Coti the Bistro (企業廣場)

週末找家Cafe，將步伐放慢下來，是生活節奏急促香港人所需要的，星期六我就來位於九龍灣的Coti the Bistro寫意地度過一個下午。餐廳裝修風格時尚，氣氛悠閒，坐得寬敞舒適。星期六供應Brunch Menu，選擇不少。隨餐附送是日餐湯及蒜茸包。是日餐湯為羅宋湯，酸酸的蕃茄味，開胃極致。慢煮烤雞配霹靂葡汁、雜錦沙律 $118霹靂葡汁香料味突出，微辣惹味，配合雜錦沙律亦可中和肉食的油膩感。雞皮薄如蟬翼，烤雞燒得夠乾爽，尤其是雞脾位夠啖啖肉，沒有絲毫雪味。燒慢煮BBQ豬肋排 $128配菜有懷舊風的曲薯條，炸得金黃酥脆，肉心軟綿細密。豬肋骨不算太厚肉，但勝在肉質軟腍嫩滑，咬一口肉輕易便離骨，不會過韌。吃完brunch 後追加了兩份甜品，帶來滿足視覺及味覺的甜蜜享受。提拉米蘇窩夫 $88tiramisu質感細緻濕潤，入口即化，撒上苦香可可粉，咖啡香氣濃得化不開，可說是歷久彌新的經典美味。這裡窩夫原來是Croffle，即是 Croissant （牛角包）＋ Waffle （窩夫）的混合體，切開時鬆脆得發出清脆的「咔嚓」聲，牛油香氣濃盛。焦糖香蕉窩夫 $88完熟香蕉與表面焦糖各自的甜味互相平衡，使甜味昇華至另一層次。Croffle口感比傳統窩夫更酥脆鬆軟，保留牛角包一層層的酥軟分明層次。cafe除了有一系列的咖啡飲品外，還提供不少特式飲料。咖啡果皮茶配蜜糖 $52咖啡果皮茶其實是咖啡果實的果皮乾燥後形成的果殼，沖泡後色澤如蘋果汁般清澈透亮。果皮茶的味道與咖啡截然不同，取而代之的是淡淡的水果茶香，混合天然甘點的蜜糖份外清甜潤喉。抹茶鮮奶 $42入口綿柔，茶香比奶味更重，散發抹茶的微瀝回甘。…查看更多

週末放假約了家人去九龍灣宜家傢俬買野，就直接約埋喺九龍灣吃午餐，我地去九龍灣企業廣場特惠站拍八達通卡搭地鐵可以平兩蚊，發現旁邊有一間西餐廳貌似不錯，在門外看了一下餐牌覺得還可以於是就選了這間餐廳吃午餐我選了一份豪華週末早餐，有牛油果醬配酵母麵包、雞扒、煙三文魚、炒滑蛋、煙肉、蜜瓜，套餐配埋是日餐湯同埋蒜蓉包，每一樣食物都好好食，蜜瓜很細心的切了一粒粒，而且十分清甜另外我仲加配左一杯焦糖布甸咖啡，咖啡非常香濃，上面有燒過的焦糖，不用加糖甜到剛剛好…查看更多

隱世九龍灣咖啡室☕️有多款新穎咖啡選擇🤎今日介紹呢一間餐廳位於企業廣場，喺正MegaBox /零碳天地對面🌱地點都幾方便，不過就比較少人流，係一間隱世高質嘅Cafe🤎Dinner set Menu慢煮烤雞配霹靂葡汁配雜錦沙律 $108烤雞有半隻🐣，外皮燒得香脆，食落有肉汁，而且調味適中。霹靂葡萄汁帶少少酸辣味， 十分開胃🥰份量夠女仔食，如果男仔食嘅話就要加多少少嘢啦🤣燉煮牛肋骨飯$108 （小編推薦）牛肋骨炆得非常軟䭃入味，入口即化，有非常濃嘅牛味，係一個幾高質嘅牛肋骨😘而配菜冬菇亦都非常厚肉，人稱冬菇精嘅我感到十分滿意🧡🧡整體調味偏鹹，送飯就剛剛好😁是日餐湯晚餐會配上是日餐湯，羅宋湯質素正常，幾多菜🥬🥕手工巴斯克芝士蛋糕🍰 $28CP值幾高幾一個蛋糕，食落芝士味香濃，而且非常軟滑，唔會太甜，不過幾有飽腹感😊天然蜂巢咖啡🍯 $48造型非常壯觀，玩味十足嘅一個咖啡🤎會有打咗奶泡嘅鮮奶，濃縮咖啡☕️，天然蜂巢🍯比你自己倒落去😘 所以你可以根據個人口味調配。小編覺得咖啡比較甘苦，所以到咗¾杯就夠啦💕而蜂蜜可以中和到咖啡嘅苦味🤎玫瑰普洱冷泡茶$38幾特別嘅一個配搭，不過普洱茶比較苦，所以小編留咗少少上一杯咖啡嘅蜂蜜到落去呢杯茶度😂加埋就啱啱好啦🧡感覺幾清新，配埋蛋糕一齊食可以解到芝士嘅油膩感🧀環境方面，星期五夜晚嚟食人流唔算好多，餐廳裝修設計幾有氣氛，係一間有格調，舒適嘅咖啡室。總括而言，餐廳嘅咖啡質素幾高，而且有好多款特別嘅咖啡☕️小編都好想試，例如Tiramisu咖啡，檸檬有汽咖啡，焦糖燉蛋咖啡等等。呢間隱世咖啡室，食物質素幾好，環境幽靜所以都值得一試💕人均消費： $100至$200Coti the Bistro九龍灣常悅道9號企業廣場1期1樓4號舖#COTI #COFFEETIME #西式餐廳 #新蒲崗 #九龍灣 #咖啡 #必食之選)"…查看更多

💖熊妹好耐都冇去最愛嘅九龍灣喇，今日等埋懶懶熊放工之後就去九龍灣行吓街同埋食晚飯。📌行街前梗係醫吓肚先啦，食飽先有力行㗎嘛！返咗成日工嘅懶懶熊餓透了，熊妹就揀咗喺企業廣場一樓嘅一間西餐廳《Coti the Bistro》。📌晚上7:30嚟到，上班族都下班了，平日人來人往嘅廣場都變得冷清咗啲，餐廳人數都寥寥可數，仲好啦，冇乜人清靜啲，可以慢慢享受個晚餐。📌晚餐Menu📋有飯🍛、意粉🍝、西餐主食🥩、漢堡包🍔、全日早餐🍱等等，包是日餐湯同精選沙律🥗，但係就唔包飲品，價錢為$85至$188，價錢唔算太便宜。📌飲品方面有茶包茶、冷泡茶、沖調咖啡同埋特色沖調熱飲，大概$30、$40一杯，正常飲品價錢，不過無跟餐價，額外咁樣叫一杯就會顯得貴左啲。🔝蟹肉藜麥沙律沙律一碗份量都唔少，入面有新鮮沙律菜🥗、青蘋果片🍏、半粒蕃茄仔🍅、少許藜麥粒同埋蟹肉碎🦀，蟹肉碎同沙律菜撈埋一齊食鹹鹹哋又幾清新，沙律汁係黑醋汁幾開胃。:)是日餐湯，忌廉湯忌廉湯🍵質感幾濃郁，牛奶忌廉味都重但又唔算太鹹，入邊有啲粟米粒同麵包粒，食完沙律再飲湯，幾暖胃。原條鰻魚漢堡配蕃薯條，$98熊妹其實幾鍾意食鰻魚，又好鍾意食漢堡包，見到Menu有鰻魚漢堡，就當然係不二之選啦。原條鰻魚🐟份量都唔小，鰻魚汁好濃郁，係燒鰻魚嘅時候已經深入鰻魚入邊，令到鰻魚入邊都滲有鰻魚汁嘅味道，好夠味，肉質又彈牙又腍身，完全冇骨，就咁食第一啖好滋味，食多幾啖就連埋包皮一齊食再中和下味濃，麵包同鰻魚都幾夾，唔一定剩係夾飯黎食，唔怪得可以諗到鰻魚漢堡呢道菜啦。中間仲有啲黃椒絲、生菜片同蕃茄片，仲有啲碎蛋沙律，可以額外咁樣當沙律咁食。伴碟係蕃薯條，呢款蕃薯條比較脆口，冇乜蕃薯肉，不過蕃薯味都重嘅，熊妹就比較偏好有淋身蕃薯肉嘅蕃薯條，好似食緊蕃薯咁好好味。燉牛肋骨飯，$92懶懶熊返左成日工又餓又攰，飯桶嘅佢梗係要食返餐主食喇。燉牛肋骨都有三四大舊，牛肋骨🦴燉得幾淋身，牛味🐮都食得出，咬落啖啖肉又帶有有少少油脂肥膏，啱晒食肉獸嘅懶懶熊，骨入邊都入晒味，選骨就知道。醬汁咁濃味，撈飯食一流！配菜仲有懶懶熊好鍾意食嘅炆白蘿蔔同紅蘿蔔，炆到好淋，好入味，成碟飯都啱晒懶懶熊口味。📌整體就係一餐簡簡單單有湯有沙律有主菜嘅晚餐，味道餐廳環境都可以嘅，就係唔包飲品呢一點對食飯一定要飲嘢嘅懶懶熊黎講有點美中不足，唔知飲水算唔算呢？…查看更多