌招牌蔥油雞，足夠二人份量，雞皮有啲肥，但勝在雞肉夠嫩滑，充滿油香嘅蔥油豉油，送飯簡直一流。今日燉湯係蘋果雪梨燉豬展，燉湯冇咩油，濃郁湯頭夠哂滋潤。個餐包埋嘅腐乳通菜同加幾蚊轉樽仔奶茶，抵到爛！由於老婆好為食，其中一個白飯我都加咗幾蚊轉幼麵，仲叫埋佢鍾意食嘅韭菜豬紅、同三樣淨餸（鳳爪、牛筋、酸齋，永年辣汁），結果返到去擺到枱都擺唔晒，但我哋就食得非常滿足！外賣都好好味！…查看更多

老字號車仔麵店「永年士多」可以話係元朗名店，開業幾十年陪伴一代元朗人成長！ 最近先知原來係沙田新城市廣場開咗間貴價版嘅「永年士多」，要成百蚊一碗車仔麵！究竟有咩咁特別？出於好奇所以去咗試~ 🧡女神麵（$88）$88再加埋一差唔多成$100一碗車仔麵，但真係一分價錢一分貨！佢收咁貴都真係比返相應嘅嘢~首先落料真係好足，而且真材實料，兩塊花膠大大塊，Q彈又可口！其次就係個養生湯底真係好好味，飲落好順喉好舒服！的確係唔錯既，值得一試！ 🧡蔥蒜油香脆豬扒意粉（$72）蔥油豬扒都的確係好食過我平時食嗰啲四五十蚊既~豬扒醃得好入味，唔會好油，好惹味！唯一係個意粉爭咗啲，煮得未夠透，有少少硬！ 🧡香脆南乳雞翼（$28）雞翼外皮香脆乾身，內裡啲肉好嫩滑！不過唔係好覺有南乳味！ 🧡樽仔奶茶（跟餐+$9）樽仔奶茶味道好港式，香滑醇厚，好經典懷舊！ 🧡紅豆奶茶冰（跟餐+$9）紅豆奶茶冰勁多紅豆蓉，成半杯咁多！…查看更多

平時係元朗食得多嘅永年車仔麵，突然係沙田開一間咁大嘅餐廳。依家已經唔係平時嘅車仔麵，係一間大餐廳。改寫左世人對車仔麵嘅認知。咁大嘅門面，好明顯係比人打卡影相有氣勢成件事高級左，價錢冇點加。人都係照舊多，要等位。不過坐得舒服好多影左幾張menu , 小菜果d 冇影。下次試左再寫食評。男神麵，豬腸，牛柏葉，牛腩，豬紅，牛肚，牛丸，時菜，蘿蔔聽到咁多餸，真係怕怕。食餸都飽。個汁小辣，開胃。特別要講嘅係豬腸，唔臭，洗得乾淨。水準同元朗總店一樣。朋友就醒，叫淨餸，唔要麵。花膠，牛腩，蘿蔔，牛根，冬菇，雞肉都好飽，一個男人食一定飽。d 餸冇野可以挑剔，花膠要加$48, 不過比左起碼3大舊，同高汁。建議大家要加。想食菜就叫左個菜食，水準正常蝦多士，新鮮炸出黎比你。好熱，同好飽滿，比足料你。個湯，唔係普通嘅例湯，飲得出足料，同好夠味。飲完唔口渴試下d 特色野奶茶紅豆冰同綠茶紅豆冰唔會太甜，用細冰，所以可以飲得哂，唔會飲淨好多冰用綠茶同奶茶夠新鮮，相信好多茶就都會抄佢地。永年奶茶咁出名，一定要叫樽仔奶茶，夠哂濃咪。一個完尾嘅句號。…查看更多

講真，行出街，間間車仔麵都差唔多😶好似真係無乜邊間車仔麵特別好吃，一定要特登去吃或者有得比較下甘🤔(見識少😓)永年已經算係我，一醒起車仔麵會第一時間諗起嘅選擇🥴個人幾中意永年嘅車仔麵湯底，餸就揀開豬紅、牛肚同埋豬大腸呢3樣，平時係出面我都唔敢吃豬紅🙈過唔到自己個關🤐但唔知點解敢吃佢哋嘅豬紅，而且仲覺得唔嘔心😅好好食豬大腸都好吃其他餸就無乜特別。仲有非常之不解佢哋嘅加一，無服務可言，連落單都係自己手機落😶…查看更多

咁啱放假，老公話帶我食好西！原來係永年⋯呢間永年真係同平時去開嗰啲永年士多唔同，佢嘅裝修以香港懷冰室為主，而且食物選擇亦好多，除咗招牌車仔麵之外，仲有小菜、鐵板餐；另外，仲有代表香港嘅菠蘿包、蛋撻等等⋯呢度有別於一般嘅冰室，佢係用QR code自助下單，啱晒我呢啲麻煩友，可以自己慢慢點😝今次我哋點咗女神麵、鐵板西冷牛扒、懷舊蝦多士、油菜、抹茶紅豆冰同樽仔奶茶。女神麵，有大大塊花膠之餘仲有豬手，突然覺得補充咗好多骨膠原😍除此之外，仲有蘿蔔、紫菜、支竹球、冬菇同菜芯，其實已經好豐富，但我再額外加咗豬紅同牛筋，真係好滿足！佢個花膠真係好正，大大塊之餘仲好厚身，口感唔錯。再配上永年特製辣汁，簡直冇得頂👍🏻鐵板西冷牛扒配薯菜，塊扒我哋點咗五成熟，牛肉肉質鬆軟多汁，再加多咗一份油香，配埋洋蔥汁，perfect！不得不提個蝦多士，嚟到仲係熱辣辣好新鮮，多士炸得甘香酥脆，外脆內軟，配上爽口彈牙嘅蝦滑，真係驚喜之作，再加上沙律醬，中和咗蝦多士嘅油膩感，十分推介！餐飲方面，我哋揀咗樽仔奶茶同抹茶紅豆冰。樽仔奶茶唔會因為加咗冰而令茶味被沖淡，飲起嚟比一般的凍奶茶更濃郁，不過就略嫌甜咗少少。而抹茶紅豆冰，抹茶茶味濃郁，原來抹茶同紅豆係可以咁夾！總括而言，佢嘅車仔麵真係無可挑剔，估唔到佢嘅鐵板餐同埋小食亦都唔錯⋯雖然價錢上未必可以同其他冰室相比，但以佢嘅質素同環境，我覺得係值得嘅！今次食得太飽嘅關係，試唔到佢嘅甜品-雞蛋仔，唯有下次再食過！…查看更多

香港永年裝修格調保留傳統特色，新穎得黎又唔老土，難怪平日時間收工６點幾都幾乎滿座！有得食、影下相、打下卡都唔錯:)我地叫咗女神麵、鐵板肉眼牛扒配薯菜、懷舊蝦多士、蛋撻、抹茶紅豆冰、樽仔奶茶！女神麵 $98女神麵好足料，裡面有又長又厚肉既花膠、豬手、蘿蔔、冬菇、菜心。全部都大大舊，好滿足！加埋永年特色辣汁BB辣配米粉好入味！推薦：5/5 （必食之選）鐵板肉眼牛扒配薯菜 $148肉眼扒好大塊，7成熟，薯條出乎預料好好食！鐵板餐仲配埋羅宋湯、餐包。推薦：4/5 懷舊蝦多士 $20加配價錢蝦多士賣相好靚之餘又好味，食到蝦肉味，一啲都唔求其！推薦：5/5 （必食之選）蛋撻 $6晚市關係建議早啲落單，因為賣曬就無！推薦：4.5/5 （抵食之選）抹茶紅豆冰 $9 加配價錢懷舊茶餐廳必點紅豆冰！因為奶茶太出色，下次會嗌奶茶奶茶紅豆冰！推薦：4/5樽仔奶茶 $9 加配價錢奶茶香濃幼滑，好好飲！鍾意飲奶茶一定要嗌。一樽唔夠喉！推薦：5/5 （必食之選）…查看更多

一日之計在於晨，是日星期六，黎咗呢度食個豐富早餐。到埗果陣差唔多10點AM，見到有1-2group人等嘅位，餐廳算大，所以好快就入座。//餐廳嘅環境同個名脗合，走Vintage路線，Menu係「香港永年」早報8月號，極具復舊特色。燈位亦落咗心思，係舊式風扇，裏面以光管取代。叫咗2個早晨麵蛋餐（C餐），包1個麵、蛋、包同1杯野飲，自己就簡咗:蕃茄牛肉通粉+炒滑蛋+蛋撻(+$4)+樽仔奶茶(+$9)，成個Set$61，係新城市食個咁豐富嘅早餐價錢都叫合理。//首先到嘅係蛋撻同埋樽仔奶茶。不得不說蛋撻個蛋漿做得唔錯，冇overcook，反而似食緊Jelly。樽仔奶茶300ml，夠飲全程，奶同茶嘅比例拎得岩岩好，唔會側重咗其中一邊，而且飲落夠滑。然後到我個通粉同蛋。蕃牛通好好食！我自己係鍾意蕃茄味但又唔鍾意食蕃茄嘅怪人(anyone same as me😂?)呢個蕃茄底好濃郁，正！通粉軟硬中，牛肉亦唔會太硬。Overall: 雖然價錢唔算平民，但質素真係喺返度，一分一分貨，食得出用料唔差。食完成個set真係堅飽，自問自己唔細食。難得新城市有高質冰室，會再幫襯…查看更多

之前都去過尖沙咀嗰間永年食嘢，但係環境就迫少少。 嚟到沙田呢一間，感覺截然不同，座位寬躺，見到其他客人都坐得舒服❣️不過今次就想拎返屋企食，始終都需要減少社交距離。間公司好細心，會安排座位比等外賣嘅客人坐。呢一點必須要讚一讚！老公中午沒有食嘢，超級肚餓，所以佢除咗叫車仔麵之外，亦都有叫佢哋呢度嘅下午茶套餐。我哋叫咗懷舊套餐生炸雞髀同埋薯條，雞髀肉質好滑，而且夠多汁，果然有生炸嘅效果，仲要大大隻：）我老公叫咗四餸車仔麵（由於佢係牛魔王，所以叫咗牛筋牛腩仲有鮑魚汁炆花膠）嗰件花膠真係大到嚇親人，毫不吝嗇。完全感受到永年嘅慷慨！真心講自己煲湯都未必用咁大個花膠。感覺上好似花膠扒，好厚實，充滿骨膠原。 雖然要加$39但我覺得Cp值好高。另外我自己就叫咗大碗麵，因為唔想諗食啲乜，呢一碗簡直包羅萬有，仲要全部都係我鍾意食嘅材料，啱晒貪心嘅我，有蘿蔔豬紅雞翼尖雞翼魷魚魚蛋菜心豬大腸！真係講都講唔晒當中我最鍾意佢個蘿蔔夠甜夠入味。 平時我唔鍾意食雞翼尖因為覺得好麻煩，竟然呢度嘅雞翼尖我係食完會上癮。真係超入味超好味，再配上佢嘅BB辣湯底，10分開胃。 下次再嚟我都必定係會再叫大碗麵。因為外賣嘅關係所以我叫咗米粉啦，冇咁容易‘琳‘，因為佢哋係即叫即整，所以我拎到返屋企仲係熱辣辣，好新鮮！最後要介紹吓佢嘅文青樽仔奶茶，外貌非常討好，設計簡單而且好清新。味道濃郁唔會太甜…查看更多