Le Viet

餐廳：Le Viet地點：尖沙咀The ONE 菜式：越南菜餐牌：主餐牌有招牌菜，越式湯鍋，海鮮，燒烤串燒，小食，咖喱，沙律，米紙卷，蔬菜，河粉撈檬，粉麵飯，甜品，飲品。午市套餐十款主食選一，價錢由$72至$96不等，可選撈檬，炒檬，湯粉同飯。跟餐有檸茶/奶茶/咖啡，凍咖啡加$5，特飲加$8。另加一。越式牛柳沙律 $88 另加一越式牛柳沙律有好多塊薄切肥牛，撈埋好多洋葱，香茜同葱花，味道酸酸地，炎炎夏日令人開胃。沙律主體係大量青木瓜絲，最下底墊有一大塊生菜。沙律汁非常酸，應該係青檸汁加魚露。另配三塊香脆蝦片，令人胃口大開。生牛肉湯粉 $72 另加一生牛肉湯粉超級熱辣辣上枱，湯好飲，唔覺有味精。另上辣椒粒同青檸，一定要加埋落個湯，唔會太辣。大概有5塊生牛肉，有肥有瘦，算嫩口唔韌，好快就熟。河粉幼細滑溜，好食。面頭灑滿葱花同香茜，仲有生洋葱圈。碗粉已經加左芽菜。另上芽菜同薄荷葉，可以再加，豐富口感味道。呢個湯粉都唔錯。香茅燒豬頸肉撈檬 $76 另加一呢排最愛豬頸肉，又食燒豬頸肉先。七塊燒豬頸肉排得整齊，燒得燶邊，食落爽脆，仲係暖暖地，味道質感都好好。下底係檬粉撈雜菜，一齊食更有口感，檬粉幼身滑溜，芽菜，蘿蔔絲同青瓜絲都爽脆。下底仲有生菜，面頭灑上碎脆。魚露另上，酸酸甜甜，蒜蓉好多，非常醒胃。炎夏食呢個撈檬最好。梛汁紅豆冰 跟餐加$8 另加一 椰汁紅豆冰梛奶香滑唔膩不過甜，底下紅豆粒粒分明，好解渴。香芒糯米飯 $66 另加一估唔到越南餐廳都有香芒糯米飯食。糯米飯一紫一白各一，暖暖地上枱，食落煙煙韌韌，我特別鍾意紫米，因爲真係超有咬口。糯米飯面頭淋上豐富既香滑椰漿，食落又香又有咬口！外圍新鮮芒果兩排，凍而唔酸。芒果+糯米飯+椰漿一齊食，有多重味覺享受，有酸甜清爽+滑溜煙韌，正！食物質素保持一貫水準。食完真係大滿足！…Read More

同同事們去尖沙咀開會, lunch hour去咗The ONE一間食越南菜, 整體野食味道驚喜好味, 異口同聲bookmark日後會再幫襯。午市有lunch-set供應, 11點左右入座, 時間尚早, 未算多人, 可以順利安排入座。餐廳環境開揚, 地方乾淨企理。我地幾個人order咗all day menu share食。【串燒(3串)】HK$58可自選豬、牛、雞, 我地order了兩豬一牛。每串串燒都keep到juicy肉汁。牛肉惹味, 豬肉有肉嘅彈性唔會好乾身。配上了有花生幼粒嘅沙爹醬, 更提升味道。【煙三文魚米紙卷】HK$48濕濕地嘅米紙卷包住了生菜、薄薄小片嘅煙三文魚同埋大量粉絲, 一咬整個很易散開, 食得狼狽。由於大量沒有調味嘅粉絲平衡下, 令小片煙三文魚味道不太突出, 需要額外點醋調味。【去骨海南雞飯】HK$78 海南雞肉質超鮮嫩, 皮下沒有多餘脂肪, 啖啖肉, 點兩款醬食令味道再次升呢。油飯很有油香, 唔會過於油膩, 飯粒粒粒分明, 推介!  【超載椰青焗飯】HK$103估唔到份量真係咁大!!! 焗飯疊得好高, 再淋上了滿瀉椰漿, 焗飯飯質軟熟, 撈埋椰漿食, 香甜椰香味濃郁, 焗飯中配有好爽而去咗殼嘅蝦、蜆肉、墨魚仔、提子乾、青豆、紅蘿蔔粒、粟米粒, 豐富了層次。【椰汁紅豆冰】HK$28紅豆夠林, 有椰奶香, 不過嫌甜咗d。…Read More

臨時與朋友相約於尖沙咀吃飯，腦中只回想起一些吃過的餐廳，忽然想起the one有間越南菜讀書時經常吃，也想回憶舊時的味道。一如以往，午市套餐非常經濟，六十多元起包飲品，現在經濟能力高，可以叫得豐富一點。香茅燒豬頸肉撈檬 - $65豬頸肉以香茅醃香，充滿越式風味。脂肪比例雖高，但燒去多餘的油份，口感特別軟滑有爽彈。醬汁另外一瓶上，有魚露、青檸、辣椒、蒜等味道，拌著甘荀絲、青瓜絲、芽菜等口感豐富，檬粉吃起來甜甜酸酸的，特別清爽。生牛肉湯粉 - $62湯底充滿牛肉和越式香料香味，非常濃郁。生牛肉只用牛肉湯輕灼，剛好六七成熟，極之嫩滑。越南河粉特別幼細和纖薄，吃起來很滑溜。配辣椒和青檸汁風味更佳。越式咖喱軟殼蟹鍋(配法包) - $113鮮炸酥脆的軟殼蟹皮薄鮮甜，毫不油膩，即使沾上咖喱汁也能保留鬆脆感。咖喱鍋一直滾著，保持順滑質地，味道濃郁惹味。外脆內軟的法包韌力十足，不會過份吸收湯汁，不失風味。牛油雞翼 - $72雞翼新鮮炸起，炸衣非常酥脆，鎖著大量肉汁，質感很嫩滑。且佈滿牛油及炸蒜粒，又有清新的香茅味，甜絲絲的非常惹味。三色冰 +$8五顏六色的馬蹄賣相美觀，口感外層煙韌、咬落又爽脆的。奶白色的椰汁相當清甜，奶香濃郁，入口順滑。椰汁紅豆冰 +$8粒粒紅豆保留了豆衣，更有嚼勁，吃起來更有口感。…Read More

很久冇去Le Viet了，即興與媽咪前來吃午餐， 地點在尖沙咀The ONE 4樓L402舖。平日下午兩點店內不算多人，我很喜歡吃這裏的滿載椰青海鮮飯$103😋，然後再點越式拼盤$98、 鮮蝦米紙卷$42、 椰汁紅豆冰$28、 三色冰$28。🔸🔸🔸📌鮮蝦米紙卷～ 晶瑩通透的米紙卷， 口感Q彈，沾上魚露，酸甜的小清新口味， 令人食指大動👍🏻。📌滿載椰青海鮮飯～ 澎湃的份量😲， 椰汁滿瀉在碟子上🤤， 海鮮有大蝦、墨魚仔和蜆肉， 配菜有三色豆和提子粒， 椰青飯的味道又香又甜， 食過兩次依然覺得好正！📌越式拼盤～ 拼盤有香脆炸蝦餅、 惹味燒豬頸肉、 酥脆泰式春捲和餡料豐富的扎肉蒸粉包，吃時蘸魚露品嘗，倍添滋味😋。📌椰汁紅豆冰～口感綿綿的紅豆，配上香濃的椰汁，特別好飲。📌三色冰～色澤鮮艷， 甜度剛好，咬落煙韌爽脆的口感。食過Le Viet咁多次都沒有令我失望， 食物水準依然好， 價錢相宜， 地點方便。📝🉐👍🏻…Read More

原本打算食拉麵🍜，但要人齊才能入坐，門口又非常曬🌞，所以立即改為去The one ,因為接近lunch hr,我行快兩步去4/F,見到有位就坐低！Lunch set 有九款選擇，➕ $8可以選擇特飲！海洋炒檬粉：賣相不太好😅，宣傳單張靚啲！但味道OK!大蝦波蘿飯：好👍而且有湯送！…Read More

1) 越式咖哩牛腩🥘配印式薄餅 ℍ𝕂$ 𝟙𝟘𝟝咖哩很稀，沒有什麼咖哩味牛腩頗多，很淋，薯仔🥔很大塊，切小一點會比較好.配上的薄餅，扁塌塌的，一點也不鬆脆小pop一直都覺得薄餅應該很難會煮得難吃的，所以這個真的很失望呢😶.2) 精選拼盤 ℍ𝕂$ 𝟡𝟞拼盤有春卷、豬頸肉、蝦餅🍤、扎肉蒸粉包春卷不脆，已經淋了豬頸肉不過不失蝦餅🍤不彈牙，很硬的扎肉蒸粉包皮不太厚，對比下算是不錯了.3) 蒜蓉炒椰菜苖🥬 ℍ𝕂$ 𝟞𝟞份量很少，椰菜苖很硬，硬得好像還未炒熟一樣蒜頭是原粒放上去炒的，所以也不是蒜蓉，而是蒜粒😓.小pop每次經過都看到有很多人排隊，所以小pop一直都覺得這間餐廳應該很好吃的所以真的令小pop很失望呢.....😶.不過可以稱讚的是，服務員的服務態度很好，很細心👍🏻不過小pop應該不會再去了, 因為性價比真的太低了....…Read More

今晚同我另一半黎the one食依間聞名已耐既越式餐廳門面好搶眼，一上電梯就見到，亦都有個電子牌顯示菜單。入到去，位置好舒服，有空間感，枱面既餐具放得好靚，黃綠色碟配搭鮮艷餐牌有圖片參考，亦有promotion今次叫左promotion內既越式拼盤，內有越式春卷，炸蝦餅，扎肉蒸粉包，燒豬頸肉。越式春卷夠香脆，配埋酸辣醬一流。炸蝦餅熱辣辣，蝦味十足，啖啖都係肉燒豬頸肉肉質夠厚，無咩肥肉。扎肉蒸粉卷蒸到脹卜卜，內有d木耳，豬肉碎，洋蔥，蝦米仔，好足料呀，仲要粉卷係彈牙唔痴口的。依個好抵食叫左個火車頭酸辣鍋，極力推介。酸辣鍋會跟上一個爐，保持熱力。鍋中超足料，有牛柏葉，牛丸，牛肉片同牛腩肉，配搭蕃茄同菠蘿，九層塔，香茅等配料，超級開胃，每樣都有3-4件，好豐富又新鮮。:)開始煮喇...煮熟之後個樣超吸引再叫左個滿載椰青海鮮飯，本身職員話要等25至30分鐘，點知等左15分鐘左右就到喇果然好滿載呀，又係超級足料，飯充滿椰香味，海鮮料有蝦，蜆肉，墨魚仔，仲有d雜豆。蝦好大隻同彈牙，蜆肉夠鮮無沙，墨魚仔好爽口添最後叫多1杯椰汁紅豆冰，超喜歡佢既椰汁香，紅豆大大粒，食完成餐都好滿足了。…Read More

朋友話想試下越南菜，之前係附近食野，見到呢間Le Viet，知道係食越南菜，所以約佢係到食晚飯。要去呢到好簡單，尖沙咀港鐵站行去The One，再上電梯到4樓，就會見到Le Viet亮麗既招牌，藍色既圍檻同埋半開放式既設計，令人好舒適。朋友都啱啱到，7點既時候唔算太多人，侍應好快就帶我地埋位。餐廳入面有一D長枱高凳，可以俾一班人約埋一齊食飯。我今晚打算同朋友傾下心事，所以就去咗最入面既位置坐低。枱上面既碟係黄色同埋綠色，顏色活潑，睇黎走年輕路線啵～^^MENU封面設計簡單，但入面都有好多野食揀㗎！椰汁紅豆冰 ＄28白色既椰汁飲落散發淡淡既椰香，唔會太甜，內裡既紅豆唔硬，唔錯唔錯！青檸梳打 ＄28朋友就點咗青檸梳打，上枱一刻都幾有驚喜！梳打同埋青檸竟然係分開上。梳打水係樽裝咁上，睇得出係泰國出產既，每一樽都印有食用日期，保證適合飲用。將梳打水倒入一杯裝滿冰、上面有幾片青檸既杯入面，即可飲用。開頭仲擔心咁樣會冇咗青檸味，但係朋友飲咗一啖之後，表示有氣之餘，不失青檸味。LE VIET精選拼盆 ＄98因為睇住MENU，真係會心大心細，好想食好多野，所以就叫咗精選拼盆，貪佢有4款唔同既小食，一次過可以試勻哂！春卷︰用春卷皮將豬肉碎、洋蔥、粉絲等餡料包好再炸，香脆可口。蝦餅︰望落粒粒金黄既蝦餅口感彈牙，一D都唔粉，用料十足。扎肉蒸粉包︰粉包一望落去就知皮薄，入面既餡若隱若現，而且份量唔少，睇落好飽滿，上面放上一塊扎肉，再鋪滿炸蒜。咬落去就知餡料有豬肉碎、黑木耳、洋蔥等，口感豐富。香茅燒豬頸肉︰食豬頸肉最驚係食到乾爭爭，所以火候真係好緊要！呢到既豬頸肉就燒得啱啱好！外面香脆之餘，內裏仍帶有肉汁，保持爽口，而且仲有淡淡香茅味。越式咖喱牛腩鍋配法包 ＄105本來想叫咖喱鮮雞鍋，可惜冇，唯有轉食牛腩。侍應先擺放一個爐，再點上蠟燭，之後先將個鍋擺上去。等咗一陣，成個鍋就變成熱氣騰騰。唔知係咪煮得耐得制，牛肉有D韌。但咖喱同埋牛腩天生就係咁夾，所以食落好味，而且配料十足，有青椒、洋蔥、薯仔，樣樣都咁夾。雖然望落表面有少少紅油，但係D咖喱一D都唔辣，用法包點黎食都好好味！咸檸梳打 ＄28一杯飲品係唔夠朋友飲，所以佢再叫多一杯咸檸梳打。我試咗一口，幾好飲！有D似咸檸七，但冇七喜味。越南綠豆拉椰糕 ＄28我為咗我既甜品胃，忍唔住點咗越南綠豆拉椰糕。超喜愛煙韌既口感，再加上好似千層糕咁中間有綠豆蓉，口感變得更豐富，而且好香椰汁味，超好味啊！食到飽飽，又傾完心事，好滿足啊！MENU…Read More

逛逛The one很累，又不想再出商場覓食，所以便隨便看看商場有甚麼選擇。發現這間越南餐廳挺開放式，而且六點多來到已有不少客人，故投下了信心一票。餐廳職員很有禮貌安排座位，送上水和餐牌，還一直保持著笑容，很親切餐廳有小圓桌、有四方桌、也有一排坐的高椅桌，適合不同人數的食客。以越南餐廳來說，食物種類亦算多，當中也有些泰國食品可供選擇。首先上桌的是椒絲炒通菜，蒜香加上辣椒絲使通菜十分香口，也沒有炒得過老，不錯！這個特色拼盤有齊我喜歡吃的小食！我是十分喜歡吃越南春卷的，而這餐廳處理得也很好，外皮脆內裏蔬菜又不會太淋，蘸上特製醬汁更好吃！而燒豬頸肉也是真的烤過的，因為最近吃過不少是沒有燒過的，所以這個燒豬頸肉有驚喜，而且香茅味也很搭，推薦！扎肉蒸粉包的餡料味道很足，也很好味！印式薄餅在還熱騰騰的時候吃是最好吃的，吃下去有很香的牛油味，酥軟得像吃著酥皮湯的酥皮，忍不住吃完再吃這個是椰青超載焗飯，份量十分多，是真的超載內裏有點像焗海鮮飯的配料，有蝦、蜆，八爪魚仔等等，醬料則是椰漿。甜甜的椰漿配上飯，是很新鮮的配搭。吃下去時，還可以刮下椰青肉一齊去，口感更新鮮，也更好味，只是兩人吃有點太多飲品方面，我點了咸檸梳打，咸檸的味道很重，一點也不馬虎，搭配梳打一起喝，實在太正友人點的是椰汁紅豆冰，椰汁較多。如果是點這家餐廳的飯類，份量真的不少，所以三人以上來吃，能嚐到更多不同的菜式，附上部分餐牌供大家參考…Read More

今日公司做野要送野出尖沙咀，我梗係把握呢個機會，安排接近放工時間去，咁就可以唔駛再返公司啦。之後約左老婆喺THE ONE等，順便喺呢度食埋晚飯啦。原來THE ONE開左咁耐，除左食過一次哈根大師雪糕，都未喺呢度食過一餐喎。而呢度都算幾多食肆，睇左幾間之後老婆就話不如試下Le Viet。Le Viet係開放式設計，感覺開揚，無左一般店鋪焗促嘅感覺。最鍾意呢啲餐牌，圖文並戍。唔似一啲只有名字嘅，就算係貴價貨，都只會比人一種冷冰冰嘅感覺，圖片絕對係有吸引人去揀選嘅動力。呢期推介係越式拼盤及青木瓜絲大蝦沙律。呢個並唔係店長推介嘅青木瓜絲大蝦沙律，而係青木瓜絲雞絲沙律。無睇錯，由於做緊promotion，呢個雞絲沙律係貴過大蝦沙律嘅，但老婆就係想食雞絲，唯有就範。但個沙律確係好食，雞絲份量夠多，加上特制魚露，份外配合。呢個越式拼盤非常豐富，有炸蝦餅、春卷、扎肉蒸粉包等等，我最鍾意食炸蝦餅，仲要成舊沾滿醬汁先放入口，非常好味。大蜆夠晒大隻，濃濃嘅醬汁都掩蓋唔到大蜆嘅鮮味，而且食唔到有沙，可以放心咬落去。可能太好味嘅關係，就覺得個份量少左啲，轉眼就食晒，但呢個真係值得推介一下。叫得辣椒膏炒大蜆，又點可以唔叫呢個印式薄餅呀。食完個大蜆，成盆香濃嘅醬汁剩喺度咪嘥晒。印式薄餅沾滿呢個醬汁黎食，份外惹味。沙律無左大蝦唔緊要，呢個菠蘿炒飯可以補番。而老婆就最鍾意食菠蘿炒飯，貪佢肉鬆夠多，加上用原個菠蘿上，炒飯帶有少少甜甜酸酸，夠晒醒胃。而如果啲大蝦可以剝埋殼就最好不過啦。飲品叫左個椰汁紅豆冰，粒粒紅豆夠晒咬口，加上係椰汁底，味覺滿分。其實而家好多地方都用梳打水代替椰汁，但呢度堅持用椰汁配紅豆，值得讚賞。…Read More

今日收工約朋友去the one食越南嘢， 這家越南餐廳的裝修，餐具椅子色彩鮮豔， 格局開揚簡約舒適. 我們6:30到達客人吾算多，店員很快為我們安排入座。 一看餐牌圖文並茂巳令我很有食慾 我們點了椰汁紅豆冰-好清新的椰子味很滑紅豆大大粒， 越式牛肉湯粉- 半生熟牛肉多汁嫩滑 ，湯底亦很美味 ，還伴有一些香葉大豆芽及青檸辣椒非常貼心， 跟住係我最愛吃的炸蝦餅 蝦味濃郁夠彈牙串燒沙嗲有豬牛雞三款，燒得剛剛好點埋個沙嗲汁 串燒雞翼 皮脆肉嫩，香茅燒牛仔骨 味道非常惹味 啱曬我重口味， 肉質亦都非常嫩滑多汁， 其實整體大部分食物都非常好值得推介 最後因為我唔太喜歡食甜品， 朋友變少了一個焦糖燉蛋做終結， 這餐十分滿足。…Read More

終於終於忙完，可以休閒地吃一個午餐，再去看一套電影。主菜有午市套餐的選擇，所以點了兩個餐三個小吃。*大蝦菠蘿飯餐($78)炒飯有火腿、紅腸、菠蘿和三隻蝦（蝦、蝦、蝦）做配料；飯粒帶點濕潤，是來自菠蘿的汁。*生牛肉湯粉餐($62)牛肉比較熟，所以UN了少少；蘿蔔煮得很淋很入味；河粉質感爽滑。*鮮蝦米紙卷($38)米紙卷入面包了大量的檬粉和一隻蝦；沽上甜酸汁，是頗飽肚的小食。可能已經有些少飽，覺得粉的份量多了一點。*串燒雞牛豬(半打)($85)串燒的肉份量一點都不少，大概都算是正常的份量；每一串都燒得微焦、香口；配上椰味較重的沙嗲醬。*串燒雞中翼($42)雞中翼的大小亦比較大；雞皮燒得香脆，亦很多肉汁。*椰汁紅豆冰(+$8)稍為甜了一點。*凍咖啡(+$5)朋友點的。…Read More