發哥粥底海鮮火鍋

早排去睇吉卜力展，無意中發現的一間海鮮粥底火鍋，雖然話工廠區，但由德福戲院行過去5分鐘唔洗，我觀塘放工過去半粒鐘内到～方便過出尖咀旺角啦～我發覺工廠區食晚飯有個有處，就係啲人放工會流返去商場搵食，所以訂位或walk-in 都易好多！呢度原來茶記火鍋共冶一爐😋火鍋餐選擇：🐤雞煲$238/🦞龍蝦$278/🦀蟹$238/大胃王海鮮（原隻龍蝦+蟹）$428——————————————————————我揀左龍蝦餐，包括：熟食：涼菜、燉湯、焗青口海鮮：龍蝦、鮑魚、多寶魚、蝦、蚌、貝、蟶子火鍋料：安格斯牛肩肉+只選8款飲品任飲最後仲有樣佢無寫嘅，就係個粥嘞！店員會於後段加入芋頭、南瓜、粟米煮，最後最後先加白粥底！用粥水打邊爐～呢度係三人份量～食落就知佢真係好新鮮，龍蝦/海蝦啲肉係彈嘅！蟶子/蚌/蜆都好甜，無沙～落單後為你送上燉湯，好好好好飲！啖啖精華～有涼拌青瓜同花生小食～醬料自由配搭～上面嘅蒜蓉加咗啲醬，食落甜甜地，味道不錯唔試唔知，原來多寶魚打邊邊係咁好食，肉質嫩滑好不得了！鮑魚有兩個選擇，鮮鮑魚打邊爐/ 冰鎮鮑魚即食我揀咗冰鎮，食落去帶種甜味，原來係用清酒浸！咬落爽口彈牙！原來凍食係咁好食😍😍😍龍蝦先生原汁原味淥熟佢，什麼蒜蓉芝士都唔洗落，先能食出食材鮮味～啖啖肉新鮮彈牙！火鍋料有58款，新鮮～仲有啲係自家制嘅～好似蝦滑墨魚滑同雲吞～飲品任飲，無酒精飲品～終極大佬出場！煲緊嘅時候一個話飽，一個又話無咩興趣，但最後食到見底囉！因為所有海鮮精華都落晒去，真係無得輸總結：整體食物質素高，新鮮！份量適中！不浪費是美德～服務好，主動親切，有禮～食店最緊要係衛生！就算只得簡樸裝修，但乾淨整理已經足夠！價錢超值，無加一，只收每位茶介醬油$15！我食龍蝦海鮮餐，每人都係$293！我無諗過$300都唔洗囉！…查看更多

9月生日既我 緊係令盡優惠 發哥粥底海鮮火鍋 🎂由8，9月生日每5 位即可享一位免費，每位奉送開胃涼菜2小碟每位時令燉湯一盅每位2隻蒜蓉泰醬焗青口大家可選新鮮鮑魚/冰鎮鮑魚當日我屋企人加男朋友 岩岩好5個人去試試佢海蟹餐 一開枱 就手拍青瓜同黑木耳 各一碟味道普普通通 不過不失再試足料湯 係螺頭花膠湯好鮮湯！ 媽媽都話正👏🏻之後上海鮮拼盤 我地就揀左新鮮鮑魚海鮮全部都好出色 連條魚都係！係個新鮮牛肉就大失所望之後因該係5人餐 打邊路配料只可以係Menu 58款 揀5款！係5款！話10人先可以任叫！🤔😰但佢由頭到尾都冇講到 連宣傳都冇講係之後比張單叫同我地講 只可以揀5樣 會足5人份量好啦 咁之後點左 墨魚滑、蝦 滑、脆鯇骨腩、台灣腸、生菜都唔係5人份量咖！屋企人都岩岩好但男朋友係唔飽☹️粥底 (粥膽、南瓜粒、芋頭粒、粟米粒)，人頭份量飲品任飲 但冇酒牌關係 所以要自己買酒！價錢方面如下：海蟹餐星期一至四 $238星期五至日 $248當日係星期六 所以$248加一 $272.8/位生日每5送1Total $1901 我覺得唔係好低啦☹️☹️☹️…查看更多

岩岩去了九龍灣返工，早排放工想揾間餐廳同同事邊食邊傾，意外發現我們的對面有間粥底火鍋。餐廳有個海鮮套餐，$238就有個海蟹餐，份量岩曬兩個人食。個餐會包2個涼菜、燉湯及一份焗青口。涼菜係雞腳同拍青瓜。雞腳肉質彈牙，而且比我想像中辣好多，鍾意辣的朋友應該會幾鍾意。拍青瓜醃得幾入味，辣度亦適中。燉湯係排骨雞腳花膠湯，本身以為會無花膠，點知都比我揾到塊。個湯夠熱夠香，而且無咩味精味，同事都大讚哦。如果你同我一樣鍾意食蒜蓉的話，呢份蒜蓉泰醬焗青口，一定啱你心水。一份四隻的青口，蒜味及泰式酸甜醬味同青口好夾，加上新鮮焗起，熱辣辣都幾好食。海鮮餐會包一份新鮮或者冰鎮鮑魚，我同同事二口同聲揀左新鮮鮑魚！呢隻鮑魚真係好新鮮，唔只色澤靚外，仲會識「郁」架！除了鮑魚外，呢個海鮮拼盤非定係焦點之一！除了有海蟹外，仲有多寶魚、海蝦、貴妃蚌、蟶子皇及蜆。所有海鮮超級豐富，而且夠新鮮，唔係冰鮮貨。我的Best Pick當然係隻蟹啦！點解？佢有膏架！！煮熟後味道鮮甜，如果鍾意食蟹的話，一定要叫呢個餐。每個餐仲會包一份安格斯牛肩肉，牛肉的肥膏唔多，而且唔會冰到硬磞磞，入口牛肉味濃，我本人幾鍾意。一份西班牙豬腩片有五片，入口都幾滑，味道唔羶。自選配料中仲有好多唔同的食材可以揀，除了豬腩片外，仲有水魷添。食完咁多海鮮，職員幫我們加入粟米粒、南瓜落粥水內，再加入飯煲成粥。個粥吸入了海鮮的精華，變得好甜。本身用上粥水去打邊爐，比起平時的粥底火鍋的米味更香。個火鍋餐仲會包任飲汽水及竹蔗水。竹蔗水的甜度適中，簡直係食火鍋必備。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…查看更多