香港 | 繁
語言
繁
简
Eng
其他地區
香港 澳門 大灣區 台灣 日本 泰國 新加坡 菲律賓
更新餐廳資料 商戶專區
搵餐廳
旅遊.訂座
OpenJobs
餐廳 + 地區/地址, 菜式/食品…
地圖
更多
特集
自助餐 火鍋 新餐廳 優惠券 餐廳排行榜
滋訊
生活誌 飲食誌 開飯頭條 放閃為食團 抖一抖 台灣Let's Go! 食得知味 我有我態度 食譜 識食台
OpenRice 開飯熱店2025
主頁餐廳香港屯門興記椒鹽瀨尿蝦
興記

興記

Hing Kee
屯門 |$201-400 |粵菜-廣東 /海鮮 /大牌檔
興記
110
28
42
5K
概要
食評 (217)
相片 (1384)
影片
餐牌

椒鹽瀨尿蝦

16 人推介
十分惹味!
椒鹽唔夠重手, 有D唔夠味, 失色!

相關食評

siulam118
食平價海鮮餐既不二之選😋
siulam118
等級4
2018-09-10
3K 瀏覽
關注
如果香港食海鮮,一定會諗到去西貢,鰂魚涌.. 仲有我地今次去既屯門三聖村..依到有好多檔鋪買 海鮮.. 我地因爲朋友介紹,去左忠仔記買.. 當然所有海鮮都好生猛.. 任均選擇。個姐姐都好親切😂,我地最後買左龍蝦、鮑魚、賴尿蝦、扇貝、聖子.. 最後姐姐仲嗌住我地送左小小什錦海鮮配料用黎煲海鮮湯,買佐咁多野都係$1400。(聽說後尾有個海濱長廊睇日落影相幾靚,大家可以去行下).然後向前行到尾會見到好多冬菇亭,我地既選擇係 興記。週六已經見到座無虛席,好多一家大細都黎食飯,好彩我地前幾日已經打電話留枱同落單預訂左半隻燒鵝. 一坐底,伙計就會問你每樣海鮮點樣烹調,如果麵底/粉絲底既,又要加多$80。.第一道上既係燒鵝,外皮一層油光,點甜酸醬配搭,一口咬落去,肉汁流晒出嚟,外皮脆度剛好,不會太硬,鵝既味道又唔會太so,酸酸甜甜.. 不得不試,不過略嫌隻鵝有啲肥😕.之後就到 龍蝦, 我們選擇上湯 加伊麵底.. 食薄龍蝦唔會好硬仲啖啖肉,保留佐一定既口感且彈牙,但龍蝦味就好似被上湯蓋過,略遜色,但附有伊面會比較飽肚,因為份量都幾多.但我地覺得上湯味道配搭比較普通,見隔離枱是用椒鹽炒龍蝦,好似比較香口,芝士唔洗講更加望到流口水😍.之後就係鮑魚,用陳皮蒸,再加豉油.. 大大隻有鮑魚既鮮味,又有陳皮香,口感又唔會太un....之後就係扇貝,用蒜蓉粉絲做配料... 一啖大口,非常滿足,味道充滿蒜容味. .再之後係椒鹽賴尿蝦,當然都係大大隻,我地只係嗌佐四隻都夠六個人分,非常滿足..味道就都係椒鹽味比較出,只係殘留左賴尿蝦彈牙嘅口感, 賴尿蝦嘅鮮味就被蓋過...買來既聖子都非常大隻,我地選擇起肉配豉椒同粉絲一齊炒、小小辣,但食落會上癮,因為起左肉,好方便,一大啖肉,口感非常爽口,好濃既豉椒味,撈埋粉絲一齊食,會食到停唔到口...食海鮮當然少不了椒鹽蝦,隻隻都好大隻,親自用口meet先食到佢個殻炸到脆口既感覺。.海鮮湯除佐用附送既蜆同魚外,仲用佐莧菜同豆腐煲,佢會湯同湯渣分開上,條魚已經煲到爛晒😂。飲落同想像有啲出入😕 因爲莧菜味完全蓋過晒啲海鮮味😳 .最後埋單加工費都係$1400,total 都係用佐大約$2800/6個人😆。整體黎講,依類既海鮮檔買既海鮮都會很生猛,所以材料都好新鮮,煮出黎都唔會話好酶,好差口感.. 而且又唔太貴,比起好多地方抵食好多,煮既火候都好夠,煮出每道海鮮既特色味道.. 但好多時配搭濃味既配料都會蓋過本身鮮味.但就會非常香口,會食上癮.. 不得不推介既係燒鵝.. 如果黎到興記一定要試佢依款佳餚,而且店員都會不時幫你倒殻👍🏻…查看更多
+ 7
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
3
味道
3
環境
4
服務
3
衛生
4
抵食
推介美食
馳名燒鵝
陳皮蒸鮑魚
蒜蓉粉絲扇貝
椒鹽瀨尿蝦
豉椒聖子配粉絲
椒鹽蝦
燒鵝
豉椒炒蟶子
用餐途徑
堂食
moominvalleyy
三聖村海鮮餐
moominvalleyy
等級2
2017-09-24
2K 瀏覽
關注
第一次去三聖村吃海鮮,要搵位泊車假日要$40一個鐘 好貴啊 拍得住d大商場不過為左食好味既海鮮,無計啦我哋先去榮利記選擇海鮮見到啲海鮮好新鮮,跳下跳下咁,二話不說,揀咗元貝,蟶子,瀨尿蝦,奄仔蟹,花甲。海鮮買左大概一千蚊(5人份量)然後個夥計都貼心地幫手拎d海鮮去興記(加工)去到酒家,我地無訂枱,無哂冷氣位,得返户外位。我地肚仔餓唔想等,所以照坐室外。夥計都好貼心幫我地揀左個風扇位!室外擺左好多把大風扇,所以坐室外其實都接受到,唔會話太熱既。然後我地就落單 (加工費係$68/斤)一路傾點煮d海鮮 夥計都有比意見 nice最後我地決定左嗌燒鵝半隻清蒸花甲油鹽焗奄仔蟹蒜蓉粉絲蒸元貝蒜蓉粉絲蒸蟶子椒鹽瀨尿蝦腐乳炒通菜嗌完無耐 好快已經上菜清蒸花甲完全可以帶岀花甲本身既鮮味而且一粒沙都無 蒜蓉粉絲蒸蟶子火候岩岩好 唔會蒸到d蟶子又老又un加埋大量蒜蓉就十分惹味油鹽焗奄仔蟹喊喊地送飯一流蒜蓉粉絲蒸元貝係呀又係蒜蓉粉絲 因為我成家都好鐘意食味道同蟶子既差唔多 一樣好味粉絲索哂d海鮮味同蒜蓉香味 真係好正燒鵝半隻興記既燒鵝似乎都幾岀名於是我地都唔執輸 嗌半隻試下味道平平 唔算話特別好食都係海鮮吸引d椒鹽瀨尿蝦超級惹味 但仍能保持到瀨尿蝦本身既鮮甜味而且瀨尿蝦淡淡口 正呀腐乳炒通菜埋單$2000內(海鮮約$1000,加工費連燒鵝約$900)總結,雖然位置比較隔涉,有車代步既話不妨黎三聖村食下海鮮!雖然興記門面平凡,但勝在有內涵,鑊氣夠,價錢公道,絕對比金壁輝煌既酒家更值得去試!…查看更多
+ 8
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
5
味道
2
環境
4
服務
3
衛生
5
抵食
推介美食
清蒸花甲
蒜蓉粉絲蒸蟶子
蒜蓉粉絲蒸扇貝
椒鹽瀨尿蝦
用餐途徑
堂食
人均消費
$200 (晚餐)
LT147
2017-09-06
LT147
等級2
2017-09-06
1K 瀏覽
關注
牛一興生,同屋企人一行4人去三聖食海鮮8:00去到拎位,冇訂檯都唔洗等好耐但因為可能HAPPY FRIDAY既關係車位就爆曬,如果揸車人士就要留意啦!先到海鮮檔買海鮮買左5樣野承惠$7⃣0⃣0⃣,超抵👍🏻跟住就去朋友介紹既興記坐低等開飯啦加工費$68/斤唔算平,但勝在鑊氣夠海鮮分別係-辣酒煮花螺🐚-薑蔥炒大肉蟹🦀-椒鹽瀬尿蝦🦐-醬爆🐘拔蚌-豉椒炒聖子另外再加3個小菜♨-椒鹽鮮魷🦑-燒鵝(例牌)🦆-椒絲腐乳通菜🥗最後埋單加工費連飲品、白飯承惠$690整餐飯即係$700+$690=$1390每日都只係$350食到飽飽,抵呀…查看更多
+ 14
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
4
味道
3
環境
3
服務
3
衛生
4
抵食
推介美食
辣酒煮花螺
燒鵝
用餐日期
2017-07-21
用餐途徑
堂食
人均消費
$350 (晚餐)
慶祝紀念
生日
浩明
走轉三聖食海鮮
浩明
等級4
2016-10-30
3K 瀏覽
關注
現在香港食海鮮,雖然唔少地方,但底食大件新鮮唔呃秤的已經少之有少,三聖算是自買加工少數中比較呃得少又算平秤的地方。今晚來到興記,但這間出名偏偏是燒鵝一睇就知好肥的燒鵝,諗住皮脆肉嫩,第一口食胸就十分失望,肥就十分肥,皮硬唔係脆,肉唔嫩,髀肉還可以,不過味道唔差,酸梅醬幾好食。又是出名唔一定好。之後都是自買加工的,除了豉椒蟶子比較濃味外,其餘都偏淡味,由其蒜蓉粉絲蒸扇貝。今次海鮮都十分滿意,在碼頭買了$1990海鮮。結帳是9斤加工費加燒鵝$1044,價錢算正常價。服務員都肯換碟,環境有點迫,不過都接受到。入屯門食海鮮,當然是三聖,燒鵝?算啦…查看更多
+ 2
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
4
味道
3
環境
4
服務
4
衛生
4
抵食
推介美食
椒鹽瀨尿蝦
龍蝦伊麵
豉椒蟶子
用餐日期
2016-10-30
用餐途徑
堂食
人均消費
$600 (晚餐)
山區麵包王
死佬海鮮局再戰三聖
山區麵包王
等級4
2015-06-04
6K 瀏覽
關注
舊年三月,一班死佬好兄弟入嚟新界西大食遊,先到屯門三聖炒蝦拆蟹食海鮮,再到元朗佳記食B仔涼粉,不過,嗰次喺星期五晚,唔喺好齊腳,無份去嘅自然抵唔得頸,所以,今年就再大搞多一輪,繼年初二月嘅死佬蛇宴迎團年,依次勝完再「聖」再嚟死佬三聖海鮮局 ,可惜嘅喺原本「夫添」15人齊晒,臨時有兩件死佬因事嚟唔到。上次晌三聖村買海鮮就幫襯咗關財記及發記,今次費事煩,全部晌晒發記搞店,「死佬」之一孔Sir發辦揀海鮮,小弟今次被為以重任,負責管數 ,所以,又影相,又記低單價,非常忙碌 ,唯一做唔到喺記低啲海鮮重量,海鮮檔又唔會逐樣同你寫低,要單都喺一張過手寫銀碼單咁大把。搞咗半粒鐘,海鮮就買好晒,一共買咗9樣海鮮,單價如下。不過,小弟唔喺好鐘意啲海鮮唔標價,下下要問,標明價啲客睇啱咪買囉,唔使下下問佢哋,咪可以煩少啲。 花螺 $96/斤 大蟶子 $140/斤 大瀨尿蝦皇 $200/斤 厚肉紅鬼蝦 $380/斤 桶蠔 $160(大杯)/ $80(細杯) 象拔蚌 $360/斤 印尼龍蝦 $480/斤 大扇貝 $68/斤 澳洲鮑魚 $260/斤夾夾埋埋足足23斤嘢,合共$5,180 ,最貴喺隻龍蝦,3斤幾,成千幾蚊隻,事後我哋都覺得唔划算。揀好海鮮,拎去興記代煮,上年嚟代煮海鮮油料費收$52斤,依家已經收$58斤,足足加咗近12% ,所以,我哋23斤海鮮,淨喺油料費都成$1,334 :( ,故此,點都唔好白灼咁老襯,煮法揀啲複雜啲,至少心理上都覺得抵啲,哈哈!今次被安排坐晌近門口,出入人來人往,無上次坐到六角亭最入咁好。因為喺星期六晚關係,分咗兩輪時段,雖然我哋6:00pm就到,都已經有唔少客等「開飯」,過多一陣已座無虛席。順道講少少服務,OK啦,唔算好,亦唔算差。啲海鮮洗洗切切有排搞,所以,我哋預先訂定隻燒鵝,可以食住等。對比番舊年個食評,燒鵝又喺加咗價,加幅10-20%,一啲都唔溫和,舊價喺$100/例牌、$200/半隻、$400/一隻,而新價就$120/例牌、$220/半隻、$440/一隻。 馳名燒鵝 $440 燒鵝即燒,所以送到嚟一股香氣,燒得油亮富光澤,入口微暖,外皮油潤香脆,肉質甘香鬆化,比上次好食。 辣酒煮花螺 花螺跟辣酒煮,就有種必然食法嘅關係,其實花螺有唔少食法:白灼,紫蘇爆炒,醬爆或鹽焗都得。啲花螺辣而有酒香,但肉質就差少少,唔夠爽,唔知喺花螺本身嘅質素定煮得過火。 豉椒炒蟶子 大蟶子買咗一紮就可以炒出滿滿一大碟,蟶子肥大肉厚,爽口彈牙,豉椒惹味十足,香辣兼備! 椒鹽瀨尿蝦 泰國嚟嘅瀨尿蝦皇,身形有番咁上下大,所以賣到$200/斤。一人一隻,點明原隻炒,免切,咁先食得夠爽。拆殼後,大啖大啖入口,爽口而香辣,少少鹹味吊起,一流。 油泡紅鬼蝦 鮮蝦嘅種類好多,食得豪氣嘅有虎蝦,不過今次邂逅紅鬼蝦,亦都印象難忘。問店員,紅鬼蝦晌中國水域捕捉,佢無虎蝦咁出身,但就好肥大厚肉,唔喺浪得虛名,一招油泡,蝦鮮味盡出,蝦肉彈牙到不得了,而且,有唔少甘腴嘅蝦膏。 薑蔥煀美國桶蠔 上次個砵酒焗美國桶蠔,做得麻麻,煮完之後縮晒水,又無砵酒香。今次改一改,薑蔥煀,兼且加大份量,一份大加一份細,夠晒我哋13個死佬食。啲桶蠔好飽滿,又有蠔味,朕朕薑蔥清香,真喺好食好多。 象拔蚌刺身 要咗一條大嘅象拔蚌,學上次咁,一蚌兩食,先嚟一份刺身,感覺好似細份過上次,不過,今次處理我好啲,蚌身切得大塊而薄,所以入口較有爽脆嘅口感,灑點檸汁,再蘸點日式芥末,更能品嚐到當中海水嘅鹹鮮。 椒鹽象拔蚌膽 :( :( 至於個膽,就試一試椒鹽做,以粉漿炸後再椒鹽炒,不過,唔多好食,一來椒鹽做得唔夠香唔惹味,二來粉漿腍,個蚌膽口感比較韌。反而,上次白灼象拔蚌膽有點驚喜。 印尼龍蝦刺身 龍蝦同樣做個兩食,先上第一食喺刺身,臨尾再上個龍蝦粥。依碟龍蝦刺身夠晒貴,成本成千銀一碟,可能因為貴,所以特別有期望。單講刺身個味道,啲龍蝦確實鮮甜無比 ,不過,賣相方面,落晌興記手中,真喺有啲嘥料,切得巖巉之餘,亦厚薄不均,隨意鋪晌碟上,毫無美感 :( ,如果落晌日本師傅手中,相信一定喺另一番景象。 蒜蓉蒸扇貝 蒜蓉蒸,較少出錯嘅做法,大量粉絲加大量蒜蓉,做法簡單直接。扇貝厚肉挺實,蒜香突出,就連粉絲都好味啲。 果皮蒸澳洲鮑魚 上次試過好食,當然要翻兜多一次,豪番晚當然要一人一隻鮑魚。澳洲鮑魚以果皮及蔥絲清蒸,再淋上少少豉油,值得以刀叉嚟享受。鮑魚鮮味十足,滲出淡淡果皮香,入口口感煙韌中有份爽彈,的確回味。除海鮮加工,興記本身都有唔少小炒,食咁多海鮮,近尾聲梗喺點兩道菜平衡一下啦。炒菜例牌嘅份量一般60、70蚊碟,我哋咁多人,當然要中份先夠食啦,中份就即喺例牌嘅一倍份量,價錢就自動乘二。 椒絲腐乳炒通菜 $120雖然食菜,都先點一客惹味啲嘅炒通菜,好有大牌檔風味,通菜都尚算脆嫩,腐乳又寧舍入味。 蒜蓉炒西芹 $120另一道炒西芹,西芹入口非常爽脆,帶濃濃蒜香。但老實講,如閣下無必要一定食菜,當然唔建議晌度食啦,百幾蚊碟炒菜喎,雖然包人工、鋪租,諗嚟諗去心理上都喺覺得唔抵囉!況且,你睇我哋碟西芹(中份)都唔喺好大碟咋 :( 。 龍蝦粥 :( 上次單尾要個韮王豉油皇炒麵,今次因為買咗 龍蝦,所以,順利成章點咗個 龍蝦粥,加個粥底要另收多$100,感覺都幾唔平。好食都無所謂,不過,小弟就覺得麻麻哋,主因喺兩者好分離,粥底喺綿香嘅,但就無鮮味,粥還粥, 龍蝦還龍蝦 。餘興就喺切蛋糕,阿Brown(朱古力紅桑子慕絲蛋糕)就襯晒我哋一班死佬,做人迤吓迤吓,順道賀一賀近幾個月份生日嘅老友。晌興記切蛋糕,喺要收$30切餅費,主要喺佢俾啲碟同膠叉你用,$30都好濕碎啫。成晚食咗14道菜,大家飽到上心口。除油料費,茶位、醬料每位收$10,星期六、日、公眾假期嘅晚市要收加一,計埋燒鵝、炒菜、汽水及切餅費,晌興記埋單盛惠$2,692(註:佢張單都寫得好求其,有堆細數佢無列出嚟,我哋又無記低飲咗幾多罐汽水,都喺大概覺得合理就算),計埋發記買海鮮料使咗$5,180,是晚消費用咗$7,872,平均每人六百多啲啲。因為龍蝦兩食都做得麻麻,如果無要隻龍蝦,大家可以慳番百幾蚊,每人落樓唔使五嚿水!…查看更多
+ 44
以上食評乃用戶個人意見 , 並不代表OpenRice之觀點。
30
分享
檢舉
查看之前的留言(2)
waiyan210 寫得好長細...Good Post^^
2015-06-06
回覆
short jj 嘩好長細! 好似博士論文!
2015-06-17
回覆
霖迪 我是屯門人,下次󰀃試呢間,謝謝推介
2015-06-18
回覆
張貼
評分
4
味道
3
環境
3
服務
3
衛生
3
抵食
推介美食
豉椒炒蟶子
椒鹽瀨尿蝦
油泡紅鬼蝦
薑蔥煀美國桶蠔
果皮蒸澳洲鮑魚
用餐途徑
堂食
人均消費
$605 (晚餐)
山區麵包王
十兄弟三聖大食遊
山區麵包王
等級4
2014-04-26
9K 瀏覽
關注
晌小弟嘅飲食日誌裡邊,「死佬飯局」喺其中一個必不可少嘅飯局組合,顧名思義,就喺一班撇低老婆仔女嘅死佬,出嚟大食大喝嘅麻甩飯聚。一年梗會搞幾次,十幾人難次次人齊,所以有小飯局,亦有大飯局。以前成鬼日去長沙灣新星打鞭爐,話要衝出深水埗,殺入香港嘅「大西北」 ,講咗成年,卒之成事,多謝一眾好兄弟嘅支持,今回大飯局就揀嚟屯門三聖村嘅「興記」。未去興記,當然要先晌三聖村買海鮮。附近一列十多個海鮮檔,海鮮種類繁多,其中一個「死佬」孔Sir同啲判頭食開大茶飯,揀海鮮依啲工作當然難佢唔到,小弟都喺跟住尾去見識吓 。最後,晌關財記及發記唔覺唔覺買咗9樣海鮮,一共$2,900左右 ,下面自然逐一介紹。不過,個人最唔鐘意啲海鮮檔無標明價錢,下下都要問佢,雖然話嚟到食海鮮唔計較得咁多,但標明價嘅話,啲客睇啱咪買囉,又唔喺咩神秘嘢。揀好海鮮,就「嗱嗱淋」拎去興記代煮,興記收費好簡單,代煮海鮮油料費收$52斤,包晒洗切,點整都得。理論上佢會逐袋海鮮同你秤,所以,其實晌買海鮮時,應該問海鮮檔要單,方便對個重量數,以及等自己心理有數,油料費大概要俾幾多。此外,興記又會問埋你想點整,如無心水,佢都可以俾啲意見點整先好食,絕對唔使你太操心 。興記自詡為海鮮燒臘飯店,所以,除來料加工代煮海鮮,又有馳名燒鵝及其他燒臘,數十款小菜,故此,今晚食海鮮以外,都預訂咗隻燒鵝,又額外加個扒芥菜膽及炒麵。除油料費,醬料每位收$10,星期六、日、公眾假期嘅晚市仲要收加一。結果,連埋汽水、啤酒,晌興記埋單喺$1,880,所以,夾埋成餐飯嘅消費約$4,800,除番10個人,每人$480左右。順道講少少環境,有部份地方屬戶外,但搭晒帳篷有瓦遮頭唔使擔心,亦有部份地方屬室內,喺由六角亭間出嚟,裝修到同間酒樓無分別 。服務方面,OK啦,話好唔算好好,話差亦唔喺差。講咗咁耐,都喺時候起筷,飲杯…… 馳名燒鵝 $100 / 例牌、$200 / 半隻、$400 / 一隻 :) 燒鵝晌興記都算幾出名,為求穩陣實食到,預訂咗一隻,雖然隻鵝幾大隻,但面對我哋10個麻甩佬,真喺一隻都只喺勉強夠。燒鵝即燒,送上枱時仲感受到股熱氣,燒得色澤亮麗金黃,入口皮脆熱辣,油潤甘香,但個人覺得肉有點嚡,未能滿分。 象拔蚌刺身 :( 買咗一條象拔蚌,我估都有兩斤重,按老闆介紹,可以兩食,蚌身可做刺身,而蚌膽用嚟白灼。刺身部份,切得好大塊,十分有睇頭,不過幾厚吓,入口唔夠爽,唯一就喺感受到一份海水嘅鹹鮮。 白灼象拔蚌膽 :) 第一次食白灼象拔蚌膽,雖然個賣相唔多討好,部份位置烏烏黑黑,但味道唔錯喎,有啲似食豬潤,加埋椒絲、薑絲、芹菜,沾點豉油,又幾好食架 。 薑蔥炒肉蟹 :) :) :) 肉蟹最大路都喺薑蔥炒好食,啲蟹買嘅時候仲生勾勾嘔緊泡,所以,啲蟹炒好出嚟,肉質新鮮,味道鮮甜,滿滿薑蔥香,食到要舐手指。「專燈」揀多件蟹鉗位,一流到爆 ! 椒鹽瀨尿蝦 :) :) :) 瀨尿蝦非用椒鹽莫屬,啲瀨尿蝦雖至有手臂咁大咁粗,但體形都唔太輸蝕,厚肉爽口,炒得好惹味,椒辣味就夠嘞,鹹度再多少少就更理想。 砵酒焗美國桶蠔 :( 買咗兩杯美國桶蠔,未煮嘅真物都幾大隻,煮完之後大縮水,真喺有疑惑喺咪我哋啲桶蠔,入口有點脆,明顯炸過,此外,砵酒味亦唔明顯,算喺今晚做得差嘅菜式。 辣酒煮花螺一買花螺,就想起辣酒煮,有少少慣性,其實花螺有唔少食法,如白灼花螺,紫蘇爆炒花螺,醬爆花螺,鹽焗花螺……等等。個花螺雖然喺辣酒煮,反而無個蟶子咁辣,但就確有酒香,肉質卻有少少韌,不過不失咁啦。 油鹽水浸蝴蝶螺 :) :) 晌買海鮮時第一次見食款蝴蝶螺,好奇佢喺點,所以就買啲試吓,海鮮檔老闆介紹油鹽水浸,味道唔錯。下午墊有粉絲,又有啲冬菜,啲蝴蝶螺打開其實好似啲蜆咁,食落爽脆,味道鹹鮮,都真喺唔錯。 豉椒炒蟶子 :) :) :) 買咗一紮蟶子皇,炒出嚟的確唔少,滿滿一大碟,而豉椒炒惹味十足,夠辣夠香,蟶子肥大,肉爽彈牙,超正,立時叫咗幾碗白飯分嚟撈汁撈蟶子食,好過魚翅撈飯,再俾多個讚 ! 果皮蒸大連鮑魚 :) :) 跑到老遠嚟食海鮮,預咗豪番晚,一人一隻鮑魚無走雞。最佳做法,果皮蒸啦,大大隻鮑魚,煙韌中有份爽彈,少少果皮香吊起鮑魚鮮味 :) 。 蒜蓉蒸扇貝 :) :) :) 蒜蓉跟扇貝真喺天作之合,大量粉絲鋪晌扇貝之上,再加入大量蒜蓉,做法簡單直接,但味道就惹味鮮香,扇貝厚肉挺實,蒜香突出,連啲粉絲都特別香滑。 上湯扒芥菜膽 $68 :) 食咁多道海鮮,一道上湯扒芥菜膽,清清哋,又健康,芥菜膽又做得爽脆入味,蒜子吸滿湯汁,亦都唔好錯過。 韮王豉油皇炒麵 $70死佬即喺死佬,點都要叫碟炒粉飯麵,雖然有干燒伊麵、瑤柱蛋白炒飯,但以豉油皇炒麵喺大家最想食。炒得夠乾身,又唔太油,不過,個人認為唔夠豉油香,兼且韮王落得好少 :( 。飽餐一頓,再揸車過元朗食B仔涼粉,咁先稱得上大食遊 。好難得,由讀書年代,出嚟打工,到結婚生仔,一班人後生時組隊一齊踢波,依家唔多走得郁就一齊睇波,飯局一坐低就有講有笑,晌whatsapp群組就更唔在講啦,日日短訊發來發去,講政治、講英超、講老細、講旅行……志在你知我未死,我知你仲食得走得,好不開心嘅一班人生死佬 。個飯局晌3月7日晚食,拖到今日先出,為嘅就喺將第800篇依個位置,獻給依班死佬們!…查看更多
+ 26
以上食評乃用戶個人意見 , 並不代表OpenRice之觀點。
14
分享
檢舉
亞瑜(AYU) 人生有個朋友真正好極~飲勝 XD
2014-04-26
回覆
山區麵包王 無錯,難得大家唔講金唔講銀只講心,一班好交心嘅老死!
2014-04-26
亞瑜(AYU) 呢餐好豐富呀,480蚊都算抵食呀
2014-04-26
回覆
山區麵包王 我都覺得抵,$480食咗咁多海鮮,又有隻燒鵝,仲計埋飲嘢!比起之前有一餐入南丫島食(未寫),只可以用一頸血但又唔知食咗咩嚟形容。
2014-04-26
亞瑜(AYU) 聽聞,響香港幾個出名食海鮮地點,屯門三聖"較"無咁劏,...響南丫島食海鮮我都係去過1次~好N年前了~
2014-04-26
蒙奇奇 嘩,好好味喎。
2014-04-26
回覆
張貼
評分
4
味道
3
環境
3
服務
4
衛生
4
抵食
推介美食
薑蔥炒肉蟹
椒鹽瀨尿蝦
油鹽水浸蝴蝶螺
豉椒炒蟶子
果皮蒸大連鮑魚
蒜蓉蒸扇貝
用餐途徑
堂食
人均消費
$480 (晚餐)
Melonpanman
||新。鮮。感|| 我有少少喜歡上海鮮了 @ 屯門三聖村
Melonpanman
等級2
2012-09-16
266 瀏覽
關注
可能是很少在家吃到海鮮,而且又怕剝殼的關係,從小就對海鮮沒有太大好感,只是偶然到長洲一遊才會吃一餐海鮮宴,平日連海鮮意粉也少吃。今次,同事們興緻勃勃的說要大擦一餐海鮮宴,選址專吃海鮮的 屯 門 三 聖 村,對於我這個港島人,這地點絕對夠新鮮。兩星期前,我們早已預訂了「興記」作為我們海鮮宴的總廚。「興記」分開了兩段晚市時間,第一段時間:入座時間不限但8:15交枱,第二段時間:8:30入座直至營業時間完結。我們選擇了6:30入座,還順便訂了半隻馳名燒鵝。海鮮宴當日,我們一行九人,四男五女就向路途遙遠的三聖村進發。我們預先到海鮮街挑選海鮮,同事們當中不乏識食之人,所以我們很放心地由她發板買海鮮!最後,我的好同事用$1100買了四款海鮮:花甲、扇貝、瀨尿蝦、龍蝦!然後我們浩浩蕩蕩向「興記」進發,正式展開海鮮宴!鼓椒炒花甲鑊氣十足,但味道平庸,不少更是死甲。蒜茸粉絲蒸扇貝扇貝是我從小唯一愛吃的海鮮。這次的扇貝。非。常。大。粒。 同時。鮮。味。十。足!蒸的時間恰到好處,令扇貝肉保持嫩滑但爽口的口感,讚!龍蝦伊麵原隻龍蝦上碟(共5隻,分開半隻上),但看賣相已經非常吸引!啖啖龍蝦肉再加上惹味芝士,輕易成為全晚的焦點!椒鹽瀨尿蝦剪開中間部位,橙黃色的蝦膏已盡露眼前,蝦肉又是非常鮮甜。燒鵝其實味道是不錯的,只可惜太肥美,實在吃不消除了自購海鮮加工,我們也炒了幾碟小菜 : 椒鹽鮮魷、生炒骨、金銀蛋莧菜。 特別想提一下其中一道小菜 - 椒鹽鮮魷,興記是用厚切鮮魷,吃下去絕不是炸漿多於鮮魷的一般貨色,值得一試。反而生炒骨就不吃也罷了,只吃到骨而吃不到肉。…查看更多
+ 4
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
4
味道
3
環境
3
服務
4
衛生
4
抵食
推介美食
龍蝦伊麵
蒜茸粉絲蒸扇貝
椒鹽鮮魷
燒鵝
用餐日期
2012-09-08
用餐途徑
堂食
人均消費
$260 (晚餐)
samiey
又黎幫襯興記喇
samiey
等級4
2009-12-14
132 瀏覽
關注
今次係同老公D舊同事去----講是講非吹水大集會一行十二個大人, 當然唔少得我個百厭仔啦今次去關財記買海鮮, 送左2斤蜆比我地, 仲有專人同我地送去興記加工, 唔使自己攞, 抵讚,買左齊頭$1200!當晚菜餚有--白灼九節蝦--D蝦真係好鮮甜, 正!:)豉椒炒蟶子-- 豉汁香濃, 辣辣地超冶味 (同我地去左殼方便食):)豉椒炒蜆--同炒蟶子一樣冶味, 但好多肉同殼甩左, 食得比較麻煩油鹽水灼花蛤--花蛤鮮甜,D肉唔韌, 佢仲加左粉絲吸左D汁, 好味!:)辣酒煮花螺--有酒味, 唔太辣, 好味!:)西芹炒石斑球-- 火侯啱啱好, 香口鮮味, 魚肉爽口唔爛:)椒鹽瀨尿蝦--OK, 但比較油膩薑蔥炒蟹--OK砵酒焗蠔--上枱時個樣唔靚, 但食落真係幾正, 淡淡酒香煮得又夠乾身, 正!:)半隻燒鵝--皮脆肉厚, 入口熱辣辣, 正! :)蒜蓉炒豆苗--OK, 但比較多油另外叫多一碟豉油皇炒麵+一碟楊洲炒飯, 相比豉油皇炒麵好味D仲叫左2枝啤酒+9罐汽水, 埋單$1140.00關財記-$1200.00+興記-$1140.00, 合共$2340.00, 平均每人都係$195.00咋(最衰只限UPLOAD 8張相, 只可揀部份上載)…查看更多
+ 4
以上食評乃用戶個人意見 , 並不代表OpenRice之觀點。
1
分享
檢舉
gundamhahaha 成班朋友食飯,是一個好地方!:)
2010-01-02
回覆
Szeman Lee 見到d相都好想食呀
2010-03-07
回覆
張貼
評分
4
味道
3
環境
4
服務
4
衛生
4
抵食
推介美食
白灼九節蝦
豉椒炒蟶子
油鹽水灼花蛤
辣酒煮花螺
西芹炒石斑球
椒鹽瀨尿蝦
砵酒焗蠔 (上枱個樣唔靚, 但好味! 連餸都不可貌相)
用餐日期
2009-12-12
人均消費
$195 (晚餐)
麵包儀
自攜海鮮即炒......YUMMY YUMMY
麵包儀
等級4
2009-08-30
93 瀏覽
關注
我哋係附近海鮮檔買過嚟比佢炒,買咗1隻大瀨尿蝦 ($158),成斤重。仲有1斤聖子($54)自攜海鮮製作費,每斤加$361) 椒鹽瀨尿蝦好嘢味,由於隻蝦新鮮,真係超好味!2) 味菜炒聖子老公之前同同事食過,所以特登帶我嚟試,真係勁好味!平時食襯都係豉椒炒,用咸酸菜炒,另一番風味!3) 腐乳通菜啲菜有啲老,只食菜葉,可能已過時......唔夠腐乳,勁大碟。喱度勁多人嚟,大枱多,如果大夥人嚟,最好訂枱!…查看更多
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
4
味道
3
環境
4
服務
3
衛生
4
抵食
推介美食
椒鹽瀨尿蝦
味菜炒聖子
用餐日期
2009-08-25
人均消費
$75 (晚餐)
阿po
食過兩次都咁正既海鮮(Part 1)
阿po
等級4
2009-04-05
105 瀏覽
關注
和中七同學到了興記晚餐沒有預約, 五時半到了興記只得最早七時半入座在沙灘公園坐了一會便到海鮮檔買海鮮其中一人認識忠仔記店員便買了$950 海鮮然後到了最旺場的興記加工1) 豉椒蟶子2) 豉油蝦3) 芝士焗龍蝦伊麵4) 椒鹽瀨尿蝦5) 蒜茸炒豆苗6) 海鮮湯7) 清蒸紅斑8) 蒜茸粉絲蒸扇貝9) 菓皮蒸鮑魚仔10) 燒鵝半隻1) 豉椒蟶子: 豉椒使蟶子本身的鮮味得以發揮, 而且很入味, 豉汁濃, 用來撈白飯最好2) 豉油蝦: 蝦很大隻, 多膏, 整個蝦頭也是膏, 一定要'損'先可以吸盡箇中精華. 3) 芝士焗龍蝦伊麵: 龍蝦很爽口, 多肉, 很彈牙, 很新鮮. 但略嫌上湯味蓋過了點芝士味, 芝士味不夠濃郁. 伊麵煙靭, 吃起來很有感覺.4) 椒鹽瀨尿蝦: 這種瀨尿蝦是多蝦膏的, 蝦肉較少. 蝦膏的確很多, 整個背部都是膏. 椒鹽不足, 跟這道菜的名不相稱5) 蒜茸炒豆苗: 豆苗不夠爽, 好像不太新鮮6) 海鮮湯: 用料十足, 蝦蟹菜各樣都有, 但可能只是煲了不足半小時的關係, 味道很淡7) 清蒸紅斑: 魚肉不算滑, 有點蒸過了火, 魚皮也很鞋8) 蒜茸粉絲蒸扇貝: 味覺之選, 香濃的蒜頭味加上粉絲, 一口咬下, 感受到肉汁湧出來9) 菓皮蒸鮑魚仔: 鮑魚仔大大隻, 相當鮮甜, 當然亦一定要撈汁. 內臟最好平要吃, 有幾顆鮑魚內臟是綠色的10) 燒鵝半隻: 雖說是招牌菜, 卻只覺得是肉厚而已. 燒鵝本身沒有油香, 皮也不脆, 肉味更不見得特出.6 罐汽水, 1 支藍妹, 5 碗白飯Total $1700即是說淨加工費約$600 多平均每人消費$1700/ 7 = $243…查看更多
+ 4
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
4
味道
3
環境
3
服務
3
衛生
4
抵食
推介美食
忠仔記生猛海鮮Tel:24508622
芝士焗龍蝦伊麵
椒鹽瀨尿蝦
海鮮湯湯渣
菓皮蒸鮑魚仔
人均消費
$240 (晚餐)
慶祝紀念
生日
相關食評
30日內同一位會員在同一間餐廳提交的食評
食過兩次都咁正既海鮮(Part 2)
Olivian
唔夠氣
Olivian
等級4
2008-07-28
128 瀏覽
關注
雖然訂了位,但都要麻煩兩位猛男等了超過半小時。人齊後,有的去買海鮮,有的負責留守點菜,由落單到上菜,不雖15分鐘,真是神速。看見人家的燒鵝很肥美,我們也嚷著要一隻,可能「隔離飯香」,我們的燒鵝欠缺燒出來的深紅光澤,雖然是啖啖肉,椒鹽鮮魷、西檸雞、咕嚕肉及粟米石班塊這四款炸物唔夠脆身,同樣是炸漿過多的通病,吃不到大排檔獨有的鑊氣。小菜中以最簡單的叉燒炒蛋做得最好,蛋炒得唔老又夠滑,蛋同叉燒分量又適中。還有兩碟普通的炒清菜,清炒西藺花及椒絲腐乳通菜。最後出場是我們所買的海鮮,豉油炒蟶子及椒鹽瀨尿蝦,兩款海鮮的質素唔錯,不過廚房的後期加工水準麻麻,欠缺火喉鑊氣。雖然小菜一般,大家又講又笑,慶祝食友生日,又與飯友聚舊,這才是最要的。…查看更多
以上食評乃用戶個人意見 , 並不代表OpenRice之觀點。
讚好
分享
檢舉
張貼
評分
3
味道
3
環境
3
服務
3
衛生
4
抵食
59
城市
1,374,778
餐廳
9,329,032
會員
5,305,248
食評
40,110,192
相片
84,953,133
收藏
OpenRice
OpenRice Biz
餐廳管理系統
推廣宣傳
訂座
餐飲券
遙距排隊
堂食點餐
外賣自取
招聘平台
聚合支付
飲食
  • 新餐廳
  • 排行榜
  • 餐飲券
  • 優惠券
  • 飲食誌
  • 開飯頭條
  • 食譜
  • 提供餐廳資料
特集
  • 自助餐
  • 火鍋
  • 包場Party
食評
  • 寫食評
食家
  • 我的OpenRice
  • 晉級階梯
  • 會員登記
其他地區
  • 开饭喇 大湾区
  • 開飯喇 澳門
  • 開飯喇 台灣
  • 開飯喇 日本
  • OpenRice Thailand
  • OpenRice Singapore
  • OpenRice Philippines
更多
  • 關於我們
  • 聯絡我們
  • FAQ
  • 私隱政策
  • 條款和細則
  • 版權政策
  • 商家服務條款
  • 就業機會
OpenRice《開飯喇!》為香港最受歡迎飲食資訊媒體並已覆蓋多個亞洲地區,提供最新最全面的餐廳資料、食評及評分。配合網上訂座、餐飲券、外賣自取及OpenRice Pay埋單等多元化餐飲服務,讓你輕鬆搜尋及享用地道美食及最佳餐廳!
© 2025 Openrice Group Inc. All Rights Reserved. 版權所有 不得轉載
如您發現含有侵犯版權、商標、商業內容或其他不當的內容,請按此向我們檢舉。