勝博殿日式炸豬排 (已結業)

今日有同事帶隊到這裡食午餐，初時以為好貴，後尾發覺原來有午餐set的，而且價錢也比較親民，最平68蚊有三款選擇。不過要加一！來到炸豬專門店，當然要食炸豬啦所以我點了豬柳套餐同其他日式吉列專門店一樣，椰菜絲同飯可以任添又有黑白芝麻自己磨，我覺得精髓在於醬料上，加在椰菜絲上的有日式醋同芝麻醬，伴以清爽的椰菜絲立即變得美味無比套餐還有面豉湯，湯料有海帶，豆腐，菇仔等，味道不會偏咸！飯煙韌軟熟有飯味，食得出係日本米至於主角炸豬柳一口咬下去，鬆化無比，炸得脆口不會食到成口粉將，豬柳肉質厚實，不＇鞋＇口配以芝麻炸豬醬料，超正覺得貴得有道理而且份量適中，不然太多會＇流＇，太少又唔夠喉！至於我其他同事點的是豚肉烏冬鍋烏冬鍋有gas爐煮熱，似sabu sabu, 同事說是槄庭烏冬來的，面質煙靱滑流豚肉肥瘦適中:)咖哩什菌雞飯有成兩碗飯份量咁多，咖哩味香濃微辣，配－流，但餸偏少不過我同事都食清光！埋單有送印花優惠，食滿50蚊chop一個印花，集齊10個可以以50蚊使用，我地今次這一餐已經chop左七個印，好快儲滿10個呢…查看更多

一行五人有正經野要傾，所以揀間位置闊落D既餐廳。呢間都幾岩我地，座位闊落又唔會太嘈。問待應姐姐，特上豬扒同普通豬扒有咩分別，佢話特上係日本豬，普通係泰國豬，咁既然黎得，當然試日本豬啦。睇餐牌，有特上豬扒同特上豬柳，五個人一定食得晒既，兩個都叫！淨係叫左兩個套餐，店員話唔可以加添椰菜絲同湯，要一人一個套餐先可以。特上吉列豬扒，厚切，多肉汁，肉質鬆軟，外層鬆脆，唔會太油。豬柳都鬆軟，但略嫌唔夠咬口。豬扒正好多！火鍋烏冬，正常味啦，普普通通，隔左一晚已經唔係好記得個味。另外叫左D小食。芝士車厘茄燒茄子，茄子唔夠林，太爽口，個人唔係咁鐘意。凍豆腐，夠滑但唔夠味。滑蛋牛肉窩，滑蛋個味道幾好，但牛肉有D過熟。豬扒係幾好味既，其他就一般般啦。見其他食家話銅鑼灣分店正D，下次試試！…查看更多

話說兩個人夜晚晚係尖咀睇完戲行完街八點幾九點鐘，諗住黎「勝博殿」應該無咁多人，點知都係等左差唔多廿幾三十分鐘先入到。如果之前唔係有人等唔切走左，我想等得重耐。有樣東西要彈，已經差唔多九點先入到去食，「勝博殿」又收十一點，做乜鬼係九點後進場都要限時個半鐘呢？著實好耐無乜食過炸物，果晚又忽然慶起想食，於是去「勝博殿」。可能太耐無去，都唔知「勝博殿」宜家有二人套餐；對於咁夜想食野又唔想多諗野既人黎講係件好事，於是點叫左「季節二人套餐」同「醬油燒野菌」。同其他食炸物的日式料理店一樣，白飯、椰菜絲和麵豉湯係任叫的；雖然係任叫食物，但是大家都唔好浪費食物。日本珍珠米飯果日唔知係咪個廚師心情唔好定心不在焉，落水多個頭搞到米飯過黏。不過，呢到個椰菜絲和麵豉湯都唔錯，加埋「勝博殿」既獨家醬油，基本上可以食飽人。到前菜了，「醬油燒野菌」加埋檸檬汁，配搭幾新鮮；食落口時唔係太覺得似燒物般乾身，似是錫紙入焗爐焗多一點。正菜既「季節二人套餐」有吉列廣島蠔兩件，炸海蝦兩件，忌廉蟹肉餅一塊，特上豬扒一塊。吉列廣島蠔一點都唔腥，食落雖然還有一點海味，但感覺唔錯，同埋夠大隻；對於鍾意食蠔既人來說可能是浪費左隻蠔。炸海蝦則普普通通，沒有甚麼特出的表現。至於忌廉蟹肉餅，開頭同朋友還以為點解會有三隻蠔，因為炸後太似樣。我只能用兩個字來形這個忌廉蟹肉餅，那就是「失敗」。忌廉蟹肉餅可以係整個餐最差的食物，整得太難食之剩，真係食唔到乜野蟹肉，感覺似食忌廉餅，而忌廉入面間唔中有一兩條蟹絲。最後是特上豬扒，肉身夠厚，肉汁亦夠多；有別於其他乜字號的吉列豬扒，炸完後仍然保持到肉質既鮮味。特上豬扒唯一的敗筆係炸粉太多，多不是問題，問題在於粘唔實係豬扒身上，結果係一邊食一邊跌炸粉……有點兒浪費；假如唔計粘炸粉的分數，這個特上豬扒可以去到85分以上。整體而言，「勝博殿」的吉列豬扒和吉列蠔都不錯，其他炸物就算吧啦咧！註︰我食既「季節二人套餐」可能同宜家大家食既有所不同…查看更多

本身今年男友話去食buffet or steak...但因為我好耐無食炸豬扒, 而且去過咁多次應該唔會伏, 所以就轉去食勝博殿...上次都見到佢地轉左menu, 無左任食既飯, 無左十谷米...而且2人餐再無豬柳卷...雖然整個餐牌價格都有下調, 但總覺得舊時好...我地今次係叫特上二人餐加兩份味噌湯+白飯+前菜...特上二人餐包括:任食椰菜絲沙律: 今次每次加菜既份量都好少... 特上豬扒: 有肥筋係旁邊, 好好咬, 但係比例比上次多(差不多一半), 好似有點太少肉, 而且無咩味...炸蝦: 好乾, 無味, 炸糠好厚, 似食炸糠多過蝦...特上豬柳: 好薄, 所以好易炸得好乾...當然佢真係炸得真係好乾, 而且同上面個d一樣都係無味...所以我地似係食豬扒汁多過食肉 ...炸糠不但兩邊都唔同厚度, 而且依然厚到死...面糠:豬柳:底糠比例係2:2:1...忌廉蟹肉卷: 算係比較有味既一個, 可惜都係炸糠問題...成個特上二人餐都係食炸糠同肉乾...炸糠仲要係好似浸係油入面, 拎起滴油...油溫控制同炸功都好Fail...味噌湯: 上次本身加左一份味噌湯, 之後就後悔咁好飲只係叫左一份...今次就好後悔叫左兩份...味噌湯超超超咸, 要另外叫佢俾熱水我溝返淡(叫左2-3次先俾到我)...差唔多一碗湯可以開到兩碗...另外味噌湯有海帶同菇, 但就無豆腐...而底下既湯十分唔幼滑, 應該係味噌未完全溶解...所以有白色微粒...所以係飲唔哂...我極度懷疑廚師轉左人!!!!!仲記得我地係食丼吉先, 點知質素漸差而轉為勝博殿, 而家勝博殿又轉差, 唔通真係要轉返去丼吉??唉...餐廳唔應該愈黎愈差, 應該要進步先係正確!!!唯有Blacklist TST勝博殿, 下一次食返CWB勝博殿...最後一次機會, 如果唔係永不超生...…查看更多