研香

營業中

休息中

叫咗 榴槤冰 同 芝麻糊榴槤冰好細碗，不過勝在夠多榴槤肉，所以都可以一試。芝麻糊叫咗半糖，但係係苦嘅，仲要係越食覺得佢越苦。我唔肯定自己係咪味覺問題，於是搵朋友一齊試，但係朋友試完都覺得苦，應該係炒燶咗啲芝麻，所以半糖遮唔到陣苦味。於是問店員，但係佢堅持話係正常，因為我叫咗半糖嘅關係，所以苦係正常。但係由細到大，食咁多次芝麻糊同熟芝麻，屋企人係會自己炒芝麻嘅，但係都未食過苦味。如果覺得人生未夠苦，想食完口苦脷苦，咁就來呢度試下佢哋聲稱 慢磨8小時嘅芝麻糊啦👍🏽

每次經過尖沙咀研香見到要排隊就直接放棄，早陣子發現研香在寶琳站新都城開設了分店，終於可以一試！店舖就在商場入口處，店面顯眼開揚。當晚入座前見到店舖幾乎滿座，可能人手不足，完全不知道是要自己找座位還是要等候職員帶位。我和伴侶稍等數分鐘見沒有職員招呼，就自行找座位了。入座時間為週末的9pm，招牌開心果豆腐花售罄，那我就選腰果露豆腐花，可以選擇甜度。腰果露濃稠度恰好，與豆腐花雙併，也不會太過水漾。腰果露口感細滑，入口富腰果香。豆腐花都夠滑溜，帶淡淡豆香，腰果香較為突出。整碗甜品的甜度適中，不會太過甜膩。榴槤冰，餐牌介紹1碗冰=1/4個榴槤嘅爆發！榴槤冰一上桌，就見到面層是滿滿的榴槤肉，而底層則是榴槤雪葩，所以每啖入口盡是榴槤香！榴槤雪葩口感綿密，與絲絲榴槤肉是絕配，令人齒頰留香。榴槤冰還混入剔透西米及椰果，增加口感層次之餘，亦令榴槤冰的味道沒那麼單調。雖然研香以堅果類甜品而知名，榴槤冰卻令我們更加回味！而人手不足的問題亦顯服務一般，不僅入座安排不夠清晰，清理桌面也需要花點時間等待。