星海．譽宴 (鱷魚恤中心)

營業中

休息中

天時暑熱，都係到室內逛舒服得多，喺APM逛完想舒舒服服坐低食餐飯，揀左連住鱷魚恤大廈呢間星海•星海薈，婚禮場夠grand，地方夠大唔使迫，而食物選擇多又大眾化，小菜點心咩都有，即使朋友幾個至一家人聚會都好適合，平時下午都會同朋友嚟食下點心～🍲老黃瓜粟米甘筍雞腳湯 $158原煲上，飲到尾都keep到溫度，足料老火湯，甘甜滋潤，無味精🐚蒜蓉粉絲蒸蟶子$40@蟶子新鮮大隻，滿滿的蒜蓉粉絲卻不失蟶子鮮味🍗脆皮燒乳鴿 $68乳鴿皮脆肉嫩多汁，大大隻熱辣辣，色澤均勻，醃料入味。🥬大澳啫啫芥蘭苗 $138鐵板的啫啫芥蘭苗，有肉碎蝦干辣椒，咸香味鮮，菜苗爽嫩，好惹味的炒菜。🦞鐵板白胡椒煎焗澳洲龍蝦 $338（每隻約一斤3兩）龍蝦每隻約有斤半，上枱時已切成一舊舊，每舊啖啖肉，以鐵板上菜，鑊氣十足，再淋上白胡椒汁，即時香氣四溢，龍蝦肉質爽口彈牙，香濃惹味。🍨楊枝甘露 $35以芒果汁打成糖水底，入口嫩滑濃郁，芒果柚子肉十足，配上晶瑩西米，充滿口感，層次豐富🍮桂花紅豆糕$31一層層晶凝通透賣相已經好靚，桂花清甜，紅豆大大粒有口感，甜度適中，是夏日的清新甜品👍🏾

「星海」鄰近觀塘港鐵站，經連接的商場通道便可到達，地點非常便利。擁有漂亮的天花燈飾，特長的水族魚缸，還有舞台設置，裝飾得浪漫優雅。✨️ 川貝海底椰鱷魚肉燉花膠湯今日開會時間長，感到喉嚨乾乾的，想喝點燉湯滋補一下。這個川貝海底椰鱷魚肉燉花膠湯正合我意。燉湯足料，滿滿椰香，花膠充滿膠質，燉湯味道甜美順喉，喝下令人感到舒服。✨️ 鐵板白胡椒煎焗澳洲龍蝦整隻澳洲龍蝦放在鐵板上，隨着職員把白胡椒醬汁淋在龍蝦上，濃郁芳香的香氣頓時撲鼻而來。約斤半的澳洲龍蝦肉厚，肉質爽口，味道鮮美。味鮮的龍蝦配搭惹味的白胡椒醬汁，真的非常美味。✨️ 古法沙薑雞雞香味濃。沙薑醬的獨特香氣和味道，令雞肉更添美味和香口，也令雞肉吃起來更嫩滑。這個古法沙薑雞風味極佳。✨️ 楊枝甘露冰凍的芒果奶露中有芒果粒、柚子肉和西米。柚子肉含微酸帶甜的味道，在不甜膩的楊枝甘露中，甜酸相間，給人帶來清爽。✨️ 紅豆沙店員送上飯後甜品 - 紅豆沙。紅豆入口軟腍，清甜中帶一股果皮香，令人滿足。這裏交通便利，真的是適合婚禮或宴請親朋好友的地方。朋友說他將於中秋節跟家人在這裏吃飯，被他提醒，中秋節快到，我也要快快來訂座。

今日休假同屋企人去咗APM隔離的鱷魚恤大廈二樓星海・譽宴飲下午茶。入到酒樓有種雍容華貴的感覺，黑色主調配上紫色閃閃花天幕，一邊有珊瑚同熱帶魚金魚缸，令一邊有落地玻璃可以看到戶外場地，真係好適合婚宴之用。有好多特色點心選擇。鮑魚燒賣久唔久豪一次，鮑魚好吸睛，色澤好靚，炆得夠淋好入味，值得一試。鮮蝦帶子鳳眼餃蝦餃就食得多加咗帶子比較少食，多咗分口感同鮮味，餡料豐富，啖啖蝦肉。墨汁金箔蝦餃皇賣相好豪氣，墨魚汁蝦餃皮， 加上金箔，餡料除咗有滿滿的蝦外，仲加咗黑松露，增添了黒松露香。金梨咸水角一個梨形的鹹水角賣相好可愛，餡料就在梨的下半部非常飽滿。X0醬石窩煎腸粉上枱時已經熱辣辣香噴噴，仲有沙沙聲，加咗好多配料，例如係芽菜，蔥，XO醬去炒所以咁惹味。香脆八味豆腐完全做到外脆內軟，外皮炸得啱啱好唔會太過火，入味得來又唔會太鹹。脆皮燒腩肉外皮十分脆，不過稍為偏鹹。金沙蓮蓉包包質地軟熟，餡料有蓮蓉蛋黃，食落有蛋香。楊枝甘露超級多料，好香濃，有椰香，值得推介。飲下午茶。

屋企黎緊有喜事，考慮黎觀塘呢間豪裝酒樓擺酒，今晚就黎見識下啲飲宴菜式，原來除左食物真係幾得，連裝修都夠曬氣派，都幾有信心黎呢度擺酒。<燒味拼盤>分別有叉燒、海蜇、燒腩仔。叉燒半肥瘦，海蜇彈牙而調味洽度好處。燒腩切開四小舊，肉質幾軟嫩，一啲都唔鞋口，點啲芥末簡直完美。<花膠元貝燉螺頭>呢個湯超有味，湯料亦好好味，螺頭有咬口，大大塊花膠，又有瑤柱、雞、豬肉，營養都夠曬豐富，而且隔左油先上，感覺唔會好油。<西蘭花炒帶子蝦仁>西蘭花爽脆，如果再熟少少會較好。蝦仁無得彈，夠彈牙，帶子亦非常嫩滑。<西施龍躉球>呢個厲害，一大塊龍躉下面竟然係蒸蛋。等我仲以為係個碗底既白色。龍躉好嫩滑，而且完全無骨。<乾隆石鍋炒飯>黎到係沙沙聲咁每人一個小石鍋上，入面既飯粒粒粒分明，但略嫌比較油，味道係非常出既，有帶子。<楊枝甘露>食到呢度已經幾飽，不過甜品係另一個胃，而且係咁足料既楊枝甘露！味道唔死甜，幾有奶香，作為宴會甜品都幾得體。人均$500左右，幾好。