泰屋

營業中

休息中

出唔到街為又係屋企附近食， 去九龍城梗係食泰國菜啦， 食勻咁多間始終都係泰屋最正 。今日專登冇食船河 ，改食泰國金邊粉 ，加多個泰國醬炒芥蘭 ，國金邊粉始終係泰國人煮， 用泰式醬油膏 ，非常惹味好味 。專登叫佢放多少少辣椒 ，唔怕辣嘅朋友記住叫佢放多少少 ，因為始終就香港人口味 ，一般都唔會放太辣 ，又係嗰句呢如果你怕辣就唔好食泰國菜！完全食番喺曼谷街邊嘅味道 ，如果佢啲芽菜用返泰國肥身嗰啲芽菜仲正！泰式炒芥蘭 、又係用嗰個醬油膏 ，不過呢個反而叫佢唔好咁辣， 所以食得出醬油膏同埋魚露嗰啲味道， 香口惹味 ，正到冇得頂。

細姨生日，一家人出齊來，因為今日公眾假期，四圍都好難訂位，呢間餐廳有熟人代訂！先可以訂到位，仲要6點食，7點半要交枱，所以好趕！地方好迫，裝修簡單，牆壁除了菜單無乜裝飾！膠枱布，比咗一張10人長枱我哋12人（9大3小）基本坐低連轉身都無位，同後面客人椅背碰椅背！環境講唔上舒適！時間所限，快快落單！食物好快到！（因為唔係我落單，所以菜名係我根據見到菜式自編嘅）無骨鳳爪：比較較硬，可以話有咬勁！頗辣！洋蔥爽脆（其實好多時我喜歡食索晒汁嘅配菜）鐵板蠔：蠔雖然唔大隻，新鮮嫩滑！加埋蛋塊同大量爽脆芽菜！惹味好味！串燒：雞同豬（細姨唔食牛）燒得嫩滑有肉汁，點埋花生椰醬，好濃味！炒雜菜：爽脆好味！木瓜絲沙律：酸加辣！又爽辣又停唔到口炸蝦餅：外脆彈牙！點醬汁惹味！泰式燒雞：賣相靚，外脆肉嫩！泰式生蝦：大隻爽脆！無腥味！點醬汁惹味！泰式燒雞：皮脆肉嫩肉碎生菜包：香辣惹味，生菜爽脆！泰式炒金邊粉：醬汁偏甜，蝦大隻爽口，金邊粉煙韌！太濕！蒜香牛肉：賣相靚！一座小山！牛肉鮮嫩！好味到停唔到！連墊底嘅菜心都好爽口！香葉肉碎炒飯：香葉唔夠多，豉油香但較濕身！椰青：新鮮開！解辣一流！芒果乳酪：唔夠濃，好在無加太多糖