聚聚 (已結業)

今日同老友們都早收工，就約埋食個晚餐，呢間聚聚都知開左一段時間一直想試試，知道係中菜館睇過d相都幾有特色，今日就一於約埋黎試試啦。我地晚上6點鬆d左右到，當時仲有好多位，去到7點左右就開始爆場了，環境都真係幾舒適，位與位之間都有d距離人多都唔會好迫，茶位每人11蚊上左一壺類似煎茶既茶，茶味都幾濃，落單方式都係用QR code，我地就慢慢睇慢慢點餐。涼拌爽脆魚皮先黎個頭盤魚皮，呢款涼拌魚皮我都係第一次食，魚皮爽口彈牙，配上蘿蔔絲同青瓜絲幾清新，不過就幾辣下，怕辣既朋友要留意下。炭燒檸檬豬頸肉呢份豬頸肉份量好多下喎，我諗有廿幾三十塊，擺盤都幾有心思，賣相好好，燒得都幾好唔會太過火，口感爽脆，係欠點特色純粹加d檸檬汁咁解，但68蚊黎講係非常抵食。土豪雪茄春卷又係一款打卡既食物，造型唔洗講一定滿分先，春卷餡係蝦膠，蝦味都幾出，再配上少少類似可可粉咁既調味料，真係好睇又好食。椰皇雞燉珍寶花膠叫左個燉湯飲下，好香既椰香味再配上一大塊花膠，好滋潤，椰肉好燉到好輕易咁挖出黎，火喉好夠。松露海鮮炆飯輕微既松露味加上醬汁一齊煮既珍珠米好香口，雖然係炆飯但都唔會好濕飯粒粒粒分明，配料都有唔少蝦粒，幾足料。小蟶濃湯浸時蔬食咁多肉叫返碟菜清一清，小蟶應該係急凍蟶子黎，但口感都好爽脆無雪味，上湯味道都好鮮甜，菜都好新鮮。乾煸四椒肥腸最後出場既就係呢份豬大腸，豬大腸炸得好香脆無異味，撈勻辣椒辣味出晒黎。總結黎講食物水準一行人都好滿意，有特色又好食，下次都會黎試下其他款式小菜，服務員都係年輕班底，好爽手都幾有禮貌，環境黎講都好舒適，埋單後仲有幾張優惠券送返食250蚊減50蚊，下次再黎食又抵d。…查看更多

屯門市中心商場連鎖餐廳比較多，聚聚算是區內比較少見的特色新派中菜店內環境光猛舒適，有種中西合璧的感覺員工服務殷勤周到，用心介紹菜單；菜式選擇多椰皇雞燉珍寶花膠原個椰皇燉湯，內有3片厚身花膠和雞腳；味道香濃，匯集各材料的精華，十分清甜滋潤霸王沙巴仔鮮嫩沙巴仔拆骨後啖啖肉，魚肉滑嫩彈牙；搭配煙靭、爽口又滑的陳村粉在蔥、花椒灒上豉油滾油，帶出少少麻香，更惹味皇牌乳鴿原隻乳鴿，光澤十足，外脆內嫩而且不油膩香草金稻帆立貝帆立貝煎得恰到好處，內軟多汁不會過熟下面的脆米是點精之筆，配上爆香的茄子菌類，口感更加豐富有層次椒麻鮮菌翡翠苗 翡翠苗清甜多汁沒有渣，平常在餐廳不常見，淋上鮮菌煮的芡汁，簡單美味川味口水雞 雞肉嫩滑，厚身無骨，配上炸蒜、芝麻、芫荽和青瓜；鮮香麻辣，辣度適中摩登新派中菜，精美的擺盆，能感受到餐廳和廚師的用心製作，期待再到訪！！…查看更多

見到屯市新開左一間新式中菜餐廳，今日帶左屋企人嚟食點心歎杯茶🤩裝修都幾光猛，座位算闊落，坐得幾舒服~ 見到好多好過癮同好特別嘅點心，忍唔住叫左勁多😂✨土豪雪茄春卷 - 整得真係幾似雪茄，碟邊仲有d可可粉扮煙灰，裡面就包住爽口蝦肉，外脆內彈，有特色！✨鍋仔金網叉燒包 - 造型唔錯，面頭有塊金網薄脆，仲帶點麻油香~ 叉燒包幾軟熟，裡面內餡暖笠笠👍✨土炮安格斯牛叉燒 - 用牛嚟整叉燒真係幾特別，仲即場點火燒，令肉身更能保留香烤嘅味道，加上本身嘅蜜糖汁，味道更昇華！✨火焰菠蘿炒飯 - 上枱之後職員會向菠蘿身點火，視覺效果滿滿，燒完之後就可以開蓋食裡面嘅炒飯，都幾足料，食到帶子粒同菠蘿粒，令整體炒飯加添鮮甜😋✨椰皇雞燉珍寶花膠 - 呢個天氣飲好適合，湯底清甜，又夠晒暖笠笠，仲有大大塊花膠，好養生🤩✨灌湯杏汁蝦餃 - 擺碟加分👍精緻得嚟幾方便每人拎一粒😂杏汁味幾出，皮薄蝦肉爽✨千島炸蝦皇 - 炸蝦大大隻，好酥脆，蝦肉算新鮮✨原隻鮑魚撻 - 鮑魚算大隻，整得幾林身，易入口😻…查看更多

放假與家人吃個午餐，選這間新開的中菜館吃點心。有別於酒樓，店內的座位以卡座為主。椰皇雞燉珍寶花膠($88)，一大片花膠藏在椰皇中，花膠厚度足，軟稔中帶點膠質的滑。椰皇的椰肉也十分嫩滑，雞肉和瘦肉煲得軟稔，湯底極清甜，有香甜的椰皇味道，又有雞香。土豪雪茄春卷($58)是我最喜歡吃的點心，有創意之餘也十分好吃。賣相甚佳，很像雪茄，不會令人聯想起春卷。碟是一個看來奢華的煙灰缸，缸裏還有少量朱古力碎粉裝成的煙灰。春卷內包着滿滿的蝦膠，外層以可可粉製成的厚皮有如春卷般香脆。冬陰功明蝦浸鮮竹卷($48)，冬陰功湯底香濃而不油膩，辣度適中，以香料味為主。趁熱先喝幾口熱湯，再吃一口鮮竹卷。鮮竹卷的蝦爽脆，配上能浸滿香郁冬陰功湯底的鮮竹腐皮，咬下去滲出冬陰功湯底的湯汁和香氣。奇趣蝦多士($98)，大量新鮮爽甜的紫椰菜絲蓋滿蝦多士的表面。先吃一口爽甜的紫椰菜絲，便會看見底層的蝦多士。蝦多士蓋滿芝麻，中間夾著蝦膠，切一片蝦多士，拌着紫椰菜絲吃，能嚐到翦菜和蝦多士的不同脆感，熱吃會更香口。芥末沙律花姿卷($48)，非常香熱的花姿卷，上桌時非常炙熱，需待一會才可入口。香熱薄脆的皮，蘸上芥末醬汁，是非常香口的點心。香草金稻帆立貝($188)擺盤精緻，爽口鮮甜的帆立貝底層是炸脆米和茄子粒，兩種不同口感帶點新穎。火焰菠蘿炒飯($128)，打卡拍片甚佳的炒飯。店員會在你面前點燃外層菠蘿，那火光塵熊熊的菠蘿，要待大約五分鐘才熄滅。這不只是虛有其表，燒過後的菠蘿肉會變得更香甜，把裏面的飯吃過後，刮一些底部的菠蘿肉吃，香甜多汁。…查看更多