駒記海鮮大排檔

營業中

休息中

收工同朋友試下呢間大排檔，順便行吓街，菜式份量都幾多，小菜有鑊氣👍🏻👍🏻門口擺咗唔少海鮮，可以自己出去揀完海鮮選擇點整，下次都可以試試✨咕嚕肉($78)醬汁冇過酸，肉排保留到少少脂肪，所以食落唔會乾，上到嚟仲有少少脆，酸酸甜甜最啱送飯👍🏻椒鹽九肚魚($118)大排檔必叫嘅菜式，外脆內軟，炸得勁香脆，內裡肉質淋滑，可能製作功夫較多，所以而家好似少咗餐廳做呢道菜，我就好鐘意佢粉漿唔多，炸得好乾身😋避風塘雞中翼($98)上到嚟熱辣辣，食嘅時候仲係非常辣口；雞翼大大隻，保留到有肉汁，炸蒜同乾辣椒一齊炒夠晒惹味～芥蘭炒牛肉($98)有驚喜，芥蘭有揀過唔老冇渣，好嫩～牛肉份量都好多，不過鹹咗少少，但係整體來講都唔錯～豉油皇炒麵($68)非常有鑊氣，炒得乾身冇過鹹，唔太油，韭黃同洋蔥增添香氣🤤

兩公婆拍拖去咗食小菜,叫咗個鹹酸菜胡椒豬肚湯👍🏻夠曬胡椒味好味！d豬肚都好林😋另外叫咗份豉椒炒蜆,因為同老公都好鍾意食,所以叫咗份半🤣🤣🤣冇肉食點可以,所以嗌咗個避風塘雞翼,好味嘅,但係如果再辣啲就好喇!仲嗌咗個椒鹽九肚魚,但呢個今次就爭少少啦！平時食就好好食嘅！今次冇平時咁脆！兩公婆眼闊肚窄,食咗一半,打包一半返屋企,淨係食曬碟豉椒炒蜆,同飲咗啲湯,兩個食飽飽,好滿足咁返屋企🤗🤗🤗

📍#駒記海鮮大排檔.🇭🇰香港灣仔寶靈頓道16號地下B舖🇭🇰 G/F, Shop B, Bowring Road, Wan Chai, HK.Tasty: 👅👅👅👅Appearance: 👀👀👀Environment: 🌹🌹Service: 🤵🏻🤵🏻🤵🏻🤵🏻.無得打邊爐咪去大排檔宵夜囉💕成日話大排檔污衊，計我話，眼不見為乾淨😆係灣仔大排檔宵夜就緊係食駒記啦❗️最開心係班叔叔好熱情😆.💯#椒鹽九肚魚椒鹽九肚魚同鮮魷真係好難取捨！又脆又嫩既九肚魚真係好正！食到停唔到口！大排檔必食！.💯#香煎蠔餅又係大排檔必點既煎蠔餅！好多蠔好正！蛋煎得岩岩好，裡面有蛋漿勁香，口感好濃好香！超正！.⭐️#頭油皇鵝腸鵝腸偏瘦，不過味度搭夠！豉油皇味濃，鵝腸好入味！重點係下面既芽菜！爽口又惹味！.Ⓜ️#泥鯭粥泥鯭粥比較遜色少少，粥底唔夠香綿，泥鯭較少，無乜泥鯭味，反而花生未仲濃.💯#沙拉骨我最喜歡的大排檔菜式 沙拉骨！好多都係就咁擠啲沙律醬就算，我覺得佢撈均先食先係最好味！排骨炸得脆脆，沙律醬酸酸地勁開胃！完全食到忘記咗罪惡感依件事🤣.Ⓜ️#啫啫芥蘭煲惹味但有少少偏咸，但好有鑊氣.價格一向大眾化，香港地道風味，味道中上，

因為去咗外國住咗幾個月，所以好掛住香港嘅大排檔式烹調嘅海鮮只係番咗香港幾日就已經忍唔住，今晚特登約咗幾位識食嘅舊同事聚舊食飯即使八、九點已經特登過去，留咗「十點半四位」，去到都係要等好在一早已經留咗蟶子，否則連食都無得食～（十點過去見到已經無哂！）我個人最～～愛食九肚魚，所以每次食飯都會叫椒鹽九肚魚！駒記嘅椒鹽九肚魚真係值得一讚！除咗最基本嘅新鮮之外，個皮唔係一團粉、外脆內軟都做得好好～～ （雖然你可能會話「九肚魚點會唔軟？」但係佢真係做到，令我覺得軟滑得好完美嘅感覺～）下一碟出場嘅就係白灼東風螺！螺肉嘅生熟剛剛好，鮮甜而且肉厚，絕對值得一試！之後就係豉椒炒蟶子，等咗成晚就係為咗食佢！呢間店最好嘅就係價錢唔貴、份量又多～～（呢個係例牌＄９８）所以，蟶子都唔例外，份量一啲都唔ＨＥＡ！而且真心欣賞佢唔會好似某啲店咁成碟殼或者配菜（椒）所以即使四個好大食嘅人食，每個人食嘅量都唔會少～豉椒好香，但唔會太濃而遮蓋咗蟶子原有嘅鮮味 　讚！！再點食都要叫碟菜～尤其我哋呢啲為食鬼～～所以都叫咗碟椒絲腐乳通菜，普通＆穩陣嘢，無咩特別，唔講咁多～～朋友話叫嘅炸豬大腸呢店嘅大腸夠哂肥美，炸得亦夠脆皮～不