點一龍 (如心廣場一期)

營業中

休息中

經網上訂座中午來到如心廣場這店，也試一試食物的味道如何。店內環境寬敞，有卡座有圓檯，待應帶我們到另一面入口的座位，那邊有落地大玻璃窗，可望到街外景致和天空，透光度十足，仿似身處戶外之感，令人放鬆，接下來慢慢享用美食。脆網海皇腸粉，油光滑滑的兩條腸粉，每條一開四，粉枝內包裹著香脆的油炸皮，油炸皮內包含大大隻的蝦肉，一口啖之，軟脆爽，餡料飽滿，口感十分好。晶瑩海皇蝦餃，一籠三隻，漲實大隻，雖然不算晶瑩剔透，但餃皮厚度適中，咬開餃皮，露出一大團蝦肉，粒粒彈牙。梨子鹹水角，用梨的形狀造成鹹水角，外皮軟糯，內裏餡料豐富，肉碎、沙葛、冬菇與蝦米碎混在一起，口感脆而不韌。杞子鮮蝦燒賣，黃澄澄的燒賣皮包著團團蝦肉，面層鋪有蝦膠，用杞子作裝飾。整粒燒賣吃的都是蝦肉，每粒都彈牙鮮味。乾炒牛河，河粉帶油光，豉油上色均衡，味香。牛肉嫩滑，銀芽爽脆，整體賣相佳，雖然是多油的食物但卻不會令人吃得滿口油膩，只是上檯時不夠熱度，吃時感覺微溫。

近排疫情回落，身邊朋友都蠢蠢欲動。今晚唯有拾命陪君子食餐飯聚一聚。餐廳以點心做招牌，同時有各款小菜熱葷。種類花款都幾多，任君選擇。裝修走中國風，一睇就知格調以復古，傳統作賣點。避風塘糯米蟹。外型趣緻，入口酥脆糯米軟腍，雖然乾咗少少但惹味程度足夠彌補。豉汁帶子蒸豆腐。健康菜式不二之選，味道清淡但有豉汁加持，係眾多小菜中為味蕾得以放鬆。瑤柱鮮蝦菜苗餃。菜曲餃餡料豐富，餃皮食落爽口，配埋彈牙鮮蝦，值得再ENCORE。杞子鮮蝦燒賣。燒賣大大粒，蝦肉同豬肉比例啱啱好，當中嘅豬油香令食落更順喉。好食。翡翠石斑蒸餃。大大塊斑塊鋪面，一啖入口都夠晒滿足，魚肉嫰滑一啲都唔腥，北菇紅棗煲仔飯。份量十足夠晒每人一碗。絲苗米粒粒粒分明，吸收咗紅棗及雞汁之後惹味中帶香甜。雖然食完各款點心都接近7成飽，但絕對忍唔到口都要食佢，哈哈。原隻鮑魚雞粒酥。招牌之一嘅鮑魚酥，味道濃郁，雞粒餡料紮實。鮑魚入味鬆軟，好食。可愛小錦鯉。飯得甜點唔會太漏，桂花凍凍地嘅啫喱口感透心涼。燕窩蛋撻。招牌之二食落蛋撻皮鬆化，餡料香甜奶滑，上面鋪滿燕碎，未入口已經覺得滋補養顏。為今餐劃上完滿句號。 飯後大家都馬上戴返口罩，守好規矩，希望疫後

今日經荃灣覓食，見到新開的「點一龍」，大紅色的門面好有中式風格，好有氣勢。當日安排坐卡位，座位夠寛闊，坐得舒服，裝潢都富有中國色彩，樓底高好有空間感。我地點左幾款點心，非常精緻美味，仲特顯貴氣，仲有煲仔飯都係冬天必食。黑蟹子小籠包 $39小籠包皮薄餡滿，豬肉香與肉汁，令人回味，加了黑蟹子更添鮮味，而且有高貴感覺。龍蝦湯三皇餃 $55上菜已傳來陣陣香味，龍蝦湯鮮甜濃郁，帶有獨特香味，配皮薄味鮮的三皇餃，蝦肉超爽口，味道同龍蝦湯好夾。杞子鮮蝦燒賣 $39熱辣辣岩岩蒸好，比一般的燒賣更大粒，肉感十足的豬肉扎實爽口，蝦肉比例多，肉質爽脆，非常美味。原隻鮑魚雞粒酥 $55鮑魚彈牙又入味，有鮑魚香味，雞粒同醬汁味道濃重，配鮑魚同香口酥撻，真係齒頰留香。避風塘糯米蟹 $44點心造形好可愛，被賣相吸引而點的，炸饅頭的外層，內餡是糯米、豬肉、雞、蟹肉，不過份量較少，只係食到個餡好香，帶微甜，味道唔錯。脆網皮海皇腸粉 $59好特別的腸粉，有點似炸両，但更加脆口，因為腸粉內有脆網皮，包著鮮蝦，一次有齊幾種口感，滑溜腸粉、脆口網皮、爽彈蝦肉，口感層次豐富，沾醬油食，味道岩岩好。栗子雞煲仔飯 $98較少見的栗子