廣東名門 (三聖市場)

今日太極師傅生日, 我們一群同學中午練功完畢, 便去屯門三聖邨吃個海鮮餐, 大眾同樂.先去三聖市場海鮮檔買多款海鮮,  好生猛夠新鮮.   價錢也不便宜.  再去 [廣東名門]  加工.  烹煮方式是自選.   這裡訂了個貴賓房, 座位舒適.  今日多道海鮮, 烹調不錯,  : 白灼赤米蝦:  蝦肉很鮮嫩,    十分美味.花甲勝瓜湯:  夏日炎炎,  無沙花甲配上爽口勝瓜, 無得輸.椒鹽瀨尿蝦:    瀨尿蝦勁大隻, 蝦殼炸得紅卜卜, 炸得透蝦肉輕易剝離,  蝦肉非常鮮甜帶椒鹽味更可口.  豉椒炒蟶子皇配炒米粉:    蟶子皇炒的時間剛剛好, 蟶子好厚肉,  口感爽脆,  豉味香濃醬汁亦不會蓋過主角的鮮甜味,  炒米粉底好脆又不油膩.   蒜蓉粉絲蒸元貝: 元貝好厚肉,  蒸得岩岩好不會韌,  蒜蓉夠香,  伴上蒜蓉粉絲, 粉絲也極柔軟, 真唔錯.芝士焗開邊龍蝦:   每人半隻.  芝士落得滿滿焗得焦香. 龍蝦肉 新鮮彈牙.  越食越愛.蒜蓉粉絲蒸元貝, 芝士焗開邊龍蝦半隻.  慢慢食.西芹炒龍躉球, 龍躉班很新鮮, 肉質鮮美.   炒的時間控制得很好, 保持滑魚肉, 吾油膩, 配上翠綠西芹,  有鑊氣.炸生蠔:  炸漿好脆, 生蠔肥美入口嫩滑.  吃了口炸生蠔, 再吃口青菜, 平衡了油膩感. 鹽水浸蜆肉菜芯:  菜芯好嫩綠, 味道清甜,  蜆肉飽滿無沙又大粒, 入口鮮甜,  吃得滿意.薑蔥炒蟹:  惹味的菜式, 有大量薑蔥, 炒蟹好新鮮, 蟹肉食到鮮味,   又相當惹味. 這次海鮮餐, 食物水準不錯,  烹調手工也優質. …查看更多

今天和家人來屯門三聖吃海鮮，我們在旁邊的海鮮市場買了$5000海鮮，之後再來這間餐廳加工吃飯，今次吃的海鮮非常豐富，包括了阿拉斯加長腳蟹、瀨尿蝦和海斑等等。阿拉斯加長腳蟹：這份長腳蟹買回來$1300左右，我們選了清蒸，蟹鉗內充滿著大量蟹肉，嫩滑可口，香甜美味，大家都吃得津津有味。椒鹽瀨尿蝦：瀨尿蝦的皮十分薄和香脆，可以連皮一起吃，而且肉質十分柔軟嫩滑，鮮美多汁，是全場最驚艷的菜式。白灼海蝦：海蝦十分爽口彈牙，每一口都相當鮮甜美味，是一道美味的開胃菜。清蒸海斑：由於不想每次都吃東星斑，便在海鮮檔問店員那款海斑美味，店員推介了這款，說了名字可惜忘記了，不過魚肉非常柔軟，入口即化，每一口都充滿著淡淡的鮮甜味，店員沒有介紹錯。至於其他海鮮和小菜便不再詳細介紹了，總知每一道菜都相當出色，海鮮是講求鮮味，而今次全部菜式都鮮味十足，味道和西貢相比有過之而無不及，雖然加工費真的有點貴，不過最重要是突出了海鮮的鮮味。價錢方面，海鮮全部都在海鮮檔內買，這裡只是茶位連海鮮加工費，再點了一些飲品和小菜，12人總共$3000多。總結來說，以前經常到西貢吃海鮮，今次是第二次來屯門三聖吃海鮮，發現三聖海鮮的味道都相當出色，質素和西貢不相伯仲，而且餐廳環境比起西貢更好一些，下次和家人吃海鮮都應該會來屯門三聖。…查看更多

難得入去黃金海岸酒店 staycation，當然要順道去三聖邨品嚐游水海鮮。代客烹調海鮮的大排檔有三四檔，海鮮酒樓就有三間。其中的「廣東名門」及「名鑄」其實係同一個老闆，「廣東名門」歷史較為悠久，就幫襯這一間（後按：寫完食評才發覺原來七年前曾經光顧）。第一步先去酒樓攞位。室內裝修有點似典型街坊酒樓。不過，去三聖邨這些以食海鮮馳名的地方食海鮮，早知道是這種環境。反而，面向大門口的一對左右門神屏風很有氣勢；唔知道是不是風水佈局？第二步走過去對面馬路海鮮檔選購海鮮。同市區街市唔相同，所有海鮮檔的各款海鮮，全部沒有標明價錢；但又沒有可能逐檔、逐種海鮮詢問價錢，一來花時間，亦可能惹人討厭，破壞遊戲規則；印象中，香港其他食海鮮的地方如鯉漁門、西貢、流浮山的海鮮檔均沒有標價。只好深信在市場競爭的前提下，每檔價錢不相上下。行了一轉，最後揀了一檔「感覺會較為便宜」的海鮮檔光顧。買了四種海鮮，大瀨尿蝦、海花螺、三頭南非鮑魚及奄仔蟹，共銀 $680；印象中，較市區街市價錢略貴。餐牌內詳細列出不同海鮮、不同烹調方法的油料費，部份以每兩計價、部份以每隻計價，上湯窩底、粉麵底、蔬菜底、兩味 / 三味炮制另外加錢；計算方法公道，價錢亦合理，甚至可以用抵食去形容。除了依靠烹調海鮮的油料費賺錢，也有各式燒味、炒粉麵飯及少量廣東小菜供應，價錢公道，當然、味道只是一般。椒鹽瀨尿蝦是最常見的炮制方法。食瀨尿蝦麻煩之處就是較普通海蝦及花蝦難剝殻，蝦肉蝦殻比例亦較低，及不上海蝦或花蝦抵食；但勝在肉質較海蝦腍滑，蝦味亦較海蝦更鮮甜。本來鋪在瀨尿蝦表面的金蒜蓉最適合用來撈白粥，但金蒜炸乾後放得久了、吸收了水氣變得有點軟韌，失去了熱氣香脆口感；亦調校得未夠鹹香惹味、欠缺少少香辣，影響了瀨尿蝦的配料調味。秘製辣酒煮花螺。螺肉爽硬中帶軟身，口感結實彈牙。海花螺本身味道並不明顯突出，主要食其口感；白灼要蘸辣椒豉油、鹽焗靠海鹽的鹹香入味，辣酒煮勝在鹹、辣、酒香共冶一爐，亦可利用酒香去除花螺的少許腥味。今晚的海花螺大小適中，既有咬口、又不會韌；可惜辣酒味道很差，欠酒香、辣味又太似街邊的辣魚蛋醬汁，實在有點失望。豉油王蒸南非鮑魚。三頭南非鮑魚冇得輸，大細剛剛好。再大隻的話，原隻蒸熟後可能會偏韌；細隻啲的話，用刀叉享受會未夠過癮。南非鮑魚煙韌彈牙綿實，鮑魚鮮味濃郁，味道差幾班的大連鮑魚完全不可望其項背，冇得比！揀豉油王蒸係最聰明嘅選擇，既可品嚐鮑魚原味，廚房失手的可能性也近乎零。鹽焗奄仔蟹。奄仔蟹即是未曾交配的雌蟹，雖然細細隻，但有兩大美味優點。首先，蟹膏份量一如其他雌蟹，較同樣大細的蟹公多很多。其次，蟹膏甘香軟滑、味道香濃，有點似大閘蟹公的蟹膏質感，而並非交配後的雌蟹變得結實甘香的蟹黃。另外，蟹肉份量雖少，味道卻鮮美多汁。鹽焗是最能夠保持奄仔蟹原汁原味的炮製方法，先將蟹奄去除，再稍為洗刷一下蟹奄覆蓋的蟹腹污泥，然後不劏蟹，直接用錫紙原隻包裹鹽焗。所有蟹汁蟹膏就可完全保留在蟹身內，入口非常鮮味！其中一些更是重皮蟹，更加美味！油料加工費約 $400。粗略計算一下，每款海鮮連同加工費，較市區不少廣東酒樓的海鮮(連工包料)便宜；整體來說，是相當抵食的海鮮大餐。只可惜烹調技巧就有點不敢恭維，尤其是需要用上醬汁或配料的烹調方法，差點破壞了游水海鮮的美味。下次再來，會盡量揀最簡單及原始的烹調方法。…查看更多

有海外的朋友來港旅遊，兩位美國 🇺🇸兩位馬來西亞 🇲🇾對於馬來西亞的朋友食海鮮都不是太特別， 不過對於美國的朋友，香港人這樣食海鮮的方法新奇刺激，很好的經驗呀！ 首先要過對面買海鮮,選購完畢再來餐廳用唔同嘅方法處理,上臺的時候感覺嘩然！第一碟上枱係豉椒炒蜆味道剛剛好 跟住有薑蔥龍蝦,食到舐舐脷呀再嚟椒鹽瀨尿蝦兩隻,一隻cut開三份，啱啱每日食一件蒜蓉粉絲蒸蟶子王係我的最愛 最後壓軸當然是阿拉斯加皇帝蟹兩味 🦀清蒸蟹腳鮮味無比，第二味就係伊麵底，不過唔係芝士清清地很好味 上次去過另外一間酒樓，買海鮮煮完都冇廣東名門咁好食！ 不過老實講唔夠人手，想要好服務嘅唔好咁高期望…查看更多

是日既big big family gathering 係去食海鮮… 大家都住沙田… 但話三勝既海鮮又平又抵… 即管試試酒樓出面有幾間賣海鮮批發 一共買左7種瀨尿蝦花甲花蟹魚－"黃衣" ( 個個人話係青衣D friend friend ) 大聖子螺元貝９人份量．．．1500 蚊　買完海鮮之後，　有人幫我地拎到間酒樓　間酒樓係唔full ga… 但唔知係咪唔夠staff既關係．．　等左成１０分鐘先有人理．．．　結果ｄ海鮮就係咁煮喇．．．　1.椒鹽瀨尿蝦 - 我地８個人叫左６隻．．．都幾大隻架．．但唔知點解最後都係每人得個一件… 2. 油鹽水花甲 - 佢唔記得放胡椒．．．諗住叫佢整ｄ出黎加番落去．．．　點知佢又話咁唔得．．．要再煮過．．．但再煮過ｄ花甲都老晒啦．．．最終都係放棄．．大大碟不過冇咩味3. 薑蔥炒蟹－　材料勁新鮮, 好鮮味4. 魚- 千叮萬囑叫佢蒸好ｄ．．．　岩岩熟．．．最好味既一個dish 5. 豉椒炒聖子 - 好鹹．．鹹到連聖子既鮮味都食唔到．．．　6. 白灼螺　－　ok 啦．．7. 蒜蓉粉絲元貝 - 冇咩特別我地冇再叫其他野．．要左６個飯．．埋單1200… 我覺得幾唔抵．．又唔係煮得特別好食．．．冇下次… 　…查看更多