Cucina Emilia

營業中

休息中

節日晌人哋度慶祝，朋友晌Emilia買咗原個裝嘅松露野菌薄餅。因為即叫即焗，佢話等咗差唔多二十分鐘左右就拎得，個盒比普通嘅長好多，哈。因為係外賣自取，加上天氣關係，拎到嚟已經凍咗少少。不過打開一刻仍然震撼，長形嘅特大薄餅就好似一個鍵盤咁，甚至比鍵盤仲要大，好得意。之後我哋就將個薄餅一分為八，薄餅上面鋪滿雜菌、黑松露、水牛芝士同番茄醬，無論係聞落抑或食落都充滿濃郁嘅黑松露味，番茄醬亦微酸清新，芝士量啱啱好，味道平衡。縱使薄餅係啱啱焗起熱辣辣咁入盒，拎到嚟後個盒都無俾水氣沾濕，薄餅亦無變得腍身。餅底筋度高，質感煙韌有彈性，薄餅中間嘅邊位仲有微脆口感。就算凍咗少少都算好食，如果即場趁熱食或者自己焗返熱佢應該仲惹味。

愛吃意大利薄餅。找不到分甘同味的人跟你一起上館子怎辦？幸好，可到一田超巿解決。 店內有多種款式可選。今午就看上了松露野菌。 由於薄餅已出爐了一會，師傅知道我要堂食，就把我選了的一塊返爐再烘。 我著師傅把薄餅切開兩片，好讓我可優雅進食。 薄餅烘得熱乎乎的，松露香味淡淡的，恰到好處。芝士混和著松露野菌，吃進咀裡，可拉出𢇁來。餅底不厚不薄，餅邊脆脆的，得我歡心。這絕對是一塊具水準的意大利薄餅