發記甜品

係旺角食完晚飯意猶未盡想食個甜品 經過見到呢間裝修幾新幾靚既甜品舖就入左去試下🍴呢到既選擇都幾多 睇到花多眼亂😛 揀左好耐最後都係決定食番朱古力心太軟😂 心太軟可以配一款生果 (芒果/士多啤梨/香蕉/荔枝) 同埋一球雪糕 等左15分鐘終於有得食 上碟既時候有個蓋蓋住個心太軟 打開個陣有d煙同陣陣煙燻既味道 心太軟既效果都唔錯 好多朱古力流出泥 外脆內軟 只係煙燻味太大我個人唔太鐘意🙊 整體泥講不過不失 不過價錢偏貴💰…查看更多

香港糖水開到成行成巿 我諗真係無乜地方係會咁最重要係香港人真係夜鬼黎 幾夜都會有人食緊野「發記」兩字應該對香港人黎講唔會陌生家傳戶曉既名字 由深并走出巿區 旺角銅鑼灣 通宵開業傳統既糖水食得多 其實發記又開左間新既創意糖水店12點幾食完個「晚」飯  同行友人話要食糖水....果然甜品係有另一個胃排隊人數未算多 人少唔洗等幾個 就可以入到去 舖內裝修感覺有格調 同平時食糖水燈火通明 開行個冷氣有啲唔同起碼坐得舒服 感覺溫暖 環境係幾適合傾計食糖水仲四圍望?! 叫甜品啦 其實呢間發記同平時既係唔同 因為佢走既係創新路線 食既並非係傳統中式或港式糖水朱古力心太軟 $56講到心太軟 真係四圍都係 但要搵好味既又唔係咁易一上枱 喂!!! 好得喎 呢個賣相真係食先 隔離枱都即時轉單食心太軟價錢合理 但有埋賣相 真心覺得唔錯!!玻璃罩底下既係煙冒包圍既主角 - 心太軟一切開即係溜出豐盈既朱古力漿出黎 配合埋雲呢拿雪糕 呢個配搭係永遠的朋友 永不分離焗芒果酥皮卷 $60焗香蕉就食得多 焗芒果又試過未?! 熱住既芒果雖然無香蕉咁有咬口 但因為芒果夠甜夠香更加令佢甜味濃縮左 更甜!!! 連帶住既香脆酥皮一齊食香口非常!!!!份量唔少 襯熱食先好味忌廉可以更多 令到口感可以再滑啲不過佢用上厚身既忌廉 感覺好實在 香甜味濃糖不甩 (六粒) $28睇個樣都知係入晒味顏色偏深黃色 薑味極濃郁 連埋糖水一齊煲 粒粒大小接近 有光澤而且入口極彈牙 加埋花生碎 相當有層次 唔覺唔覺話咁快就食晒西瓜汁 $29最後就飲返杯果汁黎淨化一下我既晚餐同甜品新鮮即拃既西瓜汁 冰涼鮮甜 即時爽晒!!! 而且呢杯野唔細真係幾抵飲 重點係可以幫助消化 容易入睡…查看更多