馬祖 (將軍澳廣場)

今日咁岩同老公都放假，當然要二人世界。老公最鍾意打邊爐，見到呢間台式火鍋當然唔會錯過。餐店環境光猛企理，有多排卡座，寬敞闊落，坐得好舒適。中間位係自助食物區、飲品區、醬料區和雪糕區，夠集中！午巿90分鐘定量火鍋有八款套餐選擇，揀咗美國Prime Grade極上牛頸脊（$158），每位兩碟，另一人一鍋就係十二款中要咗藥膳醉雞湯和藥膳蟲草花桃膠雞湯。藥膳蟲草花桃膠雞湯有齊紅棗、杞子、蟲草花、桃膠等食材，滋補養生。藥膳醉雞都有紅棗和杞子，淡淡嘅酒香。先奉送兩杯特飲，要咗熱柑桔檸檬和熱愛文芒果茉莉花茶($0)，酸酸甜甜，滋潤解喝！另有大量飲品選擇，仲有凍有暖，款式都幾特別！極上牛頸脊肉質亮澤紅潤，肉嫩鮮香，嫩肉中夾有油脂，牛味濃，優質！自助區有多款食物，肉類揀咗台灣沙茶牛肉、雞腿肉和深海魚柳，三款都好嫩滑，最鍾意係牛肉，入味腍嫩，正！有各種特式台灣食材，如奶油南瓜包、甜不辣、手打牛丸、芋頭貢丸、芝士小籠包、芥末魚籽丸、台灣腸、燕餃、米粉等等；蔬菜瓜果類都唔少，有油麥菜、羽衣甘藍、粟米、海帶結、萵荀、豆卜、菇等等。挾咗一大盤，夾心丸好味，蔬菜新鮮。甜品有雪糕、冰條、甜筒，款式多，我倆各食咗一杯已滿足。…查看更多

見天氣又再凍凍地，即刻搵個地方打邊爐先。咁啱見將軍澳廣場嘅馬祖做緊全日120分鐘放題，唔使趕頭趕命，係咁放啲嘢入口，正👏👏👏！原來佢哋係全港首創台灣藥膳養生火鍋放題🍲即管入去試一試。淨係藥膳湯底已經有10款，仲有香港人鍾意嘅日本壽喜燒，同埋芫荽愛好者嘅爆漿熔岩芫荽湯😅。最好嘅仲係一人一鍋，唔使驚撈亂，又夠晒衛生！套餐方面就有六款，平貴任君選擇，一個價錢無限追加，唔使驚要係咁食丸填飽個肚😛。最後就揀咗中價嘅「極上牛頸脊」套餐， 加 藥膳蟲草花桃膠雞湯 同 日本壽喜燒Sukiyaki湯 。「美國Prime Grode極上牛頸脊及西班牙伊比利牙黑毛猪放題套餐」(💰成人 $298 / 小童 $218)極上牛頸脊Prime Grade肩胛肉眼西班牙伊比利亞黑毛豬 & 西班牙無激素豬肉片藥膳蟲草花桃膠雞湯淨係食呢啲極上牛頸脊同Prime Grade肩胛肉眼都已經回本。睇相你可以見到質素好高，肥瘦剛剛好。兩款豬肉 (西班牙伊比利亞黑毛豬, 西班牙無激素豬肉片) 都唔錯，幾新鮮，唔會好似有啲舖頭雪到硬梆梆，食落都好嫩口。除咗牛同豬，我都推介大家試吓 深海魚柳 同 雞腿肉，好少見其他打邊爐嘅地方有。而且仲有超過30款其他配料。嘢飲仲有兩個大櫃加埋超過15種俾你揀，呢個套餐嘅性價比一流！雖然天氣凍咗，但係打完邊爐熱辣辣，食返啲雪糕降下溫先。最驚喜嘅係佢呢度嘅 🍦Movenpick 雪糕🍦係任食。平時唔捨得買㗎，真係要留肚食多幾杯🤣🍦🤣🍦🤣🍦餐廳面積都好大，座位寬闊。店員好有禮貌😄上湯底同埋肉類都好快手，值得一讚。唔似有啲餐廳等成個字先至有，煲得水嚟都冇咗三個字😏。好彩習慣早食飯，好快已經坐滿人，證明冇揀錯。馬祖嘅120分鐘先至係真正嘅食到飽，捧住個大肚腩返屋企。🍲 馬祖 (將軍澳) 🍲🍲 將軍澳唐德街1號將軍澳廣場1樓1021-1023號舖 🍲 Tel 6060 7292…查看更多

馬祖（將軍澳）😘😘😘yummy yummy 牛牛放題台式湯麵120分鐘加時放題、任食火鍋、專門店！現在做緊優惠加時，由90分鐘加至120分鐘，超抵食、五點後每人頭再減$20火鍋仲係一人一鍋、好衞生！🥰🥰美國Prime Grade極上牛頸脊及西班牙伊比利亞黑毛豬放題套餐$298🐮🐮極上牛頸脊油脂分布好靚、放咗落湯唔使4秒就可以食得、超嫩滑好香嘅牛肉味、每盤嘅份量都唔少、每次落單都出得好快、牛頸脊肉質軟綿綿、入口即溶！套餐仲有西班牙伊比利亞黑毛豬premier Grade牛肩胛肉、西班牙無激素豬肉片、都一様咁嫩滑爽口，唔會滾長左時間而變硬🐮🐷湯底共有十二款任君選擇❤️藥膳蟲草花桃膠雞湯、湯底入面有大量蟲草花、仲有紅棗、桂圓、桃膠、除咗骨膠原仲可以補埋血、非常之甜仲有老火湯嘅味道、飲到唔停得口😋😋台灣藥膳麻油雞湯、麻油味超級香、估唔到裏面仲有紅棗桂圓做湯底👍🏻👍🏻自肋醬油區一定要試吓自家製嘅辣椒醬、麻油、火鍋豉油、加埋蒜蓉和蔥、味道一流！所有嘅自助區食材擺放得好整潔、除左提供多種丸類、大家必試芋泥貢丸⋯⋯內包裹着香綿芋泥、味道很配合、很少地方提供！手打牛丸也唔錯、夾口彈牙😘😘仲有大量蔬菜任君選擇、沙茶牛肉同埋雞肉、魚柳都可以喺自助吧揀！飲品區除咗大量唔同種類飲品、有熱飲提供，很窩心❤️雪糕雪條種類佷多….有Movenpick雪糕和其他雪條、任君選擇、好滿足！抵食#將軍澳#馬祖#一人一鍋#將軍澳唐德街1號將軍澳廣場一樓1021至1023 號鋪…查看更多