Holam Bakery

營業中

休息中

很嚐甜的我一直很想試網店賣的蛋糕甜品，價錢不算昂貴之餘質素又有保證。這次為了慶祝母親生日，知道她也喜歡咖啡口味，我便短訊了店鋪小訂了一個 6 吋咖啡千層蛋糕 ($190)，。由觀塘站約步行 7 分鐘便到門市，雖然距離不遠，但是當天下午炎熱，有點擔心蛋糕在下班時段回家後變形。領取蛋糕時，店主說他們沒有任何咖啡千層蛋糕的存貨，相信是下單之後內部溝通有誤會，為此致歉。他指可以即時轉作當時其他有存貨的口味而不需另補差額。跟家人商量後，轉了曲奇流心千層蛋糕 ($200)。經過 1 小時的車程，一回家便將蛋糕貯藏，幸好其賣相仍然正常。蛋糕味道沒有想像中過甜，稱得上大眾化的口味。千層質感有但能做得再分明，班戟餅皮厚度平均和可以接受，若稍為乾身和薄一點則更佳。忌廉厚度剛好，混在忌廉裡的曲奇餅碎份量及粗幼度適中，不太甜膩還帶點奶香。流心餡料部分不算多和澎湃，倒是非常濃郁可口，連班戟一起吃時質感更豐富。雖然這次貨不對辦，但總算處理得宜，叫做物有所值，惟小店在百忙之中謹記要核對訂單。

今日去觀塘幫某公司影相，所以順便帶閨蜜嚟食蛋糕，之道一直有follow佢地IG，每日都有唔同味道，真係好吸引。因為收工先過去，所以打電話去hold起咗4件（拎返去同屋企人分享）。去到Holam bakery先喺凍櫃選擇蛋糕，然後拎入去堂食。我選擇咗特濃芝士千層，餅皮好簿，質地軟滑，有蛋香，芝士味濃。外帶買左阿華田流心、抹茶流心、曲奇流心同特濃芝士，4件 $150。因為出街出左5小時⋯返屋企變咗形（係我既問題）但唔影響味道，抹茶味道濃縮，帶微微回甘味，好有茶香。曲奇千層蛋糕，忌廉入口溶化，層層平均，甜度適中，係小朋友首選。下次再去試其他

首先佢哋嘅千層蛋糕份量都幾大件下，另外千層蛋糕果然有好香嘅香芋味，而且香芋味都幾突出。不過小編就覺得有少少微甜。再者佢哋口感方面亦都好符合小編心目中嘅標準，但係個人應為千層蛋糕嘅口感可以再豐富啲，不過以咁嘅價錢來講完全係合格有突。佢哋個班戟皮唔會話太乾身，食入口都仲食到有少少濕潤。另外佢呢個千層蛋糕嘅OREO味真係超級勁，但係個人應為就甜左少少。雖然佢中間個流心就唔係好流，但曲奇味好出。整體來講曲奇味濃而且仲食到有少少奶香味。小編終於搵到一個唔係喺面頭鋪抹茶粉嘅千層蛋糕啦！佢呢個面頭有一層薄薄嘅奶凍喺度，雖然太薄唔係好食得出有抹茶味同埋奶味，不過佢個外貌應該嵌稱得上現時市面最靚嘅抹茶千層蛋糕。而且個奶凍都幾滑身下，雖然說得有少少乾身。另外千層蛋糕只有淡淡既抺茶味，而且亦未至於話有回甘。不過最起碼佢唔係靠面頭既抹茶粉先有抹茶味出尼，而且佢呢個係連中間嘅忌廉都有微微嘅抹茶味。雖然數落好似只有15層左右，不過佢哋嘅千層蛋糕都幾大件下，小編晚餐食一件已經飽飽地。