唯港薈Silverbox 宴會廳

在2月初吃的牛味無窮假日早午餐 原本想吃“秋季和牛薈”，但預約時已full booking。1月在網上看見再推出“牛味無窮假日早午餐”，所以很快預訂。自助餐時間由早上11：45至下午3時，十分充裕的時間。我11：30已到場，但不能入場。職員先給我兩張$100 住宿voucher，日後入住hotel icon可用，有效期到2021年4月。職員帶我們進入Silverbox 宴會廳樓底後高，感覺很寬敞，枱與枱之間有足夠空間，不覺得很迫。只是距離食物有些遠，但可以接受以和牛為主題，當然有不同和牛菜式。威靈頓和牛 牛很軟，只是酥皮跟牛容易分離澳洲M8和牛雖然跟日本和牛相比，我喜愛日本入口即溶的感覺，但這M8和牛也不錯。住得剛剛好，很柔軟。如果想要比較熟的位置，可以跟廚師說切較末端的位置。意式薄片和牛肉這是我最喜愛的菜式，吃了5碟。入口很柔軟，無筋位，很容易回本🤣🤣和牛漢堡廚師煎和牛很香。為增加回本能力，可以要求不要麵包，其他配料也可自行選取。不過漢堡扒比較油膩，所以只吃一塊😅龍蝦有大量龍供應，雖然不算超新鮮的，但可以接受。Hotel Icon 有名的自家榴槤雪糕幾年前已吃過，今次再吃，水準一樣，濃濃的榴槤味，很creamy，榴槤控必吃。錯過榴槤high tea, 這個自助餐有其他榴槤甜品😍😍多款榴槤甜品還有其他非榴槤產品…查看更多

好識做生意嘅PolyU旗下嘅Hotel ICON，見個ballroom係疫情下冇咩人用，就變陣係指定嘅星期日推出一個和牛主題嘅Sunday Brunch去幫補下生意！一入到去，由於係ballroom嘅關係，所以成個感覺都好似以為自己去緊annual lunch～咁首先睇吓有啲咩嘢食啦！佢係喺出邊嗰個waiting area度攞嘢食嘅！中間就有一大堆凍海鮮，有龍蝦、蜆、青口、蝦、長腳蟹，最有印象係長腳蟹佢好鮮甜。後面就係喇沙粉面檔，佢個喇沙都係出咗名一定要試！好味！另外個碗仔翅都好好食，我個friend食咗三碗😱。跟住另一邊就有啲cold cut呀，芝士呀，沙律啊嗰啲，個煙三文魚好味有油香，同埋仲有個蟹肉芒果他他，佢會將d蟹肉放上係個芒果度，每次一出都會好快俾人攞晒！另一邊就係今次Sunday Brunch嘅主角，和牛！有燒和牛、威靈頓和牛、堂灼和牛片、和牛漢堡、生和牛肉片、和牛他他、同埋火炙和牛壽司，由於佢比較集中，所以排隊條龍由一開始到完結都係不斷咁排！其實我覺得d counter可以分散d分散d人可能會好d！個燒和牛用咗M8澳洲和牛，好嫩！個威靈頓和牛就一般，因為一切開個酥皮就會散晒，但中間個澳洲和牛（都係M8）係ok嘅！至於個灼和牛片，因為佢都幾厚嘅，所以都好有咬口同嫩，唔似放題果d貨色！個和牛漢堡，個漢堡扒煎得好好味，再加埋啲煮過嘅洋蔥同埋煙肉，再加芝士，簡直係一絕，但食晒一個就會飽晒食唔到其他嘢，建議佢做返細嗰啲會好啲！到甜品啦！大家都知Hotel ICON嘅榴槤甜品係好出名，咁就當然主攻榴槤甜品啦！首先講一講佢個榴槤雪糕，簡直一絕，以為自己食緊真嘅榴槤一樣咁正！其他榴槤蛋糕，炸榴槤球，炸榴槤條都好好食，鍾意食榴槤嘅你就唔好錯過！食食吓嘢，中間仲有一個抽獎時段，送出Hotel ICON嘅afternoon tea set啦，嚟緊加推嘅生蠔和牛Sunday Brunch啦，同埋酒店房連早餐！真係以為自己去咗annual lunch呀！仲有佢呢個Sunday brunch包咗香檳同紅白酒任飲，當然仲有橙汁汽水咖啡茶任飲啦！埋單$684一個人（折實！上網book full pay好似有8折），鍾意食和牛同榴槤都ok嘅！…查看更多