川味港私房菜

朋友約食飯, 揀左間四川私房菜, 上到頂樓門口比較隱蔽, 要按門鐘先有人山黎開門, 入到去感覺有啲小菜館感覺,。仲見到有蔡灡推介嘅牌匾, 水準應該有番咁上下. 口水雞香而不會太辣, 而且仲食到有雞味, 雞肉亦好滑樟茶鴨煙煄味濃而鴨肉不會太乾, 水準不錯. 水煮魚亦係香而不會太辣, 仲品嘗到魚的鮮味, 係稍為油少少, 但可接受. 乾鍋大腸爆香的辣椒和洋蔥與大腸非常配合, 食落一點都不油膩, 炒菜都火喉十足, 辣味香口, 兩樣餸都送酒一流. 老闆招呼親切, 亦有主動問菜式水準, 價錢亦得宜, 絕對可以返轉頭…查看更多

多年來見到朋友成日幫襯，母親節有機會初試，終於氹到嘴刁嘅母親開心。帶幾個好朋友再試，依然有驚喜。威靈頓牛柳。賣相已經好靚，來中的牛柳非常鬆軟，咬開肉質是一層層以微絲相連！最驚喜係，係川味牛柳，好一度fusion極品。另一位朋友的至愛！沙巴躉肉一啲都唔鞋口！好滑，好香，唔太辣，肥美！以為超普通，原來係驚喜！其中一位朋友形容係全晚之最。出面食親都係乾柴烈火，呢度可以整到煙燻香噴噴之餘，肉質juicy彈牙,  完全唔膩口，幾飽都Keep住當零食放入口！大蝦都有人讚係全晚最欣賞之一。好入味，好新鮮！好味！金華火腿質地好，但最開心係自家製饅頭夾皮，好明顯麵粉好靚，好香，熱辣辣。朋友少問老闆，可唔可以外賣一籠返屋企早餐食。我其實唔太好生蠔，一隻起，一隻止，通常都係夾硬吞下，所以最後先介紹，哈哈。但係，呢碟作為頭盤，大家都讚，連我都食得好開心，好鮮甜，好肥美，好易入口。只係隔離位朋友仔嫌稍為大隻咗啲😅！👉🏼👈🏼個人的小小希望，下次再來糖水唔係酒釀小丸子🤣⋯⋯ （雖然朋友開心地成碗倒到咗落肚）一定會再來！辛苦晒老闆兩口子！態度友善，環境唔係走華麗高檔路線，但係好舒服又乾淨，有親切、空間感又唔會太嘈。👍🏼幾百蚊就有咁多度高質素嘅主菜，性價比超高！…查看更多

友人係觀塘返工，今日去佢地頭食飯，知道我鍾意食川菜，所以帶咗我去川味港川味港位置便利，距離地鐵站只係5分鐘路程，不過如果去嘅就要記住係去到13樓再行一層樓梯餐廳乾淨企理，光猛闊落，仲有電視睇，可以包場老闆娘好好人，會問清楚我哋可以食得幾辣，從而推薦唔同嘅菜式，今次我哋嗌既都係餐廳嘅招牌菜野山椒仙爪：呢碟頭盆好正！唔算太辣，兼且好開胃！鳳爪嘅份量好多，一啖鳳爪，一啖紅蘿蔔絲同埋洋蔥絲，正！酒煮花螺：呢味係我朋友最鍾意嘅一碟餸，麻麻辣辣，食完之後啲汁我哋仲唔捨得比老闆娘拎走，要留低之後點其他嘢食 呢碟酒煮花螺係一直有火喺下面興住泥食嘅，越食越入味！不得不提既係啲螺一啲沙都冇，好新鮮，有成幾十隻樟茶鴨：係用四川既樟樹葉同茶葉熏制出泥，皮酥肉嫩，色澤深紅油亮，味道鮮美，具有特殊既樟茶香味！樟茶鴨只有唔到一百五十年的歷史，相傳係慈禧太后好鍾意既菜式！麻辣炒花甲王：啲花甲王同花螺一樣，一啲沙都冇，同埋好新鮮好大隻！個醬有啲似豉汁，不過加咗麻辣味！辣子雞軟骨：呢個辣子雞軟骨值得推薦！個皮炒得好香口，又唔會好油！最緊要係啲軟骨好有口感，所以我覺得你平時嘅辣子雞好味！蜜餞火方：啲金華火腿配埋甜甜地嘅汁好夾！啲白麵包亦都蒸得啱啱好，夾住一齊食係絕配！蒜蓉炒萵筍絲：食完啲濃味野之後，食返個清清地嘅炒菜就啱啱好！炒萵筍絲比較少有，所以嗌咗呢樣！朋友話平時午市仲有啲客飯，好抵食！總括嚟講，川味港啲川菜好出色，除咗川菜之外仲有啲唔辣嘅菜可以選擇，所以唔會話唔啱食！我一定會再來泥試埋其他餸！…查看更多