小曼谷海鮮燒烤屋

朋友啱啱係外國返黎，食厭左西餐，一於就同佢一齊去食泰國菜啦。呢間小曼谷之前都有食過，質素唔錯又多選擇，泰國風味十足。 🍴泰式炸蝦餅(小)$98蝦餅好大舊 好滿足🤤小份嘅份量都好足夠喇出面炸得極香脆 入面口感介乎軟同彈牙之間食得出有蝦味👍配埋必點嘅泰式辣醬酸酸甜甜 冇得輸 🍴鐵板豬頸肉炒馬拉盞椰菜苗$118由於鐵板上嘅關係 一上枱就好香好吸引蒜 馬拉盞 蝦米香味隨住煙湧上黎😲椰菜苗平時都比較少食 炒得勁有鑊氣勁惹味豬頸肉都有好多 食到最底仲有好多塊 🍴泰式鮮蝦炒金邊粉$108金邊粉炒得夠乾身 口感軟糯又有彈性芽菜同花生碎脆脆嘅口感 超加分味道係酸甜為主 好味☺ 🍴椰青$49原個椰青上超正 椰青水清甜 真係好有泰國街頭feel要將入面嘅椰肉都挖晒出黎食😆 🍴椰汁西米糕$58冰冰涼涼嘅甜品椰汁糕香濃 下面西米層帶有少少黏軟係好有泰式風味嘅ending☺…查看更多

一講起食泰菜，就會諗起九龍城。小曼谷都算係老字號今日嚟咗小曼谷海鮮燒烤屋呢度都算係有地標性每次經過太子道都會望到出面有個好似人咁高嘅吹氣廚師公仔同大家打招呼👩🏻‍🍳預先book咗位限時90分鐘椰青$39椰青係最快想上菜的食物夠凍夠清甜青檸菠蘿沙冰$39青檸菠蘿沙冰唔會太甜酸甜酸甜都幾開胃同解渴泰式青檸梳打$39淡淡的青檸味，健康之選泰式生蝦刺身$124一碟有六隻生蝦蝦肉到爽口彈牙雞軟骨沙嗲串燒$20沙嗲醬好有花生味黃咖喱海鮮$106海鮮款式都幾多有青口、蝦🦐、魷魚🦑泰式原味烤薄餅（2塊） $36黃咖喱配烤餅一流泰式馬拉盞通菜$87冬陰公湯（L) $186太過椰汁味重，有少少膩但可能會有人鍾意佢夠creamy泰式鐵板蠔餅$128蠔餅炸得唔錯，炸返唔算多，亦都唔係好油泰式炸蝦餅（小）$86我哋嗌咗小份合共三件每件切開一半啱啱好夠分蝦肉彈牙買單$1,138每人約$190食完都夠飽都係唔錯嘅選擇👍🏻…查看更多

小曼谷海鮮燒烤屋九龍城太子道西398號御太子地下1-3號舖 今日又去左九龍城食泰國嘢啦，當然都係幫襯小曼谷啦，而經唔係第一次黎啦，以前成日搭巴士經過都會見到，試完一次之後，簡直食過返尋味呀好彩我地算早黎到，唔使點等位，見到7點半後已經座無虛席啦今日既生蝦刺身好新鮮，食落好爽口，加埋秘制既醬汁簡直無得頂，勁想叫多一碟之後既豬頸肉沙律肉質好鮮嫩，而且份量都幾多，下層仲有新鮮既沙律菜好fresh, 配合埋沙律醋食，入口非常開胃，當前菜食岩晒鐵板豬頸肉炒通菜既份量十分之多，同埋鐘意佢用鐵板上，加埋傳統既馬拉盞炒夠晒惹味，好吸引呀最後呢個咖哩法包軟殼蟹係必食架，黎親都一定要點，真係好正，軟殼蟹炸得好香脆，而咖喱汁就好香濃，配合埋內脆外軟既法包，真係缺一不可呀…查看更多

4012椰青 $38個日叫左兩個 因都幾新鮮啲椰青 同埋啲肉好嫰滑 價錢比起其他泰國餐廳算係平☺️ 良心😍2706豬肉碎生菜包 $82生菜新鮮鮮甜 肉碎可以再辣啲同酸啲就prefect池啦～✨3108泰式鮮蝦炒金邊粉 $88酸酸甜甜既金邊粉 金邊粉唔會痴埋曬一舊舊👍🏻1002牛肉沙嗲串燒 $161006雞脾菇沙嗲串燒 $16串燒正常2606黃咖喱雞肉（走青）$88咖喱好香濃☺️ 好食 不過雞份量多多小小就滿足了🥰提提大家 個到有人會唱歌🎤 不過太嘈唔係太聽到個歌手唱咩😢…查看更多

🔷泰式生蝦刺身 💰118除左生蝦本身要新鮮乾淨外，卡比認為個泰式醬汁都十分重要，呢到既泰式辣汁好夠辣，配埋生蝦同蒜片一配食，系食到好正宗既味道。🔷泰皇咖喱炒蜆 💰148咖哩係偏甜及澀身口感，意思系個水性不算高完全唔係稀身既。蜆既份量一啲都吾少而且仲系偏大隻既Size，食到好有口感亦食吾出沙，仲有其他爽口既洋蔥、青椒等，系一道配白飯同蒜苗包既perfect match。🔷泰式馬拉盞炒椰菜苗 💰82 椰菜苗炒得依舊爽口，有少許辣度但系會接受到。大碟得黎覺得草青味無乜，自問不好食菜既都可以試下。🔷牛油蒜蓉燒美國生蠔(兩隻) 💰112呢兩隻生蠔都真係無改錯名，完全係XXXL geh 美國size，熱辣辣岩岩燒好所以拎到上台真系要小心吾好比生蠔殼辣親隻手。不過話時話個生蠔燒到好香，面上配埋埋啲蒜、蔥、細細條既脆魚一齊燒，食到好有口感，生蠔十分肥美。🔷泰式蒜蓉包(4塊) 💰30 呢個蒜茸包主要係打算配咖哩食，但係竟然單食呢款都足夠美味。包本身整到好脆口但又吾會用「硬」黎形容，蒜蓉份量好足夠所以個包完全吸到哂牛油同蒜味，仲有一點就系呢個價格十分親民。🔷椰青 💰38 …查看更多

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。飲品方面我就叫咗個好鮮甜嘅椰青飲最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！總結3個人食了$1076 但食得非常之開心 環境又坐得舒適，值得推薦俾更多嘅朋友試試呢間小曼谷啲菜…查看更多

收工後同朋友去九龍城食泰國菜，呢度有好多間我地選擇小曼谷海鮮燒烤屋，因門口有個大大個公仔系度揮手好吸引人入去。點左海鮮孖寶泰式盲鰽和鮑魚$288。鹽燒飽魚鮑魚都好大隻，又燒到好香又彈牙爽口。雞腎燒到香又彈牙和臘腸串燒都好好味不會油膩。蟹肉雞絲魚肚羹，真是好足料有蟹肉，雞絲和好多魚肚魚肚好爽口。小曼谷炒米粉，材料十足又有蝦大大隻又彈牙，味道適中米粉又不會好淋又炒到好香。泰式燒盲鰽，魚肚位又放入一些香料入去燒，令香料索入魚肉里，魚肉嫩滑又肥美沾上醬汁更加野味。椰汁西米糕拼泰式千層糕，椰汁西米糕底下有西米和芋頭粒幾香口又不會太甜泰式千層糕又幾煙韌。束青夠凍又清甜。…查看更多

食咁多間泰國菜，呢間係少數食完想再食既餐廳，佢唔單止上菜速度快，仲要好好食。唔怪得佢門口咁多人排隊。食親泰國野，點生蝦係基本野啦，佢啲生蝦好大隻，好似厚切咁，肉質好結實，點辣醬食真心一流，我一口氣食曬我份量既3隻。🙃個燒雞有分全隻同半隻，兩個人既關係叫左半隻，原本都擔心會「鞋」，因為我地都鍾意食滑雞。黎到之後，唔可以話好滑，但佢烤乾左啲雞油，雞肉都仲keep到好嫩，點埋佢個辣汁，啲醬汁即刻比雞肉吸曬，無誇張，好好味🤤明爐魚只要蒸既時間岩岩好，魚夠新鮮，都好難整得難食，呢間佢兩樣都有🤤，加左青檸，成碟魚好清新，兩個人都清得曬🥰聽朋友講過，只有新鮮椰子既果肉先會易畢，呢間既椰子好易畢，係咪啫係好新鮮既意思🙃兩個女仔加一個白飯，食完唔會太飽，岩岩好，好滿足😋…查看更多

成日聽日講九龍城好多出名泰國菜餐廳，成條街都係泰菜餐廳，所以可以慢慢揀，岩睇先入去。尼間環境大，燈光足。我地5點半左右入座冇book位，太早，得我地一枱。叫左牛油蒜蓉燒青口($10X)，芥蘭炒豬頸肉($7X)，泰式燒牛仔骨($68)，油飯($18)，椰青($37)。青口有半打，全部都肥美大隻，冇燒到變乾。每隻青口上面，都有大量牛油蒜蓉，炸香過既魚乾仔，脆卜卜。而且牛油味好重，食得辣既朋友，可以加d甜辣醬一齊食。食海鮮預左貴，不過餐廳加埋其他配料一齊燒，就冇咁單調。除左芥蘭，仲有其他菜可以揀，亦都可以只係炒菜唔加餸，不過加豬頸肉都係貴幾蚊。芥蘭嫩身，而豬頸肉厚切入味，好過叫炭燒豬頸肉，因為尼碟又有菜又有肉。帶有少少辣。牛仔骨一碟有3件，燒完一d都唔乾身，仲好多肉汁，而且加左蜜糖燒，所以甜甜地。而且肉唔"鞋"口唔韌，難得。原本諗住叫椰青海鮮焗飯，點知侍應話冇，唯有點個油飯食。有白飯/油飯揀，油飯貴幾蚊。油飯粒粒分明，不過碗既外邊有d油，差d冼手。食開泰國菜都鍾意叫椰青飲，除左有椰子水可以飲，仲可以挖d椰子肉黎食，玩得又食得，亦可以解辣。整體，其他特色既泰國料理冇食到，所以唔可以講正唔正宗。不過，食物味道唔錯，環境都舒服，愈夜愈多人黎食。…查看更多

唔知點解呢排成日心思思想食泰國嘢，可能就嚟到撥水節掛😂🥳所以放工行落去九龍城食個飯😋今晚就黎左小曼谷海鮮燒烤屋，之前成日覺得佢係大街，而且有主打燒烤海鮮，以為佢好貴……點知一睇佢Menu好抵食! 點都值得一試。先叫咗個椰青🥥同埋菠蘿🍍沙冰特飲，個椰青好大個😆，肉質好爽甜，最緊要係啲嘢水好清甜滋潤🥰已經先加左啲分因為前晚食多左肉，所以今晚叫少啲肉，個咸魚炒椰菜苗🥬呢個係男友揀既，本來我麻麻地，因為我怕咸魚好濃味，但佢又炒得幾香又唔油！椰菜苗爽脆得黎又唔硬，而且佢D泰式咸魚🐟可能同我地食開既冇咁重味，有D似菜甫味咁，吊一吊味又唔係話好咸，唔錯!炒金邊粉🍝既份量比我地想像中多! 兩個人真係食唔哂，呢個係3-4人份! 我鍾意佢D粉夠幼身，係真正既金邊粉，而且又唔會一pat pat，乾濕度剛好，而且個味我都覺得好食，甜甜地，男友就話要加多兩粒青檸🍋提返酸就剛好! 而且佢D蝦🦐真係好新鮮，剛好熟又超爽口! 鐵板蠔餅唔駛講，我最愛! 尤其係佢炸到咁香口，唔明點解泰式煎蛋煎蠔餅🍳呢D可以整到咁香口又脆🤩 而且超多超多蠔，D蠔又大隻同新鮮，果然係海鮮屋🦑🦐🦀🐟🐋店員姐姐仲教我地like 埋fb送左兩粒甜品畀我，個千層糕🍰有班蘭味又夠煙韌，超滿足又抵食👍…查看更多

每次想到泰國這個渡假天堂總會想到陽光與海灘，一種隨心寫意的感覺。然而每次想起吃泰國菜亦令你立即聯想到九龍城, 九龍城雖然沒有風光明媚的沙灘, 但這裏絶對能夠令你感受到泰國的風情, 因為在這𥚃有不少泰國菜館和泰式的小店, 食品和用品也一應俱全。這間泰式餐廳的特色是除了有室內用餐區外, 還有室外用餐區, 雖然景觀只是繁忙的城市街景, 但坐在出面, 看著人來人往的街道，加上秋風迎面送上, 令人有一種寫意閒適的感覺。泰式柚子沙律（$98）👍👍👍👍如果你喜歡吃柚子，但又怕麻煩把柚子起皮兼起起肉，這個泰式柚子沙律就是最佳的選擇。泰國的柚子一般都比較甜美多汁，用作沙律配合大蝦，花生、泰式醬汁和香料，酸甜辣集一身，味道清新自然，的確是一個開胃醒神的頭盤。鹽燒馬友魚（$198）👍👍👍👍👍原條馬友魚用鹽燒的方式處理，外皮燒至焦香，魚肉則保持鮮嫩軟滑，加上魚肚塞了很多泰式的香草，令魚肉帶有淡淡的香氣。加上馬友魚的魚肉比起一般的烏頭或鰂魚肥美甘香，令每口魚肉都散發魚油的甘甜。泰脆炸豬手（$208）👍👍👍👍這一大盤的炸豬手已預先起骨和切件，份量之大最適合多人分享。豬手的外皮炸至鬆脆可口，皮下的脂肪也炸至甘糯軟滑，一點肥膩飽滯的感覺也沒有，唯獨肉身比較鹹，但如果配合冰涷的啤酒同吃，確是佐酒的一道美食。椰青（$38）👍👍👍👍清新自然味道的椰青，跟香濃泰國菜一起吃就更顯其清甜的味道。泰式青檸梳打（$36）👍👍👍👍酸甜的青檸梳打, 解渴之餘又可解辣，更可增進食慾。門面內在環境餐牌…查看更多

《小曼谷海鮮燒烤屋》講起九龍城泰式餐廳有成千上萬間，唯獨小曼谷令我回頭率最高 。餐廳於晚餐時段更有現場歌唱表演，設有室外座位，可以帶同愛犬一同進餐。燒脆皮白鱔 $118/2串白鱔燒得剛剛好皮脆肉嫩 ，加上少少七味粉吊味妙不可言。近乎百二蚊兩串抵唔抵就見仁見智，但個人認為性價比高 。燒鱔出邊都咁上下價錢。泰式炸芝士蝦丸 $94/3粒 （細)兩人食關係叫咗份細有三大粒 ！呢份芝士蝦丸真係粒粒都大得離譜，入邊仲要滿滿流心芝士 ，邪惡指數直達100，所以食完一粒都有啲飽意。不過蝦丸確係爽口彈牙，配埋炸脆嘅外層同軟軟嘅芝士，正！泰式芝士烤薄餅 $32/2塊芝士蝦丸同呢個薄餅都係必點菜式之一。薄餅酥脆可口，配上面層如此誘人嘅烤芝士，撕開一絲絲咁享用更清晰可見薄餅嘅層次，正！串爆墨魚嘴 $28墨魚嘴過韌，完全咬唔開咁制，有點伏 。翠玉瓜沙嗲串燒 $16可以燒耐啲會更好，所謂沙嗲串燒其實係另上沙嗲醬汁，而唔係搽上串燒上邊一齊燒，醬汁偏淡同稀調味唔太食到。雞肉沙嗲串燒 $16燒嘅時間剛剛好，肉汁係有。雞腎沙嗲串燒 $16爽口有嚼勁，食完想再食嘅感覺。泰式鹹魚炒椰菜苗 $82鹹魚成為椰菜苗嘅點聚炒得夠香，再加碗白飯同友人兩個食得津津有味 。椰青 $38 有時飲椰青真係好次買六合彩咁睇彩數 ，不過今次嘅椰青一如往常嘅清甜涼快，椰肉都好軟腍。…查看更多

今晚又來到九龍城小曼谷海鮮泰國菜。 阿囝生日，加上我哋好耐冇食泰菜， 不期然又想起九龍城嘅小曼谷，因為呢度嘅食物水準都幾穩定。:)每隔一段時間都會有新嘅推介美食。今晚試咗"泰式粉絲焗蟹煲"。 足有四大隻虎蝦。 超多嘅粉絲墊底盡吸蝦嘅精華。 配襯嘅仲有泰式嘅香葉， 芹菜，芫茜。味道獨特，唔係一般廣東嘅粉絲蝦煲。 如果粉絲能夠更乾爽一點更perfect! 泰皇咖哩法包軟殼蟹$198 泰式咖哩連小朋友都可以食，甜甜哋又有蛋香， 完全唔辣。 大大個法包盛滿咖哩汁， 眼球超滿足! 咖哩汁配法包超正， 法包一定要趁熱食因為出爐嘅時候仲係脆身。差點忘記隔離嘅炸軟殼蟹， 但稍為炸得over了一點， 配上香濃嘅泰式咖哩汁亦非常美味!椰青$38飲品梗係唔少得佢嘅椰青。 椰青水非常清甜， 完全唔帶酸， 裏面嘅椰肉更加係又厚又滑， 有得飲又有得食!芒果沙冰$36即叫即打嘅芒果沙冰， 芒果味香濃沙冰軟滑， 唔會太甜冇加糖水，小朋友嘅至愛!明爐蒸桂花魚$248 (唔辣)明爐桂花魚有辣有唔辣做法。 辣嘅做法鮮味更被提升， 因為之前食過而且今次帶住小朋友還是選擇唔辣。 明爐鍋熱辣辣超正， 配上泰式嘅魚湯， 仲有各種泰式香料， 味道豐富又唔會過份酸。 桂花魚肉質清香嫩滑，煑耐左都唔會嚡，海南雞飯 $78每次去食泰菜都唔少得試佢嘅海南雞饭。這裏嘅招牌海南雞飯， 海南雞件切得整整齊齊細細件， 已去骨， 非常貼心。 肉質嫩滑，有雞味， 雞皮都係爽嘅。 再試佢嘅特製 海南雞醬汁， 做法講究認真，酸味薑味蒜味非常平衡， 完全提升成個飯嘅層次。 油飯甘香柔軟， 美味可口。還有戶外嘅雅座， 鬧市中難得嘅渡假feel。…查看更多

九龍城這個地方對我來說不算就腳，所以差不多每次都是約有駕駛的朋友才會來。兩個人吃不了太多，所以只點的一個飯、一碟菜和一條魚。*椰青海鮮焗飯 ($108)看到焗飯的賣相已經感染到很開心的心情；而且真的不要小看焗飯的份量，我們兩個都不能吃光光；海鮮焗飯很夠料，中間有不同的海鮮，有蝦、尤魚、蟹柳等的；飯是濕潤的，很有椰香味。*泰式咸肉炒椰菜 ($82)只有炒椰菜的話可能有點悶；加了咸肉增添的層次；菜和咸肉一起吃就不會覺得太咸了。*鹽燒馬友魚 ($198)這條鹽燒馬友真的是超水準；魚燒得剛剛好，魚肉超嫩滑的。*椰青 ($38)很清甜，而且椰肉很嫩。*熱龍眼水 ($28)朋友點的…查看更多

剛剛去完泰國, 轉個頭又想食泰屋野,二話不說當然要去九龍城搵老字號,小曼谷當然係首選。餐廳款式選擇多, 兩個人, 轉下眼就叫到成檯食物椰青椰青水清甜, 滿有濃郁椰香, 而椰肉又白又滑, 原汁原味, 好飲之餘夏日消暑一流！芒果粒粒沙冰芒果粒粒沙冰是以真芒果肉打成沙冰, 有濃郁的芒果味, 並且有粒粒芒果肉, 唔會太甜, 椰汁份量又剛剛好不多不少, 芒果粉絲不容錯過!蒜爆胡椒炒虎蝦一上台就香氣撲鼻!! 4大隻虎蝦是用左不同的泰式香料爆香, 香茅蒜蓉泰國薑等等, 非常惹味, 真係想叫多碗白飯撈晒D 配料!! ~虎蝦係珍寶size相當有份量, 而且仲好彈牙tim~海南雞半隻半隻雞的份量對於二人來睿已經足夠有餘了, 海南雞油潤肥美. 雞肉質地嫩滑, 賣相鮮黃...配埋特製醬料讓人不禁食完一舊又一舊, 真係好好食啊~小曼谷炒飯黎小曼谷餐廳當然要叫招牌小曼谷炒飯, 配料非常豐富, 有蟹柳，扎肉，豬頸肉，蝦球等等, 而且最特別之處是會用大塊蛋皮包住, 飯粒炒得乾身分明, 味道有少少咖哩味, 但又唔會過鹹, 香得黎又乾身, 非常好吃!總結: 味道正宗, 收費合理, 服務周到, 下次再來~…查看更多