尚鮮海鮮料理

營業中

休息中

🤭為咗捉緊冬天嘅尾巴，吃貨嘉嘉同朋友去打邊爐🍲🍺沖繩生啤星期一買一送一，唔苦易入口小麥味比較重～ 🍲姬松茸冬瓜湯打邊爐除咗個爐，最重要梗係個湯！呢個湯又平又好飲、真材實料😋😋 打邊爐之前飲返碗暖下身一流！二人海鮮盛（標準）有大蝦、蠔、鯇魚片、墨魚片、沙白、蟶子各2，特別喜歡蟶子，爽口鮮甜特尚手切牛（中）肉味白濃、口感好滑🥹手切牛係唔同啲！ 唔會好油又好鞋！！！讚👍🏻鮮打四寶丸用料新鮮，唔錯👍🏻脆肉鯇片🐟特別鐘意脆脆嘅口感😚有機田園盛+烏冬食完真係飽到棒住個肚走🤣🤣

今日食左一間好高質既火鍋店😋好適合食得唔多/唔太好放題既人黎食, 食材取勝‼️✨火鍋雙拼(血池麻辣湯 + 姫松茸冬瓜湯)一邊既辣且麻、層次豐富, 我地嗌左少辣, 味道剛剛好, 刺激又醒胃🤪另一邊就清熱解暑、清涼鮮甜既感覺, 可以平衡番麻辣既感覺, 姫松茸好足料❗️✨炸魚皮魚皮超香脆而且係無腥味, 鬆脆可口, 係我個人必叫item😎39咋份量比我想像中多, 好抵食‼️✨鮮鵝腸份量算多, 幾新鮮爽脆, 鵝腸壁上帶有一層油脂，好味🤓✨有機田園盛正當我地係度讚d 粟米超香甜但有點點貴！賣單見到先知原來係有機😂 其他item有蘿蔔+蕃茄清脆多汁、味道香甜；仲有娃娃菜, 生菜, 油麥菜既葉都好靚仔, 無黑點無爛。全部蔬菜都水準以上😎✨四色丸尚盛總共有四款各兩粒, 金沙鮮牛丸, 牛味濃好軟腍；松露豬肉丸, 好特別超好食❗️；甜薯墨魚丸, 甜甜地又幾match；芥末籽蝦丸, 芥末味唔重但蝦粒好彈牙🥹 必叫item, 全部都高質🤤✨牛三併特尚手切牛, 肉味較重, 油花較少, 適合鐘意肉味濃既人, 值得一試；本地手切牛, 有相比下相對失色, 但都可以接受😎；雪花牛柳粒, 平時食開放題果d 牛柳粒好韌😂依個超腍❗️✨

是日於佐敦附近下班，便跟同事找到一間樓上火鍋一起用餐，可以慢慢促膝長談。餐廳醬油每位收取$30及加一服務費。值得一讚，侍應會主動換碟及加湯，服務也很禮貌。鍋底雙拼 - $165左邊是三高茶什菌湯，屬於素湯底。裡面果真有包茶包，愈泡愈濃郁不澀，茶湯清澈，入喉回甘，什菌更顯鮮味。右邊是血池麻辣湯，選擇少辣，辣椒愈泡愈辣，有點麻辣感，口感較為惹味。特尚手切牛 - $180牛肉片非常軟滑又夠肉汁，入口不黏牙有嚼勁。鮮打四寶丸 - $86分別是牛肉、豬肉、墨魚和蝦四款各兩粒，形狀不是特別大粒，但滾起來變得更大，而且入口鮮美彈牙，好爽口。大花甲 - $119花甲果真特別大粒，新鮮得開口吐舌，清洗得好乾淨，完全不帶沙，入口鮮甜可口。芝心獅子狗卷 - $44獅子狗卷薄薄的魚肉包裹著流質的芝士，好香口。芝士腸 - $44火鍋必點的脆皮芝士腸，咬開肉汁和油脂湧出。稻庭烏冬 - $27吸收湯汁精華，質感光滑而有彈性。有機田園盛 - $86健康的蔬果類正好平衡火鍋的油膩感及膳食健康，鮮甜的蕃茄、粟米和蘿蔔好入味，還有不少的生菜和娃娃菜。

朋友鐘意打邊爐同食刺身，於是黎到佐敦吳松街一帶尋找火鍋食店，揾到哩間位於1/F的專食火鍋專門店，店員遞上一本meau, 想食什麼便直接在meau內劃上便可以，火鍋的湯底我們選了鴛鴦鍋，一邊是姬松茸冬瓜湯底，另一邊是血池麻辣湯底，負責人很好，係覆單前先詢問左我們能否食得太辣，我說可否調較成小辣級？？ 大概過左十分鐘左右，湯底及魚生便送出，我和朋友睇到都已流哂口水了，魚生拼盤有鮑魚、帶子、生蝦、及章紅魚，每粒帶子下面都配有片檸檬，配埋一齊食，食落唔會腥之餘，酸酸咪咪仲好特別，鮑魚原隻切成一半上，咬落爽口唔會un，生蝦和章紅魚都非常新鮮美味。當我們吃得好開心時，一碟厚切午餐肉送上，他們切成一條條以井字形擺放，睇落巳知份量十足，我們估計應該有成兩罐份量，朋友食既時候仲話咬到好多火腿肉系當中，有別於出面普通的午餐肉，試左個血池麻辣湯底，入面真係好足料同埋真係唔算太辣，我和朋友都接受到，而每次撈起湯底內的食物時，都會見到好多豆瓣醬的東西在內，還有冒出的蒸氣都是充滿著濃濃的花椒味道，至於姬松茸冬瓜湯底果面都系好足料，好多姬松茸系個湯底內。跟住送出一碟牛頸脊和田園盛，牛頸脊的肉與油脂分佈均衡漂亮，睇

今年嘅冬天乍暖還寒，但係鍾意打邊爐嘅人係唔會分季節溫度，所以我同女朋友又再次出動打邊爐。今日嚟到佐敦呢一間尚鮮，食得悶悶地於是搞下新意思，就係搵個經理幫我”Omakase”，等佢介紹一啲撚手野比我地食。前菜先來個台灣黑椒腸，眾所週知台灣黑椒腸係幾咁出名，微辣的黑椒味配合肉腸嘅juicy，加上脆皮，食過佢既人一定會記得。鴛鴦湯底一邊麻辣，一邊雜菜清湯，麻辣梗係用嚟食豬皮豬紅，索晒啲麻湯分外惹味。當然炸響鈴都梗係趁麻辣食就最好啦。手切安格斯牛肥瘦適中，肉味濃郁，愛好食牛嘅我哋又點可以唔叫呢。有機田園聲嘅蔬菜都幾新鮮，尤其是係粟米， 十分鮮甜，再放埋喺雜菜湯嗰邊，更加顯得出佢嘅清甜。用稻庭烏冬做結尾，咁就食飽飽走人。

去完2星期日本，凍冰冰！好掛住港式打邊爐bk咗呢間bookmark咗好耐嘅邊爐店好彩有bk,雖然樓上舖,平日都好旺!湯底選擇都好多，嗜辣嘅我揀咗血池麻辣，再拼個鮮牛肝菌昆布湯，諗住碌下菜點知呢個牛肝菌湯好清甜，好驚喜碌完d菜都甜d!同埋入面d菇都好食四式刺身章紅魚份量多，魚肉鮮甜生蝦加咗泰汁酸辣汁同生蒜粒，蝦肉厚身，配埋個汁，絕配，好食過好多泰式餐廳！鮑魚用汁調過味，肉質軟彈,帶甜打邊爐一定要有嘅牛！叫咗prime特級牛勁脊，肉質爽滑，而且牛味濃郁！2個人最好就叫呢個四式丸，每款一人一粒好特別，佢每款丸入面都包咗d特別嘢食落有驚喜松露豬肉丸同其平時食到嘅黑松露墨魚丸唔同，入面真係有粒粒松露，好正！另外冇諗過紫薯同墨魚丸都夾，好得意同男友一路食一路估入面包咗d咩之後呢個百花釀油條簡直係令我驚豔新鮮熱辣辣炸起就咁食已經好正，好脆，唔油蝦滑足料彈牙係我食過整得最好味！絕對會因爲呢一道而再黎芝士獅子狗鍾意芝士嘅人不能錯過！見到流心嘅芝士真係好療癒呀再叫咗個有機蔬菜籃放落菇湯好正，蘿蔔好嫰好清甜，粟米都係！第二日要早起，冇叫到酒飲叫咗青檸梳打蜜同洛神花蜜解渴，食完辣鍋再飲一啖就啱曬值得一讚呢度嘅