野川拉麵の深燒食堂

之前食過午市 拉麵的確不錯湯底又濃朋友山長水遠黎到 帶佢試下個晚市依家多款食物更設有分享價(˶‾᷄ ⁻̫ ‾᷅˵)好彩有訂枱 七點左右都爆爆地室內外位置 營業至凌晨1點半工業風設計 搶眼Nano燈多款選擇 價錢合理 質素中上(以下🏷️=有分享價)- 刺身/ 壽司 -▸ 油甘魚壽司（𝟐件）$𝟏𝟗 🏷️▸ 六品刺身盛合 $𝟐𝟓𝟗 🏷️第一眼就見到海膽🤩軟滑細膩入口即溶 好～鮮甜不苦不腥另有紫菜配搭 我當然喜歡就咁食厚切三文魚油甘魚 甜蝦鮮 赤貝爽唯一帶子差少少 有點腥- 串燒 -▸ 燒雞軟骨(𝟐串) $𝟐𝟒▸ 厚燒牛舌 $𝟑𝟔 /串▸ 燒豬頸串 $𝟑𝟎 /串▸ 燒黑豚肉五花腩 $𝟑𝟎 /串每串肉都係鹽燒 厚切啖啖肉又多汁私心五花腩 看似好肥膩但食落唔油反而脂香細緻 瘦肉位十分柔軟- 炸物 -▸ 吉列蠔（𝟒隻）$𝟑𝟓 🏷️▸ 椒鹽雞軟骨 $𝟑𝟑 / 客 🏷️▸ 軟殼蟹天婦羅（𝟐隻）$𝟕𝟒正確來講 係兩隻大大隻🦀炸得酥脆可口不在話下有不少咸香蟹黃 肉質滑嫩配埋蘿蔔蓉甜豉油 油膩感拜拜👋🏻- 麵/烏冬 -▸ 極上牛肉贊岐手打烏冬 $𝟖𝟖畢竟係一間拉麵店 點都要叫碗食有湯麵冷麵 湯底有辣有唔辣(我好辣 食過辣湯底的確夠辣🤤)今次叫芝士湯 芝味香濃不過咸烏冬係偏寬厚身 彈而更煙韌牛肉幾多味香且嫩 仲有蛋 粟米 海帶- 飲品 -個個啤酒一杯接一杯 我地就老老實實飲杯野😂▸ 日本信州蘋果梳打 $𝟑𝟕一大杯梳打 夏天飲夠爽蘋果味香濃 唔會話太甜▸ 可可脆片阿華田芝士奶蓋 $𝟓𝟎奶蓋非常綿且滑順 濃稠度高芝味奶味平均 咸咸微甜不覺膩阿華田濃淡度剛好 正合我口味…查看更多

今晚去左元朗一間日式餐廳野川拉麵之深宵食堂食晚餐，餐廳從招牌至店內都係繽紛嘅霓虹燈裝飾，營造出一種現代與傳統交融嘅氛圍。坐低時發現張櫈係用七彩顏色嘅鐵桶製成，獨特設計甚有玩味感｡ 食物種類除左拉麵、烏冬外，仲有刺身、壽司、小食、串燒、甜品，飲品有更多選擇，啤酒、特飲、普通飲品等等，同朋友一邊食一邊飲，非常愜意｡ 我地點左兩個主食，一d小食，一個壽喜燒同飲品。牛肉壽喜燒：先上檯嘅係一個gas爐，然後到未煮熟嘅牛肉鍋，一邊滾嘅時候，傳黎陣陣壽喜燒特有嘅醬汁香味，牛肉鮮嫩多汁，唔會太肥，甜甜嘅醬汁，搭配生雞蛋，美味無比。軟殼蟹天婦羅：炸粉薄而且香脆鬆化，做到天婦羅外酥內嫩，而且每一啖都咬到有蟹肉，蟹肉散發出海鮮嘅鮮甜味道，真正感覺到自己係食緊蟹。吉列炸蝦配綠茶冷麵：金黃色嘅脆脆炸蝦，搭配清爽嘅綠茶冷麪，帶有淡淡茶香，再加埋特製調較嘅芥茉鵪鶉蛋冷麵汁，味道香濃。吉列豚肉讚岐手打烏冬：讚岐手打烏冬Q彈有嚼勁，搭配上濃郁嘅豬骨湯底，非常美味。而吉列豚肉炸得外脆肉嫩，外層酥脆、鬆化、乾身，豚肉juicy夠厚身。椒鹽雞軟骨同炸魷魚鬚都係送啤酒之選，兩款都炸得酥脆美味。雞軟骨脆口入味，椒鹽味香濃，一口一粒，非常好食。魷魚鬚雖然比較細小，但外層非常脆口，食落香甜又鮮美。魷魚牙有嚼勁，但又唔會煙韌。小食拼盤：包括脆米流心芝士波、榴槤炸彈、芝麻雞翼、吉列魚柳手指、即炸蝦片，呢個好抵食，份量足夠。芝士波係年糕，外面脆脆，入面軟糯，芝士香濃仲流心添。而榴槤炸彈外脆內軟，榴槤香濃，讓人回味無窮。青檸柚子梳打：結合左青檸同柚子蜜嘅酸甜味道，再加上氣泡水冰涼口感，令人倍感清涼舒爽，亦有助減膩｡ 整體而言，餐廳食物豐富多樣，味道好。服務員亦好勤快又有禮貌，令人食得開心又滿足，下次會再黎｡ …查看更多

第1次來吃, 見到很多半價優惠相當吸引店主好親切, 見到枱枱客像熟客一樣, 好好傾店內布置輕工業酒吧風格,大大個Iron man好突出！首先最吸引我是飲品系列，好多特色酒和無酒精特飲很適合不同類型朋友一同聚會。我最喜歡調酒/雞尾酒類我和同事分別選了：芒果沙冰草莓醬蘋果酒 $58一看就傾心，好香芒果和蘋果酒香，甜甜果味，很適合不飲酒但想試朋友，芒果沙冰飲極飲不完效果，因為會慢慢溶，所以等同2杯飲品份量，勁抵飲！PREMIUM生啤  好大杯超凍綿綿泡泡，現在有半價優惠，好抵飲！$46吉列豚肉拉麵 芝士辣湯底 $80 辣堅湯底真的辣但非常惹味, 幾辣吉列豚肉外脆內軟，很易咬好鬆軟甲羅燒伴鱈魚干甲羅燒食得多，但這裡是加了秘製醬汁，所以除左蟹膏味還有像沙律醬酸甜有蟹肉碎，配烤鱈魚干（脆口）惹味！燒黑豚五花腩 - 完全沒肥膩感，燒出了油份剩下是爽口咬勁！燒豬頸肉 -又爽又爆汁 配酒一流椒鹽雞軟骨 $32  香酥軟骨位，好有咬口，椒鹽滋味！配酒極好.燒扇貝（芝士和蒜蓉）幾大隻燒得不錯，新鮮味道！燒生蠔 （辣椒蒜蓉）喜歡蒜蓉勁多，生蠔新鮮，微辣惹味！牛油蒜蓉焗蜆 $68  好大隻蜆，真材實料！整體食物高質，價錢各方面都好吸引，越夜越多人.店內坐位不夠坐，外面非常熱，最好早些來吃喝霸位！…查看更多

很久沒來進來元朗了,原本今天打算入來元朗又新街吃B仔涼粉,後來發現原來早已經關閉,開了這家日本餐廳, 肚子餓了就跟2位朋友一起來試試。店的裝修格局很色彩繽紛, 座位寬敞，菜單的圖片十分吸引, 款式琳瑯滿目。我們點了一份小食拼盤、三文魚刺身、吉列炸蝦、油甘魚刺身, 芝士海鮮地獄拉麵、椒鹽雞軟骨等……這裏的刺身也十分厚切新鮮, 金黃色澤,魚紋清晰可見, 十分厚切,入口極為幼滑。而油甘魚刺身, 用少少冰鎮住, 魚肉淡紅色, 厚切, 口感啖啖肉, 十分新鮮, 富有魚味, 入口十分鮮甜。一大碗芝士海鮮地獄拉麵, 濃濃的芝士湯, 配以長長彈牙的拉麵以及蝦及青口, 每一條麵吸收了芝士湯的精華,海蝦蝦肉口, 青口大大隻, 份量十足。椒鹽雞軟骨炸至金黃色,每一口雞油溢出, 骨邊爽口,調味適中。小食拼盤有脆米流心芝士波、榴槤炸彈、芝麻雞奕、吉列魚手指、即炸蝦片。榴槤炸彈,輕輕一咬、榴槤漿流晒出來,甜甜的, 對於榴槤控我感覺有驚喜。炸蝦片,香脆可口, 調味粉撒在蝦片上, 咸咸的。吉列炸蝦, 一份3隻炸蝦炸至金黃色, 薄薄的炸粉內層包裏著長長的大蝦,蝦肉飽滿,十分香脆。吃炸物當然少不了啤酒, 點了一杯奇異果Hoegaarden啤酒, 啤酒混以奇異果醬香,一邊飲一邊吃炸物,感覺絕配。雖然今次錯過了B仔, 但發現了一間新食店, 不枉此行。…查看更多

一行三人下午茶，特意去這間餐廳，因為小朋友喜歡食薯條和雞軟骨，而這間餐廳的脆炸小食特別多。今天萬聖節，餐廳佈置了萬聖節裝飾，店員也穿上奇異服裝，真有心思，我想晚上的氣氛會很high。餐牌的小食和特飲選擇很多，貪心的我們最後點了一頓超豐盛的下午茶，埋單唔算貴，整體性價比很高。芝心牛角漢堡薯條沙律 $88上菜一刻我們wow了一聲，漢堡、薯條和沙律，簡直是超標分量！ 漢堡豐厚肉感有牛肉味，薯條也炸得剛好，裡面軟綿綿，有薯條味，抵讚！餃子拉麵 $52拉麵的賣相也不錯，湯底惹味，拉麵口感超好，就算我們吃得慢，湯涼了，口感也沒變。 椒鹽雞軟骨 $46分量也勁多，炸得香脆，肉質鮮嫩，喜歡辣的可以加辣椒粉。 芝麻雞翼 $56如果不是擔心激素和脂肪高，應該無人不喜歡吃雞翼的，我們放任地點了4隻雞翼，香脆可口，雞肉鮮嫩，帶有清香芝麻和微甜味道，好食！泰式鳳爪 $48同一個價錢比起其他餐廳分量較多，性價比真心高，味道酸辣開胃，吃完一件又一件，滋味。紅豆奶茶加芝士奶蓋 & 蜜瓜雪條特飲餐廳的特飲也很有特色，兩杯特飲是跟餐送的，紅豆奶茶的茶味濃郁，紅豆起沙，蜜瓜雪條特飲真的放了一條雪條，感覺好抵。…查看更多

朋友話想食拉麵，揀左呢間位於元朗既日式餐廳。Menu選擇好豐富，串燒、炸物、刺身、壽司、烏冬、拉麵都有😎，加埋有酒飲。門口都有位坐，見到有客人帶埋柴犬黎😚。食物order完都幾快上，炸物即叫即炸，但都唔需要等好耐👍🏻。🔅自家制豬軟骨拉麵加叉燒 ($80+$15)濃豚骨湯配豬軟骨好港式風味😛。豬軟骨夠入味，唔會太硬/太腍，啱啱好，加配既叉燒肥瘦適中🙌🏻。配料有粟米、木耳、筍、原隻半熟蛋，非常豐富😚。🔅揚出雞柳拉麵 ($66)另一碗揀左蕃茄湯🍅，配料同樣豐富🥳。炸雞柳大約有6件，會另上，唔怕浸腍晒。🔅燒扇貝x2 ($56)滿滿既蒜蓉😍，少少辣既更惹味，如果有埋粉絲就無敵🤣💕。🔅燒安格斯牛肉串 ($48)燒得啱啱好，夠晒嫩😋。🔅厚燒牛舌串 ($34)牛舌好正！厚切有咬口唔韌👍🏻。🔅炸魷魚鬚 ($58)魷魚鬚份量都算多，啱啱炸起好正！唔算好油，炸得酥脆唔韌🤤。鹽雞軟骨 ($46>FB分享價$28)雞軟骨半價好抵食！少少椒鹽調味都夠晒，香脆有咬口😳。🔅脆雞豆腐桶 ($52)炸豆腐同炸雞配搭幾特別😳，加埋木魚碎，建議點少少汁無咁齋🙌🏻。🔅日式芝士年糕 ($38> FB分享價$24)🔅蕃薯天婦羅 ($38)🔅綠茶雪糕配綠茶紅豆冰 ($48)💬整體都幾抵食，最緊要食物種類多，仲有酒飲🍻，同朋友聚會一流🥳。…查看更多

朋友介紹呢間餐廳好食又抵食，所以同屋企人黎試吓。餐廳環境唔錯，每張枱之間都闊落，唔會好迫，尤其係疫情下食嘢，都會好安心。另外，裝修都好特別，打造咗個輕鬆嘅環境。餐廳做緊優惠，某啲飲品同食物有半價，叫左椒鹽雞軟骨（HK$23)、吉列蠔（HK$29)、鮮帶子壽司（HK$14)，仲有大大杯500ml Hoegaaren先$39！雞軟骨份量多，而且新鮮熱辣炸出嚟，好香脆！送酒一流！吉列蠔都炸得岩岩好，而且都新鮮。另外，我地再點左野菜拉麵（$56），有5款湯底口味選擇，我地揀左芝士辣湯底，比想像中辣左少少，但都好濃郁，拉麵份量都多。最後仲嗌多咗一串厚切牛舌（$22）同M5澳洲和牛（$64）送酒，牛舌燒得好香，又唔會過硬。和牛牛味重，哩個價錢絕對抵食呢間餐廳好多選擇，有炸物、定食、串燒、壽司、刺身等等，而且價錢比係市區食平好多，住附近嘅朋友一定要黎試吓…查看更多

今日山長水遠黎到呢邊，緊係要試埋元朗的餐廳先返港島區。鮮帶子刺身 $38帶子都幾新鮮。達標，價錢質素來講不錯！煮活蜆 $68活蜆以小鍋的形式上，黎到先開始煮。可以見到蜆慢慢開口，就食得啦。豚肉泡菜鍋 $88配菜十足(娃娃菜、豆腐、金針菇、蘑菇 …)肉既份量也不少，建議豚肉需要盡快食，唔係會越煮越老。另外，值得一讚係我哋煮到一半嘅時候唔夠湯，侍應哥哥留意到並主動幫我哋加湯。胡麻醬冷稻庭烏冬$58強烈推薦！個餸無咩好特別之處，但食落感覺清新，稻庭烏冬彈牙爽口，配上胡麻醬，夏天食一流。燒扇貝 $19/隻燒扇貝有幾種整法，我哋揀咗蒜蓉燒扇貝。厚燒牛舌 $22牛舌都係強烈推薦！燒牛舌煙韌有咬口之餘，牛味仲好出。燒鴨舌串 $28燒鴨舌係香港嚟講，都冇咁容易搵到。今次嚟到見到就即刻叫咗啦，燒既火候控制得剛好，like。香蒜大茄燒 $28巨無霸，有小臂咁長肉又多，仲要既係調味剛剛好不會過鹹或淡。香蒜牛油錫紙娃娃菜 $28椒鹽雞軟骨 $46送酒一流。Erdinger百麥啤酒$48Corona Extra 活乳酸 $42椰子雪葩 $49雪葩比較得意，用椰子殼裝住，不會雪得太過分，上來即食椰子味十足 完美ending！…查看更多

最近都比較少出外用餐，而今晚路過元朗，便再次光顧一家不錯的日式食店「野川拉麵の深燒食堂」。此店門面大，店外燈火輝煌，工業風的擺設，也有室外坐位。餐廳設有消毒搓手液和店員都會為你量度體溫，食得更放心，而不同台的客人都有分隔開合理的距離，也不覺得侷促。餐牌上的食物選擇也算多，主食有燒肉、拉麵、烏冬、也有炸物、燒物、串燒、刺身等等。M5澳洲和牛(1份)這個M5澳洲和牛是自己燒的，和牛的色澤並不是想像中的鮮紅，但烤過後散發香濃肉香，牛肉味相對較豐盈，肉質也較結實。食落肉質也不嚡口，爽口有嚼，強卻不韌，令人食指大動。三文魚刺身(8切)先來一份三文魚刺身，刺身均是新鮮厚切，入口魚脂香、肥美，魚肉柔嫩，沒有失望。蒜蓉燒扇貝一共4隻，燒扇貝上面鋪滿蒜蓉，蒜蓉味香，十分惹味。扇貝肥美，也算新鮮，不錯！椒鹽雞軟骨雞軟骨幾香口，加上椒鹽，十分惹味，香氣滿溢。自家製叉燒贊岐手打烏冬 配豬骨湯底手打烏冬質地算爽口彈牙，口感豐富，水準合理。而烏冬不用追加已有溏心蛋，十分抵食。湯底用上豬骨湯，不太油膩，都幾清，飲了也沒有覺得膩滯的感覺。叉燒軟腍嫩滑，入口即化。「野川拉麵の深燒食堂」整體不錯，環境衛生，價錢也合理，重點沒有加一服務費，性價比其高，很不錯。…查看更多

第二次黎野川拉麵食野，帶肥表弟預早慶祝聖誕先，之後就🛫喇🥳🥳肥表弟大個仔，而家食飯識睇環境喇，話呢度好坐又好靚，咁確實都幾舒服，佈置別具一格的感覺，貼滿不同路牌，而且裝修加入彩色鐵藝元素，濃濃的工業風格特色。今晚食咩好呢🤔花多眼亂，肥表弟就醒喇，叫我地order,自己就快快趣叫左杯富士山頂汽水黎嘆，我地緊係唔執輸，豬飲日本信州蘋果梳打，老公西班牙白葡萄+桃子果汁，呀豬媽飲西班牙蘋果汁，要嘆一齊嘆呀👍主食叫左吉列豚肉讚岐手打烏冬，自家製豬軟骨拉麵同野川稻庭烏冬。3款之中豬軟骨最好食，炆得軟腍又入味，汁濃肉嫰唔會鞋烚烚。吉列豚肉夠香脆，鬆脆不油膩，炸得唔錯。野川稻庭烏冬即係海鮮烏冬，有大蝦，蟹柳，扇貝，份量都幾多，食極都好大碗，抵食👍牛油燒粟米，原以為粒粒粟米，俾老公笑燒粟米如何可以粒粒呢😂椒鹽雞軟骨外酥內脆，口感豐富爽口，加上椒鹽樸實簡單嘅調味，減輕左油膩感覺。芝麻雞翼表皮香脆，裡面嘅肉幾嫩滑，味道適中，唔會太鹹太濃味。燒雞泡魚干正正呀，煙煙韌韌，香口軟身，最喜歡少少甜嘅味道。豬好怕食金菇，因為總係咬唔開痴住d牙會哽親，但呢度嘅牛肉串嘅金菇好嫩又夠腍，完全冇左豬最怕嘅情況出現。而且牛肉嘅汁加埋燒汁俾金菇全部吸收，味道層次豐富，幾好食。三文魚刺身切得好厚身，色澤呈鮮橙色，夠晒新鮮又夠凍。…查看更多