京林屋 (明宮閣)

係太古睇戲之前黎到京林屋搵食～呢排係咁係youtube睇一d日式輕食，擺盤靚之餘，全部細細粒好得意，搞到勁想食。比我見到京林屋都有類似既野，就吸引左我入黎食。林屋和食料理 $88一上菜，心入面大叫左句～係我想要既野啊！全部細細粒，擺得又幾靚。和食料理入面都有幾多種類既野食：（左上）照燒雞粒、木耳？玉子卷、（右上）魷魚沙律（左下）魚乾、元貝、芝士魚糕（右下）鯖魚全部都好送飯！味道都唔錯，當中我覺得最特別係個魷魚沙律！有d蟹子係入面口感好豐富。…查看更多

茶 - 不同的茶葉，擁有着其獨立的個性、味道和香氣，即使是同一種茶葉也會因為氣候或原產地不同而有所分別。以茶入饌或以茶作為甜品亦成為不少愛茶者的心頭好，把看似簡單的茶成為千變萬化的菜式和令人愛不釋手的甜品。在日式茶品當中，宇治的抹茶是我的心頭好，它獨特的茶香跟回甘的味道，給人一種先苦後甜的感覺，能夠跟自己甘苦與共的人一同享受茶品當中的奧妙，更能夠體會出箇中味道！京式鰻魚飯（$98）👍👍👍👍鰻魚口感軟滑肥美，鰻魚汁的甜味跟炭燒的味道十分配合，燒汁令焦香的魚皮更添惹味。兩大片的鰻魚下還舖了一層金黃的蛋絲，跟日式米飯同吃，蛋香跟飯的香氣四溢，亦令米飯增添口感和色彩。鰻魚飯還附有味噌湯和一碟酸蘿蔔。林屋和食料理（$88）👍👍👍👍這份和食料理十分豐富，主碟分為四個部份，食材會因不同季節調整。今次這四小碟分別為：汁燒鯖魚、八爪魚蟹子沙律、玉子木耳螺肉、帆立貝、味付魚仔乾和炸芝士魚腐。鯖魚有點煙熏的香氣，肉質結實得來又很細緻。八爪魚蟹子沙律，味道酸甜又滋味，八爪魚的嚼勁跟蟹子的脆脆口感也配合得宜。玉子木耳螺肉，木耳絲跟汁煑的螺肉，單吃或佐飯皆可。玉子加入了雜菜粒，增添口感。帆立貝鮮甜肉厚，還有味附的魚仔乾，佐飯就最好。炸芝士魚腐，一咬芝士便溢出。料理還附有焙茶煑過的飯、飯帶茶香。香港限定芭菲（$98）👍👍👍👍👍這個名為香港限定芭菲，當然只是香港獨有，所以一定不能錯過。這個層次分明的芭菲放在高身玻璃杯內，可以清晰看到不同的材料分別放入杯內。從㡳部開始，白色的是白玉丸子，咖啡色的一層焦糖、再一層草莓粒果醬、接著還有抹茶蕨餅、抹茶啫喱、紅荳、寒天、脆米等，跟最後的軟雪糕，就成為這一杯充滿美感和美味的甜品。它不但能夠満足你的口感，在視覺上也同樣令人滿足。特製林屋抹茶餡蜜（$98）👍👍👍👍👍這個是特製抹茶餡蜜，放了多種材料，中間的是抹茶雪糕跟抹茶蕨餅，並附有抹茶啫喱、寒天、白玉、紅荳蓉，吃的時候倒入黑糖餡蜜，令帶有甘苦味的抹茶增添甜度，加上口感甜蜜的紅豆蓉，整個甜品甘甜夾雜，多款配料亦增加甜品的可觀性和多重的口感。玉露玉艶 （$78）👍👍👍👍以傳統方法在宇治栽種的玉露，帶有微微的甘甜，可以連續沖泡三次，三次的味道都各有不同，回甘味道亦各異。三次的浸泡、三次的享受，每一次散發不同的茶味也令我有驚艷的感覺，而每一次也令我發出心滿意足的微笑。喝過茶後，可以配數滴柚子醬油品嘗餘下的茶葉。茶葉跟味道酸咸的柚子醬油混合後，感覺像是吃著海苔的味道和口感，很特別而且不會有渣，食後口腔內還良久留下茶葉的餘韻。門面內在環境 餐牌…查看更多

我喜愛京林屋因為她每一個環節都做得很妥當，由門面開始，完全日本風，展示食品模型見者垂涎，木系裝潢令人有舒適的感覺，每款食物都經過心思打扮、材料優質、調味恰到好處，價錢亦合理。食品水準平均，烏冬、抹茶麵出色之處在湯頭，清而醇厚的味道，簡單地配香菇或魚餅已經美味，麵質新鮮有彈性。後期出的飯類貫徹風格，主要是燒魚，健康得來不失美味，最豐富的莫過於我今午選擇的林屋和食料理。中午吃過這樣做的魚之定食，非常有日本家庭料理的風味，四格碟子其實有八款伴菜，由右上方開始講，如球形的海鮮沙律口感柔靭卜脆，八爪魚及魚子為主要材料，配搭適合的醬汁，口感豐富。汁燒鯖魚肉厚味香香，皮肉皆滑，燒得唔乾有肉汁，玉子做得十分滑溜，難不到日本廚師的手藝，內藏蘿蔔蔬素，口感更加豐富。魚仔乾等三款漬物滋味不過鹹，炸芝士魚腐軟熟，醬油帆立貝新鮮味美。米飯以焙茶煮過，顏色呈淺褐色，淡淡的茶吃得特別開心。配埋麵鼓湯及酸蘿蔔，定食組合完美。開心見到今期又有新產品，竹炭焙茶卷蛋這個主意真不錯，忌廉非常香滑，蛋糕軟柔，竹炭其實起不了太大變化，作為噱頭非常受落，我就是喜歡。三款茶可配，我覺得葡萄煎茶最香，建議的沖茶方式要跟，相信是簡化了的日本茶道，有趣味美。每一次都吃得滿意，百吃不厭，我還是會再來的。…查看更多

今日去開下線同個朋友約左收工係呢邊附近食餐飯, 一直都知道佢鍾意食抹茶類至嘅甜品, 咁就試左呢間又可以食正餐又可以填埋另一個胃嘅日式餐廳京林屋位置都好方便, 係EAST HOTEL 對面既地鋪, 環境好開揚。離遠一眼就望到了！不怕找不到呢...入面環境同牆身都充滿日式既氣氛。十分放鬆舒適👉🏻林屋和食料理 $88嗌左2個鹹食先, 朋友本新想食鰻魚飯, 但我地有點晏到, 鰻魚飯賣哂了...最後嗌左呢個林屋和食料理 , 4小格入面有8款料理, 仲有1碟細既漬蘿蔔，麵豉湯同白飯。料理入面其中既八爪魚沙律,好有驚喜, 我以為會無乜味道, 但鮮味十足...呢款係可以送飯既沙律! 正！而芝士魚餅中間都有一粒粒既芝士粒..令到成個魚餅芝士味提升了 成個料理既主角鯖魚都煎得唔錯, 白口入味魚邊還有點點脆口, 甜鹹適中!提一提個...因為都幾特吃架飯...係培茶烤烘而煮成既, 食果時有淡淡既焙茶味! 散魚著清香...你會慢慢咁食得晒...飯質帶有少少黏唔係分明一粒粒咁, 口感煙韌彈牙。朋友全清了！👉🏻稻庭麵 $68我就叫左個稻庭麵, 因為想來一點滿淡...外面太熱...胃口不太好入面有兩塊魚餅同一塊日式魚旦，魚餅彈牙之外仲有少少甜味十足十日本風格而麵身幼身柔滑完來稻庭就是這種質感的, 湯底又幾惹味!我都飲左好多啖湯！有時真係唔需要好多配料...好花巧...日式食物簡簡單單就足夠👉🏻抹茶沙冰雪糕 $52飲品我地只叫了一杯,因為可以share飲...女士不能飲太多凍野呢抹茶雪糕混合左抹茶沙冰, 抹茶比例岩岩好,甜度都可以接受不過飲得出 奶味比較重, 而抺茶味是屬清香那款！鍾意牛奶嘅我覺得幾易入口又唔會好濃～真係幾鐘意!但可能對抹茶愛好者就唔夠濃味啦👉🏻香港限定芭菲 $98到左食甜品既時侯. 我地望住個MENU諗左好耐, 我揀左 香港限定芭菲, 因為層層都有唔同既配料, 夠哂豐富! 最上面果層係又滑既抹茶雪糕, 抹茶味同奶味又香濃口感非常滑， 下面果層有脆米通，白玉丸子，蕨餅，寒天，仲有紅豆蓉，丸子Q彈！我估唔到再下面仲有一層抹茶雪糕，中間有一層草莓醬，食到一粒粒士多啤梨肉, 而最底部仲有少少黑糖糖漿呢, 好滿足!一路食，一路有驚喜，真心推介👉🏻特製林屋抹茶餡蜜 $98至於我個朋友就揀左 特製京林屋饀蜜 , 秘製抹茶蕨餅煙韌鬆軟, 抺茶啫哩加丸子,紅豆, 寒天同抺茶雪糕,  再加上黑蜜過味, 呢個組合真係幾出色!整體抹茶味香濃！心心眼了！食到好味嘅野好開心***食完甜品, 感覺十分滿足, 仲飽到最後我地兩個差D食唔哂, 京林屋比人既感覺真係好正宗好日式！可以慰藉到一下我想飛去日本嘅心呢..…查看更多

喺太古城探完朋友，睇完剛滿月既小B，懷住開心既心情尋覓吓晚餐既地方。行吓行吓原來呢度都開左京林屋喎! 入面和式既裝修，以淺色木材,簡潔既線條為主調，好舒適既感覺，二話不說就入左去啦！我地坐梳化位置，睇睇menu,就比鰻魚飯吸引住。京式鰻魚飯厚厚既鰻魚，肉質有彈性，好有咬口，有一層幼幼既蛋絲遮蓋住焙茶飯，珍珠米粒粒分明，相當滋味。我有個怪癖，遇上好味的，餸會留一半最後食。今次又係咁先一小口鰻魚伴飯慢慢品嚐。定食配有麵豉湯，不過咸左少少~林屋和食料理賣相精緻,四小格,分別有八爪魚沙律,蛋圈,木耳絲帆立貝小女子,魚餅,仲有主角鯖魚,魚都煎得好香吖甜品時間啦!呢樣又想食,果樣又好靚咁,諗左一輪最後揀左 香港限定芭菲每次見到芭菲杯都特別興奮，同長匙羹慢慢食到落底，好滿足！先嚐抹茶雪糕, 好幼滑,抹茶味香,又不失奶味，分量都幾多食極都有咁。下面一層一層~有脆米通,白玉丸子，蕨餅，寒天，仲有紅豆蓉唔甜，唔會遮左抹茶香味焙茶芝士蛋糕焙茶雪糕球味道清新溫和, cheesecake 有輕輕來自芝士既咸味,略帶茶香,好有層次～最後點了玉露玉艷,清一清味蕾～店員送上一盤茶具, 仲教我地如何品嚐。先將熱水倒仕進茶海,目的係攤涼點,太熱既水會破壞茶既質素, 之後將水倒入茶碗,再倒進茶杯享用。呷一口茶，帶點海苔味道，好鮮味一份茶可以沖３次而店員已先為我們沖了第一次～飲過３次後，加入柚子醬油品嚐茶葉食落感覺有點似幼嫩既菠菜，初嘗呢個食法幾得意！　初時以為只有抹茶出色，原來咸食都唔錯。加埋呢個品茶體驗, 好完滿吖!!…查看更多

朋友是抹茶腔，所以放工後帶了佢去太古的京林屋食抹茶甜品。我們點了玉露，茶葉應該是無煮過，茶味較苦及帶點腥，但又比煎煮過的茶較清新，入口回甘，最後加點柚子醬油在茶葉內，味道似食紫菜。我的京式鰻魚飯，燒汁鰻魚味道帶甜，肉厚且滑，鰻魚帶點彈性，送飯一流。朋友的林屋和食料理，有沙律、蛋餅、魚乾、鯖魚等，鯖魚比較多骨，沙律有些咬口，好似係墨魚粒，煙煙韌韌。我的香港限定巴菲，抹茶軟雪糕有差不多平時兩倍的份量，抹茶味濃郁甘香，抹茶苦澀再回甘感覺，是抹茶友至愛，下面有些香脆爆米花等，比正餐更飽。朋友的抹茶芝士蛋糕，蛋糕比較膩，但茶味濃郁，雪糕不及軟雪糕的茶味香濃，不過都屬高質。…查看更多

週末約了超級好朋友，並帶她去吃她最喜歡的抹茶製食品， 朋友非常期待當晚的晚餐 從門口走進室內，都給人一種地道日本feel舒服、休閒的感覺。 閱讀整本餐牌後，我和朋友決定挑選各自一個主食，其中當然一定要包括有抹茶味的冷麵啦～我選了“林屋和食料理”， 此料理非常精緻 ， 裏面包括四款餸菜(鯖魚、八爪魚沙律、芝士魚餅、魚仔、木耳等食材)、麵豉湯及香口珍珠米，是典型日本定食組合的樣貌 精緻定食吸引人之處是～每樣食材都能試少少份量，在不會過飽的情況下能夠試到很多款食物 朋友點了抹茶蕎麥麵，因為她致愛就是抹茶 這款簡單的定食，只有青青的蕎麥麵， 白蘿蔔和蘑菇作為點綴， 如果喜歡吃肉的你可能會有點失望喜歡抹茶的朋友一定不會錯過單叫並慢慢品嘗抹茶的香味～ 這款“玉露.蕨餅” 充滿抹茶的香味，是抹茶控的至愛煮食完結後，我們點了各自喜愛的甜品～當然也不能錯過有抹茶味的“香港限定芭菲”， 上層有我們最喜愛的抹茶雪糕，淡淡澀味並帶有奶香的抹茶味雪糕， 底層有脆卜卜 的蕨餅、 蒟蒻等食物，好豐富這款培茶蛋糕有濃郁的培茶味， 旁邊的雪糕也是有培茶味的， 底層加上甜甜的紅豆醬， 好味道…查看更多

京林屋我同表妹都好鍾意食，尤其係呢度嘅抹茶芭菲，味道同我地之前去京都食的一樣咁好食，呢度唯一嘅缺點係經常都好多人排隊，為左嘆抹茶芭菲我地曾經係銅鑼灣店排左差唔多一小時。今日我休左半日假去太古俾野老公，順便約埋係附近工作嘅表妹一齊開餐，難得我可以早到攞位，LUNCH當然要去京林屋嘆嘆啦。我大約12點半到太古呢間京林屋，雖然未到LUNCH繁忙時間，不過都已經坐滿人需要等位，剛好等埋老公同表妹，大概15分鐘左右就有位。京林屋以木材裝飾整間餐廳，其中一面牆好似日式紙門，整間店都好日式。我地三個人點左兩個定食，因為要留肚食甜品，我地點左一客鰻魚飯、一客林屋和食料理配左壺玫瑰蘋果煎茶，另外甜品當然唔少得林屋抹茶芭菲啦，我同表妹點左一個SHARE食，老公就揀左焙茶卷蛋。鰻魚飯嘅鰻魚因為係原條，所以份量好多，如果我一個人一定食唔哂，鰻魚好厚身，鰻魚汁味道濃郁，帶有微微甜味，個飯亦都已經調左味，味道唔錯。SHARE完客鰻魚飯我已經半飽，因為要留肚食甜品，所以林屋和食料理主要都係老公同表妹SHARE，林屋和食料理有好多款食物，賣相吸引，佢地都讚味道幾好。跟定食加$20配嘅玫瑰蘋果煎茶好清香，入口玫瑰味濃而且好自然。林屋抹茶芭菲水準同之前食一樣咁好，京林屋呢度嘅抹茶雪糕唔算太甜而且茶味濃郁，配上紅豆、丸子等多層配料，味道層次豐富，我同表妹兩個SHARE都超級滿足。老公食的焙茶卷蛋賣相唔夠林屋抹茶芭菲咁吸引，我試左少少，茶香味都幾濃，好啱老公嘅口味。埋單每人都只係$140，都幾抵食。餐牌…查看更多

話說小妹鐵鐵實實係一個甜品控，甜品同正餐之間，小妹往往都會揀甜品😂🙈今晚男人就帶小妹去食正餐+甜品---京林屋！一直以黎，小妹都以為京林屋只有甜品同綠茶，但原來仲有飯同麵食架！！好！！！介紹是日晚餐先💪🏻 小妹點左客凍嘅抹茶蕎麥麵配抹茶沙冰雪糕！抹茶沙冰雪糕賣相超吸引，大大個雪糕球，綠茶味雪糕，茶味香而且滑👍🏻配沙冰無得輸👍🏻小妹一個人成杯KO晒🤣🤣🤣凍抹茶蕎麥麵，蕎麥麵份量岩岩好，雖然抹茶蕎麥麵只有淡淡的抹茶味，不過凍食黎講，反而岩岩好，清清地！重點要點評的一定係醃蘿白，口感脆、爽口，微酸！👍🏻男人就叫左林屋和食料理配熱玄米茶🍵侍應放低茶之後，就介紹飲茶方法！茶set，有埋小漏斗俾客人計時沖茶♥️男人杯玄米味，茶味香濃，飲落就有少少米香甜！一個茶包大約可以沖到4杯左右👍🏻林屋和食料理賣相超得😻，分別有四款料理:章魚蛋沙律(四款之中，小妹覺得哩款最好味，章魚好彈牙，同蛋沙律好夾！)另外仲有錆魚，魚乾仔、漬物、帶子、豆腐同芝士魚蛋！ 望落樣樣料理都小小咁，但食落其實好多！🤣 送飯食一流👍🏻大大碗飯！食飽就嘆甜品😌😌小妹叫左抹茶卷蛋糕set，配玫瑰蘋果煎茶！玫瑰蘋果煎茶，聞落好香蘋果味，玫瑰味就無咩；由於係煎茶，所以飲落就甘甘甜甜咁！抹茶卷蛋糕，卷蛋中間d cream超滑超好味！！！😱😱😱 卷蛋本身係超濃抹茶味，哩件卷蛋絕對係水準之作♥️另外，又一球抹茶雪糕配白玉紅豆😻男人就叫左林屋抹茶芭菲！原來勁大杯🙈，勁多料同雪糕！林屋抹茶芭菲，分別有大量抹茶雪糕，仲有白玉、抹茶jelly同cream!!! 真係超滿足🤣 …查看更多

早早在京林屋裝修的時候已經好期待終於同同事夾到lunch過黎食京林屋平時係太古站，EAST HOTEL出口，行過對面就係(係住宅樓下)先ORDER了 玫瑰蘋果煎茶 店員會教沖茶的方法，MISS左都唔緊要因為會附上圖文並茂的指示！再ORDER了主食同事揀左: 林屋和食料理 紫菜絲日本飯，仲有 4 款菜式。最惹味的是那兩舊魚，其他味道都偏淡，啱晒健康的人食！我就ORDER了 京式鰻魚飯 鰻魚飯都幾好食！飯面鋪滿左蛋絲再加上日本糙米，有D黏的口感，而鰻魚既份量都幾多~ 加埋鰻魚汁，真係幾好食！到甜品了！特製林屋抹茶餡蜜香港限定芭菲個人比較鐘意呢個因為有晒抺茶雪糕，小丸子，抺茶啫喱，麥片，玉米脆脆，紅豆蓉，奶凍等等一次過試晒，而最鏗意就係抺茶雪糕，夠濃夠香！抹茶控一定要黎試試！…查看更多

經過門口被綠色吸引我，大部分甜品都是綠茶系列，頗為吸引。等了大概十分鐘就有位，不知是否日本味重，連員工的工作速度、說話都是慢慢的。餐廳環境闊落，而且整理，感覺良好。午餐選擇比較少，大多是冷麵、熱的有一兩款拉麵或烏冬、飯亦只有三款，還需要等待時間較長⋯⋯我朋友的冷麵吃完了，我的飯才到和食料理包括了鯖魚、帶子、小魚仔、墨魚粒、麵豉湯和飯。味道尚可以，不過不失。冷麵亦沒有太大特色。聽朋友講：烏冬、拉麵就一般了。可能主打綠茶甜點，所以其他食品就不太特別了。…查看更多

很少帶媽媽吃日本料理，今日離見客的時間有一個空檔，就帶她去了太古的京林屋。因為比較早，遲一步就要等位了！因為是附近的上班族的放飯時間。*京式鰻魚飯($98)雖然比我想像中的鰻魚份量真的少，但味道真的和平常吃的很不同。這裡的鰻魚比起出面的彈牙有咬口，好味過出面很多倍！蛋絲乾身，又香口。麵豉湯不會太咸。*林屋和食料理($88)媽咪點的有四款餸一碗飯吃完主食當然要吃甜品才滿足！*焙茶卷蛋($88)卷蛋鬆軟，中間的焙茶忌廉幼滑，又濃焙茶味；焙茶雪糕都很香濃，旁邊伴了紅豆和白玉。*特製林屋抹茶餡蜜($98)這個特製林屋抹茶餡蜜基本上可以一次過滿足五個願望。有抹荼雪糕、蕨餅、白玉、抹茶啫哩和原味啫哩。最愛就是抹荼雪糕、蕨餅和白玉；抹荼雪糕香濃；蕨餅和白玉煙煙UNUN。*抹茶牛奶($46)抹茶味濃，又不會掩蓋了牛奶的香；味道又不會太甜，不錯不錯！*桃味培茶($20)媽咪點的…查看更多

與朋友相約係太古食午餐 見到京林屋原來最近係太古開左分店😳😳一直都好想試佢嘅抹茶甜品！所以決定要試試🤤.裝修同銅鑼灣嘅好相似 以木材作主題 帶日式風格感覺簡單而舒服😊12點半黎到都唔洗等位 但食食下已經發覺全場爆滿無一空席😂😂.點甜品前都係要醫好個胃先我地分別嗌左兩份定食.林屋和食料理 ($88)感覺係日本家庭式料理 每一份料理都十分精緻💕有野菜豆腐伴木耳絲、帆立貝+芝士腐皮卷+汁煮魚乾、海鮮沙律、汁燒鯖魚每款主食都係平實而美味🤤 特別鍾意芝士腐皮卷中間有芝士流出 濃而不膩💕配以焙茶飯 焙茶飯會比較乾身 而且焙茶味唔濃 如果可以濕潤d口感會更好.京式鰻魚飯 ($98)鰻魚好多 而且淋上鰻魚汁 佐飯一流😙蛋絲略嫌太乾 不過呢個焙茶飯可能有汁嘅關係食落較濕潤較易入口👍🏿.主菜唔錯 對於一間專賣茶嘅日式店黎講 水準甚至比我想像中好😊食完主菜 甜品的胃正式啟動😆😆.秘製抹茶蕨餅 ($88)蕨餅有淡淡嘅抹茶香 淋上黑糖醬又唔會話太甜再沾上抹茶粉 有少少甘香 味覺上有多一層嘅享受💓.林屋抹茶芭菲 ($88)芭菲好巨型呀😍😍 有mochi有紅豆有抹茶啫喱😚抹茶雪糕好香濃 而且無冰感💓下面最底又有層抹茶啫喱 多重口感食極唔厭自己一個已經KO哂🤤…查看更多