滿樂中菜 (已結業)

朋友定了戲曲中心的滿樂中菜預祝中秋。順便參觀下戲曲中心佈置。朋友定了房間，整顿晚餐也在清静歡樂環境中渡過。人末整，先點個椒鹽九肚魚吃住等。油炸功夫很好，魚件乾爽，如果椒鹽重手些更好送酒。另外也點了金沙炸魚皮凉瓜（忘了拍照），咸蛋黃咸香，一樣乾爽比九肚魚更惹味好吃。招牌片皮鴨堂切片皮鸭，侍應生擺盤也很用心，每片薄餅中間也有蒸籠紙分隔方便取吃。鴨不肥皮也鬆化，不過不失。蜜汁义燒半肥燶义燒，肉質鬆化蜜味濃，好食，性價比高，必吃之選。杏汁燉白肺湯高湯豬肺，後加杏汁便沒有其他配料。湯頭入口順滑濃郁，滿口杏香，豬肺嫩滑。金瓜九肚魚烙這九肚魚烙配上南瓜，蕃薯粉煎出來煙煙韌韌，也十分可口，不失為百樂潮州菜同一集團。梅菜扣肉這裡扣肉比很多客家店做得出色，豬肉和梅菜蒸得火路十足，豬肉入口溶化，久違了的好味道。鴛鴦胡椒焗蝦新鮮青楜椒配白楜椒粒焗蝦煲仔上，賣相討好，但楜椒味不能滲入蝦身，稍為失色。豉汁蒸白蟮這道菜，中規中矩，可以的。三菇燴六耳素菜不同菇類，乾菌，白合。配搭清爽，可惜很細碟。蛋白杏仁茶現做生磨杏仁露，入口香滑杏味濃郁，十分美味可口。這頓中秋節晚餐也吃得十分滿足合意。…查看更多

就到中秋節 約埋一班朋友出黎食個飯團聚一下 平時就食西餐日本野多 今次就黎試下中菜 見到滿樂中菜評分唔錯 又近地鐵站 咁就試一試佢啦！黎到餐廳 已經坐滿哂人 我地卜位嘅時候已經得反8點可以簡 坐左一陣 員工已經行過黎同我地講得反一隻鴨 問我地要吾要 咁黎得食中菜 又點可以唔試下呢 佢係落單後即烤 所以要等一個鐘嫁😆建議落左單再慢慢諗其他 唔洗等咁耐啊嘛🤣🤣🤣首先上左杏汁燉白肺湯 一到已經聞到好大陣杏汁味 試左一啖 唔係我杯茶 因為杏仁味實在太重 不過如果係鐘意杏汁嘅人 應該會覺得系享受 因為好滋補 其他朋友話豬肺好食 跟住係椒鹽九肚魚 呢味就不過不失 不過唔太特別有咩驚喜咁 但炸完唔會成個碟底都係油 呢個可以一讚 芋茸香酥鴨故名思義係用芋頭茸加入鴨肉壓成泥 跟住再拎去炸 呢個炸到好酥脆 本人覺得唔錯 不過入面嘅鴨肉可以多少少就好 因為食落口都係啖啖芋茸（當然我都好鐘意食）金牌菠蘿咕嚕肉呢個有小小失望 本身呢個係好好送飯 但係個肉炸得有啲過左 成舊野好硬同埋個汁偏酸 以佢個價錢黎講 真係唔係好抵食燒味雙拼 （叉燒/燒腩仔）對於好鐘意食叉燒嘅我會覺得佢個叉燒好食 因為半肥瘦好平均 個肉好冧 加上面個陣蜜糖 成件事好滿足 燒腩仔都好食 因為會好明顯睇到佢係一層肉一層肥膏咁樣 做到入口即溶嘅效果之後就系主角 片皮鴨 員工燒好會拎過黎比您望一望先 跟住就會去指定位置開始片鴨 我地今次簡左兩食 肉會拆出黎做生菜包🤤 員工首先會將隻鴨最多油脂個部分上碟 呢個位係就咁食 醬都唔洗 咁就可以食到鴨油嘅香味 同埋隻鴨係即烤即食 所以個油脂會更香之後就會上片皮鴨 同配菜 鴨真係主要比個皮你 唔會有太多肉痴住 跟住鴨脾會上埋比你 咁就唔會浪費 皮就係即蒸即上 所以好燙手 同埋佢會一層皮一層紙 咁就可以防止啲皮痴住哂一舊啦 配菜有京蔥 青瓜 姜 黃蘿蔔 呢到配菜比較同出面吾同 不過配搭都係按個人口味嘅 我就鐘意青瓜 京蔥就咁配鴨 因為試過加姜同黃蘿蔔 但有啲搶左鴨嘅咪 但咁配搭口感就變相清新小小 所以都係個人口味黎嘅最後就係生菜包 其實到上生菜包嘅時候我地都已經好飽（因為呢個都上得出較慢）我地本身都有打算唔要 但係拆左出黎嘅鴨肉咪浪費左囉 但估唔到 生菜包幾好食 佢加左冬菇馬蹄一齊炒 跟住鴨肉切粒 變左啖啖肉得黎又會咬到馬蹄嘅爽口 配合埋生菜嘅爽脆 咁就唔會好快又再飽多次啦另外仲有一個小插曲 本來我地係叫左一個金銀蛋白菜仔 但最後佢都冇黎到 中間有問左兩次都係同廚房講多次 但如果真係甩左單/無貨 其實唔介意講聲 我地就唔洗等同埋係咁問佢地 總捨呢餐飯 其實除左片皮鴨同燒味有啲驚喜到我 其他我都覺得一般 加上係戲曲中心入面 我覺得價錢方面係比其他餐廳嘅貴 但又唔可以話佢好抵食 不過口味都係每個人唔同 但片皮鴨就真係值得一試…查看更多

媽媽因為喜歡汪明荃小姐，從而對粵劇產生了興趣，這日訂好戲票，特地早兩小時到達戲曲中心，品嚐她指定的『滿樂中菜』。由於媽媽跟戲友來過幾次，對這裏的菜式瞭如指掌，由她點菜，有香口的「椒鹽九肚魚」跟「避風塘炒鱔球」，也有飽肚的「金瑤豉油王炒麵」。「招牌片皮鴨」媽媽也想食，考慮到即叫即燒，需時50分鐘， 怕趕不及開場， 唯有下次提早預訂。剛炸起的「椒鹽九肚魚」$78 ，用貝殼形白瓷碟盛載，賣相精美， 九肚魚炸得乾爽，外層椒鹽炸漿極薄，入口完全沒有油膩感覺，又香又脆，沾上黑醋同食， 更添風味。媽媽像個小孩一樣，特別喜歡食炸物，接著上枱的是「避風塘炒鱔球」$158 ， 酥脆的鱔球被炸蒜，蒜粒，豆豉，蔥段，薑片，小辣椒及紅椒等配料包圍，上枱香氣四溢，鱔球啖啖肉且無骨， 肉質爽口彈牙，無論色香味，都比椒鹽九肚魚優勝。「和味香橙排骨」$98，是我整晚最喜歡的菜式，炸得香噴噴的厚身排骨上，淋上鮮橙煮成的醬汁，旁邊伴有鮮橙粒，很清新夏日。入口先品嚐到橙汁的鮮甜味道， 再來是炸排骨啖啖肉的酥香，肉汁豐富，酸甜又開胃。 重頭戲，有鑊氣之選～食完一定飽的「金瑤豉油皇炒麵」 $138， 炒麵上鋪滿炸得金黃香脆的瑤柱絲，非常吸引。下面是爽口彈牙的蛋麵，混合豆芽，韭黃，洋蔥和芝麻，好有咬口，沒有肉類，一樣令人食唔停口。甜品有好幾款選擇， 選了一款特別的~楊枝甘露飲得多，「楊枝甘露糕」，真係超具創意。 椰汁糕內包裹著粒粒芒果和清甜西柚粒， 別緻又美味， 如果切大件d，就更好。『滿樂中菜』，環境優雅寧靜，服務好，味道好，美中不足是配菜不夠，例如，「和味香橙排骨」如能增加菠蘿，青椒等，定會更吸引和豐富，期待下次再來，可以品嚐更多菜式。滿樂中菜尖沙咀柯士甸道88號戲曲中心1樓2-4號舖月光太太🌙…查看更多

話說有朋友送贈票給我，因此第一次和太太來到戲曲中心睇大戲，我們當然不是很懂，而且觀眾多是長者們，不過勝在感覺新鮮。睇完後時間也不早，便在戲曲中心的其中一間餐廳食晚飯:)位置（9/10）：位於戲曲中心一樓，有扶手電梯直達港鐵柯士甸站，步行到佐敦也僅需5-10分鐘環境（10/10）：餐廳面積廣闊，裝修歐式有點像劇院，感覺有點藝術氣息服務（8/10）：侍應會幫忙預先用熱水沖洗碗筷，會主動加茶，但上菜較慢食物（9/10）：菜式擺碟精緻，鑊氣夠，味道亦不錯上完茶後，侍應會送上兩款餐前小食：花生腰果銀魚仔～花生及腰果炸得很香脆，而銀魚仔亦夠味木耳～木耳清爽，配合紅薯白條等配菜，挺開胃椒鹽九肚魚（小份）～$78主菜第一款是椒鹽九肚魚，炸得很軟而且香，最令人欣賞是沒有多少魚骨，可以沾附上的香醋直接食，香口美味避風塘炒鱔球（小份）～$158鱔球炒得很爽口多汁，不像坊間炒得哪麼乾。因為夠juicy，配合避風塘式的炒乾蔥及辣椒粒，既不會感到太乾，亦能吃到香辣口味和味香橙排骨（小份）～$98橙味非常香濃，排骨炒得很香，肉汁多但偏硬身，不過跟橙汁很搭配，酸酸甜甜金瑤豉油皇炒麵～$138一上枱就知道炒得靚，亦相當大碟。醬油上色吸引而且炒得夠香夠乾，炒麵上有炸香的瑤柱絲，配菜亦有銀芽，令整個炒麵更香更味美楊枝甘露糕～$42由於比較少見，便點了這款楊枝甘露糕為甜品，吃下去淡淡楊枝甘露味及芒果的清甜，而糕本身夠軟滑，是一款清新的甜品整體來說，這裡環境舒適、服務不錯，食物中式及較清淡，由於喜歡看大戲的多是長者們，確實能滿足他們的口味🌺滿樂中菜🌺地址：尖沙咀柯士甸道88號戲曲中心1樓2-4號舖…查看更多

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5之前從未到訪香港戲曲中心，想不到獻出第一次竟然是去吃飯 😅 久違中式茗茶的我，這次找來一間中高檔次的酒樓餐廳一試 🤗「滿樂中菜」意指「滿心快樂」，餐廳裝潢以優雅中式園林為藍圖，讓客人猶如置身於大觀園般愜意，在一片祥和的氛圍下享受美點。當中一系列不容錯過的佳餚包括「燒味系列」及「杏汁燉白肺湯」等 🍵💋 脆皮燒腩仔 ($138)果然是脆皮燒腩仔，皮烤得很香脆，肉部分帶點肥肉，整體軟腍有油香，有些入口即溶的感覺，果然不錯 👍🏻💋 滿樂蝦餃皇 ($58)皮做得薄身，帶點煙韌質感，大蝦爽口彈牙，味道也不錯 👌🏻💋 雪山叉燒餐包 ($58)最初端上來的一碟叉燒餐包，樣子有點差勁，經要求下更換了另一碟，雖然外貌也不是滿分，但包上的酥皮做得又鬆又脆，整體味道不俗～ 🥰💋 椒鹽九肚魚<小> ($78)炸得香脆，魚肉滑溜，但嫌味道略淡，配上喼汁吃才剛剛好 ☺️💋 杏汁白肺湯 ($88)這個白肺湯果然真材實料，杏仁味香濃，湯頭滑溜，滋潤感滿滿，果然是好湯～ 👍🏻…查看更多

陪母親大人看完一套京劇，覺得很肚餓就來了這間在西九龍戲曲中心入面的中菜館。可能是新裝修的關係，感覺很華麗而且地方很寬敞，亦有包廂的地方，適合多人前來。【餐前小吃】是涼拌雲耳爽口開胃。【椒鹽九肚魚】這裏最好就是可以選擇小份，因為兩個人的確吃不下例牌的份量，每人分享到四舊，炸粉漿是較貼和薄，所以吃的時候，一咬下去就是九肚魚，而中間魚肉幾嫩滑。【金瑤豉油王炒麵】一堆的乾瑤柱絲灑在上面，與豉油王炒麵撈在一起吃，多添一份鮮味，又夾著芽菜條，本身乾身的炒麵變得濕潤。食物是有保證的，最值得讚是地方夠舒服。…查看更多

坐落於戲劇中心的「滿樂中菜」是我一直以來都想去的食府，今日特意約來朋友來飯聚一番。店內以花卉國畫作裝飾，環境雅致，座位舒適。再看看餐牌，菜式選擇亦很多，今晚點選了好幾款菜式，一邊食一邊傾。 蟲草花翅裙瘦肉燉雞件餐牌中有明火燉湯，店員說當晚是「蟲草花翅裙瘦肉燉雞件」，對於我們愛好湯水人士當然不會錯過。不用多久，一大盅燉湯放到桌上，打開後見食材十足，雞腳、雞件、瘦肉、蟲草花、翅裙通通都塞得滿滿，赤紅色的湯水，傳來陣陣的香味，嚐一口，鮮味十足，口腔內充滿了由雞腳和翅裙淆製出來的骨膠原，再接下來又有蟲草花的補腎，增強體力功效，真係一道滋補的好湯水。 燒腩仔外皮燒至滿滿火眼又金黃，皮、肉、脂肪層比例剛好。一口一件，外皮甘香鬆脆，肉質鮮嫩多肉汁，轉眼已食得光光。 黃金炸魚皮涼瓜薄薄魚皮炸得脆卜卜，外層沾滿咸香十足的咸蛋黃醬，好味到真係邪惡都要食。另一驚喜是配上炸了的凉瓜條，爽口中帶點甘味，配上咸蛋黃醬一起又幾夾。 玫瑰豉油雞我們點了半只，買相十分吸引，色澤油潤。玫瑰露洒混合豉油豆香，未放入口已先聞到陣陣香醇甜味，再嚐一口後，雞皮爽口不膩，肉質嫩滑扎實，多方面的融合，相得益彰。 黃豆涼瓜排骨煲夏天快到了，店員推介新上市菜式「黃豆涼瓜排骨煲」，聽到都消暑。涼瓜浸在黃豆排骨湯內吸收了鮮味，更令到凉瓜甘味突出。椒鹽九肚魚薄薄的炸漿包裹著肉質細緻的九肚魚，外層甘香，內層嫩滑，再配上碟旁的喼汁，增添不小的層次。 黑糖蜂巢糕熱騰騰蒸起，口感煙韌，不會黏牙，黑糖蜜味不會過甜，真係一個不錯的甜品。 杞子桂花桃膠杏汁糕杞子桂花糕好多地方都有得食，但今次食到的不但清甜，而且還加入其他新食材。例如上層的杞子桂花糕內加入桃膠，清甜又滋潤。下層一般都用椰汁來做，該店就用杏汁做，真係別出心裁，令人留下完美結局。 總括來說，清雅休閒的環境，食物水準又高，連載店員服務態度十分有善，今晚餐十分盡興。…查看更多

第一次參觀戲曲中心時，經已留意到這間中菜，菜館的名字用上 “樂 ”，又位處戲曲中心內，恰巧令人聯想到音樂、奏音之意，與建築物似有種雙呼應效果。其次菜館的佈置清雅，彷如綠意盎然的庭園，郤又不失時代感，所以一直也很期待，何時有到訪的一日。今晚正好有朋友提議食中菜， 我當然第一時間提議  “ 滿樂中菜 ” 啦。是日精選燉湯(四位用) 是 蟲草花翅群燉雞腳瘦肉 $288 近年備受推崇的蟲草花，其實是真菌的一種，與蟲草並沒有直接的關係，卻有補肺、益腎、健脾，增強免疫力的功效，而且性質平和，味道清香，口感爽脆，所以經常出現在中式湯水內。 今晚的精選燉湯，材料也用上蟲草花，配瘦肉、雞翅膀、雞腳、翅群一起清燉，味道份外鮮甜，湯味濃郁，湯料亦非常好味，雞肉軟滑、翅群有咬口又含豐富的膠質，簡直滋補又美味。金沙炸魚皮涼瓜 $98金沙名稱美麗，味道甘香無比，但卻又非常邪惡，即咸蛋是也。口感香脆的炸魚皮覆蓋著薄薄一層咸咸香香的咸蛋黃漿，美味得簡直令人難以停口。可幸配上具有清熱解毒，降血壓之效的涼瓜一同入饌，牢牢包裹著涼瓜的咸蛋黃漿又稍稍沖淡了涼瓜的苦澀，拌著炸魚皮一齊吃，罪惡感立刻急降。脆皮燒腩仔(小) $98兩行燒腩仔工整地排開，件件大小相若，肥瘦均勻，肉嫩，外皮鬆脆甘香，水準之作玫瑰豉油雞(例) $108外皮十分上色，油潤富光澤，皮下脂肪少，肉質細嫩白滑，玫瑰豉油滷得入味之餘亦沒有蓋過雞肉的鮮，味道調較得剛剛好。至於蘸料薑葱蓉，切得非常幼細，口感清脆，只蘸一丁點，吃起來更滋味。椒鹽九肚魚 $108這裏的椒鹽九肚魚與其他菜館的出品最明顯的分別是  : 沒有多餘的粉團，只有薄薄的一層，略帶金黃的外表透出魚肉的雪白，片片大小相約，看起來工整，洒上點點紅辣椒粹，色澤漂亮。咬落香脆，魚肉嫩滑，椒鹽的香麻咸味正好提昇了魚肉的鮮味。蜂蜜黑糖糕 $56/4質感有如白糖糕蜂巢狀效果，但更為挺身，口感爽滑富彈性，味道芬芳，有香濃的甘蔗味，黑糖甜度不高，富含鐵質，健康味美。以粵菜為主的 ”滿樂”，除了傳統的廣東燒味、 片皮鴨、 小菜、燉湯、點心外，還有川菜、素食、鮑參翅肚供應，加上地方寛敞舒適，職員服務態度好，今晚的用餐體驗不俗，下次帶屋企人來試下先。…查看更多

之前二人限聚令，不能和友人有太多機會聚餐，近排放寛四人後就急不及待的約幾位友人出來吃飯，太久沒有出來吃飯，當然要吃餐好的，朋友提議去位於戲曲中心裡的滿樂中菜，一聽到戲曲中心就已經好有興趣，因為還沒有去過，所以就拍板到這兒吃飯。這間中菜位於中心的一樓，門面很寬敞開揚，量完體溫就安排入座。裡面環境相當有特式，顏色以湖水綠設計，牆上有很多美麗的花朵襯托，非常優雅。第一次來到這裡，經侍應介紹下就叫了幾個小菜和精選燉湯。這裡的茶全是有機茶葉，不是坊間的隨隨便便的茶葉，淨是茶已經那麼講究，我對今晚的小菜都特別有信心！脆皮燒腩仔，一咬已經很脆口，肥瘦均勻，這個已經加了不少分，平時坊間有些得肥肉，有些就太多瘦肉，口感已經扣晒分，燒腩仔最緊要是肥瘦均勻先可以吃到它的甘香。這裡就做到這一點，肉質也很嫰，味道恰當，不錯！金沙炸魚皮涼瓜是我頗喜歡的小菜，用鹹蛋黃包著的炸魚皮本來都已經無得輸，但加埋涼瓜一起，就真的不得了，原來用涼瓜做的金沙涼瓜都那麼好吃，鹹蛋黃的鹹香加上涼瓜的甘甜簡直係絕配，魚皮又炸得很薄很脆，這個小菜簡直滿分！蟲草花翅裙燉雞腳瘦肉湯 是是日精選燉湯，裡面的材料很豐富，有雞件，雞腳，蟲草花，翅裙，瘦肉燉成，湯燉得很清甜很入味，一喝便知這個燉湯的心機，雞腳也很腍，看看湯渣便知真材實料，我們每人都不停添飲，真的冇得頂！經經理推介的新菜黃豆排骨涼瓜煲，排骨很軟腍入味，加上涼瓜的入口甜中回甘，很有家的感覺，很好味！椒鹽九肚魚，好多時這味小菜的份量都不會太多，但這裡的份量又幾足，上枱已經很香，吃上去外脆內軟，九肚魚出名滑溜，一脆一滑，口感非常，用來送酒就梗加一流，可惜我們今晚沒有喝酒。桃膠杞子桂花糕是我們的甜品，面頭用上桃膠杞子桂花做成透明啫喱狀，下面白色的開頭以為是普通的椰汁糕吧，誰知吃上去原來是杏汁糕，嘩！用杞子桂花糕加上桃膠已經很特別，現在還用上杏汁糕做底糕，真的拍案叫絕，桂花香加上杏仁香，味道清甜可口，真的令人再三回味！今次的聚會大家都吃得很開心很滿意，見到其他枱叫了隻片皮鴨很吸引，下次要再來試一試！…查看更多

戲曲中心內有間中菜酒樓，環境佈置得優雅美麗； 地方寬敞，務求帶給客人在一個舒適的地方去享受美食。服務員很有禮貌，衛生也做得十足；所有餐具皆以滾水消毒後才供給食客使用。椒鹽九肚魚九肚魚非常肥美， 沾上薄薄炸漿，所以炸得特別鬆化，外脆內軟而層次分明。洒上椒鹽食到不停口，用來送酒一流。避風塘炒鱔球鱔球肉質結實彈牙，炸後亦不覺油膩；用上大量辣椒和炸蒜去烹調，爆得香口惹味。和味香橙排骨排骨咬落淋滑一D都唔鞋口，以橙製成甜酸醬汁；十分開胃。金瑤豉油王炒麵雖是簡單的一道炒麵，味道恰到好處 。麵炒得乾身，咬落軟硬適中。最後以千層咖啡糕為餐後甜品。…查看更多

上次同個friend 經過戲曲中心~見外觀咁靚~就話下次約埋班friend一齊嚟食番餐😈因為食中菜得2條友係叫唔到太野食😥第一道餸🥘鮮蹄筋~夠入味、夠滑、多膠質 不愧係平民花膠👍椒鹽九肚魚🐟太熱氣~忍口淨係食咗一嚿🤨知道入秋就嚟乾燥~好貼心咁叫咗個杏汁燉豬肺湯🥣好香😍一飲即刻覺得用潤曬😌好耐冇食過燒鵝啦~呢個真係忍唔到🤤即刻夾咗食脾食~用手揸黎食係完全唔同感覺㗎😈川椒雞球~最鍾意既韭菜♥️再配搭埋魷魚 ~食得健康😌菜有兩碟㗎✌呢個蟹肉圈朋友仔話一定要食😈一上枱冇乜特別啫😒~原來好戲在後頭😙見到都流曬口水🤤好多膏😛第一次咁食肉餅臨尾仲叫多左個米粉😅好有去飲既feel因為最後仲有紅豆沙🤣係差左個美點雙輝😏不過呢個紅豆沙比起飲宴個d好味好多🥰食到好香既陳皮味👍…查看更多

第一次去西九文化區戲曲中心，外型科幻新穎非常吸引，不過人流卻比想像中少，中心有少量餐廳，大劇院，小劇場，不時亦有導賞團，今日就同親戚試其中一間中菜館—滿樂中菜。聽聞它是老牌潮州菜館百樂潮州集團旗下，之前都有食過，覺得質素都不錯，所以對呢餐都有期望的～～～            杏汁燉白肺湯 (每位$88 / 4位用$268)    杏味濃厚，燉到奶白色的湯底一睇就知火喉十足，豬肺洗得好乾淨雪白，且沒有平時那種豬蘇味，加上口感嫩滑，飲了一口就會大口大口地喝。手拍青瓜青瓜冰涼爽脆加上醋汁調味，開胃又清爽，好適合而家咁熱的天氣，好特別地配上紅石榴籽，夾埋一齊食更加清爽。蜜汁叉燒 好耐無食叉燒，蜜餞燒得好靚閃閃發光，一睇就知係好叉燒！肉質係肥瘦夾雜，適量的油脂令到口感更鬆化軟腍唔會一味死實實，唔可以成日食燒味的情況下，我覺得呢次Quota抵比。椒鹽九肚魚 $98炸衣唔厚身，魚肉保持到鮮嫩唔會好乾，最重要係無骨同唔腥，簡單用椒鹽調味已非常惹味。三菇燴六耳食左咁多肉叫返個素菜平衡下，有齊三菇冬菇、蘑菇、草菇，六耳木耳、黃耳、雪耳、百合燴煮成，每種菇類的生熟度剛剛好，不錯。滿樂蔥蒜牛肉崧煨飯 ($148)飯身濕潤，靈感來自意大利飯risotto，蔥蒜香突出，不過我鐘意食乾身野多D。食物質素唔錯，座位又坐得舒適，加上人流不多可以慢慢食。         …查看更多